នាយករងរដ្ឋបាលខេត្ត ដឹកនាំកិច្ចប្រជុំដោះស្រាយករណីប្រជាពលរដ្ឋ ៤៥គ្រួសារ ស្នើសុំចេញបណ្ណកម្មសិទ្ធិដីធ្លី ស្ថិតនៅស្រុកភ្នំស្រួច
កំពង់ស្ពឺ៖ ថ្ងៃទី២៩ ខែមិថុនា ឆ្នាំ២០២៦ លោក ជេត ដុំ នាយករងរដ្ឋបាលខេត្តកំពង់ស្ពឺ បានអញ្ជើញដឹកនាំកិច្ចប្រជុំពិភាក្សា និងដោះស្រាយករណីប្រជាពលរដ្ឋចំនួន ៤៥គ្រួសារ ដែលបានស្នើសុំចេញបណ្ណកម្មសិទ្ធិដីធ្លី ប៉ុន្តែត្រូវបានឈ្មោះ សេង វួចលាង ដាក់ពាក្យប្តឹងជំទាស់មិនឱ្យមានការចេញបណ្ណកម្មសិទ្ធិជូន ដីទំនាស់ខាងលើនេះ មានទីតាំងស្ថិតនៅក្នុងភូមិតាឡាត់ចាស់ និងភូមិរំដួល ឃុំអូរ ស្រុកភ្នំស្រួច ខេត្តកំពង់ស្ពឺ។ ដោយមានការអញ្ជើញចូលរួមពីសំណាក់ លោក លោកស្រី ប្រធាន-អនុប្រធានមន្ទីរ អង្គភាពជំនាញពាក់ព័ន្ធ តំណាងអាជ្ញាធរស្រុកភ្នំស្រួច អាជ្ញាធរឃុំ មេភូមិ ព្រមទាំងមន្ត្រីបច្ចេកទេសជាច្រើនរូប។
