ព័ត៌មានក្នុងខេត្ត

កំពង់ស្ពឺ÷ នៅព្រឹកថ្ងៃទី១៤ ខែវិច្ឆិកា ឆ្នាំ២០២៦ * បើកទ្វារទឹកទំនប់តាសាល មួយទ្វារ កម្ពស់ ០,២០ ម៉ែត្រ * បើកទ្វារទឹកទំនប់តាសាល បីទ្វារ កម្ពស់ (១=១,៨០ ម៉ែត្រ; ២=១,៣០ ម៉ែត្រ)

កំពង់ស្ពឺ÷ នៅល្ងាចថ្ងៃសុក្រ៤កើត ខែកក្ដិកឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៦ លោកជា សើ ក្រុមការងារថ្នាក់ស្រុកចុះជួយឃុំយុទ្ធសាមគ្គី តំណាងឯកឧត្តម អ៊ុក ហឿនពិសី អនុប្រធានក្រុមការងារចុះជួយស្រុកសាមគ្គីមុនីជ័យ និងជាប្រធានក្រុមការងារចុះជួយឃុំយុទ្ធសាមគ្គី ព្រមទាំងគណ:កម្មាធិការបក្សឃុំ  បាននាំយកបច្ច័យទៅចូលរួមរំលែកទុក្ខជាមួយគ្រួសារនៃសព ប្អូនប្រុស ឈ្មោះ វ៉ាន់ ធា ភេទប្រុសអាយុ ៣១ ឆ្នាំ ស្លាប់ដោយសារគ្រោះថ្នាក់ចរាចរណ៍នៅចំណុចភូមិត្រពាំងល្ពាក់ មានទីលំនៅភូមិ ធម្មទ័យ ឃុំ យុទ្ធសាមគ្គី។

កំពង់ស្ពឺ៖ នៅរសៀលថ្ងៃសុក្រ ទី១៣ ខែវិច្ឆិកា ឆ្នាំ២០២៦ រដ្ឋបាលខេត្តកំពង់ស្ពឺ បានបើកកិច្ចប្រជុំត្រៀមរៀបចំផែនការការពារសន្តិសុខ សណ្តាប់ធ្នាប់ និងសុវត្ថិភាព ក្នុងឱកាសឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ អញ្ជើញបំពេញបេសកកម្មនៅខេត្ត ក្រោមអធិបតីភាពលោកបណ្ឌិត តូច ប៉ូលីវ៉ា អភិបាលរង នៃគណៈអភិបាលខេត្ត នៅសាលប្រជុំយឹម សុខុម ជាន់ទី១ អគាររដ្ឋបាលខេត្ត។

កំពង់ស្ពឺ៖ ថ្ងៃទី១៣ ខែវិច្ឆិកា ឆ្នាំ២០២៦ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានអញ្ជើញដឹកនាំកិច្ចប្រជុំត្រួតពិនិត្យការងារជំរុញ និងជម្រះបណ្ណកកស្ទះ ក្នុងដំណើរការនៃការចុះបញ្ជីដីធ្លីមានលក្ខណៈជាប្រព័ន្ធក្នុងភូមិសាស្ត្រខេត្តកំពង់ស្ពឺ ដោយមានការអញ្ជើញចូលរួមពី លោកអភិបាលរងខេត្ត លោកប្រធានសាខាពន្ធដារខេត្ត លោកប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត លោកអភិបាលក្រុង-ស្រុកទាំងអស់ ព្រមទាំងមន្ត្រីជំនាញ និងអាជ្ញាធរពាក់ព័ន្ធជាច្រើនរូបទៀត កិច្ចប្រជុំនេះប្រារព្ធធ្វើឡើងនៅសាលប្រជុំ កង ហ៊ាង ជាន់ទី១ អគាររដ្ឋបាលខេត្ត ។

រសៀលថ្ងៃព្រហស្បតិ៍ ទី១២ ខែវិច្ឆិកា ឆ្នាំ២០២៦នេះ ឯកឧត្តម ផូល ខាហ្គាម៉េ (Paul Kagame) ប្រធានាធិបតីប្រទេសរវ៉ាន់ដា និងភរិយា ព្រមទាំងគណៈប្រតិភូ បានអញ្ជើញមកដល់ប្រទេសកម្ពុជាហើយ ដើម្បីបំពេញទស្សនកិច្ចផ្លូវរដ្ឋ និងចូលរួមកិច្ចប្រជុំកំពូលហ្វ្រង់កូហ្វូនី។

កំពង់ស្ពឺ៖ក្រោមការចង្អុលបង្ហាញនិងបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ ព្រមទាំងមានការសម្របសម្រួលនីតិវិធីពីឯកឧត្ដមព្រះរាជអាជ្ញាអមសាលាដំបូងខេត្តកំពង់ស្ពឺ កាលពីវេលាម៉ោង១១:០០នាទី ថ្ងៃទី០៣ ខែវិច្ឆិកា ឆ្នាំ២០២៦ កម្លាំងមូលដ្ឋានកងរាជអាវុធហត្ថស្រុកភ្នំស្រួច ដឹកនាំដោយលោកវរសេនីយ៍ត្រី សេន ទូច មេបញ្ជាការ មូលដ្ឋានកងរាជអាវុធហត្ថស្រុកស្រុកភ្នំស្រួច បានធ្វើការបង្ក្រាបនិងឃាត់ខ្លួនជនសង្ស័យម្នាក់ពាក់ព័ន្ធករណីគ្រឿងញៀន ស្ថិនក្នុងភូមិក្រាំងស្លែង ឃុំតាំងស្យា ស្រុកភ្នំស្រួច ខេត្ត កំពង់ស្ពឺ។

កំពង់ស្ពឺ÷ ថ្ងៃសុក្រ ៤កើត ខែកត្តិក ឆ្នាំមមី អដ្ឋស័ក ព.ស.២៥៧០ ត្រូវនឹង ថ្ងៃទី១៣ ខែវិច្ឆិកា ឆ្នាំ២០២៦ រដ្ឋបាលខេត្តកំពង់ស្ពឺ បានចូលរួមរៀបចំស្តង់ពិព័រណ៍ផ្សព្វផ្សាយសក្តានុពលខេត្តកំពង់ស្ពឺ ក្នុងព្រឹត្តិការណ៍ «ភូមិហ្រ្វង់កូហ្វូនី ឆ្នាំ២០២៦» (Village de la Francophonie 2026) ដែលប្រព្រឹត្តទៅនៅសួនច្បារមុខវត្តបទុមវតី រាជធានីភ្នំពេញ។

កំពង់ស្ពឺ÷ ថ្ងៃសុក្រ ៤កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៦ ឯកឧត្តម ភោគ សុវណ្ណរិទ្ធ ប្រធានក្រុមការងាររាជរដ្ឋាភិបាលចុះមូលដ្ឋានស្រុកថ្ពង បានអញ្ជើញជាអធិបតីក្នុងវេទិកាសាធារណៈ ជួបជាមួយប្រជាពលរដ្ឋ ដើម្បីស្វែងរកបញ្ហាប្រឈម និងតម្រូវការនានា របស់ប្រជាពលរដ្ឋ ដែលជួបប្រទះនៅមូលដ្ឋាន ធ្វើយ៉ាងណា ឆ្លើយតបតាមកម្មវិធី គោលនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល។

(កំពង់ស្ពឺ)៖​ នាព្រឹកថ្ងៃសុក្រ ៤កើត ខែកត្តិក ឆ្នាំមមី អដ្ឋស័ក ព.ស. ២៥​៧០ត្រូវនឹង ថ្ងៃទី១៣ ខែវិច្ឆិកា ឆ្នាំ២​០២៦ នៅសាលប្រជុំស្ន​ងការដ្ឋាននគរបាលខេត្តកំពង់ស្ពឺ មា​ន​កិច្ចប្រជុំ​ពង្រឹងលើកិច្ចការពារ រក្សាសន្តិសុ​ខ សណ្តាប់ធ្នាប់ ក្នុងឱកា​សរៀបចំកិ​ច្ចប្រជុំកំពូលហ្វ្រូង់កូហ្វូនី លើក​ទី​២០ ឆ្នាំ២០២៦ នៅរា​ជធានី​.ភ្នំពេញ​ ។

(កំពង់ស្ពឺ)៖ ដោយបានអនុញ្ញាតពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ នៅព្រឹកថ្ងៃទី១២ ខែវិច្ចិកា ឆ្នាំ២០២៦ លោកវរសេនីយ៍ឯក អូន សុវ៉េត ស្នងការរងទទួលផែនការងារអត្ដសញ្ញាណកម្ម បានដឹកនាំកម្លាំងផែនអត្តសញ្ញកម្មចំនួន៣រូប លោកស្នងការរងដឹកនាំការិយាល័យគ្រប់គ្រងការស្នាក់នៅ លោកនាយការិយាល័យគ្រប់គ្រងការស្នាក់នៅ លោកនាយការិយាល័យអត្តសញ្ញាណប័ណ្ណស្តីទី ចូលរួមកិច្ចប្រជុំស្ដីពីការពង្រឹងការអនុវត្តការងារអត្តសញ្ញាណកម្ម និងការដោះស្រាយបញ្ហាកំហុសទិន្នន័យលើឯកសារអត្តសញ្ញាណរបស់ប្រជាពលរដ្ឋ ប្រព្រឹត្តនៅសាលាខេត្ដកំពង់ស្ពឺ សាលប្រជុំ ហែម ខន តាមរយៈការប្រជុំតាមប្រពន្ធអនឡាញ ZOOM ។

(កំពង់ស្ពឺ)៖ ដោយបានអនុញ្ញាតពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ នៅរសៀលថ្ងៃទី១២ ខែវិច្ចិកា ឆ្នាំ២០២៦ លោកឧត្ដមសេនីយ៍ត្រី ប៊ុត ចាន់តារា ស្នងការរងទទួលផែនការងារប្រឆាំងបទល្មើសសេដ្ឋកិច្ច បានចូលរួមកិច្ចប្រជុំពិភាក្សា និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថានដំបូង(IEIA)សម្រាប់គម្រោងបង្កើតសិប្បកម្មផលិតជី និងថ្នាំកសិកម្ម របស់ក្រុមហ៊ុន SO MANORA AGRO NINE Co.,LTD ដែលមានទីតាំងនៅភូមិសំរោងទងលើ ឃុំសំរោងទង ស្រុកសំរោងទង ក្រោមការសម្របសម្រួលកិច្ចប្រជុំដោយលោក ច័ន្ទថេត ថានរៈ ប្រធានមន្ទីរបរិស្ថានខេត្ដកំពង់ស្ពឺ នៅសាលប្រជុំមន្ទីរបរិស្ថាន៕

(កំពង់ស្ពឺ)៖ លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ បានចាត់លោកវរសេនីយ៍ឯក ហុិន សុខចំរើន ស្នងការរងអញ្ជើញចូលរួមអមដំណើរឯកឧត្តម យឹម សុខុម ប្រធានក្រុមប្រឹក្សាខេត្ត និង លោក កៅ សុវណ្ណារិទ្ធ អភិបាលរង នៃគណៈអភិបាលខេត្ត បានដឹកនាំប្រតិភូថ្នាក់ខេត្ត ក្រុង ស្រុក អាជ្ញាធរមូលដ្ឋានពាក់ព័ន្ធ អញ្ជើញគោរពវិញ្ញាណក្ខន្ធ និងពាំនាំនូវសារលិខិតរំលែកទុក្ខយ៉ាងក្រៀមក្រំ ព្រមទាំងថវិកាចូលបុណ្យដល់គ្រួសារសព លោក នាយចំណង់ ផេង ឈិន ដែលបានទទួលមរណភាពដោយជំងឺគាំងបេះដូង ក្នុងពេលបំពេញបេសកកម្ម។ កម្មវិធីនេះប្រារព្ធធ្វើនៅគេហដ្ឋាននៃសព ស្ថិតនៅភូមិជាល សង្កាត់ព្រះស្រែ ក្រុងឧដុង្គម៉ែជ័យ ខេត្តកំពង់ស្ពឺ។