ព័ត៌មានក្នុងខេត្ត

កំពង់ស្ពឺ៖ នាព្រឹកថ្ងៃចន្ទ ១២រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១០ ខែសីហា ឆ្នាំ២០២៦ ក្រោមការយកចិត្តទុកដាក់ខ្ពស់ពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ កម្លាំងកងរាជអាវុធហត្ថខេត្តបានចុះអន្តរាគមន៍ និងចូលរួមយ៉ាងសកម្មក្នុងការការពារសន្តិសុខ សុវត្ថិភាព និងរក្សាសណ្តាប់ធ្នាប់សាធារណៈ នៅតាមបណ្តាមណ្ឌលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ទាំងអស់ក្នុងភូមិសាស្ត្រខេត្តកំពង់ស្ពឺ។

កំពង់ស្ពឺ៖ ថ្ងៃទី១០ ខែសីហា ឆ្នាំ២០២៦--- ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានអញ្ជើញជាអធិបតីភាពក្នុងពិធីបើកហឹបវិញ្ញាសាប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ថ្ងៃទី១០ ខែសីហា ឆ្នាំ២០២៦ នៅមណ្ឌលប្រឡងវិទ្យាល័យកំពង់ស្ពឺ ដោយមានការចូលរួមពីតំណាងក្រសួងអប់រំ យុវជន និងកីឡា លោក-លោកស្រីប្រធានមណ្ឌល អនុរក្ស ព្រមទាំងអាជ្ញាធរដែនដី និងកងកម្លាំងប្រដាប់អាវុធពាក់ព័ន្ធយ៉ាងច្រើនកុះករ។

កំពង់ស្ពឺ៖ ថ្ងៃទី១០ ខែសីហា ឆ្នាំ២០២៦---ឯកឧត្តមបណ្ឌិត ជាម ចន្ទ័សោភ័ណ អភិបាលខេត្តកំពង់ស្ពឺ បានដឹកនាំមន្ត្រីក្រោមឱវាទចុះសួរសុខទុក្ខដល់បេក្ខជនប្រឡងដែលកំពុងស្នាក់នៅតាមមន្ទីរ អង្គភាពនិងវត្តអារាមនានាក្នុងខេត្តដែលស្ថិតនៅក្បែរមណ្ឌលប្រឡង។

កំពង់ស្ពឺ៖ ថ្ងៃទី១០ ខែសីហា ឆ្នាំ២០២៦---ឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ អញ្ជើញចូលរួមក្នុងព្រឹត្តិការណ៍រត់ដើម្បីក្តីស្រឡាញ់ រត់ដើម្បីទេសចរណ៍ រត់ដើម្បីសប្បុរសធម៌ ដែលរៀបចំឡើងដោយរដ្ឋបាលខេត្តកំពង់ស្ពឺនិងក្រុមហ៊ុន ហ្គែនស៍ប៊ឺគ, សហភាពសហព័ន្ធយុវជនកម្ពុជា (ស.ស.យ.ក.) សហព័ន្ធកីឡាអត្តពលកម្មខ្មែរ, មន្ទីរទេសចរណ៍ខេត្តកំពង់ស្ពឺ និងក្រុមការងារស្ម័គ្រចិត្តជាច្រើនរូបទៀត។

កំពង់ស្ពឺ÷ ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា គិតចាប់ពីម៉ោង ៧ ព្រឹក ថ្ងៃទី៩ ខែសីហា ឆ្នាំ២០២៦ ដល់ម៉ោង ៧ ព្រឹក ថ្ងៃទី១០ ខែសីហា ឆ្នាំ២០២៦ កំហាប់ភាគល្អិតនិចលគិតជាមធ្យមស្មើនឹង ៥.៦៦ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។ ពណ៌ខៀវ៖គុណភាពខ្យល់ល្អណាស់មាន ខេត្តបន្ទាយមានជ័យ ខេត្តបាត់ដំបង ខេត្តកណ្តាល ខេត្តព្រៃវែង រាជធានីភ្នំពេញ ​ខេត្តរតនគិរី ខេត្តសៀមរាប ខេត្តកោះកុង ខេត្តកំពង់ស្ពឺ ខេត្តកែប ខេត្តព្រះវិហារ ខេត្តកំពង់ធំ​ ខេត្តកំពត ខេត្តមណ្ឌលគីរី ខេត្តក្រចេះ ខេត្តព្រះសីហនុ ខេត្តកំពង់ឆ្នាំង ខេត្តពោធិ៍សាត់ ខេត្តប៉ៃលិន ខេត្តស្វាយរៀង និង ខេត្តស្ទឹងត្រែង (ប្រភពមន្ទីរបរិស្ថានខេត្តកំពង់ស្ពឺ)

កំពង់ស្ពឺ÷ នៅព្រឹកថ្ងៃទី១០ ខែសីហា ឆ្នាំ២០២៦ • បើកទ្វារទឹកទំនប់តាសាល មួយ ទ្វារ កម្ពស់ ០,៥០ ម៉ែត្រ ១~ស្ថានភាពទូទៅ៖ -រលាំងជ្រៃថ្ងៃនេះ ៦,៧៦ ម/ថ្ងៃម្សិលមិញ ៦,៨៥ ម (-០,០៩ ម) ខាងក្រោម កម្រិតកម្ពស់ធម្មតាសន្ទះទ្វារទឹកផ្នែកខាងលើ=-០,២៤ ម • ពាមឃ្លៃថ្ងៃនេះ=២,៣២ ម / ថ្ងៃម្សិលមិញ=២,៣៥ ម  (-០,០៣ ម ) -តាសាល ថ្ងៃនេះ=១៣,៨៥ ម /ថ្ងៃម្សិលមិញ=១៤,០៥ ម (-០,១៨ ម ) ខាងក្រោម កម្រិតកម្ពស់ខ្នងលើទំនប់បង្ហៀរ=-៥,១៥ ម ៣~សីតុណ្ហភាព៖ (តាមស្ថានីយ៍មិនស្វយ័ប្រវត្តិ) -ថ្ងៃនេះ Max=៣៦,០°c / Min =២៦,០°c ថ្ងៃម្សិលមិញMax=៣៦,០°c /Min=២៦.០°c ៤~ ទឹកភ្លៀង៖ មានរលឹមភ្លៀងបន្តិចបន្ទួចក្នុងកម្រិតខ្សោយ

កំពង់ស្ពឺ៖ នៅថ្ងៃទី០៩ ខែសីហា ឆ្នាំ២០២៦ ថ្នាក់ដឹកនាំ និងក្រុមការងារគណបក្សចុះមូលដ្ឋាន បាននាំយកទៀនចំណាំព្រះវស្សា ព្រមទាំងគ្រឿងឧបភោគបរិភោគ និងបច្ច័យ ទៅវេរប្រគេនដល់ព្រះសង្ឃដែលគង់ចាំព្រះវស្សាអស់ត្រីមាស (រយៈពេល ៣ខែ) នៅវត្តចំនួន ២ ក្នុងឃុំរុងរឿង រួមមាន វត្តចន្ទនារាម (ហៅវត្តទឹកលង) និង វត្តជោតិវ័ន្ត។ ពិធីនេះត្រូវបានដឹកនាំដោយ លោក កាន់ ឆាយហុង (តំណាង លោក ហុង ចាន់សុខា) អនុប្រធានក្រុមការងារគណបក្សចុះមូលដ្ឋានស្រុក និងជាអនុប្រធានក្រុមការងារគណបក្សចុះមូលដ្ឋានឃុំរុងរឿង ព្រមទាំងមានការអញ្ជើញចូលរួមពីថ្នាក់ដឹកនាំអមដំណើររួមមាន៖ លោក ទួន សុង ៖ អនុប្រធានគណៈកម្មាធិការគណបក្សស្រុក និងជាអនុប្រធានក្រុមការងារគណបក្សចុះមូលដ្ឋានឃុំរុងរឿង លោក ឈុន ឈុំ ៖ សមាជិកគណៈអចិន្ត្រៃយ៍គណៈកម្មាធិការគណបក្សស្រុក និងជាអនុប្រធានក្រុមការងារគណបក្សចុះមូលដ្ឋានឃុំរុងរឿង លោក ឈុំ ឆោម ៖ ប្រធានគណៈកម្មាធិការគណបក្សឃុំរុងរឿង ព្រមទាំងសហការីអមដំណើរជាច្រើនរូបទៀត។

កំពង់ស្ពឺ÷ថ្ងៃអាទិត្យ ១១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែសីហា ឆ្នាំ២០២៦ ឯកឧត្តម ថេង បញ្ញាធន ប្រធានក្រុមការងារគណបក្សចុះមូលដ្ឋានឃុំព្រៃញាតិ ដែលមានការអញ្ជើញចូលរួមពីលោក លោកស្រី អនុប្រធាន សមាជិកក្រុមការងារគណបក្សចុះមូលដ្ឋានឃុំ ប្រធានគណបក្សឃុំ គណៈអចិន្ត្រៃយ៍បក្សឃុំ បានអញ្ជើញនាំយកទេយ្យវត្ថុប្រគេនព្រះសង្ឃគង់ចាំព្រះវស្សាចំនួន ០៤វត្ត ក្នុងឃុំព្រៃញាតិ ស្រុកគងពិសី ខេត្តកំពង់ស្ពឺ។

ខេត្តកំពង់ស្ពឺ៖ នាល្ងាចថ្ងៃអាទិត្យ ១១រោច ខែទុតិយាសាឍ ឆ្នាំមមីអដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែសីហា ឆ្នាំ២០២៦ ឯកឧត្តម ឈួរ សុបញ្ញា សមាជិកយុវជនគណបក្សថ្នាក់កណ្តាល និងជាប្រធានក្រុមការងារគណបក្សចុះមូលដ្ឋានឃុំដំណាក់រាំងបាន អញ្ជើញចុះសួរសុខទុក្ខលោក ហ៊ុយ វ៉េត មេភូមិខ្សាច់ពូន ឃុំដំណាក់រាំង ស្រុកសាមគ្គីមុនីជ័យ ដែលកំពុងសម្រាកព្យាបាលជំងឺនៅគេហដ្ឋាន។

កំពង់ស្ពឺ៖ នាថ្ងៃទី៩ ខែសីហា ឆ្នាំ២០២៦ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ បានដឹកនាំមន្ត្រីរាជការក្រោមឱវាទ ចុះសួរសុខទុក្ខបេក្ខជនប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ដែលកំពុងស្នាក់នៅតាមមន្ទីរ អង្គភាព និងវត្តអារាមនានាក្បែរមណ្ឌលប្រឡងក្នុងខេត្ត។

កំពង់ស្ពឺ÷ នាព្រឹកថ្ងៃអាទិត្យ ១១រោច ខែទុតិយាសាឍ ឆ្នាំមមីអដ្ឋស័កពុទ្ធសករាជ ២៥៧០ត្រូវនឹងថ្ងៃទី ៩ខែសីហា ឆ្នាំ ២០២៦ នៅរដ្ឋបាលឃុំទំព័រមាសបានរៀបចំពិធីអបអរសាទរ និងសំណេះសំណាល និងផ្ដល់វិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋក្នុងក្របខ័ណ្ឌស្រុកសំរោងទង ខេត្តកំពង់ស្ពឺ ដែលពិធីប្រព្រឹត្តធ្វើឡើង នៅឃុំទំព័រមាស -ក្រោមអធិបតីភាពឯកឧត្តម ស៊ន សុឃណ អនុរដ្ឋលេខាធិការក្រសួងមុខងារសាធារណៈនិងជាតំណាងដ៏ខ្ពង់ខ្ពស់-ឯកឧត្តម សុខ សង្វ៉ារ រដ្ឋលេខាធិការក្រសួងមុខងារសាធារណៈ និងជាប្រធានក្រុមការងារចុះមូលដ្ឋានឃុំទំព័រមាស -ឯកឧត្តម ស៊ីម រតនៈ អភិបាលរងនៃគណៈអភិបាលខេត្តកំពង់ស្ពឺតំណាងដ៏ខ្ពង់ខ្ពស់ឯកឧត្តមបណ្ឌិត ជាម ច័ន្ចសោភ័ណ អភិបាលនៃគណៈអភិបាលខេត្តកំពង់ស្ពឺ។ -លោកជុំ ទ្រួក ប្រធានក្រុមប្រឹក្សាស្រុកសំរោងទង -ក្រុមការងារក្រសួងមន្ទីរជុំវិញខេត្ត លោកមេឃុំនិងក្រុមប្រឹក្សាឃុំ លោកមេភូមិ ព្រមទាំងប្រជាពលរដ្ឋ ចូលរួមសរុប ៣០០នាក់។

កំពង់ស្ពឺ៖ ថ្ងៃអាទិត្យ ១១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែសីហា ឆ្នាំ២០២៦(August 9, 2026) #ឯកឧត្តម យឹម សុខុម ប្រធានក្រុមប្រឹក្សាខេត្ត #ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ បានអញ្ជើញចូលរួមក្នុង «ព្រឹត្តិការណ៍រត់ដើម្បីក្តីស្រឡាញ់ រត់ដើម្បីទេសចរណ៍ និងរត់ដើម្បីសប្បុរសធម៌» ដែលបានរៀបចំឡើងនៅមុខវិមានឯករាជ្យខេត្តកំពង់ស្ពឺ (ស្ថិតក្នុងភូមិទួលគក សង្កាត់ស្វាយក្រវ៉ាន់ ក្រុងច្បារមន)។