ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិ
សកម្មភាពថ្នាក់ដឹកនាំ
កិច្ចប្រជុំស្តីពីលទ្ធផលការងាររបស់ គណៈកម្មាធិកាពិគ្រោះយោបល់កិច្ចការស្ត្រី និងកុមារ ប្រចាំខែ កក្កដា ឆ្នាំ២០២៦ និងលើកទិសដៅបន្តខែ សីហា ឆ្នាំ២០២៦
កំពង់ស្ពឺ៖ ថ្ងៃទី ២៨ ខែកក្កដា ឆ្នាំ ២០២៦ រដ្ឋបាលខេត្តកំពង់ស្ពឺបានរៀបចំ កិច្ចប្រជុំស្តីពីលទ្ធផលការងាររបស់ គណៈកម្មាធិកាពិគ្រោះយោបល់កិច្ចការស្ត្រី និងកុមារ ប្រចាំខែ កក្កដា ឆ្នាំ២០២៦ និងលើកទិសដៅបន្តខែ សីហា ឆ្នាំ២០២៦ ក្រោមអធិបតីភាពលោកជំទាវ ចន យឿន សមាជិកក្រុមប្រឹក្សាខេត្តនិងជាប្រធានក្រុមការងារពិគ្រោះយោបល់ស្រ្តី និងកុមារ លោកជំទាវ គា សុភូ អភិបាលរងនៃគណៈអភិបាលខេត្ត និងមានការអញ្ជើញចូលរួមពីសំណាក់ លោក លោកស្រី ជាប្រធាន អនុប្រធាន មន្ទីរអង្គភាពជុំវិញខេត្ត កងកម្លាំងទាំងបី ស្ថិតក្នុងខេត្តកំពង់ស្ពឺ។
សន្តិសុខសង្គម
លោកឧត្តមសេនីយ៍ត្រី ម៉េង ស្រ៊ុន មេបញ្ជាការ បានអញ្ជើញដឹកនាំក្រុមការងារអាវុធហត្ថខេត្តកំពង់ស្ពឺ ចុះសួរសុខទុក្ខនិងម្ដាយបង្កើត លោក ឧត្តមសេនីយ៍ទោ នាង សុជីវី ស្នងការដ្ឋានកសាងកម្លាំងកងរាជអាវុធហត្ថលើផ្ទៃប្រទេស ដែលកំពុងសម្រាកព្យាបាយជំងឺនៅមន្ទីរពេទ្យកេតុមាលារាជធានីភ្នំពេញ...
កំពង់ស្ពឺ៖ ដោយយកគំរូដឹកនាំដ៏បុិនប្រសពឈ្លាសវៃ ប្រកបដោយគុណធម៌ របស់លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និងមានការណែនាំដោយផ្ទាល់ពីសំណាក់ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺផងនោះ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នាថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ បានអញ្ជើញដឹកនាំក្រុមការងារអាវុធហត្ថខេត្តកំពង់ស្ពឺ ព្រមទាំងមានការចូលរួមពីក្រុមការងារសហភាពសហព័ន្ធយុវជនកម្ពុជាខេត្តកំពង់ស្ពឺ រួមនិងមានការចូលរួមពីរអ្នកស្ម័គ្រចិត្តកាកបាទក្រហមកម្ពុជាខេត្តកំពង់ស្ពឺ និងសមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្តកំពង់ស្ពឺ ចុះសួរសុខទុក្ខនិងម្ដាយបង្កើត លោក ឧត្តមសេនីយ៍ទោ នាង សុជីវី ស្នងការដ្ឋានកសាងកម្លាំងកងរាជអាវុធហត្ថលើផ្ទៃប្រទេស ដែលកំពុងសម្រាកព្យាបាយជំងឺនៅមន្ទីរពេទ្យកេតុមាលារាជធានីភ្នំពេញ។
សេចក្តីជូនដំណឹង
សន្ទស្សន៍គុណភាពខ្យល់ (Air Quality Index) គឺ “ល្អណាស់”
សេចក្ដីជូនដំណឹង
ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី២៧ ខែកក្កដា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី២៨ ខែកក្កដា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ៦.៣៧ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។
អប់រំ និងកីឡា
កិច្ចប្រជុំពិភាក្សាស្តីពីការប្រកួត ពានរង្វាន់កីឡាបាល់ទាត់ក្រសួងមហាផ្ទៃ លើកទី៣ ឆ្នាំ២០២៦
កំពង់ស្ពឺ៖ ថ្ងៃទី ២៧ ខែកក្កដាឆ្នាំ ២០២៦ រដ្ឋបាលខេត្តកំពង់ស្ពឺ នឹងរៀបចំកិច្ចប្រជុំពិភាក្សាស្តីពីការប្រកួត ពានរង្វាន់កីឡាបាល់ទាត់ក្រសួង មហាផ្ទៃ លើកទី៣ ឆ្នាំ២០២៦ ក្រោមសហអធិបតី ឯកឧត្តម តូច ប៉ូលីវ៉ា និង ឯកឧត្តម ងួន វាសនា អភិបាលរង នៃគណៈអភិបាលខេត្ត កងកម្លាំងទាំងបីនិងមន្ត្រីពាក់ព័ន្ធជុំវិញខេត្តកំពង់ស្ពឺជាច្រើនរូបទៀត។
គោលបំណងសំខាន់ៗនៃកិច្ចប្រជុំរួមមាន៖
-ការរៀបចំ និងសម្របសម្រួល៖ ពិភាក្សាលើផែនការសកម្មភាព បច្ចេកទេស និងការបែងចែកភារកិច្ចជូនដល់ស្ថាប័នពាក់ព័ន្ធ ដើម្បីធានាឱ្យការប្រកួតប្រព្រឹត្តទៅដោយរលូន និងមានសណ្តាប់ធ្នាប់ល្អ។ការបង្កើនមិត្តភាព និងសាមគ្គីភាព៖ លើកកម្ពស់ស្មារតីសាមគ្គីភាព ការសហការរវាងកងកម្លាំងប្រដាប់អាវុធ និងមន្ត្រីរាជការស៊ីវិលក្នុងខេត្ត តាមរយៈការលេងកីឡា។
-ការលើកស្ទួយវិស័យកីឡា ជំរុញចលនាកីឡាបាល់ទាត់ក្នុងខេត្តកំពង់ស្ពឺឱ្យកាន់តែមានសន្ទុះ និងសុខភាពល្អប្រសើរ។
-គណៈអធិបតីបានស្នើឱ្យគ្រប់ភាគីពាក់ព័ន្ធទាំងអស់ សហការគ្នាយ៉ាងជិតស្និទ្ធ ដើម្បីឱ្យព្រឹត្តិការណ៍នេះទទួលបានជោគជ័យ និងបង្កើតបរិយាកាសរីករាយជូនដល់មហាជនក្នុងខេត្តផងដែរ។
សកម្មភាពថ្នាក់ដឹកនាំ
គណៈចលនាស្ត្រី រៀបចំកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៦ និងផ្សព្វផ្សាយផែនការសកម្មភាពទិសដៅបន្ត
កំពង់ស្ពឺ៖ ថ្ងៃទី ២៧ ខែកក្កដា ឆ្នាំ ២០២៦ លោកជំទាវ ទឹម សាវ៉ាត ទីប្រឹក្សាសម្ដេចអគ្គមហាសេនាបតីតេជោ ហ៊ុន សែន ប្រធានឧត្តមក្រុមប្រឹក្សា លោកស្រី គា សុភូ អភិបាលរង នៃគណៈអភិបាលខេត្តបានដឹកនាំកិច្ចប្រជុំ គណៈចលនាស្ត្រី បូកសរុបលទ្ធផលការងារប្រចាំឆមាសទី១ ឆ្នាំ២០២៦ និងផ្សព្វផ្សាយផែនការសកម្មភាពទិសដៅបន្ត កិច្ចប្រជុំនេះ ត្រូវបានធ្វើឡើងដោយផ្ទាល់ពីទីស្នាក់ការកណ្តាលក្នុងរាជធានីភ្នំពេញ និងមានការចូលរួមពីតាមបណ្តាខេត្តនានា តាមរយៈប្រព័ន្ធ Zoom ក្រោមអធិបតីភាពដ៏ខ្ពង់ខ្ពស់របស់ សម្តេចកិត្តិសង្គហបណ្ឌិត ម៉ែន សំអន ឧត្តមក្រុមប្រឹក្សាផ្ទាល់ព្រះមហាក្សត្រ និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ កិច្ចប្រជុំនេះ មានការអញ្ជើញចូលរួមពីសំណាក់ លោកស្រី ជាអនុប្រធាន សមាជិកា នៃគណៈចលនាស្ត្រី ព្រមទាំងតំណាងគណៈចលនាស្ត្រីមកពីតាមបណ្តាស្ថាប័ន និងតំណាងក្រុងស្រុក ជាច្រើនរូបទៀត។
គ្រោះធម្មជាតិ
មន្ទីរធនធានទឹក និងឧតុនិយមខេត្តកំពង់ស្ពឺ អន្តរាគមន៍បូមទឹកសង្គ្រោះស្រូវកូនរដូវប្រាំង និងដំណាំរួមផ្សំ បានប្រមាណ ៧៥ហិកតា លើផ្ទៃដី ១៤៧ហិកតា
កំពង់ស្ពឺ៖ មន្ទីរធនធានទឹក និងឧតុនិយមខេត្តកំពង់ស្ពឺ បានបន្តអន្តរាគមន៍បូមទឹកពីស្ថានីយ៍បូមទឹកទំនប់រលាំងជ្រៃ បញ្ជូនតាមប្រព័ន្ធប្រឡាយ ដើម្បីសង្គ្រោះស្រូវកូនរដូវប្រាំង និងដំណាំរួមផ្សំរបស់ប្រជាកសិករ នៅភូមិថ្មី សង្កាត់កណ្តោលដំ ក្រុងច្បារមន ខេត្តកំពង់ស្ពឺ។
យោងតាមប្រសាសន៍របស់លោក ញ៉ាញ់ ជាប ហ៊ង ប្រធានមន្ទីរធនធានទឹក និងឧតុនិយមខេត្តកំពង់ស្ពឺ បានឱ្យដឹងថា គិតត្រឹមថ្ងៃទី២០ ខែកក្កដា ឆ្នាំ២០២៦ ក្រុមការងារបានអន្តរាគមន៍សង្គ្រោះស្រូវកូនរដូវប្រាំង និងដំណាំរួមផ្សំបានប្រមាណ ៧៥ហិកតា ក្នុងចំណោមផ្ទៃដីសរុប ១៤៧ហិកតា ដោយប្រើម៉ូទ័របូមទឹកប្រើចរន្តអគ្គិសនីចំនួន ២គ្រឿង នៅស្ថានីយ៍បូមទឹកភូមិថ្មី (អតីតទីតាំងស្ថានីយ៍បូមទឹក ទី៣ សម្តេច សាយ ឈុំ) រួមជាមួយម៉ាស៊ីនបូមទឹកចល័ត ដើម្បីផ្គត់ផ្គង់ទឹកសម្រាប់ការស្រោចស្រព និងកាត់បន្ថយផលប៉ះពាល់ដល់ដំណាំរបស់ប្រជាកសិករ។
សកម្មភាពថ្នាក់ដឹកនាំ
វគ្គបណ្តុះបណ្តាល ស្តីពី «ការងាររដ្ឋបាល និងការងារបេឡាមរណសង្គ្រោះ សមាគមអតីតយុទ្ធជន និងនិវត្តជនកម្ពុជា»
ថ្ងៃទី២៧ ខែកក្កដា ឆ្នាំ២០២៦---ឯកឧត្តម ឈៀ ស៊ីដារ៉ា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និវត្តជនកម្ពុជា និងជាអគ្គលេខាធិការរងសមាគមអតីតយុទ្ធជន និងលោកបណ្ឌិត តូច ប៉ូលីវ៉ា អភិបាលរងនៃគណៈអភិបាលខេត្តកំពង់ស្ពឺ អញ្ជើញជាអធិបតីភាព ក្នុងវគ្គបណ្តុះបណ្តាល ស្តីពី «ការងាររដ្ឋបាល និងការងារបេឡាមរណសង្គ្រោះ សមាគមអតីតយុទ្ធជន និងនិវត្តជនកម្ពុជា» វគ្គបណ្តុះបណ្តាលនេះ ក៏មានការអញ្ជើញចូលរួមពីសំណាក់ លោក លោកស្រី ប្រធាន-អនុប្រធានមន្ទីរ-អង្គភាពជុំវិញខេត្ត តំណាងកងកម្លាំងទាំងបី ព្រមទាំងសិក្ខាកាមដែលជាមន្ត្រីទទួលបន្ទុកការងាររដ្ឋបាល និងបេឡាមរណសង្គ្រោះមកពីបណ្តាក្រុង-ស្រុកទូទាំងខេត្តកំពង់ស្ពឺយ៉ាងច្រើនកុះករ។
សកម្មភាពថ្នាក់ដឹកនាំ
កិច្ចប្រជុំបូកសរុបលទ្ធផលការងារឆមាសទី១ របស់សាខាកាកបាទក្រហមកម្ពុជាខេត្តកំពង់ស្ពឺ
ថ្ងៃទី២៧ ខែកក្កដា ឆ្នាំ២០២៦--- ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ស្ពឺ អញ្ជើញជាអធិបតីភាព ក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៦ និងលើកទិសដៅបន្ត របស់សាខាកាកបាទក្រហមកម្ពុជា ខេត្តកំពង់ស្ពឺ ដោយមានការអញ្ជើញចូលរួម ពីឯកឧត្តម លោក/លោកស្រី ជាសមាជិក សមាជិកា គណៈកម្មាធិការសាខា ក្រុមប្រតិបត្តសាខា ប្រធាន/អនុប្រធានគណៈកម្មាធិការអនុសាខាក្រុង-ស្រុក ទាំង៩ សរុបអ្នកចូលរួមចំនួន ៣៣នាក់ ស្រី ១២នាក់ នៅសាលប្រជុំ យឹម សុខុម អាគាររដ្ឋបាលខេត្ត ។
សេចក្តីជូនដំណឹង
សន្ទស្សន៍គុណភាពខ្យល់ (Air Quality Index) គឺ “ល្អណាស់”
កំពង់ស្ពឺ÷ ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី២៦ ខែកក្កដា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី២៧ ខែកក្កដា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ៥.៤០ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។
អប់រំ និងកីឡា
វៀតណាមរៀបចំវគ្គបណ្តុះបណ្តាលស្តីពី «ជំនាញអនុវត្តន៍ឆ្លាតវៃក្នុងយុគសម័យឌីជីថល» សម្រាប់មន្ត្រីសារព័ត៌មានកម្ពុជា
ទីក្រុងហូជីមិញ៖ វគ្គបណ្តុះបណ្តាលនេះមានសិក្ខាកាមចំនួន២៧នាក់មកពីព្រះរាជាណាចក្រកម្ពុជា ដែលជាមន្ត្រី និងអ្នកបម្រើការងារក្នុងវិស័យសារព័ត៌មានមកពីតាមមន្ទីររាជធានីខេត្តទាំង២៥ រាជធានីខេត្ត មានសិក្ខាកាមចំនួន ២៧ នាក់។ ពីវគ្គមនុស្សដែលនេះ ផ្តោតលើការពង្រឹងចំណេះដឹង និងជំនាញអនុវត្តជាក់ស្តែងក្នុងការប្រើប្រាស់បច្ចេកវិទ្យា ឌីជីថល (digital) ការផលិតមាតិកាសារព័ត៌មាន ការប្រើប្រាស់ឧបករណ៍ឆ្លាតវៃ និងការសម្របខ្លួនទៅ នឹងនិន្ននាការប្រព័ន្ធផ្សព្វផ្សាយទំនើប។
សន្តិសុខសង្គម
គ្រោះថ្នាក់ចរាចរណ៍នៅតែបន្ដកេីតឡេីងដោយការឆ្វេសប្រហែស .,រថយន្តប៉ះរថយន្ត
•នៅថ្ងៃទី២៦ ខែកក្កដា ឆ្នាំ២០២៦ ករណីគ្រោះថ្នាក់ចរាចរណ៍រថយន្ដបុកជាមួយរថយន្ដនៅត្រង់ចំណុចភូមិស្លា ឃុំវល្លិសរ ស្រុកសំរោងទង ខេត្តកំពង់ស្ពឺ មានរថយន្ត១គ្រឿង ម៉ាក Mercedes ពណ៍ប្រផេះពាក់ផ្លាកលេខកម្ពុជា S.K.0707 អ្នកបើកបរឈ្មោះ ស៊ុន សុខនាង ភេទប្រុស អាយុ២៦ឆ្នាំ រស់នៅភូមិរលាំងកែន ឃុំរលាំងកែន ស្រុកកណ្តាលស្ទឹង ខេត្តកណ្តាល រួមដំណើរដោយឈ្មោះ សេង សុបញ្ញា ភេទប្រុស អាយុ២៥ឆ្នាំ រស់នៅភូមិវត្តភ្នំ ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ បានជួបគ្រោះថ្នាក់ចរាចរណ៍ ចន្លោះគីឡូម៉ែត្រលេខ ៣៩-៤០ ផ្លូវជាតិលេខ៤ រថយន្ដបើកបរពីទិសខាងលិច ទៅកើត លុះបេីកមកដល់ចំណុចខាងលើបានប៉ះរថយន្ត១គ្រឿង ម៉ាកនីសាន់ ពណ៍សពាក់ផ្លាកលេខបាត់ដំបង 3A-1525 សណ្តោងសឺមីរុឺម៉ក់ ពាក់ផ្លាកលេខ ភ្នំពេញ4A-7071 ក្រោយជួបគ្រោះថ្នាក់ចរាចរណ៍អ្នកបើកបរមិនស្គាល់អត្តសញ្ញាណបានចុះរត់គេចខ្លួនពីកន្លែងកេីតហេតុ។
សកម្មភាពអាជ្ញាធរ
លោកវរសេនីយ៍ឯក ភូឌី សាឌីន មេបញ្ជាការរង បានអញ្ជើញដឹកនាំ នាយទាហាន នាយទាហានរង ចូលរួមគោរពទង់ជាតិ នៃព្រះរាជាណាចក្រកម្ពុជានិងនាំយកនូវបទបញ្ជារបស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ ផ្សព្វផ្សាយណែនាំបន្ថែម
៖ដោយអនុវត្តតាមបទបញ្ជារបស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នាព្រឹកថ្ងៃចន្ទ ១៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកក្កដា ឆ្នាំ២០២៦ លោកវរសេនីយ៍ឯក ភូឌី សាឌីន មេបញ្ជាការរង បានអញ្ជើញដឹកនាំ នាយទាហាន នាយទាហានរង ចូលរួមគោរពទង់ជាតិ នៃព្រះរាជាណាចក្រកម្ពុជា និងនាំយកនូវបទបញ្ជារបស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ ដោយកោតសរសើរលើការងារអនុវត្តពេលកន្លងមកជាចំនុចខ្លាំង ដែលយើងសម្រេចបាន ព្រមទាំងពង្រឹងបន្ថែមមានដូចជា៖កម្លាំងទាំងអស់ត្រៀមនៅនឹងកន្លែង ២៤ម៉ោង លើ២៤ម៉ោង
សកម្មភាពថ្នាក់ដឹកនាំ
អភិបាលខេត្តកំពង់ស្ពឺជម្រុញការស្ថាបនា ជួសជុលនិងថែទាំកំណាត់ផ្លូវដែលកំពុងរងការខូចខាតឱ្យប្រសើរឡើងវិញ ដើម្បីសម្រួលដល់ការធ្វើដំណើរនិងដឹកជញ្ជូន
កំពង់ស្ពឺ៖ដោយមើលឃើញថាផ្លូវថ្នល់ គឺជាសរសៃឈាមដែលពុំអាចខ្វះបានក្នុងការសម្រួលដល់ការធ្វើដំណើរ ដឹកកសិផល សិស្សានុសិស្សទៅសាលារៀន មន្ទីរពេទ្យ វត្តអារាម ជាដើម មន្ទីរសាធារណៈការ និងដឹកជញ្ជូនកំពង់ស្ពឺ បាននឹងកំពុងបន្តសកម្មភាពយ៉ាងមមាញឹកលើការងារស្ថាបនា ជួសជុលកែលម្អរ ថែទាំលើកំណាត់ផ្លូវនានាក្នុងខេត្ត ដើម្បីសម្រួលដល់ប្រជាពលរដ្ឋក្នុងតំបន់ឱ្យបានរួចរាល់មុនរដូវវស្សាចូលមកដល់។