ព័ត៌មានក្នុងខេត្ត

ខេត្តកំពង់ស្ពឺ៖ នៅវេលាព្រឹកថ្ងៃសុក្រ ៧កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែកញ្ញា ឆ្នាំ២០២៦ មន្ទីរធម្មការ និងសាសនាខេត្តកំពង់ស្ពឺ សហការជាមួយ សាលាគណខេត្តកំពង់ស្ពឺ គណៈមហានិកាយ បានចូលរួមពិធីកាត់វិញ្ញាសាប្រឡងជ្រើសរើសសមណសិស្សពូកែ ផ្នែកភាសាបាលី-សំស្ក្រឹតថ្នាក់ពុទ្ធិកមធ្យមសិក្សាបឋមភូមិ ខេត្តកំពង់ស្ពឺប្រចាំឆ្នាំ២០២៦ នៅសាលាពុទ្ធិកអនុវិទ្យាល័យសម្តេចអគ្គមហាសេនាបតីតេជោ ហ៊ុន សែន ក្រុងច្បារមន ខេត្តកំពង់ស្ពឺ ក្រោមអធិបតីភាព ព្រះមុនីសត្ថាចារ្យកោសល កែវ ចន្ថា ព្រះមេគណខេត្តកំពង់ស្ពឺ និងមានការចូលរួមពី ឯកឧត្តម ឈួរ សុបញ្ញា រដ្ឋលេខាធិការក្រសួងធម្មការ និងសាសនា និង លោក សម សោភ័ណ ប្រធានមន្ទីរធម្មការ និងសាសនាខេត្តកំពង់ស្ពឺ។

សម្តេចបវរធិបតី ហ៊ុន ម៉ាណែត អញ្ជើញចូលរួមសម្ពោធជាផ្លូវការ រោងចក្រផ្គុំ និងដំឡើងរថយន្ត របស់ក្រុមហ៊ុន ធីអេច អូតូម៉ូធីវ មេនូហ្វេកឆឺរីង ឯ.ក និងដាក់ឱ្យដំណើរការខ្សែសង្វាក់ផលិតកម្មម៉ាក GAC ។ ការសម្ពោធជាផ្លូវការរោងចក្រផ្គុំដំឡើងរថយន្តម៉ាក GAC នេះ កំពុងឆ្លុះបញ្ចាំងពីភាពជោគជ័យថ្មីមួយទៀតរបស់រាជរដ្ឋាភិបាល ក្នុងការជំរុញបរិវត្តកម្មវិស័យឧស្សាហកម្មកម្ពុជា ពីឧស្សាហកម្មដែលពឹងផ្អែកលើកម្លាំងពលកម្ម ទៅជាឧស្សាហកម្មដែលប្រើប្រាស់មូលធន បច្ចេកវិទ្យា និងជំនាញកាន់តែខ្ពស់ ព្រមទាំងជំរុញការអភិវឌ្ឍឧស្សាហកម្មក្នុងស្រុក ការបង្កើនតម្លៃបន្ថែមក្នុងសេដ្ឋកិច្ចជាតិ និងការបង្កើតប្រភពចំណូលថ្មី។ ខេត្តកំពង់ឆ្នាំង ព្រឹកថ្ងៃព្រហស្បតិ៍ ទី១៧ កញ្ញា ២០២៦

ប្រសាសន៍សំខាន់ៗ សម្តេចបវរធិបតី ហ៊ុន ម៉ាណែត អញ្ជើញចូលរួមក្នុងពិធីសម្ពោធជាផ្លូវការ រោងចក្រផ្តុំ និងដំឡើងរថយន្ត របស់ក្រុមហ៊ុន ធីអេច អូតូម៉ូធីវ មេនូហ្វេកឆឺរីង ឯ.ក។ ថ្ងៃព្រហស្បតិ៍ ៦កើត ខែភទ្របទ ឆ្នាំមមីរ អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកញ្ញា ឆ្នាំ២០២៦ #៣នាទីពីនយោបាយនិងសង្គម #ការអភិវឌ្ឍ #សន្តិភាពនៅកម្ពុជា #រាជរដ្ឋាភិបាលអាណត្តិទី៧

កំពង់ស្ពឺ៖ ថ្ងៃទី១៥ ខែកញ្ញា ឆ្នាំ២០២៦ ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះជួយខេត្តកំពង់ស្ពឺ បានអញ្ជើញដឹកនាំកិច្ចប្រជុំត្រួតពិនិត្យលទ្ធផលការងារឆមាសទី៣ និងលើកទិសដៅឆមាសទី៤ ឆ្នាំ២០២៦។

កំពង់ស្ពឺ៖ ថ្ងៃទី១៤ ខែកញ្ញា ឆ្នាំ២០២៦ រដ្ឋបាលខេត្តបានរៀបចំកិច្ចប្រជុំត្រៀមរៀបចំ ពិធីជួបសំណេះសំណាលជាមួយនិវត្តជន ក្រោមអធិបតីភាព ឯកឧត្តម តូច ប៉ូលីវ៉ា អភិបាលរង នៃគណៈអភិបាលខេត្ត ឯកឧត្តម ឪ វ៉ាន់ថេន សមាជិកក្រុមប្រឹក្សាខេត្ត មន្ទីរជុំវិញខេត្ត កងកម្លាំងទាំងបី បានចូលរួមក្នុងកិច្ចប្រជុំនោះផងដែរ។

កំពង់ស្ពឺ៖ ថ្ងៃទី១៤ ខែកញ្ញា ឆ្នាំ២០២៦ រដ្ឋបាលខេត្តកំពង់ស្ពឺ បានរៀបចំកិច្ចប្រជុំពិនិត្យវឌ្ឍនភាពការងារកំណែទម្រង់វិមជ្ឈការនិងវិសហមជ្ឈការនិងការអនុវត្តការងារ ផ.អ.៥ ដំណាក់កាលទី២ (ផ.អ.៥ទី២) ប្រចាំខែសីហា ឆ្នាំ២០២៦ ក្រោមអធិបតីភាពលោក សុខ សុទ្ធី អភិបាលរងនៃគណៈអភិបាលខេត្ត លោកនាយករដ្ឋបាល លោកអភិបាលក្រុងស្រុកទាំង៩ និងតំណាងមន្ទីរជុំវិញខេត្តបានមានវត្តមានក្នុងកិច្ចប្រជុំនោះផងដែរ។

កំពង់ស្ពឺ÷ ថ្ងៃអាទិត្យ ២កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែកញ្ញា ឆ្នាំ២០២៦-ឯកឧត្តម ជួន វន ប្រធានក្រុមការងារគណបក្សចុះមូលដ្ឋានស្រុកគងពិសី បានគោរពអញ្ជើញ គោរពវិញ្ញាណក្ខន្ធ និងនាំយកថវិកាចំនួន ៤០០.០០០រៀល ចូលរួមរំលែកទុក្ខពិធីបុណ្យសពលោក ប្រាក់ លន់ ប្រធានគណបក្សឃុំ និងជាមេឃុំព្រះនិព្វាន្ត ស្រុកគងពិសី ដែលបានទទួលមរណភាពក្នុងជន្មាយុ ៧៣ឆ្នាំ ដោយរោគាពាធ នៅភូមិព្រៃទទឺង ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ។

ខេត្តកំពង់ស្ពឺ៖ នៅថ្ងៃសុក្រ ១៥រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែកញ្ញា ឆ្នាំ២០២៦ ឯកឧត្តម ឈួរ សុបញ្ញា រដ្ឋលេខាធិការក្រសួងធម្មការនិងសាសនា និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកសាមគ្គីមុនីជ័យបានអញ្ជើញចូលរួមក្នុង ពិធីបញ្ចុះបឋមសិលាកសាងខ្លោងទ្វារវត្តទំពូង ស្ថិតនៅឃុំមានជ័យ ស្រុកសាមគ្គីមុនីជ័យ ខេត្តកំពង់ស្ពឺ។

ខេត្តកំពង់ស្ពឺ៖ នៅថ្ងៃទី១១ ខែកញ្ញា ឆ្នាំ២០២៦ ត្រូវនឹងថ្ងៃសុក្រ ១៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ កិច្ចប្រជុំត្រៀមរៀបចំពិធីបុណ្យកឋិនទានមួយត្រូវបានប្រារព្ធឡើង ដើម្បីដង្ហែទៅវេរប្រគេនព្រះសង្ឃដែលគង់ចាំព្រះវស្សាអស់ត្រីមាសក្នុងពុទ្ធសីមាវត្តស្រះឃ្លាំង ដែលមានទីតាំងស្ថិតនៅភូមិត្រពាំងអណ្តូង ឃុំពាំងល្វា ស្រុកសាមគ្គីមុនីជ័យ ខេត្តកំពង់ស្ពឺ។ ពិធីបុណ្យកឋិនទានប្រាកដជាំងនេះ នឹងប្រព្រឹត្តទៅនៅថ្ងៃទី២៦-២៧ ខែតុលា ឆ្នាំ២០២៦ ខាងមុខនេះ។

ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ ដឹកនាំមន្ត្រីជំនាញចុះពិនិត្យប្រព័ន្ធស្រោចស្រពជាក់ស្តែងក្នុងខេត្ត

🙏 កម្មវិធី  “ ប៉ាម៉ានី “ 🙏 កំពង់ស្ពឺ÷ នៅរសៀលថ្ងៃទី១០ ខែកញ្ញា ឆ្នាំ២០២៦  នេះក្រោមពាក្យស្លោក ចូលរួមសប្បាយរីករាយជាមួយក្រុមគ្រួសារ ❤️“ ប៉ាម៉ានី “❤️ ក្រុមការងារសម្របសម្រួលការងារវិស័យសុខាភិបាលខេត្តកំពង់ស្ពឺរបស់ ឯកឧត្តមឧបនាយករដ្ឋមន្រ្តី ❤️ហ៊ុន ម៉ានី  ❤️និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ដឹកនាំដោយ លោកវេជ្ជបណ្ឌិត វ៉េង ហេង និង

កំពង់ស្ពឺ÷ ថ្មីនេះនៅសាលាឃុំ តាំងស្យា លោក ជេត ដុំ នាយករងរដ្ឋបាលសាលាខេត្ត បានដឹកនាំកិច្ចប្រជុំក្រុមការងារចម្រុះថ្នាក់ខេត្ត ចុះអង្កេត ផ្ទៀងផ្ទាត់ ពីស្ថានភាពជីវភាពគ្រួសារប្រជាពលរដ្ឋ ដែលបានដាក់ពាក្យស្នើសុំវាស់វែងដីធ្លី ក្នុងទីតាំងបញ្ជាការដ្ឋានរថក្រោះ អគ្គបញ្ជាការ (ACO) ស្ថិតនៅក្នុងភូមិពង្រ ភូមិក្អែកពង ឃុំតាំងស្យា និងភូមិក្រាំងល្ហុង ស្ថិតនៅក្នុងឃុំមហាសាំង ស្រុកភ្នំស្រួច ខេត្តកំពង់ស្ពឺ ដោយមានការចូល រួមពីតំណាងរដ្ឋបាលខេត្ត ថ្នាក់ដឹកនាំអង្គភាពបញ្ជាការដ្ឋានរថក្រោះ អគ្គបញ្ជាការ សាលាហ្វឹកហ្វឺនកងកម្លាំងរក្សា សន្តិភាពហុជាតិ ម សន្តិភា មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត មន្ទីរកសិកម្ម រុក្ខាប្រមាញ់ និងនេសាទ ខេត្ត មន្ទីរអធិការកិច្ចខេត្ត មន្ទីរបរិស្ថានខេត្ត មន្ទីរផែនការខេត្ត អាជ្ញាធរស្រុកភ្នំស្រួច ឃុំតាំងស្យា មេភូមិក្អែកពង និង មេភូមិពង្រ។