ខេត្តកំពង់ស្ពឺ៖ រសៀលថ្ងៃទី២៨ ខែតុលា ឆ្នាំ២០២៦ នៅសាលាខេត្តកំពង់ស្ពឺ បានបើកកិច្ចប្រជុំពិនិត្យ និងពិភាក្សាលើប្លង់រួម ប្លង់បច្ចេកទេស ប្លង់ខ្លោងទ្វារ ប្លង់ទីតាំងថតរូប (Photo Booth) និងកិច្ចការងារសំខាន់ៗផ្សេងទៀត ពាក់ព័ន្ធនឹងការរៀបចំ «ព្រឹត្តិការណ៍បុណ្យភ្នំ» ដែលនឹងប្រារព្ធឡើងនៅឧទ្យានជាតិព្រះសុរាម្រិត-កុសុមៈ (គីរីរម្យ) ស្ថិតក្នុងភូមិសាស្ត្រស្រុកភ្នំស្រួច។

យុទ្ធនាការនេះត្រូវបានរៀបចំឡើងក្រោមប្រធានបទ «បន្តពង្រឹងការអនុវត្តវិធានការក្នុងការគ្រប់គ្រងការផ្សព្វផ្សាយពាណិជ្ជកម្មផលិតផលគ្រឿងស្រវឹង និងភេសជ្ជៈដែលមានជាតិស្ករ ដើម្បីលើកកម្ពស់សុខុមាលភាពពលរដ្ឋ»។

កំពង់ស្ពឺ÷ កិច្ចប្រជុំត្រៀមរៀបចំពិធីបុណ្យឯករាជ្យជាតិ ៩ វិច្ឆិកា ២០២៦ ដឹកនាំដោយ លោក ងួន ឡាញ់ នាយករងរដ្ឋបាលសាលាខេត្ត កិច្ចប្រជុំនេះប្រព្រឹត្តិទៅនៅថ្ងៃទី២៨ ខែតុលា ឆ្នាំ ២០២០៦ នៅសាលប្រជុំ កង ហ៊ាង ជាន់ទី១ អគាររដ្ឋបាលខេត្ត ដោយមានការអញ្ជើញចូលរួមពីសំណាក់លោក លោកស្រីតំណាងទីចាត់ការរបស់សាលាខេត្ត លោកលោកស្រីតំណាងមន្ទីរអង្គភាពជុំវិញខេត្ត លោក លោកស្រីតំណាងក្រុងស្រុកទាំង ៩។

ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ប្រធានក្រុមការងារចុះជួយខេត្តកំពង់ស្ពឺ រួមជាមួយក្រុមការងារ បានសួរសុខទុក្ខ សម្តេចឥស្សរវិទេសបញ្ញា ហោ ណាំហុង សមាជិកឧត្តមប្រឹក្សាផ្ទាល់ព្រះមហាក្សត្រ អតីតឧបនាយករដ្ឋមន្ត្រី និងជាអតីតរដ្ឋមន្ត្រីការបរទេស និងសហប្រតិបត្តិការអន្តរជាតិ។

កំពង់ស្ពឺ៖ ក្រោពីទទួលបានព័ត៌មានស្តីការឆាបឆេះសាលាឆាន់នៅវត្តពោធិ៍ នាព្រឹកថ្ងៃពុធ ២រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែតុលា ឆ្នាំ២០២៦ បានរួមដំណើរជាមួយព្រះមន្រ្តីសង្ឃសាលាអនុគណស្រុកបរសេដ្ឋ ចុះពិនិត្យស្ថានភាព និងផលប៉ះពាល់នៃការឆាបឆេះសាលាឆាន់នៅវត្តពោធិ៍ ស្ថិតក្នុងភូមិពោធំ ឃុំពោធិអង្គ្រង ស្រុកបរសេដ្ឋ ខេត្តកំពង់ស្ពឺ ដែលត្រូវបានរាយការណ៍ថា រងការដុតបំផ្លាញដោយជនមិនស្គាល់អត្តសញ្ញាណ កាលពីវេលាម៉ោងប្រមាណ ៤ទៀបភ្លឺ ថ្ងៃទី២៧ ខែតុលា ឆ្នាំ២០២៦។

ដោយអនុវត្តតាមការចង្អុលបង្ហាញនិងបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ ‌‎ព្រមទាំងមានការសម្របសម្រួលនីតិវិធីពី ឯកឧត្តមព្រះរាជអាជ្ញា អមសាលាដំបូងខត្តកំពង់ស្ពឺ កាលពីវេលាម៉ោង០៩:៤៧នាទី ថ្ងៃទី២៣ ខែតុលា ឆ្នាំ២០២៦ ក្រុមការងារប្រចាំមណ្ឌលប្រតិបត្តិការ HotLine 1292 (២៤ម៉ោងលើ២៤ម៉ោង) នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ បានទទួលការហៅចូលពីបងប្អូនប្រជាពលរដ្ឋម្នាក់ បានរាយការណ៍និងប្តឹងដើម្បីសុំកិច្ចអន្តរាគមន៍ពីកម្លាំងកងរាជអាវុធហត្ថខេត្តកំពង់ស្ពឺ ថាមានករណីហិង្សាក្នុងគ្រួសារកូនជេរប្រមាថទៅលើឪពុកម្ដាយបង្កើត គម្រាមដុតផ្ទះ គម្រាមសម្លាប់ និងបំផ្លាញទ្រព្យសម្បត្តិក្នុងផ្ទះ ស្ថិនៅភូមិត្រពាំងគង ឃុំត្រពាំងគង ស្រុកសំរោងទង ខេត្តកំពង់ស្ពឺ។