ព័ត៌មានក្នុងខេត្ត

‎(កំពង់ស្ពឺ)៖ ថ្ងៃទី២២ ខែមិថុនា ឆ្នាំ២០២៦ យោងតាមចំណារ របស់ឯកឧត្តមបណ្ឌិតអភិបាលខេត្ត បានចាត់លោក ជេត ដុំ នាយករងរដ្ឋបាលខេត្តកំពង់ស្ពឺ ដឹកនាំកិច្ចប្រជុំពិភាក្សា និងស្វែងរកដំណោះស្រាយករណីចាក់ថ្មចូលស្ទឹងព្រែកត្នោត នៃក្បាលដីលេខ ០០០១ នៅភូមិអន្លង់ធម្ម ឃុំតាំងក្រូច ស្រុកសំរោងទង កិច្ចប្រជុំនេះមានការចូលរួមពីតំណាងមន្ទីរ-អង្គភាពជំនាញពាក់ព័ន្ធជុំវិញខេត្ត រួមទាំងអាជ្ញាធរស្រុកសំរោងទង និងអាជ្ញាធរឃុំតាំងក្រូច។

កំពង់ស្ពឺ៖ ថ្ងៃទី២២ ខែមិថុនា ឆ្នាំ២០២៦--- លោក ប៉ែត ចក់ ប្រធានសាខាពន្ធដារខេត្តកំពង់ស្ពឺ អញ្ជើញជាអធិបតីភាពក្នុងពិធី បើកសិក្ខាសាលាស្តីពី «ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ» សិក្ខាសាលានេះត្រូវបានរៀបចំឡើងនៅសាលប្រជុំជាន់ទី៣ នៃសាខាពន្ធដារខេត្ត ដោយមានការអញ្ជើញចូលរួមពីលោក-លោកស្រី ប្រធាន អនុប្រធាន និងតំណាងមន្ទីរ-អង្គភាពជុំវិញខេត្ត។

កំពង់ស្ពឺ÷ ថ្ងៃទី២១ ខែមិថុនា ឆ្នាំ២០២៦  នៅទីស្នាក់ការគណបក្សឃុំចាន់សែន ក្រុមការងារបានរៀបចំពិធីប្រកាសសមាសភាពក្រុមការងារចុះមូលដ្ឋានភូមិ ក្រោមអធិបតីភាព -ឯកឧត្តម ឡុង ឆេង ជំនួយការសម្តេចតេជោ អនុប្រធានក្រុមការងារចុះមូលដ្ឋានស្រុកសាមគ្គីមុនីជ័យ និងជាប្រធានក្រុមការងារចុះជួយឃុំចាន់សែន និងក្រុមការងារថ្នាក់កណ្ដាលចំនួន១១នាក់ ស្រី២នាក់ -លោក ជួប សុវណ្ណ ប្រធានគណបក្សឃុំចាន់សែន និង សមាជិក សមាជិកាបក្សឃុំ ចំនួន៩ នាក់ ស្រី៣នាក់ -សមាជិកសមាជិកាសាខាបក្សភូមិចំនួន៨ភូមិ សរុបចំនួន៩៥ នាក់ ស្រី១៥ នាក់ សរុប១២៧នាក់ ស្រី៣០នាក់។

កំពង់ស្ពឺ÷ ថ្ងៃទី ២១ ខែ មិថុនា ឆ្នាំ ២០២៦ លោកជំទាវ ទឹម សាវ៉ាត ប្រធានក្រុមការងារចុះជួយឃុំភ្នំតូច និងលោកជំទាវ ម៉ែន ស៊ីនួន អនុប្រធានក្រុមការងារចុះជួយឃុំភ្នំតូចបានចុះសួរសុខទុក្ខ និងសំណេះសំណាលជាមួយប្រជាពលរដ្ឋនៅភូមិវត្តភ្នំ ឃុំភ្នំតូច ស្រុកសាមគ្គីមុន្នីជ័យ ខេត្តកំពង់ស្ពឺ មានចំនួន ១២ គ្រួសារ នឹងចែកបានប័ណ្ណសមាជិកបក្សចំនួន ៧០ នាក់ ស្រី ៥០ នាក់ និងបានអូសទាញសមាជិកបក្សផ្សេងចំនួន ០៨ នាក់ ស្រី០៤នាក់ ដាក់ពាក្យសុំចូលសមាជិកបក្សប្រជាជនកម្ពុជាផងដែរ។

‎(កំពង់ស្ពឺ)៖ ថ្ងៃទី២១ ខែមិថុនា ឆ្នាំ២០២៦ ឯកឧត្តម ជួន វន រដ្ឋលេខាធិការក្រសួងឧស្សាហកម្ម វិទ្យា សាស្ត្រ បច្ចេកវិទ្យា និងនវានុវត្តន៍ ប្រធានក្រុមការងាររាជរដ្ឋាភិបាលចុះមូលដ្ឋានស្រុកគងពិសី និងជាតំណាងដ៏ខ្ពង់ខ្ពស់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និង ជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ឯកឧត្តមបណ្ឌិត ហេង សុខគង់ សមាជិកគណៈអចិន្តៃយ៍ ស.ស.យ.ក និងជាប្រធានសម្ព័ន្ធគ្រូពេទ្យស.ស.យ.ក  អញ្ជើញជាអធិបតីភាព ក្នុងពិធីពិនិត្យ និងព្យាបាលជំងឺដោយឥតគិតថ្លៃជូន មន្ត្រីរាជការ សិស្សានុសិស្ស ប្រជាពលរដ្ឋ និងបងប្អូនកម្មករ កម្មការិនី ក្នុងបរិវេណសាលាបឋមសិក្សាអង្គជុំ ស្ថិតក្នុងភូមិព្រៃតាអូក ឃុំរកាកោះ ស្រុកគងពិសី ខេត្តកំពង់ស្ពឺ ដោយមានការអញ្ជើញចូលរួម ពីឯកឧត្តម លោកជំទាវ លោកអភិបាលរងខេត្ត អភិបាលស្រុក លោក លោកស្រីថ្នាក់ដឹកនាំមន្ទីរអង្គភាពជុំវិញខេត្ត សិស្សានុសិស្ស ប្រជាពលរដ្ឋ និងបងប្អូនកម្មករ កម្មការិនី ប្រមាណជា ១២០០នាក់។ ‎

ត្បូងឃុំ៖ ថ្ងៃទី២១ ខែមិថុនា ឆ្នាំ២០២៦--- ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ អញ្ជើញចូលរួមអមដំណើរឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា អញ្ជើញជាអធិបតីភាពក្នុងពិធីបុណ្យសូត្រមន្តបង្សុកូល ជូនដល់វិញា្ញណក្ខន្ធ វីរយុទ្ធជន វីរយុទ្ធនារី និងប្រជាជនកម្ពុជា រំលឹកខួបលើកទី៤៩ នៃទិវាចងចាំ ដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧-២០ មិថុនា ២០២៦ នៅតំបន់ប្រវត្តិសាស្រ្ត យោធាតេជោ-កោះថ្ម X16 ។

ស្រុកគងពិសី÷ ថ្ងៃសៅរ៍ ៦កើតខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែមិថុនា ឆ្នាំ២០២៦ -ឯកឧត្ដម ទេព មាន អនុប្រធានគណៈកម្មាធិការបក្សខេត្ត តំណាងដ៏ខ្ពង់ខ្ពស់ឯកឧត្ដមបណ្ឌិត ជាម ច័ន្ទសោភ័ណ ប្រធានគណៈកម្មាធិការបក្សខេត្ត បានអញ្ជើញជាអធិបតី បើកវគ្គបណ្ដុះបណ្ដាលជនបង្គោលលើការងារមហាជនជំនាន់ទី៦ ដល់គណៈចលនាមហាជនស្រុក ឃុំ ដោយមានការអញ្ជើញចូករួមពីឯកឧត្តម អោ វណ្ណថេន ឯកឧត្តម ហន ភក្តី គណៈអចិន្ត្រៃយ៍គណបក្សខេត្ត លោក ហន ពិសិដ្ឋ ប្រធានគណៈកម្មាធិការគណបក្សស្រុក លោកលោកស្រី ក្រុមគ្រូឧទ្ទេសថ្នាក់ខេត្ត សមាជិកអចិន្ត្រៃយ៍គណបក្សស្រុក គណៈកម្មាធិការ និងសិក្ខាកាម ចំនួន ៥៨ រូប នៅស្នាក់ការគណបក្សស្រុកគងពិសី ខេត្តកំពង់ស្ពឺ។

ត្បូងឃុំ៖ ថ្ងៃទី២០ ខែមិថុនា ឆ្នាំ២០២៦---ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ត រួមជាមួយយុវជនជិត ៣០០នាក់ មកពី ២៥រាជធានី -ខេត្ត បានអញ្ជើញចូលរួមជាមួយឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ក្នុងពិធីដើរថ្មើរជើងទៅ កាន់តំបន់ ប្រវត្តិសាស្ត្រ យោធា កោះថ្មX16 ក្នុងឱកាស រំលឹកខួប លើកទី៤៩ នៃទិវាចងចាំដំណើរឆ្ពោះទៅការ ផ្ដួល រំលំ របប ប្រល័យពូជសាសន៍ ប៉ុល ពត។

កំពង់ស្ពឺ៖ ថ្ងៃទី២០ ខែមិថុនា ឆ្នាំ២០២៦---ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការសាខា បានចាត់លោកស្រី មាស ចន្នី នាយិកាសាខា ក្រុមប្រតិបត្តិសាខា អនុសាខាក្រុងច្បារមន ចុះសួរសុខទុក្ខលោកស្រី សាន ស្រីពៅ អាយុ ២៥ឆ្នាំ ដែលមានជំងឺទឹកនោមប្រៃកំរិនធ្ងន់ ហើយត្រូវលាងឈាម១អាទិត្យម្តងជាប្រចាំ ស្ថិតនៅភូមិដក់ពរ សង្ការស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។

កំពង់ស្ពឺ ÷ នាថ្ងៃទី ១៩ ខែ មិថុនា ឆ្នាំ ២០២៦ រដ្ឋបាលខេត្តបានរៀបចំកិច្ច ប្រជុំប្រមូលព័ត៌មានពីលទ្ធផលការងារ ដើម្បីកសាងឯកសារជំនួយស្មារតីសម្រាប់ធ្វើបទបង្ហាញ់ និង កិច្ចសម្ភាសន៍ស្តីពី វឌ្ឍនភាពការងារសម្រេចបាន ប្រចាំឆមាសទី១ និងទិសដៅបន្ត ប្រចាំឆមាសទី២ ឆ្នាំ២០២៦ របស់ខេត្តកំពង់ស្ពឺ ក្រោមអធិបតីភាពលោក ជេត ដុំ នាយករងរដ្ឋបាលសាលាខេត្ត កងកម្លាំងទាំងបីប្រភេទ មន្ទីរអង្គភាពជុំវិញខេត្តដែលដែលប្រព្រឹត្តទៅនៅអគាររដ្ឋបាលខេត្ត សាលប្រជុំ យឹម សុខុម។

កំពង់ស្ពឺ៖ ថ្ងៃទី១៩ ខែមិថុនា ឆ្នាំ២០២៦---ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលា ឃុំក្រាំងចេក ក្នុងស្រុកសាមគ្គីមុនីជ័យ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិឃុំ ឆ្នាំ២០២៦ ប្រព្រឹត្តទៅនៅសាលាឃុំក្រាំងចេក ក្រោមអធិបតីភាព លោក ចឹក ឈឿន មេឃុំក្រាំងចេក និងជាប្រធានគណៈកម្មការលទ្ធកម្ម និងលោកមេឃុំទាំង៤ និងវត្តមានអ្នកសង្កេតការថ្នាក់ខេត្ត/ស្រុក លោកអភិបាលរងស្រុក តំណាងក្រុមហ៊ុន និងអ្នកសារពត៌មានជាច្រើនរូបទៀត។

កំពង់ស្ពឺ៖ ថ្ងៃទី១៩ ខែមិថុនា ឆ្នាំ២០២៦--ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលាឃុំពាំងល្វា បានរៀបចំកិច្ចប្រជុំបើកសំណើរដេញថ្លៃគម្រោងមូលនិធិឃុំ ឆ្នាំ២០២៦ កិច្ចប្រជុំនេះដែរដឹកនាំដោយលោក ចាន់ សែប មេឃុំពាំងល្វា និងជាប្រធានគណៈកម្មការលទ្ធកម្ម និងវត្តមានអ្នកសង្កេតការថ្នាក់ខេត្ត/ស្រុក លោកអភិបាលរងស្រុក តំណាងក្រុមហ៊ុន និងអ្នកសារពត៌មានជាច្រើនរូបទៀត។