ព័ត៌មានក្នុងខេត្ត

នាព្រឹកថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ រដ្ឋបាលស្រុកភ្នំស្រួច បានរៀបចំកិច្ចប្រជុំសាមញ្ញលើកទី២៧ អាណត្តិទី៤ របស់ក្រុមប្រឹក្សាស្រុក ក្រោមអធិបតីភាពលោក ពេជ្រ ចន្ថា ប្រធានក្រុមប្រឹក្សាស្រុក និងមានការចូលរួមពីលោក អ៊ុំ សំអឿន អភិបាល នៃគណៈអភិបាលស្រុក ព្រមទាំងថ្នាក់ដឹកនាំ និងមន្ត្រីពាក់ព័ន្ធជាច្រើនរូប។

កំពង់ស្ពឺ÷ នៅថ្ងៃពុធ ទី២៦ ខែសីហា ឆ្នាំ២០២៦ រដ្ឋបាលខេត្តកំពង់ស្ពឺ រៀបចំកិច្ចប្រជុំបន្ទាន់ដើម្បីរៀបចំសណ្ដាប់ធ្នាប់សាធារណៈតាមបណ្ដោយផ្លូវជាតិលេខ៤៤ មុខរោងចក្រ ស៊ីគ្លូ ខេមបូឌា ឯ.ក ដែលស្ថិតនៅក្នុងភូមិបូរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺ ក្រោមអធិបតីភាពឯកឧត្តម តូច ប៉ូលីវ៉ា អភិបាលរង នៃគណៈអភិបាលខេត្ត ព្រមទាំងមានការចូលរួមពីមន្ទីរពាក់ព័ន្ធជុំវិញខេត្ត បុគ្គលិកផ្នែករដ្ឋបាលតាមបណ្ដាររោងចក្រនៅបណ្ដោយផ្លូវជាតិលេខ៤៤ សរុបសមាសភាពចូលរួមប្រមាណ ៣០ រូបផងដែរ។

នាព្រឹកថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ លោក ម៉ែន ពុំ ប្រធានក្រុមប្រឹក្សាស្រុកគងពិសី បានអញ្ជើញជាអធិបតីក្នុងកិច្ចប្រជុំសាមញ្ញលើកទី២៦ អាណត្តិទី៤ របស់ក្រុមប្រឹក្សាស្រុកគងពិសី។

នាព្រឹកថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ រដ្ឋបាលស្រុកភ្នំស្រួច បានរៀបចំកិច្ចប្រជុំគណៈបញ្ជាការឯកភាពរដ្ឋបាលស្រុក ប្រចាំឆមាសទី១ ឆ្នាំ២០២៦ ក្រោមអធិបតីភាព លោក អ៊ុំ សំអឿន អភិបាល នៃគណៈអភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុក។ កិច្ចប្រជុំនេះ មានការអញ្ជើញចូលរួមពី លោក លោកស្រី អភិបាលរងស្រុក លោកនាយក និងលោក លោកស្រីនាយករងរដ្ឋបាលស្រុក លោក លោកស្រីប្រធានការិយាល័យទាំង១៣ លោកមេបញ្ជាការ និងមេបញ្ជាការរងនៃកងកម្លាំងប្រដាប់អាវុធទាំង៣ ព្រមទាំងលោក លោកស្រីមេឃុំ នាយប៉ុស្តិ៍នគរបាលរដ្ឋបាលឃុំ និងស្មៀនឃុំទាំង១៣។

នារសៀលថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ លោក ចែមភឺនរីម វុទ្ធី អភិបាល នៃគណៈអភិបាលស្រុកថ្ពង បានអញ្ជើញដឹកនាំកិច្ចប្រជុំត្រួតពិនិត្យ និងពិភាក្សាលើការងារដោះស្រាយការកកស្ទះក្នុងដំណើរការចេញបណ្ណកម្មសិទ្ធិដីធ្លី ស្ថិតនៅឃុំប្រាំបីមុម ស្រុកថ្ពង ខេត្តកំពង់ស្ពឺ។

នាព្រឹកថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ លោក ទឹម ផានូ អភិបាល នៃគណៈអភិបាលក្រុងច្បារមន បានដឹកនាំកិច្ចប្រជុំពិភាក្សាលើយន្តការជំរុញ និងជម្រះបណ្ណកកស្ទះក្នុងដំណើរការចេញប័ណ្ណដីធ្លី នៅក្នុងភូមិសាស្ត្រក្រុងច្បារមន។

ខេត្តកំពង់ស្ពឺ៖ នាព្រឹកថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ លោក ទ្រី សុខា អភិបាលរង នៃគណៈអភិបាលស្រុកថ្ពង តំណាងដ៏ខ្ពង់ខ្ពស់លោក ចែមភឺនរីម វុទ្ធី អភិបាល នៃគណៈអភិបាលស្រុក បានអញ្ជើញដឹកនាំកិច្ចប្រជុំស្តីពីការពិនិត្យ និងវាយតម្លៃការអនុវត្តផែនការយុទ្ធសាស្ត្រគណនេយ្យភាពសង្គមប្រចាំឆមាសទី១ ឆ្នាំ២០២៦ របស់រដ្ឋបាលស្រុកថ្ពង។

៖ដោយអនុវត្តតាមបទបញ្ជារបស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ​​ នាព្រឹកថ្ងៃចន្ទ ១៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកក្កដា ឆ្នាំ២០២៦ លោកវរសេនីយ៍ឯក ភូ​ឌី​ សា​ឌី​ន មេបញ្ជាការរង បានអញ្ជើញដឹកនាំ នាយទាហាន នាយទាហានរង ចូលរួមគោរពទង់ជាតិ នៃព្រះរាជាណាចក្រកម្ពុជា​ និងនាំយកនូវបទបញ្ជារបស់ លោកឧត្តមសេនីយ៍ត្រី ម៉េ​ង​ ស្រ៊ុន​​​ មេបញ្ជាការ ដោយកោតសរសើរលើការងារអនុវត្តពេលកន្លងមកជាចំនុចខ្លាំង ដែលយើងសម្រេចបាន ព្រមទាំងពង្រឹងបន្ថែមមានដូចជា៖កម្លាំងទាំងអស់ត្រៀមនៅនឹងកន្លែង ២៤ម៉ោង លើ២៤ម៉ោង

កំពង់ស្ពឺ÷ នាថ្ងៃទី២៤ ខែកក្កដា ឆ្នាំ២០២៦ ឯកឧត្តម តូច ប៉ូលីវ៉ា អភិបាលរងខេត្តកំពង់ស្ពឺ បានដឹកនាំក្រុមការងារជំនាញ និងអាជ្ញាធរមូលដ្ឋាន ចុះពិនិត្យ និងប្រជុំដោះស្រាយករណីសិប្បកម្មផលិតមួកសុវត្ថិភាពមួយកន្លែង នៅភូមិរការធំ សង្កាត់រការធំ ក្រុងច្បារមន។

កំពង់ស្ពឺ÷ ថ្ងៃចន្ទ ១៤រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែកក្កដា ឆ្នាំ២០២៦ នៅសាលប្រជុំ យឹម សុខុម (ជាន់ទី១) អគាររដ្ឋបាលខេត្ត លោក ជេត ដុំ នាយករងរដ្ឋបាលសាលាខេត្ត និងជាប្រធានក្រុម ការងារចម្រុះថ្នាក់ខេត្ត បានអញ្ជើញដឹកនាំកិច្ចប្រជុំបូកសរុបលទ្ធផលបណ្តោះអាសន្ន នៃការចុះប្រមូលព័ត៌មាន អង្កេត សម្ភាសន៍ និងការវាស់វែងក្បាលដីចំនួន ៤ភូមិ រួមមាន៖ ភូមិថ្មី ភូមិបេង ភូមិចំបក់ដង្គំ និងភូមិក្រាំងចេក ឃុំ ចំបក់ ស្រុកភ្នំស្រួច ខេត្តកំពង់ស្ពឺ ដោយមានការអញ្ជើញចូលរួមពីតំណាងមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត មន្ទីរអធិការកិច្ចខេត្ត មន្ទីរកសិកម្ម រុក្ខាប្រមាញ់ និងនេសាទខេត្ត មន្ទីរបរិស្ថានខេត្ត អាជ្ញាធរស្រុកភ្នំស្រួច អាជ្ញាធរឃុំចំបក់ និងមេភូមិពាក់ព័ន្ធ។

កំពង់ស្ពឺ៖ ថ្ងៃទី០៩ ខែកក្កដា ឆ្នាំ២០២៦---ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលាសង្កាត់ រការធំ និងសង្កាត់សុព័រទេ ក្នុងក្រុងច្បារមន ខេត្តកំពង់ស្ពឺ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិឃុំ ឆ្នាំ២០២៦ ប្រព្រឹត្តទៅនៅសាលាសង្កាត់រការធំ ក្រោមអធិបតីភាព លោក អោម ចន ចៅសង្កាត់រការធំ និងជាប្រធានគណៈកម្មការលទ្ធកម្ម និងលោកចៅសង្កាត់សុព័រទេព និងវត្តមានអ្នកសង្កេតការថ្នាក់ខេត្ត/ស្រុក និងមន្ទីរពាក់ព័ន្ធ តំណាងក្រុមហ៊ុន និងអ្នកសារពត៌មានជាច្រើនរូបទៀត។

កំពង់ស្ពឺ៖ រដ្ឋបាលខេត្ត បានទទួលលិខិត ចុះថ្ងៃទី៤ ខែមិថុនា ឆ្នាំ២០២៦ របស់ឈ្មោះ |យូ អយ ស្នើសុំជួយសម្របសម្រួលដោះស្រាយ បញ្ចប់ទំនាស់ដីធ្លី ដែលនៅសេសសល់លើទំហំដីប្រហែល ១៧០ហិកតា ស្ថិតនៅភូមិចម្ការចេក និងទំហំដីប្រហែល ៤.៩ហិកតា ស្ថិតនៅភូមិស្រល់ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ។