AKP ភ្នំពេញ ថ្ងៃទី៣១ ខែតុលា ឆ្នាំ២០២៦-- ឯកឧត្តម សុខ ប្រសិទ្ធិ រដ្ឋលេខាធិការក្រសួងព័ត៌មាន ទទួលបន្ទុកការងារអាហារូបករណ៍ ទទួលជួបពិភាក្សាការងារជាមួយ លោកស្រី ស៊ីន ស៊ីវឿន សហស្ថាបនិក និងអគ្គនាយិកា សាលាអន្តរជាតិ វេស្តប្រីជភ្នំពេញ នារសៀលថ្ងៃទី៣០ ខែតុលា ឆ្នាំ២០២៦ ទីស្តីការក្រសួងព័ត៌មាន ដើម្បីពិភាក្សាស្វែងយល់អំពីសក្តានុពលនៃការអប់រំស្តង់ដាអន្តរជាតិ ការតម្រង់ទិសភាពជាដៃគូរវាងស្ថាប័នរដ្ឋ និងវិស័យឯកជន ព្រមទាំងកិច្ចសហប្រតិបត្តិកាលើការបណ្តុះបណ្តាលធនធានមនុស្ស តាមរយៈការផ្តល់អាហារូបករណ៍ជូនបុត្រធីតាមន្ត្រីរាជការ និងការត្រៀមរៀបចំអនុស្សរណៈនៃការយោគយល់គ្នា (MOU) រវាងភាគីទាំងពីរ។

ថ្ងៃសុក្រ ៤រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែតុលា ឆ្នាំ២០២៦ លោក ហុង ចាន់សុខា ប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ បានចូលរួមក្នុងកិច្ចប្រជុំត្រៀមរៀបចំពិធីបុណ្យប្រណាំងទូកខ្នាតអន្តរជាតិ ទូកផ្កាចារ ទូកត្នោត ទូកខ្ទះ ថ្នាក់ខេត្ត( ២៤ វិច្ឆិកា) និងពិធីបុណ្យភ្នំ (០៥.០៦ ខែវិច្ឆិកា) នាពេលខាងមុខ ក្រោមអធិបតីភាព ឯកឧត្ដម ហន ភក្តី អភិបាលរងខេត្ត តំណាង ឯកឧត្ដមបណ្ឌិតអភិបាលខេត្តកំពង់ស្ពឺ។

(កំពង់ស្ពឺ)៖ ដោយអនុវត្ដតាមការណែនាំដ៏ខ្ពង់ខ្ពស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងការចង្អុលបង្ហាញពីលោកឧត្ដមសេនីយ៍ត្រី តាប់ លន ស្នងការរង ទទួលផែនការងារសណ្ដាប់ធ្នាប់ នៅថ្ងៃសៅរ៍ ៥រោច ខែអស្សុជ ឆ្នាំមមី អដ្ឋស័ក ព.ស. ២៥៧០ត្រូវនឹង ថ្ងៃទី៣១ ខែតុលា ឆ្នាំ២០២៦ កំលាំងនគរបាល នៃការិយាល័យនគរបាលចរាចរណ៍ផ្លូវគោក បានចុះអនុវត្ដការងារតាមកម្មវិធីចុះរឹតបន្ដឹងច្បាប់ស្ដីពីចរាចរណ៍ដោយធ្វើការសហការជាមួយអធិការដ្ឋាននគរបាលក្រុង/ស្រុក កំណត់គោលដៅនៃការផ្សព្វផ្សាយអប់រំដល់អ្នកធ្វើដំណើរឆ្លងកាត់តាមបណ្ដាផ្លូវជាតិ-ផ្លូវកៅស៊ូក្នុងខេត្ដ ដើម្បីទប់ស្កាត់កាត់បន្ថយករណីកើតមានគ្រោះថ្នាក់ផ្សេងៗជាយថាហេតុ ក្នុងនោះក៏ឆ្លៀតធ្វើការអប់រំណែនាំដល់អ្នកបើកបរម៉ូតូ រឺម៉ក រថយន្តប្រភេទទេសចរណ៍ និងរថយន្ដដឹកទំនិញ ទាំងការពាក់មួកសុវត្ថិភាព ការបិទចំនាំងផ្លាតនៅផ្នែកខាងក្រោយនៃរឺម៉ក ការផ្ទុកទំនិញ ការកែភ្លើងដែលនាំ ឱ្យចាំងប៉ះពាល់ដល់ការធ្វើដំណើរអ្នកដទៃ ការបំពាក់សុីភ្លេរកែច្នៃខុសពីប្រភេទដើមនៃយានយន្ដ ភាគច្រើនរថយន្តប្រភេទធន់ធ្ងន់។

(កំពង់ស្ពឺ)៖ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងការចង្អុលណែនាំពីលោកវរសេនីយ៍ឯក ហ៊ាង ឈាងលី ស្នងការរងទទួលផែនការងារប្រឆាំងគ្រឿងញៀន នៅថ្ងៃសៅរ៍ ទី៣១ ខែតុលា ឆ្នាំ២០២៦ វេលាម៉ោង ១៣:២០នាទី កំលាំងផ្នែកគ្រឿងញៀន នៃអធិការដ្ឋាននគរបាលស្រុកបសេដ្ឋ ចុះស្រាវជ្រាវនិងបើកកិច្ចប្រតិបត្តិការច្បាមមុខសញ្ញាជួញដូរគ្រឿងញៀនដ៏សកម្មម្នាក់ ដោយសហការជាមួយកំលាំងប៉ុស្តិ៍នគរបាលរដ្ឋបាលទួលសាលា ឈានទៅឃាត់មុខសញ្ញាសង្ស័យឈ្មោះ ហៅ សុខបុន ភេទប្រុស អាយុ៣០ឆ្នាំរស់នៅភូមិក្បាលថ្នល់ ឃុំកក់ស្រុកបសេដ្ឋ ដោយបនធ្វើការត្រួតពិនិត្យដកហូតវត្ថុតាងរួមមានម្សៅក្រាមពណ៍សថ្លាសង្ស័យជាគ្រឿងញៀនចំនួន១កញ្ចប់,ទូរស៍ព្ទដៃ១គ្រឿងម៉ូតូ១គ្រឿងលេខកំពង់ស្ពឺ1L-9969 និងឧបករណ៍សម្រាប់ជក់គ្រឿងញៀនខ្សៀរចំនួន១ ។

(កំពង់ស្ពឺ​)៖​ ដោយបាន​ការបញ្ជាដឹកនាំដ៏ខ្ពង់ខ្ពស់ពីលោ​កឧត្ដមសេនីយ៍​ទោ​ ឃឹម​ សុកខៃ​ ស្នងការ​នគរបា​ល​ខេ​ត្ត​ កម្លាំងការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្ដ​ ស​ហការជាមួយ​កម្លាំង​អធិការ​ដ្ឋាន​នគរបាល​ស្រុក​គងពិសី​ បានបើក​ប្រតិបត្តិការឆ្មក់បង្ក្រាប​ទីតាំង​២​ផ្សេ​ង​គ្នា​ ទីមួយ​ហាង​មានឈ្មោះ​ Hap​py day Ktv ស្ថិ​តនៅភូមិស្វា​យ​ទា​ប ឃុំអង្គពពេល ស្រុកគងពិសី ខេត្ត​កំពង់​ស្ពឺ​ ដោយស​ង្ស័​យលួចបង្កប់ករ​ណីស​ញ្ចារកម្ម ទីតាំង​ទីពី​ផ្ដល់ឱ្យ​ជ្រកក្រោមផ្ទះសំ​ណាក់យី​ហោ ភ្នំពេជ្ររីក​រាយ ស្ថិតនៅ​ភូមិភាសា ឃុំព្រះនិព្វាន្ត ស្រុកគងពិសី​ ខេត្ត​កំពង់​ស្ពឺ​ សង្ស័យផ្តល់ទីតាំងឳ្យធ្វើពេ​ស្យា​ចារ ក្នុង​នោះក៏មានអនីតិជនមិនទាន់គ្រប់អាយុបម្រើការងារ​នៅក្នុងទីតាំងខាងលើ​ផងដែរ ។

(កំពង់ស្ពឺ)៖ ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលនគរបាលខេត្ដកំពង់ស្ពឺ និងបានការណែនាំពីលោកវរសេនីយ៍ឯក ហ៊ាង ឈាងលី ស្នងការរង ទទួលផែនការងារបទល្មើសគ្រឿងញៀន នៅថ្ងៃសុក្រ ៤រោច ខែអស្សុជ ឆ្នាំមមី អដ្ឋស័ក ព.ស. ២៥៧០ត្រូវនឹង ថ្ងៃទី៣០ ខែតុលា ឆ្នាំ២០២៦ លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានដឹកនាំកំលាំងបង្រ្កាបក្រុមជនសង្ស័យពាក់ព័ន្ធគ្រឿងញៀននៅចំណុចខ្នងទំនប់អូរត្រែង ភូមិអង្គសង្គ្រាម ឃុំជង្រុក ស្រុកគងពិសី ឃាត់ខ្លួនជនសង្ស័យ ១នាក់ ឈ្មោះ កឹប រក្សាន់ ហៅសាន់ ភេទប្រុស អាយុ២៦ឆ្នាំ នៅភូមិជុំស្រុក ឃុំជង្រុក ស្រុកគងពិសី ខេត្តកំពង់ស្ពឺ។