ព័ត៌មានក្នុងខេត្ត

កំពង់ស្ពឺ÷ ថ្ងៃចន្ទ​ ២រោច​ ខែភទ្របទ​ ឆ្នាំមមី​ អដ្ឋស័ក​ ព.ស.២៥៧០​ ត្រូវនឹងថ្ងៃទី២៨​ ខែកញ្ញា​ ឆ្នាំ២០២៦​ លោកវេជ្ជបណ្ឌិត ឡុង វិសិដ្ឋ ប្រធានមន្ទីរពេទ្យខេត្តកំពង់ស្ពឺ ថ្នាក់ដឹកនាំមន្ទីរពេទ្យ និងក្រុមការងារក្រុមហ៊ុនDynamic បានត្រួតពិនិត្យមើលទីតាំងបន្ទប់សម្រាប់ដាក់ម៉ាសុីន CT Scanមួយគ្រឿង និងម៉ាសុីន X-Ray fixed មួយគ្រឿង ដែលជាអំណោយដ៏ថ្លៃថ្លាពីក្រសួងសុខាភិបាល សម្រាប់ប្រើប្រាស់នៅដើមឆ្នាំ២០២៧ក្នុងមន្ទីរពេទ្យខេត្ត។

ផលិតដោយ៖មន្ទីរព័ត៌មានខេត្តកំពង់ស្ពឺ ‎__________________ Contact With មន្ទីរព័ត៌មានខេត្តកំពង់ស្ពឺ 📱 Facebook 📱Tik Tok 📱Youtube 📱Instagram 📱 X(Twitter) 📱Telegram

មណ្ឌលសុខភាពក្រាំងស្គុះ ស្ថិតនៅភូមិព្រៃបេង ឃុំស្គុះ ស្រុកសំរោងទង ខេត្តកំពង់ស្ពឺ ផលិតដោយ៖ មន្ទីរព័ត៍មានខេត្តកំពង់ស្ពឺ _________________________ Contact With មន្ទីរព័ត៌មានខេត្តកំពង់ស្ពឺ 📱 Website 📱 Facebook 📱Tik Tok 📱Youtube 📱Instagram 📱 X(Twitter) 📱Telegram

កំពង់ស្ពឺ÷ ថ្មីនេះនៅវិទ្យាល័យកំពង់ស្ពឺ ភូមិអង្គសេរី សង្កាត់រការធំ ក្រុងច្បារមន ខេត្តកំពង់ស្ពឺ ដោយមានការចង្អុលបង្ហាញដោយសមាណធម៌ ដ៏ប៉ិនប្រសព្វ ដោយផ្ទាល់ពី ឯកឧត្តម ឧបនាយករដ្ឋមន្ត្រី ហ៊ុន ម៉ានី ប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ឯកឧត្តម លេង ផាលី សមាជិកគណ:អចិន្ត្រៃយ៍គណ:កម្មាធិការកណ្ដាលសហភាពសហព័ន្ធយុវជនកម្ពុជា និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី .បានដឹកនាំក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន ៨៣៧នាក់ ស្រី ៣២៩នាក់ និងនាំយកអំណោយសម្ភារបរិក្ខាថ្នាំពេទ្យដ៏ថ្លៃថ្លារបស់ ឯកឧត្តម ឧបនាយករដ្ឋមន្ត្រី ហ៊ុន ម៉ានី ប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ដើម្បីចុះផ្សព្វផ្សាយអប់រំសុខភាព វគ្គសង្គ្រោះបឋម និងពិនិត្យព្យាបាលជំងឺ ចែកឱសថ ផ្តល់សេវា  និងទឹកសុទ្ធ ជូនប្រជាពលរដ្ឋដោយឥតគិតថ្លៃ បានចំនួន ១១ ៧០០នាក់(មួយម៉ឺនមួយពាន់ប្រាំពីររយនាក់) ស្រី ៨ ៨៩២នាក់ (លើសផែនការគ្រោងទុកចំនួន ៣ដង)។

កំពង់ស្ពឺ៖ នៅថ្ងៃទី២០ ខែកញ្ញា ឆ្នាំ២០២៦ ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានចុះយុទ្ធនាការមនុស្សធម៌ដ៏ធំមួយ ដើម្បីផ្សព្វផ្សាយអប់រំសុខភាព វគ្គសង្គ្រោះបឋម និងពិនិត្យព្យាបាលជំងឺជូនប្រជាពលរដ្ឋដោយឥតគិតថ្លៃ នៅឯវិទ្យាល័យកំពង់ស្ពឺ ក្រុងច្បារមន ខេត្តកំពង់ស្ពឺ។

ខេត្តកំពង់ស្ពឺ៖ នាថ្ងៃអាទិត្យ ទី២០ ខែកញ្ញា ឆ្នាំ២០២៦ ត្រូវនឹងថ្ងៃ ៩កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងជាប្រធានក្រុមការងារចុះមូលដ្ឋានក្រុងច្បារមន ជាតំណាងដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារចុះមូលដ្ឋានខេត្តកំពង់ស្ពឺ បានអញ្ជើញជាអធិបតីភាពដ៏ខ្ពង់ខ្ពស់ក្នុង «កម្មវិធីផ្សព្វផ្សាយអប់រំសុខភាព វគ្គសង្គ្រោះបឋម និងពិនិត្យព្យាបាលជំងឺផ្តល់សេវាជូនប្រជាពលរដ្ឋដោយឥតគិតថ្លៃ» ដោយក្រុមការងារគ្រូពេទ្យស្ម័គ្រចិត្តរបស់ ឯកឧត្តម ហ៊ុន ម៉ានី។

ខេត្តកំពង់ស្ពឺ៖ នាថ្ងៃអាទិត្យ ទី២០ ខែកញ្ញា ឆ្នាំ២០២៦ ត្រូវនឹងថ្ងៃ ៩កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ក្រុមគ្រូពេទ្យស្ម័គ្រចិត្តរបស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ បានចុះយុទ្ធនាការពិនិត្យ និងព្យាបាលសុខភាពជូនប្រជាពលរដ្ឋដោយឥតគិតថ្លៃ នៅទីតាំង វិទ្យាល័យកំពង់ស្ពឺ ស្ថិតក្នុងភូមិត្រពាំងលើក សង្កាត់រកាធំ ក្រុងច្បារមន ខេត្តកំពង់ស្ពឺ។

កំពង់ស្ពឺ៖ សុខភាពរបស់ប្រជាពលរដ្ឋ គឺជាកត្តាសំខាន់មួយសម្រាប់ការរស់នៅប្រកបដោយភាពរីកចម្រើន ខណៈការមានសេវាសុខាភិបាលនៅជិតសហគមន៍ បានជួយសម្រួលដល់ប្រជាពលរដ្ឋក្នុងការស្វែងរកការពិនិត្យ និងការថែទាំសុខភាពបានកាន់តែទាន់ពេលវេលា។ ក្នុងនោះ មណ្ឌលសុខភាពកក់ព្រះខែ ស្ថិតនៅភូមិត្រពាំងឈូក ឃុំកក់ ស្រុកបសេដ្ឋ ខេត្តកំពង់ស្ពឺ បាននិងកំពុងបំពេញតួនាទីក្នុងការបម្រើសេវាសុខាភិបាលជូនប្រជាពលរដ្ឋនៅក្នុងតំបន់។

មណ្ឌលសុខភាពរកាទេព ស្ថិតក្នុងភូមិអង្គសេរី សង្កាត់រកាធំ ក្រុងច្បារមន ខេត្តកំពង់ស្ពឺ បានដើរតួនាទីយ៉ាងសំខាន់ក្នុងការផ្តល់សេវាសុខាភិបាលជូនប្រជាពលរដ្ឋនៅតាមមូលដ្ឋាន ដោយផ្តោតលើការបម្រើសេវាឱ្យបានទាន់ពេលវេលា ងាយស្រួល និងឆ្លើយតបទៅនឹងតម្រូវការជាក់ស្តែងរបស់អ្នកមកទទួលសេវា។

កំពង់ស្ពឺ÷ នាព្រឹកថ្ងៃសៅរ៍ ទី០៥ ខែកញ្ញា ឆ្នាំ២០២៦ ក្រុមការងារចុះមូលដ្ឋានឃុំភក្ដី ស្រុកបសេដ្ឋ ដឹកនាំដោយ ឯកឧត្តមបណ្ឌិត វង្ស វ៉ាន់នី អនុប្រធានក្រុមការងារចុះមូលដ្ឋានឃុំភក្ដី និងក្រុមការងារគ្រូពេទ្យគណបក្សប្រជាជនកម្ពុជាឃុំភក្ដី តំណាង ឯកឧត្តម លី ចាន់សុភក្ដី ប្រធានក្រុមការងារចុះមូលដ្ឋានឃុំភក្ដី រួមជាមួយគណៈអចិន្ត្រៃយ៍គណបក្សឃុំ និងសាខាបក្សភូមិ (សរុបចំនួន ៩នាក់ ស្រី ២នាក់) បានចុះពិនិត្យព្យាបាលជំងឺ និងផ្តល់ថ្នាំពេទ្យដោយឥតគិតថ្លៃជូនប្រជាពលរដ្ឋចំនួន ២៨ខ្នងផ្ទះ សរុប ១១២នាក់ ក្នុងនោះស្រី ៧៨នាក់។

កំពង់ស្ពឺ៖ មណ្ឌលសុខភាពច្បារធំ ស្ថិតក្នុងសង្កាត់ច្បារមន ក្រុងច្បារមន ខេត្តកំពង់ស្ពឺ បាននិងកំពុងខិតខំពង្រឹងការផ្តល់សេវាសុខាភិបាលជូនប្រជាពលរដ្ឋនៅក្នុងមូលដ្ឋាន ដោយផ្តោតលើការផ្តល់សេវាប្រកបដោយគុណភាព ប្រសិទ្ធភាព សុវត្ថិភាព និងការយកចិត្តទុកដាក់ចំពោះអ្នកមកទទួលសេវា។

កំពង់ស្ពឺ÷ កិច្ចប្រជុំត្រៀមរៀបចំផែនការសន្តិសុខ សណ្តាប់ធ្នាប់ និងសុវត្ថិភាព នឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ។