កំពង់ស្ពឺ÷កម្លាំងនគរបាលប៉ុស្តិ៍រកាធំ ក្រុងច្បាស់មុន ប៉ុស្តិ៍ត្រែងត្រយឹងស្រុកភ្នំស្រួច បានចូលរួមជួយសម្រួលចរាចរណ៍ក្នុងការធ្វើដំណើរឆ្លងថ្នល់ ជូនសិស្សានុសិស្ស ពិសេសកូនសិស្សតូចៗ តាមរយៈនេះលោកមេប៉ុស្តិ៍ បានសូមសំណូមពរឲ្យអ្នកបើកបរយានជំនិះគ្រប់ប្រភេទចូលរួមគោរពច្បាប់ចរាចរណ៍ ភ្លើងសញ្ញាស្លាកសញ្ញា គំនូសសញ្ញា ឲ្យបានភ្ជាប់ខ្ជួនបង្កើនការលើកកម្ពស់សុវត្ថិភាព និងកាត់បន្ថយបានគ្រោះថ្នាក់ចរាចរណ៍ឲ្យនៅកម្រិតទាបបំផុត។ ពិសេសកុមារតូចៗ បានចូលរៀន និងចេញពីរៀនវិញ ដោយសុវត្ថិភាព ថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦។

កំពង់ស្ពឺ៖នាព្រឹកថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែសីហា ឆ្នាំ២០២៦ លោក ម៉េង ស្រ៊ុន សមាជិកគណៈអចិន្រ្តៃយ៍គណៈកម្មាធិការគណបក្សខេត្តកំពង់ស្ពឺ ប្រធានក្រុមការងារគណបក្សចុះមូលដ្ឋានឃុំអមលាំង និងជាប្រធានគណៈកម្មការគ្រប់គ្រងសមាជិក ខ២៦.២ បានអញ្ជើញដឹកនាំក្រុមការងារចុះសួរសុខទុក្ខជួបសំណេះសំណាលជាមួយប្រជាពលរដ្ឋ និងក្រុមការងារសុរិយោដី ដែលកំពុងចែកប្លង់ដីជូនប្រជាពលរដ្ឋដែលមានដីស្ថិតនៅក្នុងឃុំអមលាំង ស្រុកថ្ពង ខេត្តកំពង់ស្ពឺ។

កំពង់ស្ពឺ៖​​នៅថ្ងៃសុក្រ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំប្រជុំក្រុមការងារជំនាញដើម្បីដាក់ផែនការមួយចំនួនដល់ការងារជំនាញដែលពាក់ពន្ធ័ ដែលប្រព្រឹត្តទៅនៅសាលប្រជុំមេបញ្ជាការ បញ្ជាការដ្ឋាន ដោយមានការចូលរួមពីប្រធានមន្ទីរ នាយការិយាល័យ ព្រមទាំងនាយទាហានពាក់ពន្ធ័​ចូល​រួម​ផងដែរ៕

នាព្រឹកថ្ងៃទី៣០ ខែកក្កដា ឆ្នាំ២០២៦ កម្លាំងប៉ុស្តិ៍នគរបាលរដ្ឋបាលស្វាយក្រវ៉ាន់ សហការជាមួយក្រុមប្រឹក្សាសង្កាត់ស្វាយក្រវ៉ាន់ បានចុះផ្សព្វផ្សាយគោលនយោបាយ «ភូមិ-ឃុំ-សង្កាត់មានសុវត្ថិភាព» និងអនុក្រឹត្យលេខ ០៣ អនក្រ.បក ជូនដល់ប្រជាពលរដ្ឋនៅភូមិកំណប់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។

កំពង់ស្ពឺ÷ ឯកឧត្តម ឈូរ សុបញ្ញា អនុប្រធានក្រុមការងាររាជរដ្ឋាភិបាលជួយស្រុកសាមគ្គីមុន្នីជ័យ និងជាប្រធានក្រុមការងារចុះជួយឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ បានចុះសាកសួរសុខទុក្ខអ្នកជំងឺកំពុងសម្រាប់ព្យាបាលគ្លីនិកឯកជន ១.អ្នកជំងឺឈ្មោះ ហុន ស្រីណែត នៅភូមិទំនប់បាក់ (គ្រុនឈាម) ថវិកាឯកឧត្តម ឈួរ សុបញ្ញា 150,000រៀល លោកមេឃុំ50,000រៀល ក្រុមការងារចុះភូមិលោកស៊ិន ទិត្យផល្គុន 40,000រៀល លោកហេង សំអាត30,000រៀល លោក បាន បូរី 40,000រៀល។

កំពង់ស្ពឺ÷ ដោយអនុវត្តតាមគោលការរបស់ថ្នាក់ដឹកនាំដឹកនាំ ក្រោមការដឹកនាំបញ្ជាដោយផ្ទាល់យ៉ាងម៉ឺងម៉ាត់របស់លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កម្លាំងអង្គភាពនគរបាលយុត្តិធម៌ នៃបញ្ជាការដ្ឋាន កងរាជអាវុធហត្ថខេត្តកំពង់ស្ពឺ បានធ្វើការបង្ក្រាបករណី ក្មេងទំនើងចូលចិត្តបង្ហោះម៉ូតូតាមដងផ្លូវសាធារណៈ ដែលប្រព្រឹត្តកាលពីថ្ងៃទី២៦ ខែកក្កដា ឆ្នាំ២០២៦ នៅចំណុចភូមិទួលគក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ និងបានធ្វើការឃាត់ខ្លួនជនសង្ស័យ ចំនួន០៣នាក់ មានឈ្មោះ ផង់ ចាន់ឌី ភេទប្រុស អាយុ២៥ឆ្នាំ ឈ្មោះ ណុង សុខនាង ភេទប្រុស អាយុ១៦ឆ្នាំ និងឈ្មោះ ណុង វណ្ណៈ ភេទប្រុស អាយុ១៦ឆ្នាំ ។ វត្ថុតាងចាប់យករួមមាន ម៉ូតូ ចំនួន០២គ្រឿង (ម៉ាក SCCOPY ស៊េរីឆ្នាំ២០២៣ ពណ៌ក្រហម ផ្លាកលេខ កំពង់ស្ពឺ 1W-0501 និងម៉ាក BEAT ស៊េរីឆ្នាំ២០២៦  ពណ៌ក្រហម ផ្លាកលេខ កំពង់ស្ពឺ 1Y-5662) , ទូរស័ព្ទ ចំនួន0៣គ្រឿង ។