ឯកឧត្តម ប៉ែន បូណា៖ ការពិតគឺជាពន្លឺសម្រាប់លុបបំបាត់ទីងងឹតដែលជាជម្រករបស់ក្រុមអ្នកបង្កើតព័ត៌មានក្លែងក្លាយ
«សព្វថ្ងៃនេះ ក្រុមប្រឆាំងជ្រុលនិយមមួយក្តាប់តូចកំពុងសម្ងំនៅក្នុងទីងងឹតដើម្បីផលិតព័ត៌មានក្លែងក្លាយ បំផ្លើស និងបំភ្លៃគ្រប់ទម្រង់ ក្នុងគោលបំណងញុះញង់ដើម្បីបង្កឱ្យមានចលាចលក្នុងសង្គម ដោយមិនស្គាល់កាលៈទេសៈ និងមិនគិតពីផលប្រយោជន៍ជាតិឡើយ ជាពិសេសព័ត៌មានរបស់ពួកគេគឺបម្រើឱ្យ ប្រទេសដែលឈ្លានពានទឹកដីយើង»។ នេះជាការគូសបញ្ជាក់របស់ ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល ក្នុងឱកាសអញ្ជើញជាវាគ្មិនក្នុងវគ្គបណ្តុះបណ្តាលស្តីពី «ការពង្រឹងប្រសិទ្ធភាពការងារនាំពាក្យ និងព័ត៌មាន» នៅសាលាខេត្តកំពង់ស្ពឺ នាព្រឹកថ្ងៃទី៧ ខែតុលា ឆ្នាំ២០២៦។
