កំពង់ស្ពឺ៖ ថ្ងៃទី៣០ ខែកញ្ញា ឆ្នាំ២០២៦ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ អញ្ជើញដឹកនាំថ្នាក់នាំខេត្តកំពង់ស្ពឺ អញ្ជើញចូលរួមគោរពវិញ្ញាណក្ខន្ធឧបាសក សាយ សុីម ត្រូវជាងឪពុកបង្កើតរបស់លោក សុីម រតនៈ អភិបាលរង នៃគណៈអភិបាលខេត្តកំពង់ស្ព។ កម្មវិធីនៅគេហដ្ឋានរបស់សព ស្ថិតនៅភូមិស្វាយក្រវ៉ាន់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ នារសៀលថ្ងៃពុធ ទី៣០ ខែកញ្ញា ឆ្នាំ២០២៦។

‌‎ឯកឧត្តម ហ៊ុន ម៉ានី អញ្ជើញជាអធិបតីក្នុងពិធីសំណេះសំណាលជាមួយនិវត្តជនជាង ២.០០០នាក់ នៅខេត្តកំពង់ស្ពឺ

‎(កំពង់ស្ពឺ)៖ ថ្ងៃទី៣០ ខែកញ្ញា ឆ្នាំ២០២៦ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តកំពង់ស្ពឺ អញ្ជើញជាអធិបតីភាពក្នុង ពិធីប្រកាសទទួលស្គាល់នាយិកាសាខាកាកបាទក្រហមកម្ពុជា ខេត្តកំពង់ស្ពឺ  ពិធីនេះបានប្រារព្ធធ្វើឡើងនៅសាលប្រជុំសាលាខេត្តកំពង់ស្ពឺ ដោយមានការអញ្ជើញចូលរួមយ៉ាងខ្ពង់ខ្ពស់ពី ឯកឧត្តម យឹម សុខុម ប្រធានក្រុមប្រឹក្សាខេត្ត ព្រមទាំង ឯកឧត្តម លោកជំទាវ លោក-លោកស្រី ជាប្រធានមន្ទីរ-អង្គភាពជុំវិញខេត្ត កងកម្លាំងប្រដាប់អាវុធទាំង៣ អភិបាលក្រុង/ស្រុក មេឃុំ/ចៅសង្កាត់ និងមន្ត្រីរាជការយ៉ាងច្រើនកុះករ។

កំពង់ស្ពឺ÷ ថ្ងៃអង្គារ ៣រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកញ្ញា ឆ្នាំ២០២៦ នៅសាលប្រជុំ សាលាស្រុកឱរ៉ាល់ លោក ជេត ដុំ នាយករងរដ្ឋបាលសាលាខេត្ត បានអញ្ជើញដឹកនាំកិច្ចប្រជុំករណីស្នើសុំចុះ បញ្ជីដីសហគមន៍ជនជាតិដើមភាគតិចសួយ ភូមិកោដូនតី ភូមិតានិល ភូមិពុទ្រា នៅក្នុងភូមិសាស្ត្រស្រុកឱរ៉ាល់ ខេត្តកំពង់ស្ពឺ ដោយមានការចូលរួមពីតំណាងទីចាត់ការអន្តរវិស័យសាលាខេត្ត មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត មន្ទីរអភិវឌ្ឍន៍ជនបទខេត្ត មន្ទីរវប្បធម៌ និងវិចិត្រសិល្បៈខេត្ត អាជ្ញាធរស្រុកឱរ៉ាល់ អាជ្ញាធរឃុំត្រពាំងជោ តំណាងសហគមន៍ និងតំណាងប្រជាពលរដ្ឋជនជាតិភាគតិចសួយទាំង ៣ភូមិ។

កំពង់ស្ពឺ÷ ថ្ងៃអង្គារ ៣រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែកញ្ញា ឆ្នាំ២០២៦ ឯកឧត្តម ជួន វន រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានក្រុមការងារចុះមូលដ្ឋានស្រុកគងពិសី និងលោកជំទាវ ព្រមទាំងក្រុមគ្រួសារ បានអញ្ជើញដាក់បិណ្ឌវេនទី៣ ភ្ជុំបិណ្ឌ ដែលមានការអញ្ជើញចូលរួមពីលោកស្រី សៀក សុខកល អភិបាលរងស្រុក តំណាងលោក ហន ពិសិដ្ឋ អភិបាលស្រុក ថ្នាក់ដឹកនាំស្រុក ឃុំ នៅវត្តតេជៈភ្នំស្រង់ ភូមិស្រង់ ស្រុកគងពិសី ខេត្តកំពង់ស្ពឺ។

កិច្ចប្រជុំប្រចាំត្រីមាសទី៣អាណត្តិទី៤ លទ្ធផលការងារគណៈកម្មាធិការពិគ្រោះយោបល់កិច្ចការស្ត្រីនិងកុមារប្រចាំត្រីមាសទី ៣ ឆ្នាំ ២០២៦ និងលើកទិសដៅបន្តឆ្នាំ ទី ៤ ឆ្នាំ ២០២៦