ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិ
ពាណិជ្ជកម្ម
មន្ទីរពាណិជ្ជកម្មខេត្តកំពង់ស្ពឺ បើកសម្ពោធ «យុទ្ធនារការផលិតផលជាតិ Made in Cambodia» ដើម្បីលើកកម្ពស់ស្នាដៃកូនខ្មែរ និងពង្រីកទីផ្សារ SMEs
កំពង់ស្ពឺ៖ ថ្ងៃទី៥ ខែមិថុនា ឆ្នាំ២០២៦---លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម តំណាងដ៏ខ្ពង់ខ្ពស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម លោក ជាវ វិជ្ជាក់ អភិបាលរង នៃគណៈអភិបាលខេត្តកំពង់ស្ពឺ តំណាងដ៏ខ្ពង់ខ្ពស់ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្ត អញ្ជើញជាគណ:អធិបតីក្នុងពិធីសម្ពោធ «យុទ្ធនាការផលិតផលជាតិ Made in Cambodia» ដើម្បីជំរុញ គាំទ្រសហគ្រាសធុនមីក្រូ តូច និងមធ្យម SMEs សិប្បកម្ម និងអ្នកកែច្នៃក្នុងស្រុក មានឱកាសបង្ហាញសក្តានុពលផលិតផលរបស់ខ្លួនបញ្ជ្រាបចូលក្នុងទីផ្សារ ពិធីប្រារព្ធធ្វើនៅបរិវេណសួនសម្តេចព្រះសង្ឃរាជ ជួន ណាត ខេត្តកំពង់ស្ពឺ។ ដោយមានការអញ្ជើញចូលរួមពី ឯកឧត្តមសមាជិកក្រុមប្រឹក្សាខេត្ត លោក លោកស្រីប្រធានមន្ទីរពាណិជ្ជកម្មរាជធានី ខេត្ត កងកម្លាំងប្រដាប់អាវុធ ម្ចាស់ផ្សារទំនើប ម៉ាត មីនីម៉ាត និងសិប្បកម្មផលិត និងកែច្នៃក្នុងស្រុកសហគ្រាសធុនមីក្រូ តូចនិងមធ្យម ជាច្រើនកុះករ។
គ្រោះធម្មជាតិ
បាតុភូតរន្ទះបាញ់ ប្រហារមនុស្សចាស់ក្មេង៣នាក់ស្លាប់និងរបួសធ្ងន់ចំនួន២នាក់ នៅស្រុកភ្នំស្រួច ខេត្តកំពង់ស្ពឺ
AKP កំពង់ស្ពឺ៖ ថ្ងៃទី៨ ខែមិថុនា ឆ្នាំ២០២៦---ក្រោយពីទទួលដំណឹងដ៏សោកសៅដោយ ឧប្បត្តិហេតុគ្រោះធម្មជាតិ ដ៏រន្ធត់បង្ករដោយរន្ទះបាញ់បានឆក់យកជីវិតមនុស្សចាស់ក្មេងរហូតដល់៥រូប ម្សិលមិញនេះ ក្រោមការយកចិត្តទុក្ខដាក់ខ្ពស់ពីឯកឧត្តម ហ៊ុន ម៉ានី ប្រធានក្រុមការងារចុះជួយខេត្តកំពង់ស្ពឺ ថ្ងៃនេះឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ ព្រមទាំងឯកឧត្តម លោកជំទាវ និងលោក លោកស្រីប្រធានមន្ទីរ-អង្គភាពជុំវិញខេត្ត បានអញ្ជើញចុះសួរសុខទុក្ខ និងចូលរួមរំលែកទុក្ខយ៉ាងក្រៀមក្រំជាទីបំផុត ជាមួយក្រុមគ្រួសារនៃសពដែលបានបាត់បង់ជីវិត និងជនរងគ្រោះ ក្នុងឧប្បត្តិហេតុគ្រោះធម្មជាតិ (រន្ទះបាញ់) កាលពីពេលថ្មីៗនេះ។
អប់រំ និងកីឡា
ថ្នាក់ដឹកនាំខេត្តកំពង់ស្ពឺ ទទួលស្វាគមន៍ និងរួមបើកកម្មវិធីទស្សនកិច្ចសិក្សារបស់និស្សិតសាកលវិទ្យាល័យ RULE ក្រោមប្រធានបទលើកកម្ពស់ការអប់រំ និងទេសចរណ៍
AKP កំពង់ស្ពឺ៖ ថ្ងៃទី២៨ ខែឧសភា ឆ្នាំ២០២៦--- លោក ងួន វាសនា អភិបាលរង នៃគណៈអភិបាលខេត្តកំពង់ស្ពឺ ទទួលស្វាគមន៍ និងសំណេះសំណាល ជាមួយ ក្រុមនិស្សិតថ្នាក់ពិសេសផ្នែកសេដ្ឋកិច្ច និងគ្រប់គ្រងជាភាសាបារាំង និងអង់គ្លេស នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានធ្វើទស្សនកិច្ចសិក្សានៅក្នុងភូមិសាស្ត្រខេត្តកំពង់ស្ពឺ ក្រោមប្រធានបទ «បណ្តុះស្មារតីយុវជន លើកកម្ពស់ការអប់រំ និងទេសចរណ៍ ដើម្បីការអភិវឌ្ឍប្រកបដោយនិរន្តរភាព»នៅសាលាបឋមសិក្សាព្រៃជុំ និងមណ្ឌលកុមារកំព្រាព្រៃជុំស្ថិតក្នុងស្រុកសាមគ្គីមុនីជ័យ ដោយមានការចូលរួមពីប្រធានមន្ទីរទេសចរណ៍ខេត្ត ប្រធានមន្ទីរព័ត៌មានខេត្ត អាជ្ញាធរមូលដ្ឋាន និងក្រុមនិស្សិតថ្នាក់ពិសេសជាច្រើនរូប។
ការអភិវឌ្ឍ
ឯកឧត្តមនាយឧត្តមសេនីយ៍ សៅ សុខា អញ្ជើញជាអធិបតីភាពក្នុងពិធីបញ្ចុះបឋមសិលាបើកការដ្ឋានសាងសង់បញ្ជាការដ្ឋានកងរាជអាវុធហត្ថខេត្តកំពង់ស្ពឺ គ្រោងចំណាយថវិកាសរុបប្រមាណ ៤លានដុល្លារ សហរដ្ឋអាមេរិក
AKP កំពង់ស្ពឺ៖ ថ្ងៃទី២៧ ខែឧសភា ឆ្នាំ២០២៦---ឯកឧត្តមនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេសបានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបញ្ចុះបឋមសិលាបើកការដ្ឋានសាងសង់អគារបញ្ជាការដ្ឋានកងរាជអាវុធហត្ថខេត្តកំពង់ស្ពឺ ក្នុងស្រុកសំរោងទង ខេត្តកំពង់ស្ពឺ នឹងក្រោមវត្តមានអញ្ជើញចូលរួមពីឯកឧត្តម លោកជំទាវ ថ្នាក់ដឹកនាំខេត្តគ្រប់លំដាប់ថ្នាក់ចូលរួមយ៉ាងច្រើនកុះករ។
កសិកម្ម
មន្ទីរកសិកម្ម ខេត្តកំពង់ស្ពឺ រៀបចំកិច្ចប្រជុំពង្រឹងប្រព័ន្ធជីវសុវត្ថិភាព និងផ្សព្វផ្សាយគោលការណ៍ចិញ្ចឹមសត្វល្អ (GAHP)
AKP កំពង់ស្ពឺ៖ ថ្ងៃទី២៧ ខែឧសភា ឆ្នាំ២០២៦---លោកជំទាវ ហោ ម៉ាលីន រដ្ឋលេខាធិការក្រសួងកសិកម្ម រុក្ខប្រមាញ់ និងនេសាទ និងឯកឧត្តម កៅ ផល អនុរដ្ឋលេខាធិការក្រសួងកសិកម្ម រុក្ខប្រមាញ់ និងនេសាទ បានអញ្ជើញជាអធិបតីភាពក្នុងកិច្ចប្រជុំ ស្តីពីការពង្រឹងគោលការណ៍ប្រតិបត្តិប្រព័ន្ធជីវសុវត្ថិភាព នៅតាមកសិដ្ឋានចិញ្ចឹមសត្វ និងការផ្សព្វផ្សាយគោលការណ៍អនុវត្តការចិញ្ចឹមសត្វល្អ (GAHP) ដោយមានការអញ្ជើញចូលរួមពីលោកប្រធានមន្ទីរកសិកម្ម មន្ទីរ-អង្គភាពពាក់ព័ន្ធ ព្រមទាំងបងប្អូនម្ចាស់កសិដ្ឋានចិញ្ចឹមសត្វ យ៉ាងច្រើនកុះករ សរុបប្រមាណជា ៧៥ នាក់។ ពិធីនេះត្រូវបានរៀបចំឡើងនៅសាលប្រជុំសែនក្រអូប នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ។
នយោបាយ
រដ្ឋបាលខេត្តកំពង់ស្ពឺ ចូលរួមកិច្ចប្រជុំពេញអង្គគណៈរដ្ឋមន្ត្រី តាមរយៈប្រព័ន្ធបច្ចេកវិទ្យា Zoom meeting ក្រោមអធិបតីភាពដ៍ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា
AKP កំពង់ស្ពឺ ថ្ងៃទី២២ ខែឧសភា ឆ្នាំ២០២៦---ឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ត បានអញ្ជើញចូលរួមក្នុងកិច្ចប្រជុំពេញអង្គគណៈរដ្ឋមន្រ្តី តាមរយៈប្រព័ន្ធបច្ចេកវិទ្យា Zoom meeting ក្រោមអធិបតីភាពដ៍ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា
នយោបាយ
ឯកឧត្តមអភិបាលខេត្តណែនាំឲ្យរៀបចំ និងចងក្រងឯកសារឱ្យបានលឿន និងត្រឹមត្រូវ ដើម្បីត្រៀមរៀបចំពិព័រណ៍នៅវិមានឈ្នះ-ឈ្នះ កោះកុង
AKP កំពង់ស្ពឺ៖ នាថ្ងៃទី២៥ ខែឧសភា ឆ្នាំ២០២៦---ឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ អញ្ជើញអធិបតីភាព ក្នុងសិក្ខាសាលាផ្សព្វផ្សាយ និងប្រមូលធាតុចូល លើកម្រងឯកសារស្រាវជ្រាវ «ពីសង្គ្រាមមកសន្តិភាព និងការអភិវឌ្ឍគ្រប់វិស័យ» សម្រាប់ចម្លាក់ និងបរិយាយឆ្លាក់នៅស្តូបអនុស្សាវរីយ៍ ឈ្នះ ឈ្នះ កោះកុង ដោយមានការចូលរួមពីសំណាក់ លោក លោកស្រី អភិបាលរងខេត្ត លោក លោកស្រីប្រធានមន្ទីរ-អង្គភាពជុំវិញខេត្ត កងកម្លាំងប្រដាប់អាវុធទាំងបីប្រភេទ មន្ត្រីរាជការ ព្រមទាំងប្អូនៗសិស្សានុសិស្សយ៉ាងច្រើនកុះករ។
គ្រោះធម្មជាតិ
អំណោយមនុស្សធម៌របស់សាខា ផ្តល់ជូនប្រជាពលរដ្ឋរងគ្រោះដោយខ្យល់កន្ត្រាក់ ចំនួន ១០គ្រួសារ(មធ្យម ៧គ្រួសារ និងស្រាល ៣គ្រួសារ) នៅក្រុងឧដុង្គម៉ែជ័យ ខេត្តកំពង់ស្ពឺ
AKP កំពង់ស្ពឺ ៖ រសៀលថ្ងៃចន្ទ ទី២៥ ខែ ឧសភា ឆ្នាំ២០២៦---ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការសាខា បានចាត់លោកស្រី ប៉ោក សេដ្ឋា អនុប្រធានអចិន្ត្រៃយ៍គណៈកម្មាធិការសាខា និងសហការី ចុះសួរសុខទុក្ខ និងនាំយកអំណោយមនុស្សធម៌របស់សាខា ផ្តល់ជូនប្រជាពលរដ្ឋរងគ្រោះដោយខ្យល់កន្ត្រាក់ ចំនួន ១០គ្រួសារ(មធ្យម ៧គ្រួសារ និងស្រាល ៣គ្រួសារ) ក្នុងភូមិត្រពាំងខ្ចៅ សង្កាត់ត្រាចទង ក្រុងឧដុង្គម៉ែជ័យ ខេត្តកំពង់ស្ពឺ ។
កសិកម្ម
ខណ្ឌរដ្ឋបាលជលផលកំពង់ស្ពឺ បាននិងកំពុងដំណើរការផលិតពូជត្រី (បង្កាត់-ភ្ញាស់) ប្រភេទត្រីឆ្ពិន ដើម្បីបំប៉នកូនត្រី សម្រាប់ផ្គត់ផ្គង់តម្រូវការទីផ្សារ ជូនវារីវប្បករក្នុងខេត្តកំពង់ស្ពឺ និងតំបន់ផ្សេងៗ
AKP កំពង់ស្ពឺ៖ ថ្ងៃទី២៥ ខែឧសភា ឆ្នាំ២០២៦---ខណ្ឌរដ្ឋបាលជលផលកំពង់ស្ពឺ នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ បាននិងកំពុងអនុវត្តការងារផលិតពូជត្រី (បង្កាត់-ភ្ញាស់) ប្រភេទត្រីឆ្ពិន ស្របតាមលក្ខណៈបច្ចេកទេសវារីវប្បកម្ម ដើម្បីបង្កើនការផ្គត់ផ្គង់កូនត្រីមានគុណភាព ជូនដល់វារីវប្បករ និងប្រជាពលរដ្ឋដែលប្រកបមុខរបរចិញ្ចឹមត្រី ក្នុងខេត្តកំពង់ស្ពឺ ក៏ដូចជាបណ្តាខេត្តផ្សេងៗ។
សន្តិសុខសង្គម
រដ្ឋបាលខេត្តកំពង់ស្ពឺ រៀបចំទិវាជាតិប្រយុទ្ធប្រឆាំងអំពើជួញដូរមនុស្ស ១២ ធ្នូ ឆ្នាំ២០២៥
AKP កំពង់ស្ពឺ៖ ថ្ងៃទី២៦ ខែឧសភា ឆ្នាំ២០២៦ ---ឯកឧត្តម អោ វណ្ណថេន សមាជិកក្រុមប្រឹក្សាខេត្ត លោកជំទាវ គា សុភូ អភិបាលរង នៃគណៈអភិបាលខេត្ត អញ្ជើញជាអធិបតីភាពក្នុងទិវាជាតិ ប្រយុទ្ធប្រឆាំងអំពើជួញដូរមនុស្ស ១២ ធ្នូ (លើកទី១៩ ឆ្នាំ២០២៥) ត្រូវបានប្រារព្ធឡើងយ៉ាងទូលំទូលាយទូទាំងប្រទេសក្រោមប្រធានបទ៖ «យើងរួមគ្នាដើម្បីកម្ពុជា គ្មានអំពើជួញដូរមនុស្ស និងអំពើឆបោកតាមអនឡាញ» ។