ព័ត៌មានក្នុងខេត្ត

កំពង់ស្ពឺ៖ ប្រជាពលរដ្ឋរស់នៅក្នុងភូមិត្រាង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ តំណាងដោយលោកស្រី នាង ហ៊ាប បានទទូចស្នើសុំយ៉ាងទទូចដល់ក្រសួងពាក់ព័ន្ធ និងអាជ្ញាធរខេត្ត ឱ្យជួយពិនិត្យ និងដោះស្រាយជាបន្ទាន់ ក្រោយពេលអាជ្ញាធរបានចេញអាជ្ញាបណ្ណសម្បទានរ៉ែទៅឱ្យក្រុមហ៊ុនឯកជនមួយ ដែលបានគ្របដណ្តប់លើដីកម្មសិទ្ធិស្របច្បាប់របស់ពួកគាត់ជាង ៤០ហិកតា។

(កំពង់ស្ពឺ)៖ នាថ្ងៃទី២៦ ខែសីហា ឆ្នាំ២០២៦ លោកស្រី គា សុភូ អភិបាលរង នៃគណៈអភិបាលខេត្តកំពង់ស្ពឺ បានអញ្ជើញជាអធិបតីភាពក្នុងពិធីពិនិត្យរបាយការណ៍ស្តីអំពីលទ្ធផលការងារប្រចាំខែសីហា និងលើកទិសដៅអនុវត្តបន្តសម្រាប់ខែកញ្ញា ឆ្នាំ២០២៦ របស់គណៈកម្មាធិការពិគ្រោះយោបល់កិច្ចការស្ត្រី និងកុមារ (គ.ក.ស.ក) ខេត្តកំពង់ស្ពឺ។

(កំពង់ស្ពឺ)៖ ដើម្បីធានាឱ្យការរៀបចំព្រឹត្តិការណ៍ទេសចរណ៍ដ៏ធំប្រចាំខេត្តដំណើរការទៅដោយរលូន និងទទួលបានជោគជ័យ នាថ្ងៃទី២៦ ខែសីហា ឆ្នាំ២០២៦ លោក ងួន វាសនា អភិបាលរង នៃគណៈអភិបាលខេត្តកំពង់ស្ពឺ បានអញ្ជើញដឹកនាំកិច្ចប្រជុំត្រៀមរៀបចំព្រឹត្តិការណ៍ «បុណ្យភ្នំ» ដែលគ្រោងនឹងប្រព្រឹត្តទៅរយៈពេល ២ថ្ងៃ ចាប់ពីថ្ងៃទី៥ ដល់ថ្ងៃទី៦ ខែធ្នូ ឆ្នាំ២០២៦ ខាងមុខនេះ នៅឧទ្យានជាតិព្រះសុរាម្រិត-កុសុមៈ «គិរីរម្យ»។

កំពង់ស្ពឺ÷ នៅថ្ងៃពុធ ទី២៦ ខែសីហា ឆ្នាំ២០២៦ រដ្ឋបាលខេត្តកំពង់ស្ពឺ រៀបចំកិច្ចប្រជុំបន្ទាន់ដើម្បីរៀបចំសណ្ដាប់ធ្នាប់សាធារណៈតាមបណ្ដោយផ្លូវជាតិលេខ៤៤ មុខរោងចក្រ ស៊ីគ្លូ ខេមបូឌា ឯ.ក ដែលស្ថិតនៅក្នុងភូមិបូរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺ ក្រោមអធិបតីភាពឯកឧត្តម តូច ប៉ូលីវ៉ា អភិបាលរង នៃគណៈអភិបាលខេត្ត ព្រមទាំងមានការចូលរួមពីមន្ទីរពាក់ព័ន្ធជុំវិញខេត្ត បុគ្គលិកផ្នែករដ្ឋបាលតាមបណ្ដាររោងចក្រនៅបណ្ដោយផ្លូវជាតិលេខ៤៤ សរុបសមាសភាពចូលរួមប្រមាណ ៣០ រូបផងដែរ។

កំពង់ស្ពឺ÷ នៅព្រឹកថ្ងៃទី២៦ ខែសីហា ឆ្នាំ២០២៦ * បើកទ្វារទឹកទំនប់តាសាល មួយ ទ្វារ កម្ពស់ ០,៣០ ម៉ែត្រ *១~ស្ថានភាពទូទៅ៖*   -រលាំងជ្រៃថ្ងៃនេះ ៦,៨០ ម/ថ្ងៃម្សិលមិញ ៦,៨០ ម (-០,០០ ម) ខាងក្រោម កម្រិតកម្ពស់ធម្មតាសន្ទះ​ទ្វារទឹកផ្នែកខាងលើ=-០,២០ ម - ពាមឃ្លៃថ្ងៃនេះ=២,៦៥ ម / ថ្ងៃម្សិលមិញ=២,៧០ ម  (-០,០៥ ម ) -តាសាល ថ្ងៃនេះ=១៥,៣៥ ម /ថ្ងៃម្សិលមិញ=១៥,៣៩ ម (-០,០៤ ម ) ខាងក្រោម កម្រិតកម្ពស់ខ្នងលើទំនប់បង្ហៀរ=-៣,៦៥ ម ៣~សីតុណ្ហភាព៖ (តាមស្ថានីយ៍មិនស្វយ័ប្រវត្តិ) -ថ្ងៃនេះ Max=៣៦,០°c / Min =២៧,០°c ថ្ងៃម្សិលមិញMax=៣៦,០°c /Min=២៧.០°c ៤~ ទឹកភ្លៀង៖ (ប្រភពមន្ទីរធនធានទឹកនិងឧតុនិយមខេត្តកំពង់ស្ពឺ

កំពង់ស្ពឺ÷ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី២៥ ខែសីហា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី២៦ ខែសីហា ឆ្នាំ២០២៦ ត្រូវបានរកឃើញកំហាប់ភាគល្អិតនិចលគិតជាមធ្យមស្មើនឹង ៥.៩៨ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។ ពណ៌ខៀវ៖គុណភាពខ្យល់ល្អណាស់មាន ខេត្តបន្ទាយមានជ័យ ខេត្តបាត់ដំបង ខេត្តកណ្តាល ខេត្តព្រៃវែង រាជធានីភ្នំពេញ ​ខេត្តរតនគិរី ខេត្តសៀមរាប ខេត្តកោះកុង ខេត្តកំពង់ស្ពឺ ខេត្តកែប ខេត្តព្រះវិហារ ខេត្តកំពង់ធំ​ ខេត្តកំពត ខេត្តមណ្ឌលគីរី ខេត្តក្រចេះ ខេត្តព្រះសីហនុ ខេត្តកំពង់ឆ្នាំង ខេត្តពោធិ៍សាត់ ខេត្តប៉ៃលិន ខេត្តស្វាយរៀង និង ខេត្តស្ទឹងត្រែង

កំពង់ស្ពឺ÷ នៅថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦ ឯកឧត្តម លី ច័ន្ទតុលា ប្រធានក្រុមការងារចុះជួយសង្កាត់វាលពង់ និងលោកជំទាវ ឈីវ ភិរម្យ បានចាត់តាំងក្រុមការងាររៀបចំប្រារព្ធកម្មវិធី «បិទបវេសនកាល សម្រាប់ឆ្នា សិក្សា២០២៥-២០២៦» នៅតាមសាលាបឋមសិក្សាចំនួន៩ ស្ថិតក្នុងសង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ។ នៅក្នុងឱកាសនោះ ក្រុមការងារតាមសាលានីមួយៗ បានរៀបចំកម្មវិធីល្បែងកម្សាន្ត ព្រមទាំងផ្តល់ជូនអាហារសម្រន់ (បាយលឿង សាច់មាន់បំពង) និងភេសជ្ជៈ ជូនដល់សិស្សានុសិស្ស លោកគ្រូ អ្នកគ្រូ និងអាណាព្យាបាលសិស្សដែលបានចូលរួម។ ជាមួយគ្នានេះ ក៏មានការប្រគល់បណ្ណសរសើរ និងរង្វាន់លើកទឹកចិត្តជូនដល់សិស្សពូកែ (ចាប់ពីលេខ១ ដល់លេខ៥) គ្រប់កម្រិតថ្នាក់នៃបឋមសិក្សា។

អ្នកទទួលបានអត្ថប្រយោជន៍៖ 👉 មន្ត្រីរាជការស៊ីវិលថ្នាក់ជាតិ និងក្រោមជាតិ 👉 កងកម្លាំងប្រដាប់អាវុធគ្រប់ប្រភេទ 👉 មន្ត្រីកម្មសិក្សា និងមន្ត្រីជាប់កិច្ចសន្យា 👉 សមាជិកក្រុមប្រឹក្សាគ្រប់ថ្នាក់ និងមន្ត្រីភូមិ។ អត្ថប្រយោជន៍ទទួលបាន៖ 👉 ផ្នែកថែទាំសុខភាព៖ ពិនិត្យ ព្យាបាល និងសម្រាកពេទ្យឥតគិតថ្លៃ នៅមន្ទីរពេទ្យដៃគូ ប.ស.ស. 👉 ផ្នែកហានិភ័យការងារ៖ ទទួលបានសេវាសង្គ្រោះ និងប្រាក់ឧបត្ថម្ភសាច់ប្រាក់ ពេលជួបគ្រោះថ្នាក់ការងារ 👉 បន្ទុកភាគទាន៖ រាជរដ្ឋាភិបាលជាអ្នករ៉ាប់រងបង់ជំនួស១០០%។ សេចក្តីសម្រេចនេះ បង្ហាញពីការយកចិត្តទុកដាក់ខ្ពស់បំផុតរបស់រាជរដ្ឋាភិបាល ក្នុងការលើកកម្ពស់គុណភាពជីវិត សុខុមាលភាព និងសេចក្តីថ្លៃថ្នូររបស់មន្ត្រីសាធារណៈ តាមរយៈការកសាងប្រព័ន្ធគ

ឯកឧត្តមបណ្ឌិតអភិបាលខេត្ត អញ្ជើញបើកការដ្ឋានស្ថាបនាផ្លូវកៅស៊ូ ១ខ្សែ ប្រវែង ៨.៥ គីឡូម៉ែត្រ ក្នុងស្រុកគងពិសី

កិច្ចប្រជុំត្រួតពិនិត្យ ផ្ទៀងផ្ទាត់ និងវាយតម្លៃលើការរៀបចំបញ្ជីសារពើភណ្ឌទ្រព្យសម្បត្តិរដ្ឋ (តារាងកើនឡើង-ថយចុះទ្រព្យសម្បត្តិរដ្ឋប្រចាំឆ្នាំ២០២៥) និងជំរុញការធ្វើប័ណ្ណកម្មសិទ្ធិដីរដ្ឋរបស់រដ្ឋបាលខេត្ត ក្រុង ស្រុក ឃុំ សង្កាត់ និងមន្ទីរ-អង្គភាពជុំវិញខេត្ត

ភ្ញៀវទេសចរណ៍ ជាតិ និងអន្តរជាតិ មកលេងកម្សាន្តតាមរមណីយដ្ឋាន សហគមន៏ទេសចរណ៍ និងស្នាក់នៅ ក្នុងភូមិសាស្រ្តខេត្តកំពង់ស្ពឺ ចាប់ពីថ្ងៃទី១៧ ខែ សីហាដល់ថ្ងៃទី២៣ ខែសីហា ឆ្នាំ២០២៦ ភ្ញៀវទេសចរណ៍សរុប ៣៦,៣៦០នាក់ ភ្ញៀវទេសចរណ៍ជាតិ និង អន្តរជាតិ(ស្នាក់នៅ) ៣,៤០០នាក់ ភ្ញៀវទេសចរណ៍ និងប្រជាពលរដ្ឋ   ដើរកម្សាន្តវិលល្ងាច ៣៣,៥៥០នាក់ ទេសចរណ៍ បរទេស ៤១០នាក់

កំពង់ស្ពឺ៖ នាថ្ងៃទី២៥ ខែសីហា ឆ្នាំ២០២៦ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានអញ្ជើញជាអធិបតីភាពដ៏ខ្ពង់ខ្ពស់ក្នុងយុទ្ធនាការដង្ហែក្បួនជិះម៉ូតូពាក់មួកសុវត្ថិភាពចំនួន ៥០០គ្រឿង លើដងផ្លូវសាធារណៈក្នុងក្រុងច្បារមន ដើម្បីអប់រំ និងផ្សព្វផ្សាយច្បាប់ស្តីពីចរាចរណ៍ផ្លូវគោកជូនប្រជាពលរដ្ឋ។ ពិធីនេះក៏មានការអញ្ជើញចូលរួមពីសំណាក់ លោកប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ ថ្នាក់ដឹកនាំរដ្ឋបាលខេត្ត មន្ត្រីរាជការ កងកម្លាំងប្រដាប់អាវុធ និងយុវជនយ៉ាងច្រើនកុះករ។ ក្នុងឱកាសនោះ លោក ហុង ចាន់សុខា ប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ បានសម្តែងនូវការដឹងគុណយ៉ាងជ្រាលជ្រៅជូនចំពោះ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ដែលតែងតែផ្តល់អនុសាសន៍ណែនាំ និងតម្រង់ទិសយ៉ាងយកចិត្តទុកដាក់លើការងារសុវត្ថិភាពចរាចរណ៍។