ថ្ងៃចន្ទ​ ១៥កើត​ ខែអស្សុជ ឆ្នាំមមី​ អដ្ឋ​ស័ក​ ព.ស.២៥៧០​ ត្រូវនឹងថ្ងៃទី២៦ខែតុលាឆ្នាំ២០២៦​ ម៉ោង​ ៩:៣០នាទីព្រឹក ផ្នែកជំងឺធ្ងន់បានបេីកកិច្ចប្រជុំប្រចាំខែ​ ដែលដឹកនាំ ផ្នែកជំងឺធ្ងន់បានបេីកកិច្ចប្រជុំប្រចាំខែ​ ដែលដឹកនាំដោយលោកវេជ្ជបណ្ឌិត សាំង ស្រេង ប្រធានផ្នែកជំងឺធ្ងន់​ នៃមន្ទីរពេទ្យខេត្ត​ ដែលមានរបៀបវីរ:ដូចខាងក្រោម៖ ១.វិន័យ ២.ការបង្ការ និងគ្រប់គ្រងការឆ្លងមេរោគ (IPC) ៣.លើកកម្ពស់គុណភាពសេវា និងពង្រឹងការបញ្ជូន ៤.បញ្ហាផ្សេងៗ នឹងមតិយោបល់

កំពង់ស្ពឺ÷ នាព្រឹកថ្ងៃទី២៤ ខែតុលា ឆ្នាំ២០២៦ នាងខ្ញុំ ក្នុងនាមក្រុមការងាររាជរដ្ឋាភិបាលចុះមូលដ្ឋាលស្រុកបសេដ្ឋបានចូលរួមក្នុងកម្មវិធី « ពិនិត្យព្យាបាលភ្នែក និងផ្តល់វ៉ែនតាដោយឥតគិតថ្លៃ » ជូនដល់ថ្នាក់ដឹកនាំមូលដ្ឋាន មន្រ្តីរាជការ គ្រូបង្រៀន ក្រុមប្រឹក្សាស្រុក-ឃុំ និងកងកម្លាំង ដែលកំពុងបម្រើការងារនៅស្រុកបសេដ្ឋ សរុបប្រមាណជាង ១០០០នាក់ក្រោមអធិបតី៎ភាពដ៏ខ្ពង់ខ្ពស់ ឯកឧត្តមឧបនាយករដ្ឋមន្រ្តី ហ៊ុន ម៉ានី និងលោកជំទាវ ឆាយ ថងឌី ។

ថ្ងៃសុក្រ ១២កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៣ ខែតុលា ឆ្នាំ២០២៦ លោកវេជ្ជបណ្ឌិត ឡុង វិសិដ្ឋ ប្រធានមន្ទីរពេទ្យខេត្ត និងថ្នាក់ដឹកនាំ បានទទួលរាក់ទាក់ជួបសំណេះសំណាល និងថ្លែងអរគុណយ៉ាងជ្រាលជ្រៅ ចំពោះធនាគារអេសុីលីដា ភីអិលសុី និងបុគ្គលិកធនាគារទាំងអស់ដែលបាន ចូលរួមបរិច្ចាគឈាមគឺជាធ្វើអំពើមនុស្សធម៌ដើម្បីសង្គ្រោះជីវិតមនុស្ស និងជាកាដូនៃក្តីស្រឡាញ់ហូរចេញពីបេះដូងយ៉ាងពិតប្រាកដ ជូនចំពោះជនរួមជាតិខ្មែរទាំងអស់ ជាពិសេសបានជួយអ្នកជំងឺដែលត្រូវការឈាមបន្ទាន់ៗនៅមន្ទីរពេទ្យខេត្តកំពង់ស្ពឺ។

កំពង់ស្ពឺ÷ ថ្ងៃសុក្រ ៥កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែតុលា ឆ្នាំ២០២៦ ឯកឧត្តមសាស្រ្តាចារ្យ ថុង សុខហ៊ាន រដ្ឋលេខាធិការក្រសួងសុខាភិបាល និងសហការី បានអញ្ជើញចុះពង្រឹងគុណភាពសេវាមន្ទីរពេទ្យបង្អែកខេត្ត និងតាមផែនការចុះអភិបាលគាំទ្រមន្ទីរពេទ្យបង្អែកខេត្ត។ ឆ្លៀតក្នុងឱកាសនោះឯកឧត្តមសាស្រ្តាចារ្យ បានចូលរួមប្រជុំរបាយការណ៍ពេលព្រឹកជាមួយលោកវេជ្ជបណ្ឌិត​ ឡុង​ វិសិដ្ឋ​ ប្រធានមន្ទីរពេទ្យខេត្ត​ ថ្នាក់ដឹកនាំមន្ទីរពេទ្យ លោក​ លោកស្រីជាវេជ្ជបណ្ឌិត និងមន្រ្តីបុគ្គលិកនៃមន្ទីរពេទ្យ ជាពិសេសឯកឧត្តមសាស្ត្រាចារ្យបានផ្តល់អនុសាសន៍ជាច្រើនដើម្បីពង្រឹងបច្ចេកទេសឱ្យកាន់តែល្អប្រសើរឡើង។ ក្រោយពីប្រជុំរួច ឯកឧត្តមសាស្រ្តាចារ្យ ក៏បន្តចុះត្រួតពិនិត្យបច្ចេកទេសនៃការព្យាបាលរបស់គ្រូពេទ្យ តាមផ្នែកនិមួយៗផងដែរ។

កំពង់ស្ពឺ÷ នៅព្រឹកថ្ងៃទី១៣ ខែតុលា ឆ្នាំ២០២៦ ជំនន់ទឹកភ្លៀងបានបង្កឱ្យមានការលិចលង់ក្នុងបរិវេណមន្ទីរពេទ្យបង្អែកឧដុង្គ។ ទទួលបានព័ត៌មាននេះភ្លាម ថ្នាក់ដឹកនាំមន្ទីរ ព្រមទាំងថ្នាក់ដឹកនាំមន្ទីរពេទ្យបង្អែកនិងក្រុមគ្រូពេទ្យ បានចុះអន្តរាគមន៍ជម្លៀសអ្នកជំងឺដែលកំពុងសម្រាកព្យាបាល ព្រមទាំងរៀបចំទុកដាក់ឧបករណ៍ បរិក្ខារពេទ្យ និងឱសថទៅកាន់ទីតាំងប្រកបដោយសុវត្ថិភាពបានទាន់ពេលវេលា ដោយមិនបណ្តាលឱ្យមានការខូចខាតសម្ភារ ឬប៉ះពាល់ដល់ដំណើរការផ្តល់សេវាជូនប្រជាពលរដ្ឋឡើយ។

កំពង់ស្ពឺ÷ ថ្ងៃអង្គារ ២កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែតុលា ឆ្នាំ២០២៦ ឯកឧត្តម កៅ សុវណ្ណារិទ្ធ អភិបាលរង នៃគណៈអភិបាលខេត្ត តំណាងដ៏ខ្ពង់ខ្ពស់របស់ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ បានអញ្ជេីញចូលរួមជាអធិបតីភាព ក្នុងកម្មពិធីប្រគល់-ទទួលកៅអីធ្មេញទំនើបចំនួន២គ្រឿង ពីមជ្ឈមណ្ឌលត្រួតពិនិត្យ និងបង្ការជំងឺឆ្លងហៃណាន ខេត្តហៃណាន់ សាធារណរដ្ឋប្រជាមានិតចិន តាមរយៈសម្ព័ន្ធគ្រូពេទ្យសហភាពសហព័ន្ធយុវជនកម្ពុជា (ស.គ.ស.ស.យ.ក)។