ព័ត៌មានក្នុងខេត្ត

ទីក្រុងហូជីមិញ៖ ប្រតិភូ និងសិក្ខាកាមតំណាងឱ្យ ២៥ រាជធានី-ខេត្តនៃព្រះរាជាណាចក្រកម្ពុជា ចំនួន ២៥ រូប បានបំពេញបេសកកម្មផ្លាស់ប្ដូរបទពិសោធន៍ និងក្រសោបយកចំណេះដឹងផ្នែកព័ត៌មានវិទ្យា និងសារព័ត៌មានយ៉ាងសកម្ម នៅទីក្រុងហូជីមិញ សាធារណរដ្ឋសង្គមនិយមវៀតណាម។ ប្រតិភូនាំមុខក្នុងបេសកកម្មនេះ រួមមាន លោក សាន សុភា ប្រធាននាយកដ្ឋានសហប្រតិបត្តិការអន្តរជាតិ និងលោក នូ សត្យា មន្ត្រីនាយកដ្ឋានសហប្រតិបត្តិការអន្តរជាតិ ដោយមានការទទួលស្វាគមន៍ និងសម្របសម្រួលយ៉ាងស្និទ្ធស្នាលពីភាគីវៀតណាម នៃអាជ្ញាធរសារព័ត៌មាន (Authority of Press) ក្រោមក្រសួងវប្បធម៌ កីឡា និងទេសចរណ៍ រួមមាន Mrs. Duo'ng, Mrs. Trang និងអ្នកបកប្រែ Mr. Hai។ នៅក្នុងឱកាសនោះ សិក្ខាកាមកម្ពុជាក៏បានឈ្វេងយល់បន្ថែមអំពីបរិបទប្រទេសវៀតណាម ដែលបច្ចុប្បន្នមានរាជធានី-ខេត្តចំនួន ៣៤ (កាត់បន្ថយពី ៦៤) ខណៈទីក្រុងហូជីមិញមានប្រជាជនរស់នៅប្រមាណ ១៤ លាននាក់។

កំពង់ស្ពឺ៖ ថ្ងៃទី២៩ ខែកក្កដា ឆ្នាំ២០២៦--- លោកស្រី ម៉ែន ស៊ីនួន ប្រធានមន្ទីរព័ត៌មានខេត្តកំពង់ស្ពឺ បានដឹកនាំមន្ត្រីរាជការ ក្រុមការងារគេហទំព័រ និងក្រុមការងារព័ត៌មាន និងសាធារណមតិ នៃមន្ទីរព័ត៌មានខេត្តកំពង់ស្ពឺ ចូលរួមកិច្ចប្រជុំតាមប្រព័ន្ធ Zoom ដែលរៀបចំដោយក្រសួងព័ត៌មាន សហការជាមួយក្រសួងប្រៃសណីយ៍ និងទូរគមនាគមន៍ ក្រោមអធិបតីភាព ឯកឧត្តម ទេព អស្នារិទ្ធ រដ្ឋលេខាធិការ និងជាអ្នកនាំពាក្យក្រសួងព័ត៌មាន។

ខេត្តកំពង់ស្ពឺ៖ នារសៀលថ្ងៃចន្ទ ១៣ កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកក្កដា ឆ្នាំ២០២៦ ក្រុមការងាររាជរដ្ឋាភិបាលចុះមូលដ្ឋានឃុំដំណាក់រាំង បានរៀបចំពិធីជួបសំណេះសំណាល សួរសុខទុក្ខ និងនាំយកការផ្តាំផ្ញើសួរសុខទុក្ខពី ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ ជូនដល់ប្អូនៗសិស្សានុសិស្សត្រៀមប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំសិក្សា ២០២៥-២០២៦ ចំនួន ៤៩នាក់ ក្នុងឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ។

កំពង់ស្ពឺ៖ ថ្ងៃទី ២៧ ខែកក្កដាឆ្នាំ ២០២៦ រដ្ឋបាលខេត្តកំពង់ស្ពឺ នឹងរៀបចំកិច្ចប្រជុំពិភាក្សាស្តីពីការប្រកួត ពានរង្វាន់កីឡាបាល់ទាត់ក្រសួង មហាផ្ទៃ លើកទី៣ ឆ្នាំ២០២៦ ក្រោមសហអធិបតី ឯកឧត្តម តូច ប៉ូលីវ៉ា និង ឯកឧត្តម ងួន វាសនា អភិបាលរង នៃគណៈអភិបាលខេត្ត កងកម្លាំងទាំងបីនិងមន្ត្រីពាក់ព័ន្ធជុំវិញខេត្តកំពង់ស្ពឺជាច្រើនរូបទៀត។ គោលបំណងសំខាន់ៗនៃកិច្ចប្រជុំរួមមាន៖ -ការរៀបចំ និងសម្របសម្រួល៖ ពិភាក្សាលើផែនការសកម្មភាព បច្ចេកទេស និងការបែងចែកភារកិច្ចជូនដល់ស្ថាប័នពាក់ព័ន្ធ ដើម្បីធានាឱ្យការប្រកួតប្រព្រឹត្តទៅដោយរលូន និងមានសណ្តាប់ធ្នាប់ល្អ។ការបង្កើនមិត្តភាព និងសាមគ្គីភាព៖ លើកកម្ពស់ស្មារតីសាមគ្គីភាព ការសហការរវាងកងកម្លាំងប្រដាប់អាវុធ និងមន្ត្រីរាជការស៊ីវិលក្នុងខេត្ត តាមរយៈការលេងកីឡា។ -ការលើកស្ទួយវិស័យកីឡា ជំរុញចលនាកីឡាបាល់ទាត់ក្នុងខេត្តកំពង់ស្ពឺឱ្យកាន់តែមានសន្ទុះ និងសុខភាពល្អប្រសើរ។ -គណៈអធិបតីបានស្នើឱ្យគ្រប់ភាគីពាក់ព័ន្ធទាំងអស់ សហការគ្នាយ៉ាងជិតស្និទ្ធ ដើម្បីឱ្យព្រឹត្តិការណ៍នេះទទួលបានជោគជ័យ និងបង្កើតបរិយាកាសរីករាយជូនដល់មហាជនក្នុងខេត្តផងដែរ។

ទីក្រុងហូជីមិញ៖ វគ្គបណ្តុះបណ្តាលនេះមានសិក្ខាកាមចំនួន២៧នាក់មកពីព្រះរាជាណាចក្រកម្ពុជា ដែលជាមន្ត្រី និងអ្នកបម្រើការងារក្នុងវិស័យសារព័ត៌មានមកពីតាមមន្ទីររាជធានីខេត្តទាំង២៥ រាជធានីខេត្ត មានសិក្ខាកាមចំនួន ២៧ នាក់។ ពីវគ្គមនុស្សដែលនេះ ផ្តោតលើការពង្រឹងចំណេះដឹង និងជំនាញអនុវត្តជាក់ស្តែងក្នុងការប្រើប្រាស់បច្ចេកវិទ្យា ឌីជីថល (digital) ការផលិតមាតិកាសារព័ត៌មាន ការប្រើប្រាស់ឧបករណ៍ឆ្លាតវៃ និងការសម្របខ្លួនទៅ នឹងនិន្ននាការប្រព័ន្ធផ្សព្វផ្សាយទំនើប។

កំពង់ស្ពឺ÷ ថ្ងៃអាទិត្យ ១២កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែកក្កដា ឆ្នាំ២០២៦ លោក សាន សុភា ប្រធាននាយកដ្ឋានសហប្រតិបត្តិការអន្តរជាតិ និងជាប្រធានគណៈប្រតិភូដឹកនាំសិក្ខាកាមដកស្រង់បទពិសោធន៍ការងារនៅសាធារណរដ្ឋសង្គមនិយមវៀតណាម សរុបទាំងអស់ចំនួន ២៧ នាក់មកពីរាជធានីខេត្តទាំង ២៥នៃព្រះរាជាណាចក្រកម្ពុជា។

កំពង់ស្ពឺ÷ ថ្ងៃអាទិត្យ ១២កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែកក្កដា ឆ្នាំ២០២៦ លោកស្រី ម៉ែន ស៊ីនួន ប្រធានមន្ទីរ និងលោក អនុប្រធាន ទទួលបន្ទុក website បើកកិច្ចប្រជុំវឌ្ឍនភាពការងារប្រើប្រាស់ វេបសាយ សម្រាប់ខេត្តកំពង់ស្ពឺ ប្រចាំខែ និងលើកទិសដៅអនុវត្តបន្តសម្រាប់ខែក្រោយទៀតផងណា។

កំពង់ស្ពឺ៖ ថ្ងៃទី១៨ ខែកក្កដា ឆ្នាំ២០២៦---ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ បានអញ្ជើញនាំយកថវិកាដែលឧបត្ថម្ភដោយឯកឧត្តម ហ៊ុន ម៉ានី ប្រធានសហភាពសហព័ទ្ធយុវជនកម្ពុជា ជូនដល់លោកគ្រូអ្នកគ្រូ បង្រៀនស្ម័គ្រចិត្ត និងសំណេះសំណាលជាមួយសិស្សានុសិស្សថ្នាក់ទី១២ កំពុងរៀនវគ្គបំប៉នដើម្បីត្រៀមប្រឡងសញ្ញាបត្រមធ្យមសិក្សាទុតិយ្យភូមិចំនួន ១៣៩ នាក់ ស្រី៨៨នាក់ នៅវិទ្យាល័យកំពង់ស្ពឺ ដោយមានការអញ្ជើញចូលរួមពីសំណាក់នាកយក នាយករងរដ្ឋបាលខេត្ត អភិបាលក្រុង មន្ទីរអង្គភាពពាក់ព័ន្ធជាច្រើនរូបទៀត។

កំពង់ស្ពឺ៖ ថ្ងៃទី២០ ខែកក្កដា ឆ្នាំ២០២៦---ឯកឧត្តម ហ៊ុន ម៉ានី បានអញ្ជើញមកសំណេះសំណាល និងផ្តល់កម្លាំងចិត្តផ្ទាល់ដល់ប្អូនៗសិស្សានុសិស្ស ដែលកំពុងក្រេបជញ្ជក់ចំណេះដឹងក្នុងវគ្គបំប៉នថ្នាក់ទី១២ និងលោកគ្រូ អ្នកគ្រូស្ម័គ្រចិត្តវគ្គបំប៉នថ្នាក់ទី១២ នៅវិទ្យាល័យប៊ុន រ៉ានី ហ៊ុនសែន ចាន់ថ្នាល។

កំពង់ស្ពឺ៖ ថ្ងៃទី១៨ ខែកក្កដា ឆ្នាំ២០២៦---ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ បានអញ្ជើញនាំយកថវិកាដែលឧបត្ថម្ភដោយឯកឧត្តម ហ៊ុន ម៉ានី ប្រធានសហភាពសហព័ទ្ធយុវជនកម្ពុជា ជូនដល់លោកគ្រូអ្នកគ្រូ បង្រៀនស្ម័គ្រចិត្ត និងសំណេះសំណាលជាមួយសិស្សានុសិស្សថ្នាក់ទី១២ កំពុងរៀនវគ្គបំប៉នដើម្បីត្រៀមប្រឡងសញ្ញាបត្រមធ្យមសិក្សាទុតិយ្យភូមិចំនួន ១៣៩ នាក់ ស្រី៨៨នាក់ នៅវិទ្យាល័យកំពង់ស្ពឺ ដោយមានការអញ្ជើញចូលរួមពីសំណាក់នាកយក នាយករងរដ្ឋបាលខេត្ត អភិបាលក្រុង មន្ទីរអង្គភាពពាក់ព័ន្ធជាច្រើនរូបទៀត។

កំពង់ស្ពឺ÷ នៅព្រឹកថ្ងៃទី១៩ ខែកក្កដា ឆ្នាំ២០២៦ គណបក្សមូលដ្ឋានមន្ទីរការងារ និងបណ្តុះបណ្តាលវិជ្ជាជីវៈខេត្ត បានសហការជាមួយ គណៈកម្មាធិការគណបក្សស្រុកបរសេដ្ឋ និងឃុំកក់ បានជួបប្រជុំជាមួយជនបង្គោលកម្មករភូមិទាំង១៤ភូមិ ដោយមានការអញ្ជើញចូលរួមជាគណៈអធិបតីពីសំណាក់ លោក ចឹក បូរិន  ប្រធានមន្ទីរការងារ លោកស្រី កែវ ពិសី ប្រធានគណបក្សមូលដ្ឋានឃុំ កក់ ហ្នឹងមានការអញ្ជើញចូលរួមពីក្រុមការងារគណបក្សឃុំកក់ ប្រធានសាខាបក្សភូមិទាំង ១៤ភូមិ សរុបអ្នកចូលរួម ៨៤នាក់ ស្រី ៧៥នាក់   ជនបង្គោលសរុប ៦៧នាក់ ស្រី ៦៧នាក់ (អវត្តមាន ០៣នាក់)។

កំពង់ស្ពឺ÷ ថ្ងៃទី ១៨ ខែកក្កដាឆ្នាំ ២០២៦ ‎លោកជំទាវ ដាំ ដារីនី សមាជិកគណៈកម្មាធិការកណ្ដាលគណបក្សប្រជាជនកម្ពុជាអនុប្រធានទី ១ ក្រុមការងារចុះមូលដ្ឋានស្រុកបសេដ្ឋ អញ្ញើញសំណេះសំណាល និងនាំយកថវិកាលើកទឹកចិត្តដល់ប្អូនសិស្សានុសិស្សក្នុងវគ្គបំប៉នថ្នាក់ទី១២ របស់ឯកឧត្តមឧបនាយករដ្ឋមន្រ្តី ហ៊ុន ម៉ានី ជូនលោកគ្រូ អ្នកគ្រូបង្រៀនសិស្សានុសិស្សនៅវិទ្យាល័យស្លាបលែង និងវិទ្យាល័យភ្នំកក់ ស្រុកបរសេដ្ឋ ខេត្តកំពង់ស្ពឺ។