ព័ត៌មានក្នុងខេត្ត

កំពង់ស្ពឺ÷ ដោយអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កម្លាំងជំនាញកងរាជអាវុធហត្ថ បានធ្វើបង្ក្រាបនិងឃាត់ខ្លួនក្មេងទំនើងពីក្រុមមានគ្នាចំនួន១២នាក់ ក្រោយពីពួកគេបានធ្វើសកម្មភាពទំនើងដោយបានបង្ហោះម៉ូតូ អុកឡុកតាមដងផ្លូវសាធារណៈយ៉ាងអនាធិបតេយ្យ ដែលជាហេតុបង្កអោយមានការភ័យខ្លាចដល់ប្រជាពលរដ្ឋជុំវិញ ប៉ះពាល់សណ្តាប់ធ្នាប់សាធារណៈនិងសន្តិសុខសង្គម នៅក្នុងភូមិសាស្រ្តក្រុងច្បារមននិហស្រុកសំរោងទង។

កំពង់ស្ពឺ៖ កាលពីរសៀលថ្ងៃទី១១ ខែសីហា ឆ្នាំ២០២៦ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) បានអញ្ជើញជាអធិបតីក្នុងព្រឹត្តិការណ៍ប្រកួតបាល់ទាត់មិត្តភាព និងសប្បុរសធម៌ «បាល់ទាត់ភ្ជាប់បេះដូង ជួយបងប្អូនភៀសសឹកនៅភូមិរង់ចាំ» នៅកីឡដ្ឋានខេត្តកំពង់ស្ពឺ ដោយមានការចូលរួមពី ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ ថ្នាក់ដឹកនាំ មន្ត្រីរាជការ និងប្រជាពលរដ្ឋយ៉ាងច្រើនកុះករ។ ​ការប្រកួតរវាង «ក្រុមបាល់ទាត់រួមគ្នាដើម្បីកំពង់ស្ពឺ» និង «ក្រុមបាល់ទាត់ ស.ស.យ.ក. អលស្តារ» បានបញ្ចប់ទៅដោយលទ្ធផល ១ ទល់នឹង ៣ (ស.ស.យ.ក. អលស្តារ ឈ្នះ)។

កំពង់ស្ពឺ÷ នៅព្រឹកថ្ងៃទី១២ ខែសីហា ឆ្នាំ២០២៦ • បើកទ្វារទឹកទំនប់តាសាល មួយ ទ្វារ កម្ពស់ ០,៥០ ម៉ែត្រ ១~ស្ថានភាពទូទៅ៖ -រលាំងជ្រៃថ្ងៃនេះ ៦,៩០ ម/ថ្ងៃម្សិលមិញ ៦,៨៦ ម (+០,០៤ ម) ខាងក្រោម កម្រិតកម្ពស់ធម្មតាសន្ទះទ្វារទឹកផ្នែកខាងលើ=-០,១០ ម • ពាមឃ្លៃថ្ងៃនេះ=២,៤០ ម / ថ្ងៃម្សិលមិញ=២,៣០ ម  (-០,១០ម ) -តាសាល ថ្ងៃនេះ=១៣,៤០ ម /ថ្ងៃម្សិលមិញ=១៣,៦៣ ម (-០,២៣ ម ) ខាងក្រោម កម្រិតកម្ពស់ខ្នងលើទំនប់បង្ហៀរ=-៥,៦០ ម ៣~សីតុណ្ហភាព៖ (តាមស្ថានីយ៍មិនស្វយ័ប្រវត្តិ) -ថ្ងៃនេះ Max=៣៥,០°c / Min =២៦,០°c ថ្ងៃម្សិលមិញMax=៣៦,០°c /Min=២៦.០°c (ប្រភពមន្ទីរធនធានទឹកហ្នឹងឧតុនិយមខេត្តកំពង់ស្ពឺ)

កំពង់ស្ពឺ÷ ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី១១ ខែសីហា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី១២ ខែសីហា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ៤.៣៦ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។ ពណ៌ខៀវ៖គុណភាពខ្យល់ល្អណាស់មាន ខេត្តបន្ទាយមានជ័យ ខេត្តបាត់ដំបង ខេត្តកណ្តាល ខេត្តព្រៃវែង រាជធានីភ្នំពេញ ខេត្តរតនគិរី ខេត្តសៀមរាប ខេត្តកោះកុង ខេត្តកំពង់ស្ពឺ ខេត្តកែប ខេត្តព្រះវិហារ ខេត្តកំពង់ធំ ខេត្តកំពត ខេត្តមណ្ឌលគីរី ខេត្តក្រចេះ ខេត្តព្រះសីហនុ ខេត្តកំពង់ឆ្នាំង ខេត្តពោធិ៍សាត់ ខេត្តប៉ៃលិន ខេត្តស្វាយរៀង និង ខេត្តស្ទឹងត្រែង

កំពង់ស្ពឺ៖ ថ្ងៃទី១១ ខែសីហា ឆ្នាំ២០២៦---ឯកឧត្តម សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃក្រសួងសាធារណការ និងដឹកជញ្ជូន រួមជាមួយ លោក ស្រ៊ុន ស្រ៊ន់ អភិបាលរង នៃគណៈអភិបាលខេត្តកំពង់ស្ពឺ បានអញ្ជើញជាអធិបតីភាពក្នុងកិច្ចប្រជុំផ្សព្វផ្សាយ «ច្បាប់ស្តីពីវិសោធនកម្មច្បាប់ស្តីពីផ្លូវថ្នល់ និងលិខិតបទដ្ឋានគតិយុត្តពាក់ព័ន្ធ» កិច្ចប្រជុំនេះបានប្រព្រឹត្តទៅនៅសាលប្រជុំធំ «វ៉ី សំណាង» (ជាន់ទី២) នៃអគាររដ្ឋបាលខេត្តកំពង់ស្ពឺ ដោយមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ជាអភិបាលរងរាជធានី-ខេត្តទាំង៩ រួមមាន៖ រាជធានីភ្នំពេញ ខេត្តកណ្តាល កំពង់ស្ពឺ តាកែវ កំពង់ឆ្នាំង ព្រះសីហនុ កោះកុង កំពត និងកែប ព្រមទាំងថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ មន្ទីរ-អង្គភាពជំនាញ អភិបាលក្រុង-ស្រុក និងម្ចាស់អាជីវកម្មដ្ឋានធំៗ (ការដ្ឋានថ្ម ដេប៉ូខ្សាច់-ក្រួស រណ្តៅដី រោងចក្រផលិតអង្ករ និងចំណីសត្វ) ជាច្រើនរូប។

កំពង់ស្ពឺ÷ក្រសួងបរិស្ថានសូមជូនដំណឹងស្តីពីស្ថានភាពគុណភាពខ្យល់ នៅកម្ពុជា។ គិតចាប់ពីម៉ោង៧ ព្រឹក ថ្ងៃទី១០ ខែសីហា ឆ្នាំ២០២៦ ដល់ម៉ោង ៧ ព្រឹក ថ្ងៃទី១១ ខែសីហា ឆ្នាំ២០២៦ កំហាប់ភាគល្អិតនិចលគិតជាមធ្យមស្មើនឹង ៤.៣២ µg/m3 ធៀបនឹងស្តង់ដារ ៥០ µg/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។ ពណ៌ខៀវ៖គុណភាពខ្យល់ល្អណាស់មាន ខេត្តបន្ទាយមានជ័យ ខេត្តបាត់ដំបង ខេត្តកណ្តាល ខេត្តព្រៃវែង រាជធានីភ្នំពេញ ​ខេត្តរតនគិរី ខេត្តសៀមរាប ខេត្តកោះកុង ខេត្តកំពង់ស្ពឺ ខេត្តកែប ខេត្តព្រះវិហារ ខេត្តកំពង់ធំ​ ខេត្តកំពត ខេត្តមណ្ឌលគីរី ខេត្តក្រចេះ ខេត្តព្រះសីហនុ ខេត្តកំពង់ឆ្នាំង ខេត្តពោធិ៍សាត់ ខេត្តប៉ៃលិន ខេត្តស្វាយរៀង និង ខេត្តស្ទឹងត្រែង។ (ប្រភពមន្ទីរបរិស្ថានខេត្តកំពង់ស្ពឺ)

កំពង់ស្ពឺ÷ នៅព្រឹកថ្ងៃទី១១ ខែសីហា ឆ្នាំ២០២៦ * បើកទ្វារទឹកទំនប់តាសាល មួយ ទ្វារ កម្ពស់ ០,៥០ ម៉ែត្រ ~ស្ថានភាពទូទៅ៖*   -រលាំងជ្រៃថ្ងៃនេះ ៦,៨៦ ម/ថ្ងៃម្សិលមិញ ៦,៧៦ ម (-០,១០ ម) ខាងក្រោម កម្រិតកម្ពស់ធម្មតាសន្ទះទ្វារទឹកផ្នែកខាងលើ=-០,១៤ ម - ពាមឃ្លៃថ្ងៃនេះ=២,៣០ ម / ថ្ងៃម្សិលមិញ=២,៣២ ម  (-០,០២ ម ) -តាសាល ថ្ងៃនេះ=១៣,៦៣ ម /ថ្ងៃម្សិលមិញ=១៣,៨៥ ម (-០,២២ ម ) ខាងក្រោម កម្រិតកម្ពស់ខ្នងលើទំនប់បង្ហៀរ=-៥,៣៧ ម ~សីតុណ្ហភាព៖ (តាមស្ថានីយ៍មិនស្វយ័ប្រវត្តិ) -ថ្ងៃនេះ Max=៣៦,០°c / Min =២៦,០°c ថ្ងៃម្សិលមិញMax=៣៦,០°c /Min=២៦.០°c ~ ទឹកភ្លៀង៖ មានរលឹមភ្លៀងបន្តិចបន្ទួចក្នុងកម្រិតខ្សោយ (ប្រភពមន្ទីរធនធានទឹកនិងឧតុនិយមខេត្តកំពង់ស្ពឺ)

និស្សិតសាកលវិទ្យាល័យកម្ពុជា-កូរ៉េ ធ្វើសកម្មភាពស្ម័គ្រចិត្តអប់រំអនាម័យ សុខភាព និងបរិស្ថានសម្រាប់សិស្សានុសិស្ស នៅសាលាបឋមសិក្សាសន្តិភាព ក្នុងខេត្តកំពង់ស្ពឺ ______________________ 🔗 📱 JOIN មន្ទីរព័ត៌មានខេត្តកំពង់ស្ពឺ 📱 Facebook 📱Tik Tok 📱Youtube 📱Instagram 📱 X(Twitter)

កំពង់ស្ពឺ÷ នៅព្រឹកថ្ងៃទី០៩ ខែសីហា ឆ្នាំ២០២៦ គណៈកម្មាធិការគណបក្សឃុំហោងសំណំ បានធ្វើកិច្ចប្រជុំបូកសរុបលទ្ធផលការងារប្រចាំខែសីហា ឆ្នាំ២០២៦ និងលើកទិសដៅអនុវត្តបន្តខែកញ្ញា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ឯកឧត្តមបណ្ឌិត កែរ រដ្ឋា ក្រុមការងារគណបក្សថ្នាក់កណ្តាលចុះមូលដ្ឋានខេត្តកំពង់ស្ពឺ ជាអនុប្រធានក្រុមការងារគណបក្សចុះមូលដ្ឋានស្រុកឱរ៉ាល់ និងជាប្រធានក្រុមការងារចុះមូលដ្ឋានឃុំហោងសំណំ និងមានការអញ្ជើញចូលរួមជាកិត្តិយស លោក កែវ សឿន អនុប្រធានទី២ លោក លោកស្រី អនុប្រធាន និងសមាជិកក្រុមការងារគណបក្សចុះមូលដ្ឋានឃុំ លោក លោកស្រី សមាជិកអចិន្ត្រៃយ៌សមាជិកគណៈកម្មាធិការបក្សឃុំ និងលោក លោកស្រីគណៈកម្មាធិការសាខាបក្សភូមិទាំង៩ សាខាបក្សអនុវិទ្យាល័យ សាលាបឋមសិក្សា សាលា មត្តេយ្យ សរុប ៤៥នាក់។

កំពង់ស្ពឺ÷ នៅថ្ងៃទី ៩ ខែសីហា ឆ្នាំ២០២៦ ឯកឧត្តម ម៉េង ស្រ៊ុន សមាជិកអចិន្រ្តៃយ៍គណៈកម្មាធិការគណបក្សខេត្តកំពង់ស្ពឺ ជាប្រធានក្រុមការងារចុះមូលដ្ឋានឃុំអមលាំង និងជាប្រធានគណៈកម្មការគ្រប់គ្រងសមាជិក ខ២៦.២ បានដឹកនាំក្រុមការងារចុះពិនិត្យការដ្ឋានស្តារប្រឡាយទឹកប្រវែង ៨០០ម៉ែត្រ (ចាប់ផ្តើមកាលពីថ្ងៃទី៣១ ខែកក្កដា ដោយប្រើប្រាស់អេស្កាវាទ័រ ១គ្រឿង) ដែលជាអំណោយឧបត្ថម្ភថវិកាទាំងស្រុងពីលោកផ្ទាល់ ដើម្បីសម្រួលការរំដោះទឹក និងស្រោចស្រពស្រែចម្ការទំហំ ៥២០ហិកតា ជូនប្រជាពលរដ្ឋ ៤ភូមិ (ភូមិគោក, ព្រែក, ស្នួល និងអូរអង្គុំ)។

កំពង់ស្ពឺ÷ ថ្ងៃទី១០ ខែសីហា ឆ្នាំ២០២៦ លោក ទួន ផាវ មេឃុំអមលាំង ព្រមទាំងក្រុមការងារគណបក្សឃុំ ចុះសួរសុខទុក្ខគរួសារមានជីវភាពខ្វះខាត់ចំនួន ៣គ្រួសាររួមមាន៖ • គ្រួសារទី១ ឈ្មោះ ក្រុច លីម មានសមាជិកគ្រួសារសរុប ៥នាក់ ស្រី ៣នាក់ • គ្រួសារទី២ ឈ្មោះ ឈូក លីតា មានសមាជិកគ្រួសារសរុប ៤នាក់ ស្រី ៤នាក់ • គ្រួសារទី៣ ឈ្មោះ ជូ ភ័ស្ស មានសមាជិកគ្រួសារសរុប ៣នាក់ ស្រី ២នាក់ គ្រួសារទាំង ៣ រស់នៅភូមិតាកោង ឃុំអមលាំង ស្រុកថ្ពង ខេត្តកំពង់ស្ពឺ ក្នុងនោះលោកក៏បាននាំយកស្បៀងបរិភោគដោយក្នុង ១គ្រួសារទទួលបាន៖ • អង្ករ ១បេ • មី ១កេស • ទឹកត្រី ១យួរ • ទឹកស៊ីអ៉ីវ ១យួរ (ប្រភពរដ្ឋបាលឃុំអមលាំង)

កំពង់ស្ពឺ៖ ថ្ងៃទី៧ ខែសីហា ឆ្នាំ ២០២៦--- លោក សាយ វ៉ាន់ នាយកសាលាបឋមសិក្សាសន្តិភាព រួមជាមួយគណៈសាស្ត្រាចារ្យ និងនិស្សិត បានស្វាគមន៍យ៉ាងកក់ក្តៅចំពោះក្រុមនិស្សិតស្ម័គ្រចិត្តសាកលវិទ្យាល័យកូរ៉េ ដឹកនាំដោយលោកនាយក ហ្វាង អុីនស៊ូ តំណាងលោក ឆែ ម្យ៉ង់កឺន និងលោកបណ្ឌិត ហៃ សុវង្ស ទីប្រឹក្សាជាន់ខ្ពស់ និងជាអ្នកស្រាវជ្រាវនៅមហាវិទ្យាល័យច្បាប់ នៃសាកលវិទ្យាល័យជាតិគ្រប់គ្រង (NUM) បានមកធ្វើទស្សនកិច្ចដើម្បីធ្វើសកម្មភាពស្ម័គ្រចិត្តសហការជាមួយនិស្សិតមកពីសាកលវិទ្យាល័យជាតិគ្រប់គ្រង (NUM)។ កម្មវិធីអប់រំ និងសកម្មភាពចូលរួមចំណែកសង្គមនេះបានធ្វើឡើងនៅសាលារៀនដែលមានទីតាំងស្ថិតនៅ សង្កាត់រកាធំ ក្រុងច្បាមន ខេត្តកំពង់ស្ពឺ។ សកម្មភាពស្ម័គ្រចិត្តមនុស្សធម៌នេះត្រូវបានរៀបចំឡើងដោយក្រុមប្រឹក្សាសាកលវិទ្យាល័យកូរ៉េសម្រាប់សេវាសង្គម (KUCSS) ក្រោមក្រសួងអប់រំ និងអនុវត្តដោយ KOSSIAN ជាផ្នែកមួយនៃគំនិតផ្តួចផ្តើមមិត្តភ័ក្តិពិភពលោកកូរ៉េ (WFK)។ ដែលជាសកម្មភាពធ្វើជាលើកទី 50 ក្នុងឆ្នាំ 2026។