ព័ត៌មានក្នុងខេត្ត

កំពង់ស្ពឺ÷ ការងារសង្គម និងសន្តិសុខ៖ -គាំទ្រជួរមុខ បន្តជួយឧបត្ថម្ភគ្រួសារយុទ្ធជនជួរមុខ ពលី ជនភៀសសឹក និងវីរយុទ្ធជន តាមមតិដឹកនាំរបស់ ឯកឧត្តម ហ៊ុន ម៉ានី។ -ការពារបូរណភាពទឹកដី តាមដានសភាពការណ៍ព្រំដែន (ករណីប្រទេសថៃ) ជឿជាក់លើការដឹកនាំរបស់បក្ស/រាជរដ្ឋាភិបាល និងប្រុងប្រយ័ត្នចំពោះព័ត៌មានក្លែងក្លាយ។ -សន្តិសុខ និងបទល្មើស ពង្រឹងគោលនយោបាយភូមិ-ឃុំមានសុវត្ថិភាព និងទប់ស្កាត់បទល្មើសឆបោកតាមប្រព័ន្ធបច្ចេកវិទ្យា (Online Scam) មិនឱ្យកើតមានក្នុងខេត្ត។ -អាកាសធាតុ ត្រៀមអន្តរាគមន៍បូមទឹក និងគ្រប់គ្រងប្រភពទឹក ដើម្បីឆ្លើយតបនឹងគ្រោះរាំងស្ងួត (អ៊ែលនីញ៉ូ) ប៉ះពាល់ដល់ស្រូវវស្សា។

កំពង់ស្ពឺ÷ ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី២៨ ខែសីហា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី២៩ ខែសីហា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ៤.៥៤ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។ ពណ៌ខៀវ៖គុណភាពខ្យល់ល្អណាស់មាន ខេត្តបន្ទាយមានជ័យ ខេត្តបាត់ដំបង ខេត្តកណ្តាល ខេត្តព្រៃវែង រាជធានីភ្នំពេញ ​ខេត្តរតនគិរី ខេត្តសៀមរាប ខេត្តកោះកុង ខេត្តកំពង់ស្ពឺ ខេត្តកែប ខេត្តព្រះវិហារ ខេត្តកំពង់ធំ​ ខេត្តកំពត ខេត្តមណ្ឌលគីរី ខេត្តក្រចេះ ខេត្តព្រះសីហនុ ខេត្តកំពង់ឆ្នាំង ខេត្តពោធិ៍សាត់ ខេត្តប៉ៃលិន ខេត្តស្វាយរៀង និង ខេត្តស្ទឹងត្រែង។

កំពង់ស្ពឺ÷ នៅព្រឹកថ្ងៃទី២៩ ខែសីហា ឆ្នាំ២០២៦ * បើកទ្វារទឹកទំនប់តាសាល មួយ ទ្វារ កម្ពស់ ០,២០ ម៉ែត្រ *១~ស្ថានភាពទូទៅ៖*   -រលាំងជ្រៃថ្ងៃនេះ ៦,៩០ ម/ថ្ងៃម្សិលមិញ ៦,៨៧ ម (+០,០៣ ម) ខាងក្រោម កម្រិតកម្ពស់ធម្មតាសន្ទះ​ទ្វារទឹកផ្នែកខាងលើ=-០,១០ ម - ពាមឃ្លៃថ្ងៃនេះ=២,៧២ ម / ថ្ងៃម្សិលមិញ=២,៦២ ម  (+០,១០ ម ) -តាសាល ថ្ងៃនេះ=១៥,៥៥ ម /ថ្ងៃម្សិលមិញ=១៥,៤៥ ម (+០,១០ ម ) ខាងក្រោម កម្រិតកម្ពស់ខ្នងលើទំនប់បង្ហៀរ=-៣,៤៥ ម ៣~សីតុណ្ហភាព៖ (តាមស្ថានីយ៍មិនស្វយ័ប្រវត្តិ) -ថ្ងៃនេះ Max=៣៥,០°c / Min =២៧,០°c ថ្ងៃម្សិលមិញMax=៣៥,០°c /Min=២៧.០°c (ប្រភពមន្ទីរធនធានទឹកនិងឧតុនិយមខេត្តកំពង់ស្ពឺ) ដោយសេចក្តីគោរពដ៏ខ្ពង់ខ្ពស់។ ញ៉ាញ់ ជាបហ៊ង

កំពង់ស្ពឺ៖ នារសៀលថ្ងៃទី២៧ ខែសីហា ឆ្នាំ២០២៦ ឯកឧត្តមបណ្ឌិត ជាម ច័ន្ទសោភ័ណ សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សប្រជាជនកម្ពុជាខេត្តកំពង់ស្ពឺ បានអញ្ជើញជាអធិបតីដឹកនាំកិច្ចប្រជុំឆ្លងរបាយការណ៍បូកសរុបលទ្ធផលការងារប្រចាំខែសីហា និងកំណត់ទិសដៅការងារបន្តសម្រាប់ខែកញ្ញា ឆ្នាំ២០២៦ (ផ្អែកលើប្រតិទិនការងារបន្ទាប់)។

កំពង់ស្ពឺ÷ ថ្ងៃទី២៨ ខែសីហា ឆ្នាំ២០២៦ ទីចាត់ការផែនការ និងវិនិយោគខេត្ត សហការជាមួយរដ្ឋបាលឃុំក្រាំងអំពិល ស្រុកសំរោងទង ខេត្តកំពង់ស្ពឺ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិឃុំ ឆ្នាំ២០២៦ នៅសាលាឃុំក្រាំងអំពិល ក្រោមវត្តមាន លោក មុី ខេត មេឃុំក្រាំងអំពិល និងជាប្រធានគណៈកម្មការលទ្ធកម្ម ព្រមទាំងមានការចូលរួមពីតំណាងថ្នាក់ខេត្ត-ស្រុក មន្ទីរពាក់ព័ន្ធ តំណាងក្រុមហ៊ុនដេញថ្លៃ និងអ្នកសារព័ត៌មានយ៉ាងច្រើនកុះករ។

កំពង់ស្ពឺ÷ ថ្ងៃទី២៨ ខែសីហា ឆ្នាំ២០២៦ ឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានអញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី តាមរយៈប្រព័ន្ធបច្ចេកវិទ្យា Zoom ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី២៨ ខែសីហា ឆ្នាំ២០២៦ នៅវិមានសន្តិភាព រាជធានីភ្នំពេញ។

កំពង់ស្ពឺ៖លោកឧត្តមសេនីយ៍ត្រី ម៉េង​ ស្រ៊ុន​ មេបញ្ជាការ កងរាជអាវុធហត្ថខេត្តកំពង់ស្ពឺ​​​​ នាព្រឹកថ្ងៃសុក្រ ទី២៨ សីហា ២០២៦នេះ បានអញ្ជើញចូលរួមក្នុងកិច្ចប្រជុំពេញអង្គគណៈរដ្ឋមន្រ្តី ក្រោមអធិបតីភាពដ៍ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី​ នៃ​ព្រះ​រាជាណាចក្រ​កម្ពុជា​​​តាមរយៈប្រព័ន្ធបច្ចេកវិទ្យា Zoom meeting ស្ថិតនៅ​សាល​ប្រជុំ​​​​​​ ហែម​ ខន​ នៃអគាររដ្ឋ​បាល​ខេត្ត​កំពង់ស្ពឺ​​​ ក្រោម​វត្តមាន​ ឯកឧត្តម​ យឹម​ សុខុម​​ ប្រធាន​ក្រុម​ប្រឹក្សា​ខេត្ត​កំពង់ស្ពឺ​​​ និង​ឯកឧត្តម​បណ្ឌិត​​​ ជាម​​​ ច័ន្ទសោភ័ណ​​​​ អភិបាល​​​​​ នៃ​គណៈ​អភិបាល​ខេត្ត​កំពង់ស្ពឺ​​​ ​លោក​អភិបាលរង​ខេត្ត​ រួម​ទាំង​មន្ត្រី​ពាក់ព័ន្ធ​ និងកងកម្លាំងទាំងបីរប្រភេទចូល​រួម​ផង​ដែរ​។

កំពង់ស្ពឺ៖ នាថ្ងៃសុក្រ ១៥កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែសីហា ឆ្នាំ២០២៦ ក្រុមការងាររាជរដ្ឋាភិបាលចុះមូលដ្ឋានឃុំវាលពន់ បានរៀបចំវេទិកាសាធារណៈមួយ ស្ថិតនៅទីអារាមវត្តធម្មរង្សី (ហៅវត្តព្រៃមិច) ក្នុងឃុំវាលពន់ ស្រុកថ្ពង ខេត្តកំពង់ស្ពឺ។

កំពង់ស្ពឺ៖ នាព្រឹកថ្ងៃទី២៨ ខែសីហា ឆ្នាំ២០២៦ លោកស្រី ប៉ោក សេដ្ឋា អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជា ខេត្តកំពង់ស្ពឺ តំណាងដ៏ខ្ពង់ខ្ពស់ ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការសាខា រួមជាមួយសហការី បានអញ្ជើញសំណេះសំណាល សួរសុខទុក្ខ និងនាំយកអំណោយមនុស្សធម៌ជូនដល់ក្រុមការងារស្ម័គ្រចិត្តសហគមន៍អភិរក្សសត្វព្រៃឃុំប្រាំបីមុម ចំនួន ១៤នាក់ ដែលកំពុងជួបការខ្វះខាតស្បៀងអាហារ ស្ថិតនៅភូមិត្រពាំងក្រើញ ឃុំប្រាំបីមុម ស្រុកថ្ពង ខេត្តកំពង់ស្ពឺ។

កំពង់ស្ពឺ៖ នាថ្ងៃទី២៨ ខែសីហា ឆ្នាំ២០២៦ លោក ហន ភក្តី អភិបាលរង នៃគណៈអភិបាលខេត្តកំពង់ស្ពឺ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកសាមគ្គីមុនីជ័យ បានអញ្ជើញជាអធិបតីដឹកនាំកិច្ចប្រជុំពិនិត្យឆ្លងរបាយការណ៍បូកសរុបសកម្មភាព និងលទ្ធផលការងារប្រចាំត្រីមាសទី៣ ព្រមទាំងពិភាក្សាលើកទិសដៅការងារបន្តសម្រាប់ត្រីមាសទី៤ ឆ្នាំ២០២៦ របស់ក្រុមការងាររាជរដ្ឋាភិបាលចុះមូលដ្ឋានខេត្ត។

កំពង់ស្ពឺ÷ នៅថ្ងៃសុក្រ ទី២៨ ខែសីហា ឆ្នាំ២០២៦ រដ្ឋបាលខេត្តកំពង់ស្ពឺបានរៀបចំពិធីចុះហត្ថលេខាលើ «កិច្ចសហប្រតិបត្តិការក្នុងការរុករក ការលើកគាស់ និងការធ្វើមាតុភូមិនិវត្តន៍អដ្ឋិធាតុយុទ្ធជនស្ម័គ្រចិត្ត និងអ្នកជំនាញការវៀតណាម ដែលបានពលីពិសេសសម័យសង្គ្រាមនៅកម្ពុជា អនុវត្តក្នុងរដូវប្រាំងឆ្នាំ ២០២៦-២០២៧» ក្រោមអធិបតីភាពឯកឧត្តម តូច ប៉ូលីវ៉ា អភិបាលរង នៃគណៈអភិបាលខេត្ត ឯកឧត្តម លេ វ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង និងជាប្រធានគណៈកម្មាធិការឯកទេស ឬគណៈកម្មាធិការលេខ ៥១៥ នៃសាធារណរដ្ឋសង្គមនិយមវៀតណាម ព្រមទាំងមានការចូលរួមពីមន្ទីរពាក់ព័ន្ធជុំវិញខេត្ត កងកម្លាំងទាំងបី និងគណៈប្រតិភូ នៃសាធារណរដ្ឋសង្គមនិយមវៀតណាមផងដែរ។

កំពង់ស្ពឺ÷នៅព្រឹកថ្ងៃទី២៨ ខែសីហា ឆ្នាំ២០២៦ * បើកទ្វារទឹកទំនប់តាសាល មួយ ទ្វារ កម្ពស់ ០,២០ ម៉ែត្រ *១~ស្ថានភាពទូទៅ៖*   -រលាំងជ្រៃថ្ងៃនេះ ៦,៨៧ ម/ថ្ងៃម្សិលមិញ ៦,៩២ ម (-០,០៥ ម) ខាងក្រោម កម្រិតកម្ពស់ធម្មតាសន្ទះ​ទ្វារទឹកផ្នែកខាងលើ=-០,១៣ ម - ពាមឃ្លៃថ្ងៃនេះ=២,៦២ ម / ថ្ងៃម្សិលមិញ=២,៦៥ ម  (-០,០៣ ម ) -តាសាល ថ្ងៃនេះ=១៥,៤៥ ម /ថ្ងៃម្សិលមិញ=១៥,៣១ ម (+០,១៤ ម ) ខាងក្រោម កម្រិតកម្ពស់ខ្នងលើទំនប់បង្ហៀរ=-៣,៥៥ ម ៣~សីតុណ្ហភាព៖ (តាមស្ថានីយ៍មិនស្វយ័ប្រវត្តិ) -ថ្ងៃនេះ Max=៣៥,០°c / Min =២៧,០°c ថ្ងៃម្សិលមិញMax=៣៥,០°c /Min=២៦.០°c (ប្រភពមន្ទីរធនធានទឹកនិងឧតុនិយមខេត្តកំពង់ស្ពឺ)