ព័ត៌មានក្នុងខេត្ត

កំពង់ស្ពឺ៖ នៅថ្ងៃសៅរ៍ ១៥កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៦ ខែកញ្ញា ឆ្នាំ២០២៦ ក្រុមការងារបានចុះសំណេះសំណាល សួរសុខទុក្ខ និងចែកជូនបណ្ណសមាជិកគណបក្សដល់បងប្អូនប្រជាពលរដ្ឋនៅភូមិអូរ ប្រកបដោយបរិយាកាសស្និទ្ធស្នាល និងភាពកក់ក្តៅ។

កំពង់ស្ពឺ៖ នៅព្រឹកថ្ងៃអាទិត្យ ទី២៧ ខែកញ្ញា ឆ្នាំ២០២៦ គណបក្សឃុំភ្នំតូច បានរៀបចំកម្មវិធីសំណេះសំណាលជាមួយបងប្អូនជនបង្គោលកម្មករ កម្មការនី ដើម្បីពង្រឹងកិច្ចសហការ ការយល់ដឹង និងជំរុញការគាំទ្រលើកកម្ពស់ជីវភាពក៏ដូចជាសុខុមាលភាពរបស់បងប្អូនកម្មករនិយោជិតនៅមូលដ្ឋាន។ កម្មវិធីដ៏មានអត្ថន័យនេះ ត្រូវបានប្រារព្ធឡើងក្នុងបរិយាកាសស្និទ្ធស្នាល រវាងថ្នាក់ដឹកនាំ និងបងប្អូនជនបង្គោលកម្មករ កម្មការនី ដោយបានឆ្លុះបញ្ចាំងពីការយកចិត្តទុកដាក់ខ្ពស់ពីសំណាក់គណបក្សចំពោះសុខទុក្ខ និងជីវភាពរស់នៅរបស់បងប្អូនប្រជាពលរដ្ឋ ជាពិសេសកម្លាំងពលកម្មផ្ទាល់ក្នុងវិស័យការងារ។

យុវជនគណបក្សប្រជាជនកម្ពុជាថ្នាក់កណ្តាល រៀបចំ «វេទិកាពង្រឹងសមត្ថភាពសកម្មជនគណបក្សលើបណ្តាញសង្គម» 🌐 https://www.facebook.com/share/p/1FUnPT37KM ដើម្បីទទួលបានព័ត៌មានជាប្រចាំពី CYCPP 🌐Facebook 🌐Telegram 🌐TikTok

1. ការងារសន្តិសុខ សណ្តាប់ធ្នាប់ និងសុខុមាលភាពសង្គម • គោលនយោបាយភូមិ-ឃុំ-សង្កាត់មានសុវត្ថិភាព៖ បន្តពង្រឹងការអនុវត្តឱ្យបានម៉ឺងម៉ាត់ ជាពិសេសក្នុងឱកាសបុណ្យកាន់បិណ្ឌ និងភ្ជុំបិណ្ឌ ដើម្បីរក្សាស្ថេរភាព និងសន្តិសុខជូនប្រជាពលរដ្ឋ។ • ទប់ស្កាត់ Online Scam ប្រឆាំងដាច់ខាត និងមិនឱ្យមានបទល្មើសឆបោកតាមប្រព័ន្ធបច្ចេកវិទ្យា (Online Scam) កើតឡើងក្នុងភូមិសាស្ត្រខេត្តកំពង់ស្ពឺ។ • ការឆ្លើយតបគ្រោះធម្មជាតិ ត្រៀមលក្ខណៈឱ្យបានរួចរាល់ក្នុងការជួយសង្គ្រោះជំនន់ទឹកភ្លៀង និងគ្រប់គ្រងប្រភពទឹកសម្រាប់ប្រើប្រាស់។

កំពង់ស្ពឺ÷ ថ្ងៃព្រហស្បតិ៍ ១៣កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែកញ្ញា ឆ្នាំ២០២៦ឯកឧត្តម ស្រ៊ុន ស្រ៊ន់ ប្រធានក្រុមការងារគណបក្សចុះមូលដ្ឋានឃុំមហាឫស្សី បានគោរពអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារគណបក្សប្រចាំខែកញ្ញា និងលើកទិសដៅការងារខែតុលា ឆ្នាំ២០២៦ និងប្រកាសសេចក្តីសម្រេចស្តីពីការចាត់តាំងបំពេញបន្ថែមសមាសភាពក្រុមការងារគណបក្សចុះមូលដ្ឋានឃុំ ដែលមានការចូលរួមពីអនុប្រធាន សមាជិកក្រុមការងារគណបក្សចុះមូលដ្ឋានឃុំ ប្រធានគណបក្សឃុំ លោក លោកស្រី សមាជិកអចិន្ត្រៃយ៍បក្សឃុំ ប្រធាន អនុប្រធាន សមាជិកសាខាបក្សភូមិ និងយុវជនគណបក្សឃុំ សរុបចំនួន ៤៦នាក់ នៅស្នាក់ការគណបក្សឃុំមហាឫស្សី ស្រុកគងពិសី ខេត្តកំពង់ស្ពឺ។

ខេត្តកំពង់ស្ពឺ៖ នារសៀលថ្ងៃអាទិត្យ ទី២០ ខែកញ្ញា ឆ្នាំ២០២៦ លោក ងួន វាសនា អភិបាលរងនៃគណៈអភិបាលខេត្តកំពង់ស្ពឺ បានអញ្ជើញជាអធិបតីភាពក្នុងកម្មវិធីសំណេះសំណាល និងចែកប័ណ្ណកម្មសិទ្ធិប្រើប្រាស់ដីធ្លី ជូនបងប្អូនប្រជាពលរដ្ឋក្នុងស្រុកថ្ពង។

ក្នុងស្រុកគងពិសី ខេត្តកំពង់ស្ពឺ៖ សេចក្តីសង្ខេបសកម្មភាពការងារចុះមូលដ្ឋាន ស្រុកគងពិសី ថ្ងៃអាទិត្យ ៩កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែកញ្ញា ឆ្នាំ២០២៦ * កិច្ចប្រជុំសំណេះសំណាលថ្នាក់ស្រុក និងភូមិ៖ * អធិបតីភាព៖ ឯកឧត្តម អៀង ម៉ូលី (តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី) បានអញ្ជើញសំណេះសំណាលជាមួយមន្ត្រីគណបក្សស្រុកគងពិសី និងចុះជួបក្រុមការងារចុះមូលដ្ឋានភូមិចំនួន ២កន្លែង (ភូមិត្រពាំងមាន ឃុំស្នំក្រពើ និងភូមិក្របីត្រាំ ឃុំជង្រុក)។

ខេត្តកំពង់ស្ពឺ៖ នាថ្ងៃអាទិត្យ ៩កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២០ ខែកញ្ញា ឆ្នាំ២០២៦ នៅស្នាក់ការគណបក្សឃុំរស្មីសាមគ្គី បានរៀបចំពិធីអបអរសាទរពិធីបញ្ចូលសមាជិកគណបក្សប្រជាជនកម្ពុជាជាសមាជិកថ្មីបន្ថែមចំនួន ៣០៤នាក់ (ស្រី ១៦២នាក់) ស្ថិតក្នុងឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ។

ខេត្តកំពង់ស្ពឺ៖ នាព្រឹកថ្ងៃអាទិត្យ ទី២០ ខែកញ្ញា ឆ្នាំ២០២៦ នៅស្នាក់ការគណបក្សឃុំវាលពន់ បានប្រារព្ធកិច្ចប្រជុំពិធីប្រកាសសេចក្តីសម្រេច ស្តីពីការកែសម្រួល បំពេញបន្ថែម និងតែងតាំងសមាសភាពយុវជនគណបក្សប្រជាជនកម្ពុជាឃុំវាលពន់ ស្រុកថ្ពង ខេត្តកំពង់ស្ពឺ។

ខេត្តកំពង់ស្ពឺ៖ នាថ្ងៃរសៀល ថ្ងៃអាទិត្យ ៩កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែកញ្ញា ឆ្នាំ២០២៦ នៅស្នាក់ការគណបក្សប្រជាជនកម្ពុជាឃុំរលាំងចក ស្រុកសំរោងទង ខេត្តកំពង់ស្ពឺ បានរៀបចំកិច្ចប្រជុំផ្សព្វផ្សាយផែនការសេចក្តីសម្រេច ស្តីពីផែនការឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៦។

ខេត្តកំពង់ស្ពឺ៖ នាព្រឹកថ្ងៃអាទិត្យ ៩កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែកញ្ញា ឆ្នាំ២០២៦ នៅស្នាក់ការគណបក្សឃុំជើងរាស់ បានរៀបចំកិច្ចប្រជុំសំណេះសំណាល និងបណ្ដុះបណ្ដាលច្បាប់ស្តីពីការងារ ជូនដល់ជនបង្គោលកម្មករភូមិមកពី ១៦ភូមិ ក្នុងឃុំជើងរាស់ ស្រុកសាមគ្គីមុនីជ័យ ខេត្តកំពង់ស្ពឺ។

កំពង់ស្ពឺ÷ នៅព្រឹកថ្ងៃសៅរ៍ ៨កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែកញ្ញា ឆ្នាំ២០២៦ ក្រុមការងារចុះមូលដ្ឋានឃុំដំណាក់រាំង បានរៀបចំពិធីជួបសំណេះសំណាល សួរសុខទុក្ខ និងស្តាប់ពីសុខទុក្ខរបស់គ្រួសារកងទ័ពដែលរស់នៅក្នុងឃុំដំណាក់រាំង ចំនួន ៣៥គ្រួសារ នៅវត្តបញ្ញាមហាព្រហ្ម ស្ថិតនៅភូមិដំណាក់រាំង ឃុំដំណាក់រាំង ស្រុកសាមគ្គីមុនីជ័យ ដែលប្រព្រឹត្តទៅក្រោមអធិបតីភាពឯកឧត្តម បណ្ឌិត អ៊ុក កោសា ទីប្រឹក្សាសម្តេចអគ្គមហាសេនាបតីតេជោ ហ៊ុន សែន និងជាប្រធានក្រុមការងារចុះមូលដ្ឋានស្រុកសាមគ្គីមុនីជ័យ និង ព្រះគ្រូវរណញ្ញាណ អ៊ុំ ផេង ព្រះអនុគណស្រុកសាមគ្គីមុនីជ័យ ព្រមទាំងមានការចូលរួមពីក្រុមការងារ អាជ្ញាធរមូលដ្ឋាន និងក្រុមគ្រួសារកងទ័ពជាច្រើនកុះករ។