ថ្ងៃព្រហស្បតិ៍ ៣រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែតុលា ឆ្នាំ២០២៦ ================================ ដោយទទួលបានការចាត់តាំងពីសំណាក់ លោក សំអឿន សុបញ្ញា អភិបាល នៃគណៈអភិបាលស្រុកបសេដ្ឋ ក្រុមការងាររដ្ឋបាលស្រុកបានសម្របសម្រួលដល់ការធ្វើដំណើរផ្លាស់ទីលំនៅជូនប្រជាពលរដ្ឋចំនួន ០១គ្រួសារ ដែលចាប់ឆ្នោតទទួលបានដីឡូតិ៍ និងផ្ទះ នៃគម្រោងកម្មវិធីផ្ដល់ដីការពារព្រៃដើម្បីរួមគ្នាអភិវឌ្ឍន៍ដោយចីរភាព របស់រាជរដ្ឋាភិបាលកម្ពុជា ស្ថិតនៅស្រុកសេសាន ខេត្តស្ទឹងត្រែង បានដល់ទីតាំងប្រកបដោយស្នាមញញឹម នឹងសុវត្ថិភាព។ #ការចូលរស់នៅកាន់កាប់ដីសាធារណៈរបស់រដ្ឋដោយបំពានជាអំពើខុសច្បាប់ #រដ្ឋបាលស្រុកបសេដ្ឋ

ថ្ងៃទី២៩ ខែតុលា ឆ្នាំ២០២៦ គ្រួសារចំនួន៣ នៃស្រុកសំរោងទង ទទួលបានដីសម្បទាន និងគេហដ្ឋានថ្មី តាមគោលការណ៍ណែនាំរបស់ប្រមុខរាជរដ្ឋាភិបាលកម្ពុជា ក្នុងការផ្ដល់ជូនដីសម្បទានជូនបងប្អូនប្រជាពលរដ្ឋដែលមិនមានទីកន្លែងសម្រាប់រស់នៅ។

(កំពង់ស្ពឺ)៖ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងការចង្អុលណែនាំពីលោកវរសេនីយ៍ឯក ហ៊ាង ឈាងលី ស្នងការរងទទួលផែនការងារប្រឆាំងគ្រឿងញៀន កំលាំងផ្នែកគ្រឿងញៀន នៃអធិការដ្ឋាននគរបាលស្រុកសំរោងទង ចុះស្រាវជ្រាវនិងបើកកិច្ចប្រតិបត្តិការច្បាមមុខសញ្ញាចាស់ នៅចំណុចភូមិជើងក្តី ឃុំធម្មតាអរ ស្រុកសំរោងទង ខេត្តកំពង់ស្ពឺ ឃាត់ខ្លួនមុខសញ្ញាសង្ស័យករណីជួញដូរដោយខុសច្បាប់នូវសារធាតុញៀន ឈ្មោះ ម៉ន សំអូន ភេទប្រុស អាយុ៤០ឆ្នាំ រស់នៅភូមិជើងក្តី ឃុំធម្មតាអរ ស្រុកសំរោងទង ខេត្តកំពង់ស្ពឺ បញ្ជូនមកអធិការដ្ឋានដើម្បីសាកសួរបន្ដ។

(កំពង់ស្ពឺ​)៖​ ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ​ ឃឹម​ សុកខៃ​ ស្នងការ​នគរបា​ល​ខេត្ត​កំពង់​ស្ពឺ​ និងការចង្អុលណែនាំពីលោកវរសេនី​យ៍ឯក​ អូន​ សុវ៉េត​ ស្នងការ​រងទទួលផែនការងារអត្ដ​ស​ញ្ញាណកម្ម​ លោកវរសេនីយ៍ឯក​ ចន​ សុភិត​ អធិការ​នគរបាល​ស្រុក​បសេដ្ឋបានធ្វើការ​បញ្ជាដល់ផ្នែកអត្ដសញ្ញាកម្មស្រុកសហការផ្សព្វផ្សាយនិងចុះស្រាវជ្រាវលើការទទួលដាក់ធានាបំណុ​លដោយប្រើប្រាស់ឯកសារ​ អត្ដ​ស​ញ្ញាណបណ្ណសញ្ជាតិខ្មែរ​ (ច្បាប់​ដើ​ម)​ សៀវភៅ​ស្នាក់ការ​ (ច្បាប់​ដើម)​ សៀវភៅ​គ្រួសារ​ (ច្បាប់​ដើម)​ ជាក់​ស្ដែង​សមត្ថកិច្ច​នគរបាល​បានការ​សហការ​ស្រាវជ្រាវរកឃើញអត្តសញ្ញាណប័ណ្ណសញ្ជាតិខ្មែរដែល​ម្ចាស់ទី​តាំងហាងលក់និងបង់រំលស់ទូរស័ព្ទមួយកន្លែង​ "​ យី​ហោឈ្មោះ រដ្ឋាឯកទេសជួសជុលលក់ទូរស័ព្ទ​ដៃទំនើប "​ ស្ថិតនៅភូមិផ្សារស្លាបលែង ឃុំស្វាយរំពារ ស្រុកប​សេដ្ឋ ខេត្តកំពង់ស្ពឺ ដោយម្ចាស់ទីតាំងខាងលើបានស្ម័គ្រចិត្ដសហការជាមួយសមត្ថកិច្ចប្រគល់សន្លឹកអត្តស​ញ្ញាណប័ណ្ណ​សញ្ជាតិខ្មែរ (ច្បាប់​ដើម)​ សរុបចំនួន១៦៣ សន្លឹក ក្នុងពិនិត្យឃើញមានផុតសុពលភាព ចំនួន១០​ស​ន្លឹក និងអ្នកមានទីលំនៅខេត្តផ្សេងពីកំពង់ស្ពឺមានចំនួន​៤០សន្លឹក ផុតសុពលភាពចំនួន ២សន្លឹក។

(កំពង់ស្ពឺ​)៖​ ដោយទទួលបានការអនុញ្ញាតដ៏ខ្ពង់ខ្ពស់ពី លោកឧត្តមសេនីយ៍ទោ​ ឃឹម​ សុកខៃ​ ស្នងការនគរបា​លខេត្ដកំពង់ស្ពឺ​ នាព្រឹកថ្ងៃពុធ ទី២៨ ខែតុលា ឆ្នាំ២០២​៦​នេះ លោកវរសេនីយ៍ឯក​ ហុក​ អេងជាង​ ស្នងការរង​ ទទួល​ផែន​ការ​ងារធនធានមនុស្ស​ នៃស្នងការដ្ឋាននគរបា​លខេត្ដកំពង់ស្ពឺ​ បានអញ្ជើញដឹកនាំ​មន្រ្តី​ក្រោមឱវាទ​ ចំណុះការិយាល័យ​ បុគ្គលិក​ ចូល​រួមក្នុងកិច្ចប្រជុំស្តីពីការត្រួតពិនិត្យការងាររៀបចំឯកសារ និងផ្ទៀងផ្ទាត់ទិន្នន័យមន្រ្តីនគរបាលជាតិ សម្រាប់ដំណើរការជំរឿនមន្រ្តីនគរបាលជាតិកម្ពុជា លើកទី៤ តាមបណ្តាញ​ប្រព័ន្ធ​អនឡាញ​ហ្សូម​ ក្រោមអធិបតីភាព ឯកឧត្ដមសន្តិបណ្ឌិត ចាន់ អ៊ាន រដ្ឋលេខាធិការ និងជាអនុប្រធានទី១​គណៈកម្មការ​ តំណាងដ៏ខ្ពង់ខ្ពស់ ឯក​ឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈ​កម្មកា​រជំរឿន។

សាខា កក្រក ខេត្តកំពង់ស្ពឺ÷ នៅព្រឹកថ្ងៃទី២៨ ខែតុលា ឆ្នាំ២០២៦ ឯកឧត្តម កៅ សុវណ្ណារិទ្ធ អភិបាលរង នៃគណៈអភិបាលខេត្ត និងជាតំណាងដ៏ខ្ពង់ខ្ពស់ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ត និងជាប្រធានគណៈកម្មាធិការសាខា បានជួបសំណេះសំណាលជាមួយប្រជាពលរដ្ឋងាយរងគ្រោះ មកពី ៥ឃុំ/សង្កាត់ ក្នុងខេត្ត ស្មើនិង ១១គ្រួសារ ដែលមានសិទ្ធិទទួលបានដីឡូតិ៍ ពីគណៈកម្មាធិការជាតិ ដឹកនាំអនុវត្តកម្មវិធីផ្តល់ដីការពារ ព្រៃដើម្បីរួម គ្នាអភិវឌ្ឍដោយចីរភាព (ផ.ក.អ) នៅឃុំស្តៅ និងឃុំសាមឃួយ ស្រុកសេសាន ខេត្តស្ទឹងត្រែង ស្ថិតនៅមុខបរិវេណសាលាខេត្តកំពង់ស្ពឺ ។