ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានបន្តចុះបំពេញបេសកកម្មដ៏មានតម្លៃ
កំពង់ស្ពឺ÷ ព្រឹកថ្ងៃអាទិត្យ ទី៤ ខែតុលា ឆ្នាំ២០២៦ នៅក្នុងបរិវេណ វត្តធម៌ត្រ័យ ភូមិពាមរស់ ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានបន្តចុះបំពេញបេសកកម្មដ៏មានតម្លៃ ដោយបានបន្តអប់រំសុខភាព បង្ការជំងឺឆ្លង(គ្រុនឈាម) និងរបបគ្រប់គ្រងអាហារបង្ការជំងឺមិនឆ្លង ទឹកនោមផ្អែម លើសសម្ពាធឈាម ពិនិត្យពិគ្រោះសុខភាព និងចែកថ្នាំពេទ្យ ជាអំណោយដ៏ថ្លៃថ្លារបស់ឯកឧត្តមឧបនាយករដ្ឋមន្រ្តី ហ៊ុន ម៉ានី ប្រធានកិត្តិយសក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ជូនដល់បងប្អូនប្រជាពលរដ្ឋ លោកយាយ លោកតា ព្រះសង្ឃ ដោយឥតគិតថ្លៃ ក្នុងពិធីបិណ្ឌទី៨ វត្តធម៌ត្រ័យ មូលដ្ឋាននៃឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ។
