ព័ត៌មានក្នុងខេត្ត

Follow us on: ———————- Facebook: https://www.facebook.com/mowramcambodia/ Website: https://mowram.gov.kh/ Telegram: https://t.me/mowram_advertising YouTube: https://YouTube.com/@MOWRAMofficial TikTok: https://tiktok.com/@mowramofficial #កមពជា #Cambodia #mowram #kampongspeu #បរពនធធារាសាស្ត្រ #វសយធនធានទឹក #សនតភាពនៅកម្ពុជា #peaceofcambodia #ខេត្ដកំពង់ស្ពឺ #mowramkompongspeu

កំពង់ស្ពឺ៖ នាល្ងាចថ្ងៃអង្គារ ៧កើត ខែទុតិយាសាឍ ឆ្នាំមមីអដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែកក្កដា ឆ្នាំ២០២៦ ឯកឧត្តម ឈួរ សុបញ្ញា ដឹកនាំក្រុមការងារគណបក្សចុះមូលដ្ឋានឃុំដំណាក់រាំង អញ្ជើញចុះសួរសុខទុក្ខលោក យឹម យឿង មេភូមិពោធិ៍ ឃុំដំណាក់រាំង ស្រុកសាមគ្គីមុនីជ័យ ដែលកំពុងសម្រាកព្យាបាលជំងឺនៅគេហដ្ឋាន។

កំពង់ស្ពឺ÷ ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី២១ ខែកក្កដា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី២២ ខែកក្កដា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ១០.៥៨ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។ ពណ៌ខៀវ៖គុណភាពខ្យល់ល្អណាស់មាន ខេត្តបន្ទាយមានជ័យ ខេត្តបាត់ដំបង ខេត្តកណ្តាល ខេត្តកោះកុង ខេត្តកំពង់ស្ពឺ ខេត្តកែប ខេត្តព្រះវិហារ ខេត្តកំពង់ធំ ខេត្តកំពត ខេត្តមណ្ឌលគីរី ខេត្តក្រចេះ ខេត្តព្រះសីហនុ ខេត្តកំពង់ឆ្នាំង ខេត្តពោធិ៍សាត់ ខេត្តប៉ៃលិន ខេត្តស្វាយរៀង ខេត្តព្រៃវែង និង ខេត្តស្ទឹងត្រែង ពណ៌បៃតង៖គុណភាពខ្យលល្អមាន រាជធានីភ្នំពេញ ខេត្តរតនគិរី និង ខេត្តសៀមរាប(ប្រភពមន្ទីរបរិស្ថានខេត្តកំពង់ស្ពឺ)

នៅព្រឹកថ្ងៃទី២២ ខែកក្កដា ឆ្នាំ២០២៦ • បើកទ្វារទឹកទំនប់តាសាល មួយ ទ្វារ កម្ពស់ ០,២០ ម៉ែត្រ ១~ស្ថានភាពទូទៅ៖ -រលាំងជ្រៃថ្ងៃនេះ ៦,៩៣ ម/ថ្ងៃម្សិលមិញ ៦,៩១ ម (+០,0២ ម) ខាងក្រោម កម្រិតកម្ពស់ធម្មតាសន្ទះទ្វារទឹកផ្នែកខាងលើ=-០,០៧ ម • ពាមឃ្លៃថ្ងៃនេះ=២,២៨ ម / ថ្ងៃម្សិលមិញ=២,៣៥ ម  (-០,០៧ ម ) -តាសាល ថ្ងៃនេះ=១៥,៤៣ ម /ថ្ងៃម្សិលមិញ=១៥,៥៦ ម (-០,១៣ ម ) ខាងក្រោម កម្រិតកម្ពស់ខ្នងលើទំនប់បង្ហៀរ=-៣,៥៧ ម ៣~សីតុណ្ហភាព៖ (តាមស្ថានីយ៍មិនស្វយ័ប្រវត្តិ) -ថ្ងៃនេះ Max=៣៧,០°c / Min =២៦,០°c ថ្ងៃម្សិលមិញMax=៣៦,០°c /Min=២៦.០°c (ប្រភពមន្ទីរធនធានទឹកនិងឧតុនិយមខេត្តកំពង់ស្ពឺ)

កំពង់ស្ពឺ÷ នៅថ្ងៃទី២១ ខែកក្កដា ឆ្នាំ២០២៦ នេះ ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការសាខា បានចាត់លោកស្រី ប៉ោក សេដ្ឋា អនុប្រធានអចិន្ត្រៃយ៍គណៈកម្មាធិការសាខា ចូលរួមជាមួយរដ្ឋបាលខេត្តដឹកនាំដោយលោក គង់ ឈុនលី នាយករដ្ឋបាលសាលាខេត្ត និងសហការី អញ្ជើញចូលរួមរំលែកទុក្ខជាមួយក្រុមគ្រួសារនៃសពលោក នៅ ចេក អាយុ ៧០ឆ្នាំ ទទួលមរណភាពដោយរោគាពាធ ស្ថិតនៅភូមិតាំងទន្លេ សង្កាត់សុរព័រទេព ក្រុងច្បារមន ខេត្តកំពង់ស្ពឺ ។

កំពង់ស្ពឺ÷ ថ្ងៃទី១៩ ខែកកហកដា ឆ្នាំ២០២៦ លោក ហន ពិសិដ្ឋ អភិបាល នៃគណៈអភិបាលស្រុក និងជាអនុប្រធានសាខាកាកបាទក្រហមកម្ពុជាស្រុកគងពិសី រួមជាមួយ ក្រុមការងារស្រុក ក្រុមប្រឹក្សាឃុំ បានអញ្ជើញនាំយកសម្ភារៈ និងថវិកាសួរសុខទុក្ខគ្រួសាររងគ្រោះដោយភ្លើងឆេះផ្ទះចំនួន ០១ខ្នង មានទំហំ ៦x៨ ម៉ែត្រ កម្ពស់ ៣ម៉ែត្រ (ថ្មក្រោម ប្រក់ក្បឿង សំយាបស័ង្កសី)  ម្ចាស់ឈ្មោះ នឹម ភារៈ ភេទប្រុស អាយុ ៤៤ឆ្នាំ និងប្រពន្ធ ប៉ិច សុខៃ ភេទស្រី អាយុ ៣៦ឆ្នាំ នៅភូមិរាំង ឃុំជង្រុក ស្រុកគងពិសី ខេត្តកំពង់ស្ពឺ។ សម្ភារៈផ្តល់ជូនរួមមាន៖ អង្ករ ៥០គីឡូក្រាម មី ៣កេស ទឹកត្រី ២យួរ ទឹកស៊ីអ៊ីវ ២យួរ មុង ១ ភួយ ១ កន្ទេល ១ ក្រមា ២ សារុង ១ និងថវិកាចំនួន១០០,០០០រៀល ។

កំពង់ស្ពឺ៖រសៀថ្ងៃអង្គារ ទី២១ ខែកក្កដា ឆ្នាំ២០២៦ រដ្ឋបាលខេត្តកំពង់ស្ពឺ បានសហការជាមួយក្រសួងផែនការ រៀបចំកិច្ចប្រជុំពិភាក្សា និងសម្របសម្រួលការបំពេញស្ថិតិកង់បី ឬរ៉ឺម៉កដឹកអ្នកដំណើរ ដែលបានចុះឈ្មោះ និងមិនទាន់បានចុះឈ្មោះក្នុងប្រព័ន្ធសេដ្ឋកិច្ចក្រៅប្រព័ន្ធ តាមបណ្តាក្រុង-ស្រុកទូទាំងខេត្ត។ កិច្ចប្រជុំនេះ បានប្រព្រឹត្តទៅក្រោមអធិបតីភាព ឯកឧត្តម ជាវ វិជ្ជាក់ អភិបាលរងខេត្ត លោក កែវ អ៊ូលី ប្រធាននាយកដ្ឋានអត្តសញ្ញាណកម្មគ្រួសារក្រីក្រ កិច្ចប្រជុំនេះក៏មានការអញ្ជើញចូលរួម នាយក នាយករងរដ្ឋបាលខេត្ត លោក លោកស្រី ប្រធាន អនុប្រធានមន្ទីរពាក់ព័ន្ធជាច្រើនរូបទៀត។

កំពង់ស្ពឺ៖នាព្រឹកថ្ងៃអង្គារ ទី២១ ខែកក្កដា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញ ដឹកនាំនាយទាហាន នាយទាហានរង នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ ចូលរួមស្តាប់ក្នុងកិច្ចប្រជុំផ្សព្វផ្សាយច្បាប់ស្តីពីកាតព្វកិច្ចយោធាក្រោមអធិបតីភាព ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស តាមប្រព័ន្ធ Video Conference ស្ថិតនៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ស្ពឺ។

កំពង់ស្ពឺ÷ ថ្ងៃអង្គារ ៧កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២១ ខែកក្កដាឆ្នាំ២០២៦ ឯកឧត្តម ជួន វន រដ្ឋលេខាធិការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងជាប្រធានក្រុមការងារចុះមូលដ្ឋានស្រុកគងពិសី និងលោកជំទាវ ឯក ផល្លី បាននាំយកសម្ភារៈបរិក្ខាប្រគេនទៀនចំណាំព្រះវស្សាចំនួន ៥វត្ត ក្នុងស្រុកគងពិសី ខេត្តកំពង់ស្ពឺ។ ក្នុងពិធីនេះមានការអញ្ជើញចូលរួមពីលោក ម៉ែន ពុំ ប្រធានក្រុមប្រឹក្សាស្រុក លោក ហន ពិសិដ្ឋ អភិបាល នៃគណៈអភិបាលស្រុក ថ្នាក់ដឹកនាំស្រុក មន្ត្រីរាជការជុំវិញស្រុក ថ្នាក់ដឹកនាំឃុំ ភូមិ ពាក់ព័ន្ធ ព្រមជាមួយលោកអាចារ្យ លោកយាយ លោកតា និងពុទ្ធបរិស័ទចំណុះជើងវត្ត ដែលធ្វើឡើងចំនួនពីរទីតាំង÷ ស្ថិតនៅវត្តសាលព្រឹក្ស ហៅវត្តត្រាំខ្នារ ឃុំស្នំក្រពើ និងនៅវត្តស្រង់អង្គស្នោរ ឃុំស្រង់ ដោយនិមន្តព្រះសង្ឃចំនួន ៣វត្តបន្ថែម មាន វត្តចំប៉ាចារ៍ ឃុំអង្គពពេល វត្តអង្គរោង ឃុំមហាឫស្សី និងវត្តតេជៈ នៅឃុំស្រង់ ស្រុកគងពិសី ខេត្តកំពង់ស្ពឺ។

(កំពង់ស្ពឺ)៖នាព្រឹកថ្ងៃអង្គារ ទី២១ ខែកក្កដា ឆ្នាំ២០២៦ លោក ញ៉ឹល សំបូរ ប្រធានមន្ទីរពាណិជ្ជកម្មខេត្តកំពង់ស្ពឺ បានអញ្ជេីញជាអធិបតី ក្នុងកិច្ចប្រជុំបូកសរុបលទ្ធផលការងារខែកក្កដា និងលេីកទិសដៅផែនការសកម្មភាពសម្រាប់ខែសីហា ឆ្នាំ២០២៦ របស់មន្ទីរពាណិជ្ជកម្ម ដោយមានការចូលរួមពីសំណាក់ លោក លោកស្រី អនុប្រធានមន្ទីរ លោក លោកស្រី ប្រធាន អនុប្រធានការិយាល័យចំណុះមន្ទីរ និងមន្រ្តី ។ ទីកន្លែងសាលប្រជុំឱរ៉ាល់មន្ទីរពាណិជ្ជកម្ម ។

កំពង់ស្ពឺ៖ ថ្ងៃទី១៨ ខែកក្កដា ឆ្នាំ២០២៦---ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ បានអញ្ជើញនាំយកថវិកាដែលឧបត្ថម្ភដោយឯកឧត្តម ហ៊ុន ម៉ានី ប្រធានសហភាពសហព័ទ្ធយុវជនកម្ពុជា ជូនដល់លោកគ្រូអ្នកគ្រូ បង្រៀនស្ម័គ្រចិត្ត និងសំណេះសំណាលជាមួយសិស្សានុសិស្សថ្នាក់ទី១២ កំពុងរៀនវគ្គបំប៉នដើម្បីត្រៀមប្រឡងសញ្ញាបត្រមធ្យមសិក្សាទុតិយ្យភូមិចំនួន ១៣៩ នាក់ ស្រី៨៨នាក់ នៅវិទ្យាល័យកំពង់ស្ពឺ ដោយមានការអញ្ជើញចូលរួមពីសំណាក់នាកយក នាយករងរដ្ឋបាលខេត្ត អភិបាលក្រុង មន្ទីរអង្គភាពពាក់ព័ន្ធជាច្រើនរូបទៀត។

កំពង់ស្ពឺ៖ ថ្មីនេះឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានអញ្ជើញចូលរួមក្នុងពិធីប្រគល់ និងទទួលឱសថ ព្រមទាំងសម្ភារប្រើប្រាស់ប្រចាំថ្ងៃ ក្រោមអធិបតីភាព ឯកឧត្តម ម៉ម ប៊ុននាង ប្រធានគណៈកម្មការទី១០ នៃព្រឹទ្ធសភា។ អំណោយទាំងអស់នេះគឺជាអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ អំណោយមនុស្សធម៌ទាំងនេះ ទទួលបានពីមូលនិធិចែករំលែកសង្គ្រោះជីវិតសកល នៃសាធារណរដ្ឋកូរ៉េ ដើម្បីឧបត្ថម្ភជូនដល់រដ្ឋបាលខេត្តកំពង់ស្ពឺ ។ ‎