កំពង់ស្ពឺ៖ នៅថ្ងៃទី៣១ ខែតុលា ឆ្នាំ២០២៦ ក្រុមការងារគណបក្សចុះមូលដ្ឋានឃុំដំណាក់រាំង រួមជាមួយគណៈកម្មាធិការគណបក្សឃុំដំណាក់រាំង បានចុះអនុវត្តសកម្មភាពការងារសំខាន់ៗមួយចំនួនក្នុងមូលដ្ឋាន ស្រុកសាមគ្គីមុនីជ័យ ខេត្តកំពង់ស្ពឺ ដូចខាងក្រោម៖ ចូលរួមបុណ្យកឋិនទានសាមគ្គី៖ បានចូលរួមបច្ច័យសរុបចំនួន ១ ១៥០ ០០០ រៀល និងលៀង១ ក្នុងពិធីបុណ្យកឋិនទានសាមគ្គី នៅវត្តធម្មបញ្ញាមហាព្រហ្ម (ក្នុងនោះ ប្រធានក្រុមការងារឧបត្ថម្ភលៀង១ និងបច្ច័យ ១ លានរៀល ហើយក្រុមការងារឃុំចូលរួម ១៥០ ០០០ រៀល)។

(កំពង់ស្ពឺ)៖ អនុវត្តតាមបទបញ្ជាដឹកនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ និងបញ្ជាចង្អុលណែនាំផ្ទាល់លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ។

កំពង់ស្ពឺ៖ នាថ្ងៃទី៣១ ខែតុលា ឆ្នាំ២០២៦ ក្រុមការងារកងរាជអាវុធហត្ថខេត្តកំពង់ស្ពឺ បានសហការជាមួយក្រុមការងារសហភាពសហព័ន្ធយុវជនកម្ពុជា (ស.ស.យ.ក) ខេត្តកំពង់ស្ពឺ បានចុះសាកសួរសុខទុក្ខ និងនាំយកអំណោយប្រគល់ជូនគ្រួសារលោកស្រី រ៉េត សុខនឿន អាយុ៤៨ឆ្នាំ ដែលកំពុងរងផលប៉ះពាល់ដោយសារទឹកជន់ ផ្ទះសម្បែង រស់នៅភូមិដក់ពរ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។

កំពង់ស្ពឺ៖ដោយ​អនុវត្តតាមគំរូដឹកនាំប្រកបដោយគុណធម៏របស់ ឯកឧត្ដម នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស​​​​​ នៅថ្ងៃសៅរ៍ ៥រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែតុលា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំក្រុមការងារអាវុធហត្ថ ព្រមទាំងមានអញ្ជើញចូលរួមពី​ក្រុមការងារសហភាព​សហព័ន្ធ​យុវជន​កម្ពុជា​ខេត្ត​កំពង់ស្ពឺ​ ចូលជួបសំណេះសំណាល​ សួរ​សុខទុក្ខសំដែងការគួរសមជាមួយ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ​​​​​ កំពុងសម្រាកព្យាបាលថែទាំសុខភាពនៅ​គេហដ្ឋាន​ ក្នុង​ក្រុង​ច្បារមន​ ខេត្តកំពង់ស្ពឺ។

ខេត្តគ័ងស៊ី៖ នារសៀលថ្ងៃសៅរ៍ ៥រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែតុលា ឆ្នាំ២០២៦ គណៈប្រតិភូព្រះពុទ្ធសាសនាដែលបានចូលរួមក្នុងវេទិកាព្រះពុទ្ធសាសនាក្នុងយុគសម័យឌីជីថល និងបញ្ញាសិប្បនិម្មិត បានអញ្ជើញ និងនិមន្តធ្វើទស្សនកិច្ចផ្លូវការនៅព្រះវិហារបុរាណលើភ្នំហានសៀវ ក្នុងខេត្តគ័ងស៊ី សាធារណរដ្ឋប្រជាមានិតចិន។ ក្នុងឱកាសនោះ ក៏មានការរៀបចំពិធីសូធ្យធម៌ និងបួងសួងសុំសេចក្តីសុខ សេចក្តីចម្រើន និងសន្តិភាព ដោយព្រះសង្ឃតាមបែបប្រពៃណីព្រះពុទ្ធសាសនាថេរវាទ។ ពិធីនេះបានបង្ហាញពីការរួមបញ្ចូលគ្នានៃសកម្មភាពសាសនា និងការផ្លាស់ប្តូរវប្បធម៌ព្រះពុទ្ធសាសនារវាងប្រទេសនានា ព្រមទាំងបង្ហាញពីស្មារតីនៃសេចក្តីជ្រះថ្លា មេត្តាធម៌ និងបំណងប្រាថ្នាចង់ឃើញមនុស្សជាតិរស់នៅប្រកបដោយសុខសន្តិភាព។

ខេត្តកំពង់ស្ពឺ÷ ថ្ងៃទី ៣០ខែតុលា ឆ្នាំ២០២៦ លោកស្រី ប៉ោក សេដ្ឋា អនុប្រធានអចិន្ត្រៃយ៍គណៈកម្មាធិការសាខា តំណាងដ៏ខ្ពង់ខ្ពស់ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការសាខា និងមានការអញ្ជើញចូលរួមពីលោក លោកស្រីក្នុងជួរគណៈកម្មាធិការសាខា ក្រុមប្រតិបត្តិសាខា-អនុសាខាស្រុកសំរោងទង បានចុះសួរសុខទុក្ខប្រជាពលរដ្ឋងាយរងគ្រោះបំផុតចំនួន ៥០គ្រួសារ នៅវត្តទន្លេកន្ទិល ស្ថិតក្នុងភូមិសំរោងទង ឃុំសំរោងទង ស្រុកសំរោងទង ខេត្តកំពង់ស្ពឺ ។