ព័ត៌មានក្នុងខេត្ត

កំពង់ស្ពឺ៖រសៀថ្ងៃអង្គារ ទី២១ ខែកក្កដា ឆ្នាំ២០២៦ រដ្ឋបាលខេត្តកំពង់ស្ពឺ បានសហការជាមួយក្រសួងផែនការ រៀបចំកិច្ចប្រជុំពិភាក្សា និងសម្របសម្រួលការបំពេញស្ថិតិកង់បី ឬរ៉ឺម៉កដឹកអ្នកដំណើរ ដែលបានចុះឈ្មោះ និងមិនទាន់បានចុះឈ្មោះក្នុងប្រព័ន្ធសេដ្ឋកិច្ចក្រៅប្រព័ន្ធ តាមបណ្តាក្រុង-ស្រុកទូទាំងខេត្ត។ កិច្ចប្រជុំនេះ បានប្រព្រឹត្តទៅក្រោមអធិបតីភាព ឯកឧត្តម ជាវ វិជ្ជាក់ អភិបាលរងខេត្ត លោក កែវ អ៊ូលី ប្រធាននាយកដ្ឋានអត្តសញ្ញាណកម្មគ្រួសារក្រីក្រ កិច្ចប្រជុំនេះក៏មានការអញ្ជើញចូលរួម នាយក នាយករងរដ្ឋបាលខេត្ត លោក លោកស្រី ប្រធាន អនុប្រធានមន្ទីរពាក់ព័ន្ធជាច្រើនរូបទៀត។

កំពង់ស្ពឺ៖នាព្រឹកថ្ងៃអង្គារ ទី២១ ខែកក្កដា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញ ដឹកនាំនាយទាហាន នាយទាហានរង នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ ចូលរួមស្តាប់ក្នុងកិច្ចប្រជុំផ្សព្វផ្សាយច្បាប់ស្តីពីកាតព្វកិច្ចយោធាក្រោមអធិបតីភាព ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស តាមប្រព័ន្ធ Video Conference ស្ថិតនៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ស្ពឺ។

កំពង់ស្ពឺ÷ ក្រុមការងារ ឯកឧត្តមបណ្ឌិត ហេង សុខគង់ បាននាំយកថ្នាំពេទ្យ ជាអំណោយរបស់ ឯកឧត្តមឧបនាយករដ្ឋមន្ត្រី ហ៊ុន ម៉ានី និងក្រុមគ្រូពេទ្យចុះតាមខ្នងផ្ទះ ក្នុងភូមិព្រៃរំដែល ឃុំភក្ដី ស្រុកបសេដ្ឋ ខេត្តកំពង់ស្ពឺ។ ក្រុមការងារចុះមូលដ្ឋាន ឃុំភក្ដី- ភូមិព្រៃរំដួល នាព្រឹកថ្ងៃសៅរ៍ ទី១៨ ខែកក្តដា ឆ្នាំ២០២៦ ក្រុមការងារចុះមូលដ្ឋានឃុំភក្ដី ស្រុកបសេដ្ឋ ដឹកនាំដោយ ឯកឧត្តម វង្ស វ៉ាន់នី អនុប្រធានក្រុមការងារចុះមូលដ្ឋានឃុំភក្តី , និងក្រុមការងារគ្រូពេទ្យគណបក្សប្រជាជនកម្ពុជាឃុំភក្ដី តំណាង ឯកឧត្តម លី ចាន់សុភក្ដី ប្រធានក្រុមការងារចុះមូលដ្ឋានឃុំភក្ដី រួមជាមួយគណៈអចិន្ត្រៃគណបក្សឃុំ សាខាបក្សភូមិ (សរុបចំនួន ២០នាក់ ស្រី ចំនួន ៨នាក់ ) បានចុះពិនិត្យព្យាបាលជំងឺ និងផ្ដល់ថ្នាំពេទ្យជូនប្រជាពលរដ្ឋតាមខ្នងផ្ទះ ដោយឥតគិតថ្លៃ បានចំនួន២៦ខ្នងផ្ទះសរុប ចំនួន ១០៤នាក់ ស្រី ចំនួន ៥៧នាក់។

កំពង់ស្ពឺ÷ នៅរសៀលថ្ងៃទី១៩ ខែកក្កដា ឆ្នាំ២០២៦នេះ ឯកឧត្តមបណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ប្រធានសម្ព័ន្ធគ្រូពេទ្យ ស.ស.យ.ក អនុប្រធានទី២ ក្រុមការងារចុះមូលដ្ឋានស្រុកបសេដ្ឋ និងលោកជំទាវ បានអញ្ជើញសួរសុខទុក្ខជូនអំណោយ និងពិនិត្យសុខភាពជូនចាស់ជរា និងក្រុមគ្រួសារវីរកងទ័ព ចំនួនជាង៣០០គ្រួសារ នៅវត្តផុងភក្តីវរារ៉ាម ស្ថិតក្នុងឃុំភក្តី ស្រុកបសេដ្ឋ ខេត្តកំពង់ស្ពឺ ។ ចូលរួមក្នុងឱកាសនោះផងដែរមានលោកឧកញ៉ា ផូ កែវសម្បត្តិ និងលោកជំទាវឧកញ៉ា ហង្ស ម៉ារីនី តំណាងសប្បុរសជន ឯកឧត្តម លី ចាន់សុភក្តី ប្រធានក្រុមការងារចុះមូលដ្ឋានឃុំភក្តី លោកសំអឿន សុបញ្ញា អភិបាលនៃគណៈអភិបាលស្រុកបសេដ្ឋ លោកមេឃុំ ក្រុមប្រឹក្សាឃុំ មេភូមិ និងក្រុមការងារជាច្រើនរូបផងដែរ។

កំពង់ស្ពឺ÷ ឯកឧត្តម ឧបនាយករដ្ឋមន្ត្រី ហ៊ុន ម៉ានី ប្រធានក្រុមការងារចុះមូលដ្ឋានខេត្តកំពង់ស្ពឺ  និងជាប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បាននាំយកអំណោយសម្ភារបរិក្ខាថ្នាំពេទ្យ និងដឹកនាំក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន ៨៣៧នាក់ ស្រី ៣៨៥នាក់ ដើម្បីចុះផ្សព្វផ្សាយអប់រំសុខភាព វគ្គសង្គ្រោះបឋម និងពិនិត្យព្យាបាលជំងឺ ចែកឱសថ ផ្តល់សេវា រួមទាំងស្បៀងអាហារមានជានំប៉័ង និងទឹកសុទ្ធ ជូនប្រជាពលរដ្ឋដោយឥតគិតថ្លៃ បានចំនួន ១៦៧៩៦នាក់ ស្រី ១១៥៨៩នាក់ (លើសផែនការគ្រោងទុកចំនួន ៥ដង)។

កំពង់ស្ពឺ÷ ថ្ងៃអាទិត្យ ៥កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែកក្កដាឆ្នាំ២០២៦ -ឯកឧត្តម ឈួរ សុបញ្ញា រដ្ឋលេខាធិការក្រសួងធម្មការ និងសាសនា តំណាងដ៏ខ្ពង់ខ្ពស់ឯកឧត្តម ហ៊ុន ម៉ានី ប្រធានក្រុមការងារចុះជួយមូលដ្ឋានខេត្តកំពង់ស្ពឺ បានអញ្ជើញនាំយកថវិកាចំនួន ៥០០,០០០រៀល ចូលរួមរំលែកទុក្ខជាមួយគ្រួសារសពឈ្មោះ ណោ នឹម ជានិវត្តជន (វិស័យអប់រំ) នៅភូមិក្រាំងឈើនាង ឃុំមហាឫស្សី ស្រុកគងពិសី ខេត្តកំពង់ស្ពឺ។

កំពង់ស្ពឺ÷ អធិការដ្ឋាននគរបាលស្រុកបសេដ្ឋ បង្រ្កាបករណីក្មេងទំនើងបង្ហោះម៉ូតូតាមដងផ្លូវសារធាណៈ សកម្មភាពក្រុមក្មេងទំនើង០១ក្រុមបង្ហោះម៉ូតូ តាមបណ្តោយផ្លូវជាតិលេខ៣ ពីទិសខាងជើងទៅទិសខាងត្បូង ចន្លោះគីឡូម៉ែត្រលេខ៥៩-៦០ ក្នុងភូមិព្រៃស្រូល ឃុំពោធិអង្រ្គង ស្រុកបសេដ្ឋ ខេត្តកំពង់ស្ពឺ កាលពីថ្ងៃទី១១/០៧/២០២៦ ។

កំពង់ស្ពឺ÷ អធិការស្រុកគងពិសីបានបង្រ្កាបក្មេងទំនើង(បង្ហោះម៉ូតូ) នៅយប់ថ្ងៃទី១៨ ខែកក្កដា ឆ្នាំ២០២៦ វេលាម៉ោង ២២ និង ៣០ នាទី កម្លំងជំនាញ សហការជាមួយ កម្លាំងប៉ុស្តិ៍រដ្ឋបាល កម្លាំងប្រជាការពារ ចុះល្បាតចល័ត  នៅក្នុងភូមិសាស្រ្តឃុំ លុះដល់ចំណុចបឹងចំប៉ាចារ៍  ស្ថិតនៅភូមិក្រសាំងផ្អែម ឃុំអង្គពពេល ស្រុកគងពិសី ខេត្តកំពង់ស្ពឺ បានឃេីញមុខសញ្ញាក្មេងទំនើងចំនួន៣នាក់ (បង្ហោះម៉ូតូ):

កំពង់ស្ពឺ÷ ដើម្បីបំពេញតម្រូវការ និងចូលរួមកាត់បន្ថយការលំបាករបស់បងប្អូនប្រជាពលរដ្ឋស្នងការដ្ឋាននគរបាលខេត្តកំពង់ស្ពឺ បានខិតខំបម្រើសេវា ជូនពលរដ្ឋ នៅថ្ងៃសៅរ៍ និងថ្ងៃអាទិត្យបន្ថែមទៀត សកម្មភាពកងកម្លាំងនគរបាល÷        នៅថ្ងៃអាទិត្យ ទី១៩ ខែកក្កដា ឆ្នាំ២០២៦ អធិដ្ឋាននគរបាលស្រុកភ្នំស្រួច   បានផ្ដល់សេវាជូនដល់ប្រជាពលរដ្ឋ នៅក្នុងមូលដ្ឋាន -អត្ដសញ្ញាណបណ្ណ -សៀវភៅស្នាក់នៅ (ក២) និងសៀវភៅគ្រួសារ (ក៤)  ជូនប្រជាពលរដ្ឋ និងមានស្ថានីយ៍ផ្ដល់អត្តសញ្ញាណប័ណ្ណសញ្ជាតិខ្មែរ ក្នុងភូមិសាស្ត្រស្រុកចំនួន ៦គោលដៅដូចខាងក្រោម ÷      ១-នៅច្រកចេញ-ចូលតែមួយសាលាស្រុក      ២-នៅប៉ុស្តិ៍នគរបាលរដ្ឋបាលព្រៃក្មេង      ៣-នៅប៉ុស្តិ៍នគរបាលរដ្ឋបាលដំបូករូង      ៤-នៅប៉ុស្តីនគរបាលរដ្ឋបាលយាយម៉ៅពេជ្រនិល      ៥-នៅប៉ុស្តិ៍នគរបាលរដ្ឋបាលក្រាំងដីវ៉ាយ      ៦-នៅប៉ុស្តិ៍នគរបាលរដ្ឋបាលព្រៃរំដួល (ប្រភព ស្នងការដ្ឋាននគរបាលខេត្តកំពង់ស្ពឺ)

កំពង់ស្ពឺ÷ នៅយប់ថ្ងៃសៅរ៍ ៤ កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែកក្កដា ឆ្នាំ២០២៦ ក្រុមការងារគណបក្សចុះមូលដ្ឋានឃុំដំណាក់រាំង បានអញ្ជើញចុះសួរសុខទុក្ខ លោក ហាស់ សុខឿន ដែលជាឪពុកបង្កើតរបស់កញ្ញា ឃិន វ៉ាន់ថី សមាជិកក្រុមការងារគណបក្សចុះមូលដ្ឋានឃុំដំណាក់រាំង ខណៈលោកកំពុងសម្រាកព្យាបាលជំងឺនៅមន្ទីរពេទ្យមិត្តភាពខ្មែរ-សូវៀត។សកម្មភាពចុះសួរសុខទុក្ខ និងការឧបត្ថម្ភនេះ បានឆ្លុះបញ្ចាំងពីការយកចិត្តទុកដាក់ និងស្មារតីរួមសុខរួមទុក្ខរបស់ថ្នាក់ដឹកនាំ និងក្រុមការងារគណបក្សគ្រប់លំដាប់ថ្នាក់ ដែលតែងតែនៅក្បែរសមាជិកក្រុមការងារ និងប្រជាពលរដ្ឋក្នុងគ្រប់កាលៈទេសៈ ដោយឈរលើគោលការណ៍មនុស្សធម៌ សាមគ្គីភាព និងការចែករំលែក។

កំពង់ស្ពឺ÷ឱក្មេងៗអើយក្មេង...! ឃើញហើយ ឮហើយតែមិនញញើតមិនរៀងចាលសោះ ថ្មីៗនេះ! មានក្មេងទំនើងចំនួន០៣ក្រុម មានគ្នាសរុបចំនួន ១៦នាក់ បាននាំគ្នាធ្វើសកម្មភាពបង្ហោះម៉ូតូ អូសជន្ទុលម៉ូតូ និងជិះម៉ូតូជ្រែកបង្កការរំខានដល់សណ្ដាប់ធ្នាប់សាធារណៈ យ៉ាងអនាធិបតេយ្យលើផ្លូវ បង្កភាពរញេរញៃ ធ្វើឲ្យប៉ះពាលដល់សណ្តាប់ធ្នាប់សង្គម ត្រូវបានប្រជាពលរដ្ឋដល់ប្តឹងតាមលេខអន្តរាគមន៍ Hotlin 1292 ភ្លាមៗនោះកម្លាំងជំនាញកងរាជអាវុធហត្ថខេត្តកំពង់ស្ពឺ បង្រ្កាប និងធ្វើឃាត់ខ្លួនក្មេងទំនើងទាំងនោះយកមកអប់រំណែនាំធ្វើកិច្ចសន្យាបញ្ឃប់ និងដកហូតម៉ូតូទុកជាបណ្តោះអាសន្ន នៅទីបញ្ជាការកងរាជអាវុធហត្ថខេត្តកំពង់ស្ពឺ......

អធិការដ្ឋាននគរបាលក្រុងឧដុង្គម៉ែជ័យ    បានជួយសម្រួលចរាចរណ៍ជូន សិស្សានុសិស្ស       នៅថ្ងៃទី ១៧ ខែ កក្កដា ឆ្នាំ ២០២៦ កម្លាំងប៉ុស្ដិ៍នគរបាលរដ្ឋបាលវាលពង់ នៃអធិការដ្ឋាននគរបាលក្រុងឧដុង្គម៉ែជ័យ បានចុះសម្រួលចរាចរណ៍ដឹកដៃសិស្សឆ្លងផ្លូវនៅ៖     -សាលាបឋមសិក្សាយ៉ាបាតុងត្រពាំង ក្អែក។