ប្រកាសចូលកាន់មុខតំណែងលោកស្រី ស៊ុម ផល្លី ជាអភិបាលរងស្រុកភ្នំស្រួច

កំពង់ស្ពឺ៖ នៅព្រឹកថ្ងៃទី០១ ខែតុលា ឆ្នាំ២០២៦ រដ្ឋបាលខេត្តកំពង់ស្ពឺបានរៀបចំពិធីប្រកាសចូលកាន់មុខតំណែងអភិបាលរងស្រុកភ្នំស្រួច ក្រោមអធិបតីភាព លោក ងួន វាសនា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ។ ពិធីនេះប្រារព្ធឡើងយោងតាមប្រកាសលេខ ៩១៤៧ ប្រក ចុះថ្ងៃទី១២ ខែសីហា ឆ្នាំ២០២៦ របស់ក្រសួងមហាផ្ទៃ ដោយបានសម្រេចផ្ទេរភារកិច្ច និងតែងតាំង លោកស្រី ស៊ុម ផល្លី ពីអភិបាលរងស្រុកបសេដ្ឋ ឱ្យចូលកាន់តំណែងជាអភិបាលរង នៃគណៈអភិបាលស្រុកភ្នំស្រួច។