ព័ត៌មានក្នុងខេត្ត

កំពង់ស្ពឺ៖ នាថ្ងៃទី៣១ ខែកក្កដា ឆ្នាំ២០២៦---ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលាឃុំសង្កែសាទប និង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិឃុំ ឆ្នាំ២០២៦ ប្រព្រឹត្តទៅនៅសាលាឃុំសង្កែសាទប ក្រោមអធិបតីភាព លោក ណន សារុន មេឃុំសង្កែសាទប និងលោក ទេព ណែម  និងជាប្រធានគណៈកម្មការលទ្ធកម្ម  និងវត្តមានអ្នកសង្កេតការថ្នាក់ខេត្ត/ស្រុក និងមន្ទីរពាក់ព័ន្ធ តំណាងក្រុមហ៊ុន និងអ្នកសារពត៌មានជាច្រើនរូបទៀត។

កំពង់ស្ពឺ៖​​នៅថ្ងៃសុក្រ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំប្រជុំក្រុមការងារជំនាញដើម្បីដាក់ផែនការមួយចំនួនដល់ការងារជំនាញដែលពាក់ពន្ធ័ ដែលប្រព្រឹត្តទៅនៅសាលប្រជុំមេបញ្ជាការ បញ្ជាការដ្ឋាន ដោយមានការចូលរួមពីប្រធានមន្ទីរ នាយការិយាល័យ ព្រមទាំងនាយទាហានពាក់ពន្ធ័​ចូល​រួម​ផងដែរ៕

កំពង់ស្ពឺ៖ ថ្ងៃទី៣១ ខែកក្កដា ឆ្នាំ២០២៦--- ឯកឧត្តម គង់ ឆាយ និងលោក សុខ សុទ្ធី អភិបាលរងខេត្ត អញ្ជើញជាអធិបតីក្នុងពិធីអបអរសាទរ ទិវាមច្ឆាជាតិ ១ កក្កដា ២០២៦ ដោយមានការអញ្ជើញចូលរួមពី លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ លោកឧកញ៉ា តាំង សុខឃី អគ្គនាយកក្រុមហ៊ុន ឃីចិន្តាគ្រុប មន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូស សិស្សានុសិស្ស និងបងប្អូនប្រជាពលរដ្ឋជាច្រើនកុះករ នៅចំណុចទំនប់ពាមល្វា ស្ថិតក្នុងភូមិពោធិមាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។

នាព្រឹកថ្ងៃទី៣១ ខែកក្កដា ឆ្នាំ២០២៦---ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលាឃុំសង្កែសាទប និង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិឃុំ ឆ្នាំ២០២៦ ប្រព្រឹត្តទៅនៅសាលាឃុំសង្កែសាទប ក្រោមអធិបតីភាព លោក ណន សារុន មេឃុំសង្កែសាទប និងលោក ទេព ណែម  និងជាប្រធានគណៈកម្មការលទ្ធកម្ម  និងវត្តមានអ្នកសង្កេតការថ្នាក់ខេត្ត/ស្រុក និងមន្ទីរពាក់ព័ន្ធ តំណាងក្រុមហ៊ុន និងអ្នកសារពត៌មានជាច្រើនរូបទៀត។

កំពង់ស្ពឺ៖ ថ្ងៃទី៣១ ខែកក្កដា ឆ្នាំ២០២៦---ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ស្ពឺ រួមជាមួយឯកឧត្តម លោក លោកស្រី ក្នុងជួរគណៈកម្មាធិការសាខា និងប្រធានមន្ទីរ-អង្គភាពជុំវិញខេត្ត បានអញ្ជើញជាអធិបតីក្នុងពិធីប្រគល់ផ្ទះចំនួន ១ខ្នង ដែលជាអំណោយដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងចែកអំណោយមនុស្សធម៌ជូនប្រជាពលរដ្ឋងាយរងគ្រោះចំនួន ៣០គ្រួសារ ស្ថិតនៅភូមិអង្គរបាន ឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ។

កំពង់ស្ពឺ÷ លោក ហន ពិសិដ្ឋ ប្រធានគណៈបក្សស្រុក លោក ម៉ែន ពុំ អនុប្រធានគណបក្សស្រុក បានអញ្ជើញដឹកនាំកិច្ចប្រជុំពិភាក្សាការងារគណៈបញ្ជាការយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ ដែលមានការចូលរួមពីលោក លោកស្រី សមាជិកគណៈអចិន្ត្រៃយ៍បក្សស្រុក ប្រធានគណបក្សឃុំ ប្រធានស្នាក់ការគណបក្សឃុំ ស្មៀនឃុំ និងក្រុមការងារ IT ឃុំទាំង១៣ នៅស្នាក់ការគណបក្សស្រុកគងពិសី ខេត្តកំពង់ស្ពឺ។

កំពង់ស្ពឺ÷ នៅព្រឹកថ្ងៃទី៣១ ខែកក្កដា ឆ្នាំ២០២៦ បើកទ្វារទឹកទំនប់តាសាល មួយ ទ្វារ កម្ពស់ ០,៥០ ម៉ែត្រ ១~ស្ថានភាពទូទៅ៖ -រលាំងជ្រៃថ្ងៃនេះ ៥,១៨` ម/ថ្ងៃម្សិលមិញ ៦,៧៧ ម (-១,៥៩ ម) ខាងក្រោម កម្រិតកម្ពស់ធម្មតាសន្ទះទ្វារទឹកផ្នែកខាងលើ=-១,៨២ ម • ពាមឃ្លៃថ្ងៃនេះ=៣,១០ ម / ថ្ងៃម្សិលមិញ=២,៩០ ម  (+០,៣០ ម ) -តាសាល ថ្ងៃនេះ=១៥,៤៥ ម /ថ្ងៃម្សិលមិញ=១៥,១០ ម (+០,៣៥ ម ) ខាងក្រោម កម្រិតកម្ពស់ខ្នងលើទំនប់បង្ហៀរ=-៣,៥៥ ម ៣~សីតុណ្ហភាព៖ (តាមស្ថានីយ៍មិនស្វយ័ប្រវត្តិ) -ថ្ងៃនេះ Max=៣៤,០°c / Min =២៥,០°c ថ្ងៃម្សិលមិញMax=៣៤,០°c /Min=២៥.០°c

កំពង់ស្ពឺ÷ ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី៣០ ខែកក្កដា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី៣១ ខែកក្កដា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ៦.០៥ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។

នាព្រឹកថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ លោក សុខ លីម និងលោក ប៊ិន រ៉ង អនុប្រធានការិយាល័យកសិកម្ម ធនធានធម្មជាតិ និងបរិស្ថាន រួមជាមួយមន្ត្រីពេទ្យសត្វនៃមន្ទីរកសិកម្ម រុក្ខាប្រមាញ់ និងនេសាទខេត្ត ពេទ្យសត្វក្រុមហ៊ុន អាជ្ញាធរមូលដ្ឋាន និងតំណាងភូមិ-ឃុំ បានចុះពិនិត្យ និងដោះស្រាយបញ្ហាផលប៉ះពាល់ដែលបង្កឡើងពីកសិដ្ឋានចិញ្ចឹមជ្រូកមេ ស្ថិតនៅភូមិព្រៃស្មាច់ ឃុំព្រៃវិហារ។

(កំពង់ស្ពឺ)៖ នៅព្រឹកថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ លោកជំទាវ សៅ សុគន្ធារី ប្រធានក្រុមការងារចុះមូលដ្ឋានឃុំអង្គពពេល រួមជាមួយ ឯកឧត្តម វន សុវណ្ណារី លោកស្រី អ៊ឹម សុវណ្ណារី អនុប្រធាន លោកប៉ែន ហេង ប្រធានក្រុមប្រឹក្សាឃុំអង្គពពេល លោកសួន ទូច ជំទប់ទី១ឃុំ លោកស្រី អ៊ុំ ស្រីរ័ត្ន សមាជិកក្រុមប្រឹក្សាឃុំ លោកសៀង សុខុម ស្មៀនឃុំ និងលោក លោកស្រី មេភូមិអនុភូមិទាំង១៣ នៃឃុំអង្គពពេល បានរៀបចំពិធីប្រគេនទៀនចំណាំព្រះវស្សាជ័យ និងទេយ្យទានបរិក្ខាផ្សេងៗ បច្ច័យវេប្រគេនដល់ព្រះសង្ឃគង់នៅចំនួន ៤វត្ត ៖ រួមមាន (1)វត្តនរារម្យ (ហៅវត្តល្វា) (2)វត្តចំប៉ាចារ៍ (3)វត្តអង្គតាចាន់ និង(4)វត្តរតន៍មុនីឧត្តម (ហៅវត្តទូលត្រាច) ដែលស្ថិតនៅក្នុងឃុំអង្គពពេល។ ពិធីនេះ បានប្រារព្ធនៅវត្តនរារម្យ (ហៅវត្តល្វា) ភូមិល្វា ឃុំអង្គពពេល ស្រុកគងពិសី ខេត្តកំពង់ស្ពឺ ។

កំពង់ស្ពឺ៖ សមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកំពង់ស្ពឺ បានរៀបចំពិធីនាំយកទៀនព្រះវស្សា និងទេយ្យវត្ថុ ប្រគេនព្រះសង្ឃចំនួន ២វត្ត ស្ថិតនៅក្នុងឃុំអូរគគី ស្រុកថ្ពង ខេត្តកំពង់ស្ពឺ ដើម្បីចូលរួមលើកកម្ពស់ និងគាំទ្រដល់ព្រះពុទ្ធសាសនា ព្រមទាំងបន្តថែរក្សាប្រពៃណី វប្បធម៌ និងទំនៀមទម្លាប់ដ៏ល្អផូរផង់របស់ជាតិខ្មែរ។ នាថ្ងៃព្រហស្បតិ៍ ទី៣០ ខែកក្កដា ឆ្នាំ២០២៦។

កំពង់ស្ពឺ៖ ថ្ងៃទី៣០ ខែកក្កដា ឆ្នាំ២០២៦--- ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានអញ្ជើញទទួលជួបសម្តែងការគួរសម និងពិភាក្សាការងារជាមួយ លោក ចេន ចុងហួយ (Chen Zhonghui) ប្រធានក្រុមហ៊ុន JINDING AIR LIQUEFACTION (CAMBODIA) CO., LTD. នៅសាលាខេត្តកំពង់ស្ពឺ។