គណៈប្រតិភូព្រះពុទ្ធសាសនាអន្តរជាតិ អញ្ជើញ និងនិមន្តទស្សនកិច្ចព្រះវិហារបុរាណលើភ្នំហានសៀវ ក្នុងខេត្តគ័ងស៊ី ប្រទេសចិន

ខេត្តគ័ងស៊ី៖ នារសៀលថ្ងៃសៅរ៍ ៥រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែតុលា ឆ្នាំ២០២៦ គណៈប្រតិភូព្រះពុទ្ធសាសនាដែលបានចូលរួមក្នុងវេទិកាព្រះពុទ្ធសាសនាក្នុងយុគសម័យឌីជីថល និងបញ្ញាសិប្បនិម្មិត បានអញ្ជើញ និងនិមន្តធ្វើទស្សនកិច្ចផ្លូវការនៅព្រះវិហារបុរាណលើភ្នំហានសៀវ ក្នុងខេត្តគ័ងស៊ី សាធារណរដ្ឋប្រជាមានិតចិន។ ក្នុងឱកាសនោះ ក៏មានការរៀបចំពិធីសូធ្យធម៌ និងបួងសួងសុំសេចក្តីសុខ សេចក្តីចម្រើន និងសន្តិភាព ដោយព្រះសង្ឃតាមបែបប្រពៃណីព្រះពុទ្ធសាសនាថេរវាទ។ ពិធីនេះបានបង្ហាញពីការរួមបញ្ចូលគ្នានៃសកម្មភាពសាសនា និងការផ្លាស់ប្តូរវប្បធម៌ព្រះពុទ្ធសាសនារវាងប្រទេសនានា ព្រមទាំងបង្ហាញពីស្មារតីនៃសេចក្តីជ្រះថ្លា មេត្តាធម៌ និងបំណងប្រាថ្នាចង់ឃើញមនុស្សជាតិរស់នៅប្រកបដោយសុខសន្តិភាព។