ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិ

សន្តិសុខសង្គម
ក្រុមការងារ ឯកឧត្តមបណ្ឌិត ហេង សុខគង់ បាននាំយកថ្នាំពេទ្យ ជាអំណោយរបស់ ឯកឧត្តមឧបនាយករដ្ឋមន្ត្រី ហ៊ុន ម៉ានី និងក្រុមគ្រូពេទ្យចុះតាមខ្នងផ្ទះ ក្នុងភូមិឈូករ័ត្ន ឃុំភក្ដី ស្រុកបសេដ្ឋ ខេត្តកំពង់ស្ពឺ
កំពង់ស្ពឺ÷ ក្រុមការងារចុះមូលដ្ឋានឃុំភក្ដី “ភូមិ ឈូករ័ត្ន ’’នាព្រឹកថ្ងៃអង្គារ ទី២៥ ខែសីហា ឆ្នាំ២០២៦ ក្រុមការងារចុះមូលដ្ឋានឃុំភក្ដី ស្រុកបសេដ្ឋ ដឹកនាំដោយ លោក សែ សារឿន អនុប្រធានក្រុមការងារចុះមូលដ្ឋានឃុំភក្តី , និងក្រុមការងារគ្រូពេទ្យគណបក្សប្រជាជនកម្ពុជាឃុំភក្ដី តំណាង ឯកឧត្តម លី ចាន់សុភក្ដី ប្រធានក្រុមការងារចុះមូលដ្ឋានឃុំភក្ដី រួមជាមួយគណៈអចិន្ត្រៃគណបក្សឃុំ សាខាបក្សភូមិ (សរុបចំនួន ៨នាក់ ស្រី ចំនួន ២នាក់ ) បានចុះពិនិត្យព្យាបាលជំងឺ និងផ្ដល់ថ្នាំពេទ្យជូនប្រជាពលរដ្ឋតាមខ្នងផ្ទះ ដោយឥតគិតថ្លៃ បានចំនួន ២៦ខ្នងផ្ទះសរុប ចំនួន ១០៤ នាក់ ស្រី ចំនួន ៦៨នាក់ ។


សន្តិសុខសង្គម
លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានដាក់បទបញ្ជាយ៉ាងម៉ឺងម៉ាត់ដល់កម្លាំងក្រោមបង្គាប់ ប្រើកណ្តាប់ដៃដែកលើក្មេងទំនើង ដោយគ្មានការលើកលែង ដើម្បីសន្តិសុខសង្គម
កំពង់ស្ពឺ៖ ដោយទទួលបានការចង្អុលបង្ហាញពីសំណាក់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស ព្រមទាំងមានការណែនាំពីសំណាក់ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្ត និងក្រោមបទបញ្ជាយ៉ាងម៉ឺងម៉ាត់ពីសំណាក់ លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ ដោយមានការសម្របសម្រួលនីតិវិធីពី ឯកឧត្តម ព្រះរាជអាជ្ញាអមសាលាដំបូងខេត្ត ថ្មីៗនេះ កម្លាំងជំនាញកងរាជអាវុធហត្ថខេត្តកំពង់ស្ពឺ បានធ្វើការបង្ក្រាប និងឃាត់ខ្លួនក្មេងទំនើងដែលចូលចិត្តបង្ហោះម៉ូតូតាមទីសាធារណៈជាបន្តបន្ទាប់ចំនួន ០៦នាក់ ក្រោយទទួលបានការរាយការណ៍ពីប្រជាពលរដ្ឋតាមរយៈលេខអន្តរាគមន៍ (Hotline 1292)។


សន្តិសុខសង្គម
ពលរដ្ឋនៅស្រុកឱរ៉ាល់ ស្នើសុំក្រសួង និងអាជ្ញាធរខេត្តពិនិត្យឡើងវិញ ក្រោយចេញអាជ្ញាបណ្ណសម្បទានរ៉ែឱ្យក្រុមហ៊ុន ត្រួតលើដីកម្មសិទ្ធិជាង ៤០ហិកតា
កំពង់ស្ពឺ៖ ប្រជាពលរដ្ឋរស់នៅក្នុងភូមិត្រាង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ តំណាងដោយលោកស្រី នាង ហ៊ាប បានទទូចស្នើសុំយ៉ាងទទូចដល់ក្រសួងពាក់ព័ន្ធ និងអាជ្ញាធរខេត្ត ឱ្យជួយពិនិត្យ និងដោះស្រាយជាបន្ទាន់ ក្រោយពេលអាជ្ញាធរបានចេញអាជ្ញាបណ្ណសម្បទានរ៉ែទៅឱ្យក្រុមហ៊ុនឯកជនមួយ ដែលបានគ្របដណ្តប់លើដីកម្មសិទ្ធិស្របច្បាប់របស់ពួកគាត់ជាង ៤០ហិកតា។


សន្តិសុខសង្គម
មន្ទីរសាធារណការ និងដឹកជញ្ជូនខេត្តកំពង់ស្ពឺ រៀបចំយុទ្ធនាការដង្ហែក្បួនម៉ូតូ ៥០០គ្រឿង ដើម្បីលើកកម្ពស់សុវត្ថិភាពចរាចរណ៍ផ្លូវគោក
កំពង់ស្ពឺ៖ នាថ្ងៃទី២៥ ខែសីហា ឆ្នាំ២០២៦ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានអញ្ជើញជាអធិបតីភាពដ៏ខ្ពង់ខ្ពស់ក្នុងយុទ្ធនាការដង្ហែក្បួនជិះម៉ូតូពាក់មួកសុវត្ថិភាពចំនួន ៥០០គ្រឿង លើដងផ្លូវសាធារណៈក្នុងក្រុងច្បារមន ដើម្បីអប់រំ និងផ្សព្វផ្សាយច្បាប់ស្តីពីចរាចរណ៍ផ្លូវគោកជូនប្រជាពលរដ្ឋ។ ពិធីនេះក៏មានការអញ្ជើញចូលរួមពីសំណាក់ លោកប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ ថ្នាក់ដឹកនាំរដ្ឋបាលខេត្ត មន្ត្រីរាជការ កងកម្លាំងប្រដាប់អាវុធ និងយុវជនយ៉ាងច្រើនកុះករ។
ក្នុងឱកាសនោះ លោក ហុង ចាន់សុខា ប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ បានសម្តែងនូវការដឹងគុណយ៉ាងជ្រាលជ្រៅជូនចំពោះ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ដែលតែងតែផ្តល់អនុសាសន៍ណែនាំ និងតម្រង់ទិសយ៉ាងយកចិត្តទុកដាក់លើការងារសុវត្ថិភាពចរាចរណ៍។


សន្តិសុខសង្គម
លោកឧត្តមសេនីយ៍ត្រី ម៉េង ស្រ៊ុន មេបញ្ចាការ បានអញ្ជើញដឹកនាំក្រុមការងារកងរាជអាវុធហត្ថខេត្តកំពង់ស្ពឺ ចុះសួសុខទុក្ខនិងនាំយកនូវថវិកាព្រមទាំងគ្រឿងឧបភោគបរិភោគឧបត្ថម្ភជូនដល់លោកតា ហាច ហាន អាយុ៦៨ឆ្នាំ ដែលមានជីវភាពខ្វះខាតរស់នៅក្រុងច្បារមន...
កំពង់ស្ពឺ៖នាព្រឹកថ្ងៃទី២៤ ខែសីហា ឆ្នាំ២០២៦ នានៅវេលាម៉ោង ១០.០០នាទី លោកឧត្តមសេនីយ៍ត្រី ម៉េង ស្រ៊ុន មេបញ្ចាការ កងរាជអាវុធហត្ថខេត្តកមបង់ស្ពឺ បានអញ្ជើញដឹកនាំក្រុមការងារកងរាជអាវុធហត្ថខេត្តកំពង់ស្ពឺ និងមានការចូលរួមពីក្រុមការងារសហភាពសហព័ន្ធយុវជនកម្ពុជាខេត្ត ក្រុមការងារស្ម័កចិត្តកាកបាទក្រហមសាខាខេត្តកំពង់ស្ពឺ ព្រមទាំងមានការចូលរួមពីសមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្ត អញ្ជើញចុះសួរសុខទុក្ខប្រជាពលរដ្ឋខ្វះខាតជួបកាលំបាកគឺលោកតាមានឈ្មោះ ហាច ហាន អាយុ៦៨ឆ្នាំ រស់នៅភូមិស្គុះ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។ជាទឹកចិត្តប្រកបដោយគុណធម៏លោកឧត្តមសេនីយ៍ត្រី ម៉េង ស្រ៊ុន បាននាំយកនូវថវិកានិងសម្ភារៈដែលជាគ្រឿងឧបភោកបរិភោគមានដូចជា៖ថវិកា២០០,០០០រៀល និងអង្ករ ២បាវ,ទឹកសុទ្ធ ២កេស, ភេសជ្ជៈ ២កេស, ទឹកត្រី ២យួរ, ទឹកស៉ីអ៉ីវ ២យួរ, ត្រីខ ២យួរនិងទឹកប្រទាលកន្ទុយក្រពើ១យួរ។


សន្តិសុខសង្គម
ដឹកនាំក្រុមការងារគណបក្ស ចុះសួរសុខទុក្ខគ្រួសារមានជីវភាពខ្វះខាតចំនួន ៨គ្រួសារ
ថ្ងៃទី២៤ ខែសីហា ឆ្នាំ២០២៦ សុឹម ម៉ន អនុប្រធានអចិន្ត្រៃយ៍បក្ស តំណាងលោក ទួន ផាវ ប្រធានគណបក្សឃុំ បានដឹកនាំក្រុមការងារគណបក្ស ចុះសួរសុខទុក្ខគ្រួសារមានជីវភាពខ្វះខាតចំនួន ៨គ្រួសារ រួមមាន៖
១. ឈ្មោះ មាស មឿន (រស់នៅភូមិថ្នល់បំបែក)
២. ឈ្មោះ ប៊ុន យឿន (រស់នៅភូមិព្រៃជ្រៅ)
៣. ឈ្មោះ អ៊ួន ពែក (រស់នៅភូមិព្រៃជ្រៅ)
៤. ឈ្មោះ កង គិន (រស់នៅភូមិព្រៃជ្រៅ)
៥. ឈ្មោះ ម៉ូវ ផាត់ (រស់នៅភូមិព្រៃជ្រៅ)
៦. ឈ្មោះ ជុំ ស៊ុន (រស់នៅភូមិព្រៃជ្រៅ)
៧. ឈ្មោះ អួន ចិត (រស់នៅភូមិព្រៃជ្រៅ)
៨. ឈ្មោះ ធួក ណៃ (រស់នៅភូមិក្រាំងដូង)
ក្នុងនោះបាននាំយកស្បៀងឧបភោគបរិភោគរួមមាន៖
- អង្ករ ២៥ គីឡូក្រាម
- មី ១ កេស
- ទឹកត្រី ១យួរ
- ទឹកសុីអុីវ ១យួរ។
(ប្រភពគណបក្សប្រជាជនកម្ពុជាស្រុកថ្ពង)


សន្តិសុខសង្គម
ក្រុមចោរដែលតែងតែធ្វើសកម្មភាពលួចយ៉ាងសកម្មក្នុងភូមិសាស្រ្តក្រុងឧដុង្គម៉ែជ័យ ខេត្តកំពង់ស្ពឺ ត្រូវបានកម្លាំងកងរាជអាវុធហត្ថ ធ្វើការបង្រ្កាប និងឃាត់ខ្លួនបានជាបន្តបន្ទាប់ ក្រោយទទួលបានការខលប្តឹងពីជនរងគ្រោះសុំអន្តរាគមន៍តាមរយៈលេខអន្តរាគមន៍សង្គ្រោះបន្ទាន់ Hotline 1292 ......
កំពង់ស្ពឺ៖ ដោយអនុវត្តយ៉ាងម៉ឺងម៉ាត់តាមបទបញ្ជាផ្ទាល់ និងយ៉ាងយកចិត្តទុកដាក់ពីសំណាក់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ ព្រមទាំងមានការសម្របសម្រួលនីតិវិធីពី ឯកឧត្ដម ព្រះរាជអាជ្ញា អមសាលាដំបូងខេត្តកំពង់ស្ពឺ ។
កំពង់ស្ពឺៈ កាលពីវេលាម៉ោង ១១:១០នាទីព្រឹក ថ្ងៃទី១៧ ខែសីហា ឆ្នាំ២០២៦ ជនរងគ្រោះបានខលមកកាន់លេខអន្តរាគមន៍សង្គ្រោះបន្ទាន់ (Hotline 1292) ប្ដឹងពីករណី លួច កាលពីវេលាម៉ោង ៦:០០នាទីព្រឹក ថ្ងៃទី១៧ ខែសីហា ឆ្នាំ២០២៦ នៅភូមិត្រពាំងក្អែក សង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ និងបានរាយការណ៍អំពីទ្រព្យសម្បត្តិដែលបានបាត់បង់រួមមាន ប្រាក់រៀលចំនួន ១,២០០,០០០៛ ទូរស័ព្ទ ចំនួន០២គ្រឿង និងកាបូបឯកសារ ចំនួនមួយ ។


សន្តិសុខសង្គម
រដ្ឋបាលខេត្តកំពង់ស្ពឺ រៀបចំកិច្ចប្រជុំពិភាក្សា និងស្វែងរកដំណោះស្រាយលើពាក្យបណ្តឹងរបស់ប្រជាពលរដ្ឋ
កំពង់ស្ពឺ៖ ថ្ងៃទី២៤ ខែសីហា ឆ្នាំ២០២៦ — រដ្ឋបាលខេត្តកំពង់ស្ពឺ បានទទួលពាក្យបណ្តឹង ចុះថ្ងៃទី១៩ ខែសីហា ឆ្នាំ២០២៤ របស់លោកស្រី ឆាយ វិនីតា ពាក់ព័ន្ធនឹងករណីដីធ្លី/វិវាទ ដែលមានទីតាំងស្ថិតនៅក្នុងភូមិសាស្ត្រស្រុកភ្នំស្រួច ខេត្តកំពង់ស្ពឺ ដើម្បីពិនិត្យ និងដោះស្រាយបញ្ហាដែលបានលើកឡើងក្នុងពាក្យបណ្តឹងឱ្យបានច្បាស់លាស់ លោក ជេត ដុំ នាយករងរដ្ឋបាលសាលាខេត្ត នឹងដឹកនាំកិច្ចប្រជុំពិភាក្សានៅព្រឹកថ្ងៃចន្ទ ទី២៤ ខែសីហា ឆ្នាំ២០២៦ នេះ នៅសាលប្រជុំគិរីរម្យ (ជាន់ផ្ទាល់ដី) នៃអគាររដ្ឋបាលខេត្តកំពង់ស្ពឺ ដោយមានការចូលរួមពីមន្ត្រីជំនាញ និងភាគីពាក់ព័ន្ធ។


សន្តិសុខសង្គម
អាជ្ញាធរ និងសប្បុរសជនចូលរួមចុះជួយនិងដោះស្រាយទុក្ខលំបាកជូនប្រជាពលរដ្ឋក្នុងស្រុកគងពិសី
កំពង់ស្ពឺ÷ រសៀលថ្ងៃអាទិត្យ ១០កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែសីហា ឆ្នាំ២០២៦ -ឯកឧត្តម ប៉ាន់ វណ្ណី និងលោក ពេជ្រ ណុន អនុប្រធានក្រុមការងារគណបក្សចុះមូលដ្ឋានឃុំជង្រុក បានអញ្ជើញដឹកនាំកិច្ចប្រជុំពិនិត្យវឌ្ឍនភាពការងារកសាងសមាជិកបក្ស ជាមួយគណៈកម្មាធិការសាខាបក្សភូមិ នៅរោងបុណ្យភូមិក្រាំងឡង ឃុំជង្រុក ស្រុកគងពិសី ខេត្តកំពង់ស្ពឹ។


សន្តិសុខសង្គម
ពិធីចែកប័ណ្ណកម្មសិទ្ធិដីធ្លីជូនប្រជាពលរដ្ឋចំនួន ៦៤១ ប័ណ្ណ នៅឃុំសែនដី ស្រុកសំរោងទង
កំពង់ស្ពឺ៖ នៅថ្ងៃទី២៣ ខែសីហា ឆ្នាំ២០២៦ នេះ អាជ្ញាធរខេត្តកំពង់ស្ពឺបានរៀបចំពិធីចែកប័ណ្ណកម្មសិទ្ធិដីធ្លី (ប្លង់ដី) ជូនដល់ប្រជាពលរដ្ឋចំនួន ៦៤១ ប័ណ្ណ ដែលអញ្ជើញមកពីភូមិចំនួន ៤ ក្នុងឃុំសែនដី ស្រុកសំរោងទង។ ពិធីនេះបានប្រព្រឹត្តទៅនៅវត្តស្រះស្រង់ ស្ថិតក្នុងឃុំសែនដី។


សន្តិសុខសង្គម
🙏កម្មវិធី «ប៉ាម៉ានី»🙏
កំពង់ស្ពឺ÷នៅថ្ងៃសុក្រ ទី២១ ខែសីហា ឆ្នាំ២០២៦ ក្រោមពាក្យស្លោក❤️ «ចូលរួមសប្បាយរីករាយជាមួយក្រុមគ្រួសារ ប៉ាម៉ានី» ❤️ ឯកឧត្តមបណ្ឌិត ហេង សុខគង់ ដឹកនាំក្រុមការងារសម្របសម្រួលការងារវិស័យសុខាភិបាលខេត្តកំពង់ស្ពឺ នៃក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ រួមជាមួយ លោកវេជ្ជបណ្ឌិត ហេង សុគីម អនុប្រធានការិយាលល័យសុខាភិបាលស្រុកប្រតិបត្តិភ្នំស្រួចតំណាងវេជ្ជបណ្ឌិត ហុក គ្រី ប្រធានមន្ទីរសុខាភិបាលខេត្តកំពង់ស្ពឺ ព្រមទាំងសហការី បានអញ្ជើញចុះសួរសុខទុក្ខ លោកស្រី តាន់ គឹមរ៉ មន្ត្រីបម្រើការងារនៅមណ្ឌលសុខភាពត្រពាំងក្រឡឹង ស្រុកភ្នំស្រួច ខេត្តកំពង់ស្ពឺ បានសម្រាលទារិកាដោយសុវត្ថិភាព កាលពីថ្ងៃទី០៥ ខែសីហា ឆ្នាំ២០២៦ កំពុងសម្រាកលំហែមាតុភាព នៅគេហដ្ឋាន នៅបុរីពិភពថ្មី ផ្លូវជាតិលេខ៣ គម្រោង១ ផ្លូវលេខ៣ ផ្ទះលេខ១០០ ភូមិព្រៃកី សង្កាត់ភ្លើងឆេះរទេៈ ខណ្ឌកំបូល រាជធានីភ្នំពេញ។


សន្តិសុខសង្គម
ឧត្តមសេនីយ៍ត្រី ម៉េង ស្រ៊ុន មេបញ្ជាការ បានដាក់បទបញ្ជា ដល់កម្លាំងជំនាញ ព្រមទាំងកម្លាំងអាវុធហត្ថតាមបណ្តាក្រុង-ស្រុក បន្តបង្រ្កាបករណីក្មេងទំនើងឲ្យដូចភ្លៀងរលឹម ថ្មីៗនេះក្មេងទំនើងចំនួន០៣នាក់ ត្រូវបានកម្លាំងជំនាញធ្វើការបង្រ្កាប និងឃាត់ខ្លួនបានភ្លាមៗ ក្រោយទទួលបានការខលប្តឹងពីប្រជាពលរដ្ឋតាម (Hotline 1292 )
កំពង់ស្ពឺ៖ក្រោយទទួលបានការខលប្តឹងពីប្រជាពលរដ្ឋតាមរយៈលេខ (Hotline 1292) លោក ឧត្តមសេនីយ៍ត្រី មេបញ្ជាការ បានដាក់បទបញ្ជា ដល់កម្លាំងអង្គភាពនគរបាលយុត្តិធម៌ នៃបញ្ជាការដ្ឋាន កងរាជអាវុធហត្ថខេត្តកំពង់ស្ពឺ ចុះប្រតិបត្តិការភ្លាមៗ ដើម្បីធ្វើការបង្រ្កាប និងឃាត់ខ្លួននូវក្មេងទំនើងដែលកំពុងធ្វើសកម្មភាព បង្ហោះម៉ូតូ យ៉ាងអនាធិបតេយ្យ នៅតាមទីសាធារណៈ បង្កឲ្យមានការភ័យខ្លាចដល់ប្រជាពលរដ្ឋដែលធ្វើដំណើរតាមដងផ្លូវ និងធ្វើឲ្យខូចធ្នាប់សាធារណៈ ជាពិសេសប៉ះពាល់ដល់សណ្តាប់សង្គម ដែលក្មេងទំនើងទាំងនោះធ្វើសកម្មភាពកាលពីវេលាម៉ោង ២៣:១០នាទី ថ្ងៃទី១៦ ខែសីហា ឆ្នាំ២០២៦ នៅចំណុចដីឡូតិ៍ខាងលិចពន្ធនាគារ ស្ថិតភូមិទួលគក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ក្មេងទំនើងដែលបានឃាត់ខ្លួនទាំងនោះរួមមានគ្នាចំនួន ០៣នាក់ ដែលជនសង្ស័យទី០១មានឈ្មោះ យឹម វុទ្ធី ភេទប្រុស អាយុ១៩ឆ្នាំ មុខរបរកម្មករ ទី០៣ឈ្មោះ សាត បញ្ញា ភេទប្រុស អាយុ១៩ឆ្នាំ មុខរបរនៅផ្ទះ ទី០៣ឈ្មោះ សឿន ចាន់រ៉ា ភេទប្រុស អាយុ១៩ឆ្នាំ មុខរបរនៅផ្ទះ ។


សន្តិសុខសង្គម
សំណេះសំណាលជាមួយសាខាបក្សភូមិប៉ាលហាល ដោយអមដំណើរមាន ក្រុមការងារ បេក្ខភាពក្រុមប្រឹក្សាឃុំ និងសមាជិក សមាជិការ
កំពង់ស្ពឺ÷ ថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦ ក្រុមការងារចុះមូលដ្ឋានឃុំ ចាន់ សែន ដឹកនាំដោយ ឯកឧត្តម ទ្បុង ឆេង ជំនួយការ សម្តេចតេជោ ប្រធានគណបក្សប្រជាជនកម្ពុជា អនុប្រធានក្រុមការងារស្រុកសាមគ្គីមុនីជ័យ ជាប្រធានក្រុមការងារចុះមូលដ្ខានឃុំចាន់ សែន បានជួបសំណេះសំណាលជាមួយសាខាបក្សភូមិប៉ាលហាល ដោយអមដំណើរមាន ក្រុមការងារ បេក្ខភាពក្រុមប្រឹក្សាឃុំ និងសមាជិក សមាជិការសរុប ៥០ រូប ។

