កំពង់ស្ពឺ÷ នាព្រឹកអាទិត្យ ៦កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៦ ឃុំពាំងល្វា ស្រុកសាមគ្គីមុនីជ័យ ខេត្តកំពង់ស្ពឺ៖ ឯកឧត្ដមបណ្ឌិត អ៊ុក កោសា សមាជិកគណៈកម្មាធិការកណ្ដាល អនុប្រធានក្រុមការងាគណបក្សចុះមូលដ្ឋាន ខេត្តកំពង់ស្ពឺ និងជាប្រធានក្រុមការងារគណបក្ស ចុះមូលដ្ឋានស្រុកសាមគ្គីមុនីជ័យ ឯកឧត្តម ឈុន សុជាតិ អនុប្រធានក្រុមការងារចុះមូលដ្ឋានស្រុក និងជាប្រធានក្រុមការងារចុះមូលដ្ឋានឃុំពាំងល្វា បានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រកាសបញ្ចូលសមាជិកថ្មីគណបក្សប្រជាជនកម្ពុជា របស់គណៈកម្មាធិការគណបក្សឃុំពាំងល្វា សរុបចំនួន ១១៦ រូប (ស្រី ៦៣ រូប) ក្នុងនោះ មកពីភូមិចំនួន៦ រួមមាន៖ ភូមិចិនថ្មី ភូមិត្រពាំងពោធិ៍ ភូមិពាំងល្វា ភូមិមាត់អូរ ភូមិគង្រុត និងភូមិអាយាន។ កម្មវិធីនេះផងដែរក៏មានការអញ្ជើញចូលរួមពី ឯកឧត្តម លោក លោកស្រី អនុប្រធាន និងសមាជិក ក្រុមការងារថ្នាក់កណ្តាលចុះមូលដ្ឋានឃុំ លោក លោកស្រី ក្រុមការងារថ្នាក់ស្រុក គណៈកម្មាធិការគណបក្សឃុំ និងសាខាបក្សភូមិទាំង១៨ សមាជិក សមាជិកា នៃអង្គពិធីសរុប ចំនួន១៧៥ រូប ។

កំពង់ស្ពឺ÷ នៅថ្ងៃទី១៤​ ​ខែវិច្ឆិកា ឆ្នាំ២០២៦ ឯកឧត្តមបណ្ឌិត​ កែរ​ រដ្ឋា​ អនុប្រធានក្រុមការងារចុះមូលដ្ឋានស្រុកឱរ៉ាល់ និង​ជា​ប្រធាន​ក្រុម​ការងារ​ចុះ​មូលដ្ឋាន​ឃុំ​ហោង​សំណំ​ បាន​អញ្ជើញ​ជា​អធិបតី​ក្នុង​ពិធី​បោះឆ្នោត​ផ្គូរផ្គងបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំហោង​សំណំ​ អាណត្តិទី៦ ឆ្នាំ២០២៧ នៅទីស្នាក់ការគណបក្សឃុំហោងសំណំ។

កំពង់ស្ពឺ៖ នារសៀលថ្ងៃទី០៨ ខែវិច្ឆិកា ឆ្នាំ២០២៦ ឯកឧត្តម បណ្ឌិត កែរ រដ្ឋា អនុប្រធានក្រុមការងារគណបក្សចុះមូលដ្ឋានស្រុកឱរ៉ាល់ និងជាប្រធានក្រុមការងារចុះមូលដ្ឋានឃុំហោងសំណំ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែវិច្ឆិកា និងទិសដៅអនុវត្តបន្តសម្រាប់ខែធ្នូ ឆ្នាំ២០២៦ នៅទីស្នាក់ការគណបក្សឃុំហោងសំណំ។

កំពង់ស្ពឺ៖ នាព្រឹកថ្ងៃទី០៨ ខែវិច្ឆិកា ឆ្នាំ២០២៦ ឯកឧត្ដម អៀង មូលី សមាជិកគណៈកម្មាធិការកណ្ដាល និងជាអនុប្រធានទី១ ក្រុមការងារគណបក្សចុះមូលដ្ឋានខេត្តកំពង់ស្ពឺ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីចុះសំណេះសំណាលជាមួយក្រុមបក្ស នៅទីស្នាក់ការគណបក្សប្រជាជនកម្ពុជាស្រុកឱរ៉ាល់ ខេត្តកំពង់ស្ពឺ។

កំពង់ស្ពឺ៖ លោក សុខ រ៉ាវុធ អនុប្រធានក្រុមការងារចុះជួយស្រុកសំរោងទង និងជាប្រធានក្រុមការងារចុះមូលដ្ឋានឃុំខ្ទុំក្រាំង បានដឹកនាំក្រុមការងារចុះរៀបចំ ជួសជុល និងលាបថ្នាំកែលម្អឡើងវិញនូវទីស្នាក់ការគណបក្សឃុំខ្ទុំក្រាំង ដើម្បីលើកកម្ពស់សោភ័ណភាព និងសម្រួលដល់ការងាររដ្ឋបាលឱ្យកាន់តែមានប្រសិទ្ធភាព។

កំពង់ស្ពឺ÷ ថ្ងៃចន្ទ ១៤រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ត្រូវនឹងថ្ងៃទី៩ ខែវិច្ឆិកា ឆ្នាំ២០២៦ លោក អៀម យូ តំណាងឯកឧត្តម អ៊ុក ហឿនពិសី អនុប្រធានក្រុមការងារចុះជួយស្រុកសាមគ្គីមុនីជ័យ និងជាប្រធានក្រុមការងារចុះជួយឃុំយុទ្ធសាមគ្គី បាននាំយកនូវថវិការបស់ឯកឧត្តមនិងក្រុមការងារព្រមទាំងសប្បុរសជនដើម្បីជួយសំរាលការខ្វះខាតដល់គ្រួសារកុមារ៉ា អៀន បញ្ញា អាយុ១ខួប៨ខែ ដែលត្រូវការវះកាត់បេះដូងនៅមន្ទីរពេទ្យគន្ធបុប្ផា បច្ចុប្បន្នមានអាសយដ្ឋាននៅភូមិព្រៃធំ ឃុំយុទ្ធសាមគ្គីស្រុកសាមគ្គីមុនីជ័យខេត្តកំពង់ស្ពឺ។