ព័ត៌មានក្នុងខេត្ត

(កំពង់ស្ពឺ)៖ ដើម្បីធានាឱ្យការរៀបចំព្រឹត្តិការណ៍ទេសចរណ៍ដ៏ធំប្រចាំខេត្តដំណើរការទៅដោយរលូន និងទទួលបានជោគជ័យ នាថ្ងៃទី២៦ ខែសីហា ឆ្នាំ២០២៦ លោក ងួន វាសនា អភិបាលរង នៃគណៈអភិបាលខេត្តកំពង់ស្ពឺ បានអញ្ជើញដឹកនាំកិច្ចប្រជុំត្រៀមរៀបចំព្រឹត្តិការណ៍ «បុណ្យភ្នំ» ដែលគ្រោងនឹងប្រព្រឹត្តទៅរយៈពេល ២ថ្ងៃ ចាប់ពីថ្ងៃទី៥ ដល់ថ្ងៃទី៦ ខែធ្នូ ឆ្នាំ២០២៦ ខាងមុខនេះ នៅឧទ្យានជាតិព្រះសុរាម្រិត-កុសុមៈ «គិរីរម្យ»។

កិច្ចប្រជុំត្រួតពិនិត្យ ផ្ទៀងផ្ទាត់ និងវាយតម្លៃលើការរៀបចំបញ្ជីសារពើភណ្ឌទ្រព្យសម្បត្តិរដ្ឋ (តារាងកើនឡើង-ថយចុះទ្រព្យសម្បត្តិរដ្ឋប្រចាំឆ្នាំ២០២៥) និងជំរុញការធ្វើប័ណ្ណកម្មសិទ្ធិដីរដ្ឋរបស់រដ្ឋបាលខេត្ត ក្រុង ស្រុក ឃុំ សង្កាត់ និងមន្ទីរ-អង្គភាពជុំវិញខេត្ត

កំពង់ស្ពឺ៖ ថ្ងៃទី២៤ ខែសីហា ឆ្នាំ២០២៦ រដ្ឋបាលខេត្តកំពង់ស្ពឺ បានរៀបចំកិច្ចប្រជុំត្រួតពិនិត្យ ផ្ទៀងផ្ទាត់ និងវាយតម្លៃលើការរៀបចំបញ្ជីសារពើភណ្ឌទ្រព្យសម្បត្តិរដ្ឋ (តារាងកើនឡើង-ថយចុះទ្រព្យសម្បត្តិរដ្ឋប្រចាំឆ្នាំ២០២៥) និងជំរុញការធ្វើប័ណ្ណកម្មសិទ្ធិដីរដ្ឋរបស់រដ្ឋបាលខេត្ត ក្រុង ស្រុក ឃុំ សង្កាត់ និងមន្ទីរ-អង្គភាពជុំវិញខេត្ត។ កិច្ចប្រជុំនេះបានប្រព្រឹត្តទៅក្រោមអធិបតីភាព លោក ផាន់ មករា ប្រធាននាយកដ្ឋានសារពើភណ្ឌទ្រព្យសម្បត្តិរដ្ឋ នៃក្រសួងសេដ្ឋកិច្ច និងហិរញ្ញវត្ថុ និង លោក ហន ភក្តី អភិបាលរង នៃគណៈអភិបាលខេត្តកំពង់ស្ពឺ ព្រមទាំងមានការចូលរួមយ៉ាងកុះករពីសំណាក់ លោក-លោកស្រី ប្រធាន-អនុប្រធានមន្ទីរជុំវិញខេត្ត កងកម្លាំងទាំងបី និងអភិបាលក្រុង ស្រុក មេឃុំ ចៅសង្កាត់។

កំពង់ស្ពឺ÷ នាថ្ងៃទី ២១ ខែ សីហា ឆ្នាំ ២០២៦ មន្ទីរឧស្សាហកម្ម វិទ្យាសាស្ត្រ និងនវានុវត្តខេត្តកំពង់ស្ពឺ សហការជាមួយអគ្គនាយកដ្ឋានឧស្សាហកម្ម នៃក្រសួងឧស្សាហកម្មវិទ្យាសាស្ត្រ និងនវានុវត្ត បានរៀបចំសិក្ខាសាលាផ្សព្វផ្សាយ ស្តីពី«ការគ្រប់គ្រងលក្ខណៈបច្ចេកទេសប្លង់រោងចក្រ សុវត្ថិភាពដំណើរការឧបករណ៍ គ្រឿងចក្រ គ្រឿងម៉ាស៊ីនមានហានិភ័យខ្ពស់ ការបំពុលឧស្សាហកម្ម និងការគាំពារជនពិការភាពនៅក្នុងរោងចក្រ»។ សិក្ខាសាលានេះ បានប្រព្រឹត្តទៅក្រោមអធិបតីភាព ឯកឧត្ដមបណ្ឌិត ទឹង ស៊ីនី រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដោយមានការចូលរួមពីតំណាងក្រុមហ៊ុន និងរោងចក្រនានាទូទាំងខេត្តកំពង់ស្ពឺយ៉ាងច្រើនកុះករ។

‎(កំពង់ស្ពឺ)៖ ថ្ងៃទី២១ ខែសីហា ឆ្នាំ២០២៦ ឯកឧត្តម សុខ ដារិទ្ធិ អគ្គនាយករង នៃអគ្គនាយកដ្ឋានគោលនយោបាយ និងជំរុញពាណិជ្ជកម្ម និង ឯកឧត្តម ជាវ វិជ្ជាក់ អភិបាលរង នៃគណៈអភិបាលខេត្តកំពង់ស្ពឺ បានអញ្ជើញជាអធិបតីភាពក្នុងកិច្ចប្រជុំពិភាក្សាប្រមូលធាតុចូល លើការងារត្រៀមលក្ខណៈចូលរួមពិព័រណ៍ចិន-អាស៊ាន លើកទី២៣ ដែលនឹងប្រព្រឹត្តទៅនៅទីក្រុងណាននីង សាធារណរដ្ឋប្រជាមានិតចិន។ កិច្ចប្រជុំនេះបានប្រារព្ធធ្វើឡើងនៅសាលប្រជុំ សំរិទ្ធ សាខន (ជាន់ទី២ នៃអគាររដ្ឋបាលខេត្ត) ដោយមានការអញ្ជើញចូលរួមពី លោក លោកស្រី ជាប្រធាន មន្ទីរ-អង្គភាពពាក់ព័ន្ធជុំវិញខេត្តយ៉ាងច្រើនកុះករ។

កំពង់ស្ពឺ÷ រដ្ឋបាលស្រុកសំរោងទងបាន បើកវេទិកា និងពិគ្រោះយោបល់ជាមួយប្រជាពលរដ្ឋ ក្រោមអធិបតីភាព លោក ជុំ ទ្រួក ប្រធានក្រុមប្រឹក្សាស្រុក លោក មុត ភន អភិបាល នៃគណៈអភិបាលស្រុក នៅមានការអញ្ជើញចូលរួមពីសំណាក់លោក លោកស្រីៗ សមាជិកក្រុមប្រឹក្សា អភិបាលរង នៃគណៈអភិបាលស្រុក នាយក នាយករង ប្រធាន អនុប្រធានការិយាល័យអង្គភាពជំនាញនៃរដ្ឋបាលស្រុក កង កម្លាំងប្រដាប់អាវុធទំាង៣ មេឃុំ សមាជិកក្រុមប្រឹក្សាឃុំ លោកមេប៉ុស្តិ មណ្ឌលសុខភាព លោកនាយកសាលានិងតំណាងប្រជាពលរដ្ខថ្នាក់មូលដ្ឋានទាំង៣ឃុំសរុបចំនួន១៤២នាក់ ស្រី  ៥៤នាក់។

រដ្ឋមន្ត្រីបរិស្ថានមិនអនុញ្ញាតឱ្យកើតមានសំណង់ថ្មីទៀតទេលើឧទ្យានជាតិព្រះសុរាម្រិតកុសមៈ(គិរីរម្យ) គ្រាដែលសំណង់អនាធិបតេយ្យជាច្រើនកន្លែងកំពុងត្រូវបានរុះរើ

មន្ទីរព័ត៌មានខេត្តកំពង់ស្ពឺ រៀបចំកិច្ចប្រជុំពិនិត្យ និងពង្រៀងរបាយការណ៍ប្រចាំខែសីហា ឆ្នាំ២០២៦

កំពង់ស្ពឺ៖ នាព្រឹកថ្ងៃទី១៩ ខែសីហា ឆ្នាំ២០២៦ មន្ទីរព័ត៌មានខេត្តកំពង់ស្ពឺ បានរៀបចំកិច្ចប្រជុំពិនិត្យ និងពង្រៀងរបាយការណ៍លទ្ធផលការងារប្រចាំខែសីហា ឆ្នាំ២០២៦ ក្រោមអធិបតីភាពលោកស្រី ម៉ែន ស៊ីនួន ប្រធានមន្ទីរព័ត៌មានខេត្ត ដោយមានការចូលរួមពីលោកអនុប្រធានមន្ទីរ ព្រមទាំងប្រធាន និងមន្ត្រីទទួលបន្ទុកតាមការិយាល័យទាំង៥ ចំណុះឱ្យមន្ទីរ។ កិច្ចប្រជុំនេះ រៀបចំឡើងក្នុងគោលបំណងពិនិត្យឡើងវិញនូវវឌ្ឍនភាពការងារដែលបានអនុវត្តកន្លងមក ពង្រឹងប្រសិទ្ធភាពការងារ កំណត់បញ្ហាប្រឈម និងស្វែងរកដំណោះស្រាយ ព្រមទាំងពង្រៀងខ្លឹមសាររបាយការណ៍ឱ្យមានភាពត្រឹមត្រូវ គ្រប់ជ្រុងជ្រោយ និងឆ្លុះបញ្ចាំងពីលទ្ធផលការងារជាក់ស្តែងរបស់មន្ទីរ។

កំពង់ស្ពឺ÷ លោកស្រី ម៉ែន ស៊ីនួន ប្រធានមន្ទីរព័ត៌មានខេត្តកំពង់ស្ពឺ បានទទួលឧបករណ៍បច្ចេកវិទ្យាបន្ថែម រួមមាន កាមេរ៉ា ១គ្រឿង និង កុំព្យូទ័រ ១គ្រឿង ពីឯកឧត្តម នេត ភក្ត្រា រដ្ឋមន្ត្រីក្រសួងព័ត៌មាន ថ្ងៃអង្គារ ទី១៨ ខែសីហា ឆ្នាំ២០២៦ (ថ្ងៃ៥កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០)។

ពិធីប្រកាសបញ្ចូលសមាជិកថ្មី ២៥៥នាក់ នៃគណបក្សប្រជាជនកម្ពុជា នៅឃុំភ្នំតូច ស្រុកសាមគ្គីមុនីជ័យ

ឯកឧត្តមបណ្ឌិតអភិបាលខេត្ត ដឹកនាំប្រតិភូចូលរួមគោរពវិញ្ញាណក្ខន្ធ និងរំលែកទុក្ខចំពោះគ្រួសារសព លោក ហុក ម៉ារ៉ាឌី នាយករងរដ្ឋបាលសាលាខេត្តកំពង់ស្ពឺ