ព័ត៌មានក្នុងខេត្ត

ពិធីកាត់ខ្សែបូសម្ពោធឆ្លងខ្លោងទ្វារ និងសមិទ្ធផលនានានៅសាលាបឋមសិក្សាស្រះធុល

សូមអនុមោទនាបុណ្យកុសល! វត្តពាំងល្វា (ហៅវត្តបាត់កូន) ក្នុងខេត្តកំពង់ស្ពឺ ប្រារព្ធពិធីបុណ្យសលាកភត្ត ប្រកបដោយទឹកចិត្តសទ្ធាជ្រះថ្លា

ក្នុងពិធីបុណ្យ និងពិធីកម្មតាមប្រពៃណីខ្មែរ ការអុជទៀន និងការបូជាទៀនលើបាយសី ឬគ្រឿងសក្ការៈ គឺជាផ្នែកមួយដែលមានអត្ថន័យទាក់ទងនឹងជំនឿ ប្រពៃណី ការគោរពបូជា និងការបង្ហាញនូវសេចក្តីជ្រះថ្លារបស់អ្នកប្រតិបត្តិ។ ទោះជាយ៉ាងណា លំអាននៃការអុជទៀនថា តើគួរបូជាពីលើចុះក្រោម ឬពីក្រោមឡើងលើ នៅតែជាប្រធានបទដែលមានការអនុវត្តខុសៗគ្នានៅតាមទីកន្លែង និងតាមពិធីមួយចំនួន។

កំពង់ស្ពឺ៖ នៅថ្ងៃទី០៩ ខែសីហា ឆ្នាំ២០២៦ ថ្នាក់ដឹកនាំ និងក្រុមការងារគណបក្សចុះមូលដ្ឋាន បាននាំយកទៀនចំណាំព្រះវស្សា ព្រមទាំងគ្រឿងឧបភោគបរិភោគ និងបច្ច័យ ទៅវេរប្រគេនដល់ព្រះសង្ឃដែលគង់ចាំព្រះវស្សាអស់ត្រីមាស (រយៈពេល ៣ខែ) នៅវត្តចំនួន ២ ក្នុងឃុំរុងរឿង រួមមាន វត្តចន្ទនារាម (ហៅវត្តទឹកលង) និង វត្តជោតិវ័ន្ត។ ពិធីនេះត្រូវបានដឹកនាំដោយ លោក កាន់ ឆាយហុង (តំណាង លោក ហុង ចាន់សុខា) អនុប្រធានក្រុមការងារគណបក្សចុះមូលដ្ឋានស្រុក និងជាអនុប្រធានក្រុមការងារគណបក្សចុះមូលដ្ឋានឃុំរុងរឿង ព្រមទាំងមានការអញ្ជើញចូលរួមពីថ្នាក់ដឹកនាំអមដំណើររួមមាន៖ លោក ទួន សុង ៖ អនុប្រធានគណៈកម្មាធិការគណបក្សស្រុក និងជាអនុប្រធានក្រុមការងារគណបក្សចុះមូលដ្ឋានឃុំរុងរឿង លោក ឈុន ឈុំ ៖ សមាជិកគណៈអចិន្ត្រៃយ៍គណៈកម្មាធិការគណបក្សស្រុក និងជាអនុប្រធានក្រុមការងារគណបក្សចុះមូលដ្ឋានឃុំរុងរឿង លោក ឈុំ ឆោម ៖ ប្រធានគណៈកម្មាធិការគណបក្សឃុំរុងរឿង ព្រមទាំងសហការីអមដំណើរជាច្រើនរូបទៀត។

កំពង់ស្ពឺ÷ថ្ងៃសៅរ៍ ១០រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែសីហា ឆ្នាំ២០២៦ (August 8, 2026)លោក ហេង ស៊ីណា សមាជិកគណៈកម្មាធិការគណបក្សស្រុក អនុប្រធានយុវជនគណបក្សស្រុក និងជាក្រុមការងារចុះជួយឃុំព្រៃញាតិ តំណាងឲ្យលោក ហន ពិសិដ្ឋ ប្រធានយុវជនគណបក្សស្រុក និងជាប្រធានគណបក្សប្រជាជនកម្ពុជាស្រុកគងពិសី បានបន្តអញ្ជើញដឹកនាំយុវជនស្រុក ឃុំ ចុះសួរសុខទុក្ខ និងនាំយកសម្ភារៈថវិកាឧបត្ថម្ភជូនគ្រួសារជួបការលំបាកចំនួន ២គ្រួសារ ស្ថិតនៅភូមិសម្តេចឪ ឃុំព្រៃញាតិ ស្រុកគងពិសី ខេត្តកំពង់ស្ពឺ។ មានការនិមន្តចូលរួមពីព្រះគ្រូចៅអធិការវត្តអង្គតាភេម លោក ចាន់ ស៊ុន មេឃុំ ក្រុមប្រឹក្សាឃុំ យុវជនឃុំ រួមជាមួយមេភូមិ អនុភូមិ ជំនួយការភូមិសម្តេចឪ។ សម្ភារៈ និងថវិកានេះបានពីការចូលរួមឧបត្ថម្ភរបស់ព្រះតេជគុណ ព្រមជាមួយក្រុមយុវជនស្រុក ឃុំ ដោយក្នុង ១គ្រួសារៗទទួលបានអង្គរ ២៥ គីឡូក្រាម ទឹកសុទ្ធ ១កេស មី ១កេស ទឹកត្រី ១យួរ ទឹកស៊ីអ៊ីវ ១យួរ និងថវិកាចំនួន ៤០,០០០រៀល។

កំពង់ស្ពឺ÷ថ្ងៃសៅរ៍ ១០រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែសីហា ឆ្នាំ២០២៦(August 8, 2026) លោកស្រី ស្រី លីនណា ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ស្ពឺ និងជាប្រធានក្រុមការងារគណបក្សចុះមូលដ្ឋានឃុំ ដោយមានចូលរួមពីលោក លោកស្រី អនុប្រធាន សមាជិកក្រុមការងារគណបក្សចុះមូលដ្ឋានឃុំ សមាជិកអចិន្ត្រៃយ៍បក្សឃុំ និងថ្នាក់ដឹកនាំភូមិ បានអញ្ជើញនាំយកទេយ្យវត្ថុប្រគេនព្រះសង្ឃគង់ចាំព្រះវស្សាចំនួន ០៣វត្ត (វត្តសុរភី , វត្តសម្តេចព្រះសង្ឃរាជជួនណាត និងវត្តអង្គជុំ) ក្នុងឃុំរកាកោះ ស្រុកគងពិសី ខេត្តកំពង់ស្ពឺ។ ក្នុងមួយវត្តៗសម្ភារៈរួមមាន៖ ទៀតព្រះវស្សា ១គូ អង្ករ ៥០គីឡូក្រាម មី ២កេស ទឹកត្រី ១យួរ ទឹកស៊ីអ៊ីវ ១យួរ ប្រឹង ៥លីត្រ  សាប៊ូ ១ថង់ អំបិលបិល ១គីឡូក្រាម ប៊ីចេង ១គីឡូក្រាម ខ្ទឹមស ១គីឡូក្រាម ស្កសរ ១គីឡូក្រាម និងថវិកាចំនួន ៩០០,០០០រៀល។

កំពង់ស្ពឺ÷ ព្រឹកថ្ងៃអាទិត្យ ៤ រោចខែទុតិយាសាឍឆ្នាំមមី អដ្ឋស័ក ព.ស ២៥៧០ត្រូវនឹងថ្ងៃទី០២ខែសីហាឆ្នាំ២០២៦។ លោកជំទាវខេង សំវ៉ាដា អ្នកតំណាងរាស្រ្ដមណ្ឌលខេត្តកំពង់ស្ពឺ អនុប្រធានគណៈកម្មការទី៧ នៃរដ្ឋសភា និងជាប្រធានក្រុមការងារចុះមូលដ្ឋានស្រុកសំរោងទង/ឃុំស្គុះ បានអញ្ជើញ ចូលរួមក្នុងពិធីបុណ្យសលាកភត្ត ប្រគេនព្រះសង្ឃចំនួន ១០៤ អង្គក្នុងនោះលោកជំទាវ ក្រុមគ្រួសារ និងសហការី ទទួលរៀបចំទេយ្យទាន ចង្ហាន់ ភេសជ្ជៈ បច្ច័យ ប្រគេនព្រះសង្ឃផ្ទាល់ចំនួន៣០ ព្រះអង្គ នៅវត្ត កោះពន្លាមានជ័យ ឃុំអមលាំង ស្រុកថ្ពង ខេត្តកំពង់ស្ពឺ ។

កំពង់ស្ពឺ÷ ព្រឹកថ្ងៃសៅរ៌ ៣ រោចខែទុតិយាសាឍឆ្នាំមមី អដ្ឋស័ក ព.ស ២៥៧០ត្រូវនឹងថ្ងៃទី០១ខែសីហាឆ្នាំ២០២៦ លោកជំទាវខេង សំវ៉ាដា អ្នកតំណាងរាស្រ្ដមណ្ឌលខេត្តកំពង់ស្ពឺ  អនុប្រធានគណៈកម្មការទី៧ នៃរដ្ឋសភា និងជាប្រធានក្រុមការងារចុះមូលដ្ឋានស្រុកសំរោងទង/ឃុំស្គុះ  រួមដំណើរដោយសហការី ជាក្រុមការងារចុះជួយឃុំស្គុះជាច្រើនរូបទៀត បានអញ្ជើញ និងនាំយកនូវទៀនចំណាំព្រះវស្សា ទៅវេប្រគេន ព្រះសង្ឍចំនួន ៨១ អង្គ គង់ចាំព្រះវស្សា អស់ត្រីមាស ក្នុងពុទ្ធសីមាវត្តចំនួន ៥ វត្ត”១-វត្តចំប៉ាទេព ២-វត្តអង្គពោធិ៍ ៣-វត្តគីរីអង្គសរ(ហៅភ្នំជាល )៤-វត្តបឹងតូច” ស្ថិតនៅឃុំស្គុះ ស្រុកសំរោងទង  ៥-វត្តព្រៃបឹង ឃុំក្រាំងចេក ស្រុកសាមគ្គីមុនីជ័យ ខេត្តកំពង់ស្ពឺ ។

កំពង់ស្ពឺ÷ នាថ្ងៃទី០១ ខែសីហា ឆ្នាំ២០២៦ ឯកឧត្តម ភោគ សុវណ្ណរិទ្ធ ប្រធានក្រុមការងាររាជរដ្ឋាភិបាលចុះមូលដ្ឋានស្រុកថ្ពង ខេត្តកំពង់ស្ពឺ រួមជាមួយក្រុមការងារភូមិ ឃុំ ស្រុក បានចូលរួមប្រគេនទៀនព្រះវស្សា ដល់ព្រះសង្ឃគង់នៅវត្តថ្មីដងទង់ ស្ថិតក្នុងឃុំរុងរឿង ស្រុកថ្ពង ខេត្តកំពង់ស្ពឺ ដែលទេយ្យវត្ថុទាំងអស់រួមមាន:

កំពង់ស្ពឺ៖ ថ្ងៃទី៣០ ខែកក្កដា ឆ្នាំ២០២៦---ឯកឧត្តម យឹម សុខុម ប្រធានក្រុមប្រឹក្សាខេត្ត និង ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ត ព្រមទាំង លោកជំទាវ ម៉េង វ៉ាន់ដានីន ​អញ្ជើញរាប់បាតព្រះសង្ឃនិមន្តគោចរបិណ្ឌបាតចំនួន២០០អង្គ ដែលជាថ្ងៃចូលព្រះវស្សា និងជាបុណ្យប្រពៃណីជាតិដ៏ធំដើម្បីឧទ្ទិសកុសល និងបូជាចំពោះព្រះរតនត្រៃ នៅបរិវេណខាងមុខសាលាខេត្តកំពង់ស្ពឺ ។ ពិធីបុណ្យក៏មានការអញ្ជើញចូលរួមផងដែរពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត លោក លោកស្រី ប្រធានមន្ទីរ-អង្គភាពជុំវិញខេត្ត មន្ត្រីរាជការ កងកម្លាំងទាំង៣ ព្រមទាំងពុទ្ធបរិស័ទយ៉ាងច្រើនកុះករ ដើម្បីចូលរួមចាប់មគ្គផល និងរាប់បាតប្រគល់ទានថ្វាយព្រះសង្ឃដែលបាននិមន្តគោចរបិណ្ឌបាត។

កំពង់ស្ពឺ៖ ថ្ងៃទី៣០ ខែកក្កដា ឆ្នាំ២០២៦--- រដ្ឋបាលខេត្តកំពង់ស្ពឺ បានរៀបចំពិធីវេរប្រគេនទានព្រះវស្សាដល់វត្តចំនួន ១៨វត្ត ដែលបានប្រារព្ធឡើងនៅវត្តមុនីរង្សី រតនារាម (ហៅវត្តម្រុំខាងជើង) ក្រោមអធិបតីភាព ឯកឧត្តម យឹម សុខុម ប្រធានក្រុមប្រឹក្សាខេត្ត និង ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ត ព្រមទាំង លោកជំទាវ ម៉េង វ៉ាន់ដានីន និង មានការអញ្ជើញចូលរួមផងដែរពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត លោក លោកស្រី ប្រធានមន្ទីរ-អង្គភាពជុំវិញខេត្ត មន្ត្រីរាជការ កងកម្លាំងប្រដាប់អាវុធ ព្រមទាំងពុទ្ធបរិស័ទយ៉ាងច្រើនកុះករ ដើម្បីចូលរួមចាប់មគ្គផល និងរាប់បាតប្រគល់ទានថ្វាយព្រះសង្ឃដែលបាននិមន្តគោចរបិណ្ឌបាតយ៉ាងអធិកអធម។

កំពង់ស្ពឺ÷ ថ្ងៃអង្គារ ៧កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២១ ខែកក្កដាឆ្នាំ២០២៦ ឯកឧត្តម ជួន វន រដ្ឋលេខាធិការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងជាប្រធានក្រុមការងារចុះមូលដ្ឋានស្រុកគងពិសី និងលោកជំទាវ ឯក ផល្លី បាននាំយកសម្ភារៈបរិក្ខាប្រគេនទៀនចំណាំព្រះវស្សាចំនួន ៥វត្ត ក្នុងស្រុកគងពិសី ខេត្តកំពង់ស្ពឺ។ ក្នុងពិធីនេះមានការអញ្ជើញចូលរួមពីលោក ម៉ែន ពុំ ប្រធានក្រុមប្រឹក្សាស្រុក លោក ហន ពិសិដ្ឋ អភិបាល នៃគណៈអភិបាលស្រុក ថ្នាក់ដឹកនាំស្រុក មន្ត្រីរាជការជុំវិញស្រុក ថ្នាក់ដឹកនាំឃុំ ភូមិ ពាក់ព័ន្ធ ព្រមជាមួយលោកអាចារ្យ លោកយាយ លោកតា និងពុទ្ធបរិស័ទចំណុះជើងវត្ត ដែលធ្វើឡើងចំនួនពីរទីតាំង÷ ស្ថិតនៅវត្តសាលព្រឹក្ស ហៅវត្តត្រាំខ្នារ ឃុំស្នំក្រពើ និងនៅវត្តស្រង់អង្គស្នោរ ឃុំស្រង់ ដោយនិមន្តព្រះសង្ឃចំនួន ៣វត្តបន្ថែម មាន វត្តចំប៉ាចារ៍ ឃុំអង្គពពេល វត្តអង្គរោង ឃុំមហាឫស្សី និងវត្តតេជៈ នៅឃុំស្រង់ ស្រុកគងពិសី ខេត្តកំពង់ស្ពឺ។