មណ្ឌលសុខភាពព្រះនិព្វាន្ត យើងខ្ញុំនឹងរៀបចំធ្វើ យុទ្ធនាការពិនិត្យស្រាវជ្រាវតាមរយះការធ្វើតេស្តរកជំងឺមហារីកមាត់ស្បូនដល់ស្រ្តី ចាប់ពីអាយុ 30ឆ្នាំ ដល់ 49ឆ្នាំ 📍 ទីតាំងធ្វើនៅមណ្ឌលសុខភាព និង តាមសហគមន៍ក្នុងឃុំព្រះនិពា្វន្តទាំងមូល ☎️ទំនាក់ទំនងតាមរយះមណ្ឌលសុខភាព និង មេភូមិទាំង 27 ភូមិក្នុងឃុំព្រះនិពា្វន្ត ឬ តាមរយះលេខទូរសព្ទ័ : 093 846 787 📌ដោយកម្មវិធីនេះនឹងត្រូវអនុវត្តចាប់ពីថ្ងៃទី 01 ខែវិច្ឆិកា ឆ្នាំ២០២៦ នេះតទៅ ដំណឹងល្អ! បងប្អូនស្ត្រីអាចមក ទទួលសេវាធ្វើតេស្តរកមេរោគមហារីកមាត់ស្បូននៅមណ្ឌលសុខភាពព្រះនិព្វាន្ត ចាប់ពីថ្ងៃជូនដំណឹងនេះតទៅ។ ពិនិត្យទាន់ពេល បង្ការទាន់ពេល ដើម្បីសុខភាពល្អ!

ថ្ងៃព្រហស្បតិ៍ ៣រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែតុលា ឆ្នាំ២០២៦ ================================ ដោយទទួលបានការចាត់តាំងពីសំណាក់ លោក សំអឿន សុបញ្ញា អភិបាល នៃគណៈអភិបាលស្រុកបសេដ្ឋ ក្រុមការងាររដ្ឋបាលស្រុកបានសម្របសម្រួលដល់ការធ្វើដំណើរផ្លាស់ទីលំនៅជូនប្រជាពលរដ្ឋចំនួន ០១គ្រួសារ ដែលចាប់ឆ្នោតទទួលបានដីឡូតិ៍ និងផ្ទះ នៃគម្រោងកម្មវិធីផ្ដល់ដីការពារព្រៃដើម្បីរួមគ្នាអភិវឌ្ឍន៍ដោយចីរភាព របស់រាជរដ្ឋាភិបាលកម្ពុជា ស្ថិតនៅស្រុកសេសាន ខេត្តស្ទឹងត្រែង បានដល់ទីតាំងប្រកបដោយស្នាមញញឹម នឹងសុវត្ថិភាព។ #ការចូលរស់នៅកាន់កាប់ដីសាធារណៈរបស់រដ្ឋដោយបំពានជាអំពើខុសច្បាប់ #រដ្ឋបាលស្រុកបសេដ្ឋ

ថ្ងៃទី២៩ ខែតុលា ឆ្នាំ២០២៦ គ្រួសារចំនួន៣ នៃស្រុកសំរោងទង ទទួលបានដីសម្បទាន និងគេហដ្ឋានថ្មី តាមគោលការណ៍ណែនាំរបស់ប្រមុខរាជរដ្ឋាភិបាលកម្ពុជា ក្នុងការផ្ដល់ជូនដីសម្បទានជូនបងប្អូនប្រជាពលរដ្ឋដែលមិនមានទីកន្លែងសម្រាប់រស់នៅ។

(កំពង់ស្ពឺ)៖ នាព្រឹកថ្ងៃព្រហស្បតិ៍ ៣រោច ខែអស្សុជ ឆ្នាំមមី អដ្ឋស័ក ព.ស. ២៥៧០ត្រូវនឹង ថ្ងៃទី២៩ ខែតុលា ឆ្នាំ២០២៦ កងកម្លាំងនគរបាលផ្នែកចរាចរណ៍នៃការិយាល័យចរាចរណ៍ផ្លូវគោក បានចុះតាមបណ្ដាគោលដៅធ្វើការរឹតបន្ដឹងច្បាប់ចរាចរណ៍ផ្លូវគោក ដោយអនុវត្ដលើវិធានការអប់រំជៀសជាងការផាកពិន័យ #សូមចូលរួមគោរពច្បាប់ទាំងអស់គ្នា #បើកបរដោយការទទួលខុសត្រូវ #កុំបើកវ៉ាជែងដោយស្ថានភាពគ្រោះថ្នាក់ #កុំបើកបរលើសល្បឿនកំណត់

(កំពង់ស្ពឺ)៖ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងការចង្អុលណែនាំពីលោកវរសេនីយ៍ឯក ហ៊ាង ឈាងលី ស្នងការរងទទួលផែនការងារប្រឆាំងគ្រឿងញៀន កំលាំងផ្នែកគ្រឿងញៀន នៃអធិការដ្ឋាននគរបាលស្រុកសំរោងទង ចុះស្រាវជ្រាវនិងបើកកិច្ចប្រតិបត្តិការច្បាមមុខសញ្ញាចាស់ នៅចំណុចភូមិជើងក្តី ឃុំធម្មតាអរ ស្រុកសំរោងទង ខេត្តកំពង់ស្ពឺ ឃាត់ខ្លួនមុខសញ្ញាសង្ស័យករណីជួញដូរដោយខុសច្បាប់នូវសារធាតុញៀន ឈ្មោះ ម៉ន សំអូន ភេទប្រុស អាយុ៤០ឆ្នាំ រស់នៅភូមិជើងក្តី ឃុំធម្មតាអរ ស្រុកសំរោងទង ខេត្តកំពង់ស្ពឺ បញ្ជូនមកអធិការដ្ឋានដើម្បីសាកសួរបន្ដ។

(កំពង់ស្ពឺ​)៖​ ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ​ ឃឹម​ សុកខៃ​ ស្នងការ​នគរបា​ល​ខេត្ត​កំពង់​ស្ពឺ​ និងការចង្អុលណែនាំពីលោកវរសេនី​យ៍ឯក​ អូន​ សុវ៉េត​ ស្នងការ​រងទទួលផែនការងារអត្ដ​ស​ញ្ញាណកម្ម​ លោកវរសេនីយ៍ឯក​ ចន​ សុភិត​ អធិការ​នគរបាល​ស្រុក​បសេដ្ឋបានធ្វើការ​បញ្ជាដល់ផ្នែកអត្ដសញ្ញាកម្មស្រុកសហការផ្សព្វផ្សាយនិងចុះស្រាវជ្រាវលើការទទួលដាក់ធានាបំណុ​លដោយប្រើប្រាស់ឯកសារ​ អត្ដ​ស​ញ្ញាណបណ្ណសញ្ជាតិខ្មែរ​ (ច្បាប់​ដើ​ម)​ សៀវភៅ​ស្នាក់ការ​ (ច្បាប់​ដើម)​ សៀវភៅ​គ្រួសារ​ (ច្បាប់​ដើម)​ ជាក់​ស្ដែង​សមត្ថកិច្ច​នគរបាល​បានការ​សហការ​ស្រាវជ្រាវរកឃើញអត្តសញ្ញាណប័ណ្ណសញ្ជាតិខ្មែរដែល​ម្ចាស់ទី​តាំងហាងលក់និងបង់រំលស់ទូរស័ព្ទមួយកន្លែង​ "​ យី​ហោឈ្មោះ រដ្ឋាឯកទេសជួសជុលលក់ទូរស័ព្ទ​ដៃទំនើប "​ ស្ថិតនៅភូមិផ្សារស្លាបលែង ឃុំស្វាយរំពារ ស្រុកប​សេដ្ឋ ខេត្តកំពង់ស្ពឺ ដោយម្ចាស់ទីតាំងខាងលើបានស្ម័គ្រចិត្ដសហការជាមួយសមត្ថកិច្ចប្រគល់សន្លឹកអត្តស​ញ្ញាណប័ណ្ណ​សញ្ជាតិខ្មែរ (ច្បាប់​ដើម)​ សរុបចំនួន១៦៣ សន្លឹក ក្នុងពិនិត្យឃើញមានផុតសុពលភាព ចំនួន១០​ស​ន្លឹក និងអ្នកមានទីលំនៅខេត្តផ្សេងពីកំពង់ស្ពឺមានចំនួន​៤០សន្លឹក ផុតសុពលភាពចំនួន ២សន្លឹក។