Provincial News

ខេត្តកំពង់ស្ពឺ៖ នាថ្ងៃទី២១ ខែកញ្ញា ឆ្នាំ២០២៦ ដដែល ខ្ញុំបាទបានចុះសួរសុខទុក្ខ និងសំណះសំណាលយ៉ាងស្និទ្ធស្នាលជាមួយលោកគ្រូ អ្នកគ្រូ និងប្អូនៗសិស្សានុសិស្ស នៃសាលាមត្តេយ្យឯកជន និងសាលាបង្រៀនភាសាចិន ដែលមានទីតាំងស្ថិតក្នុងឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ។

កំពង់ស្ពឺ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រីរដ្ឋមន្ត្រីក្រសួងមុខងារសាធារណៈ ប្រធានក្រុមការងាររាជរដ្ឋាភិបាលចុះជួយខេត្តកំពង់ស្ពឺបានលើកទឹកចិត្តដល់សិស្សនិទ្ទេសAដែលបានប្រឡងទទួលបានជ័យលាភីក្នុងឆ្នាំសិក្សា២០២៥-២០២៦ ឱ្យបន្តការខិតខំបន្ថែមទៀតដើម្បីអនាគតខ្លួនឯង គ្រួសារនិងប្រទេសជាតិ។ការលើកទឹកចិត្តបែបនេះធ្វើឡើងក្នុងឱកាសជួបសំណេះសំណាលជាមួយសិស្សនិទ្ទេសAនិងថ្លែងអំណរគុណដល់លោកគ្រូ អ្នកគ្រូនៅតាមវិទ្យាល័យក្នុងក្របខណ្ឌមន្ទីរអប់រំយុវជននិងកីឡាខេត្តកំពង់ស្ពឺ ថ្ងៃទី២០ ខែកញ្ញា ឆ្នាំ២០២៦។

ខេត្តកំពង់ស្ពឺ៖ នៅរសៀលថ្ងៃទី១៥ ខែកញ្ញា ឆ្នាំ២០២៦ ក្រុមការងារចុះភូមិព្រៃតាទ្រូ បានចុះផ្ទាល់ដើម្បីធ្វើសកម្មភាពដ៏មានអត្ថន័យ គឺការចែករំលែកនូវ ស៊ុមរូបថត «កម្មវិធីប៉ាម៉ានី» សរុបចំនួន ៧៨ស៊ុម ជូនដល់កុមារៗក្នុងមូលដ្ឋាន។

កំពង់ស្ពឺ÷ ថ្ងៃទី០៦ ខែកញ្ញា ឆ្នាំ២០២៦ ក្រុមការងារចុះភូមិវត្តភ្នំ បានចុះជួបសំណេះសំណាលជាមួយប្រជាពលរដ្ឋ និងបានចែករូបថតអនុស្សាវរីយ៍នៃការសួរសុខទុក្ខពី «ប៉ាម៉ានី» ជូនដល់ក្មួយៗចំនួន ១៥នាក់។

ខេត្តកំពង់ស្ពឺមានបេក្ខជន ៥.២២២នាក់ បានប្រឡងជាប់សញ្ញាបត្រទុតិយភូមិ និង៣១នាក់ ទទួលបាននិទ្ទេសA

កំពង់ស្ពឺ÷ នៅថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦ ឯកឧត្តម លី ច័ន្ទតុលា ប្រធានក្រុមការងារចុះជួយសង្កាត់វាលពង់ និងលោកជំទាវ ឈីវ ភិរម្យ បានចាត់តាំងក្រុមការងាររៀបចំប្រារព្ធកម្មវិធី «បិទបវេសនកាល សម្រាប់ឆ្នា សិក្សា២០២៥-២០២៦» នៅតាមសាលាបឋមសិក្សាចំនួន៩ ស្ថិតក្នុងសង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ។ នៅក្នុងឱកាសនោះ ក្រុមការងារតាមសាលានីមួយៗ បានរៀបចំកម្មវិធីល្បែងកម្សាន្ត ព្រមទាំងផ្តល់ជូនអាហារសម្រន់ (បាយលឿង សាច់មាន់បំពង) និងភេសជ្ជៈ ជូនដល់សិស្សានុសិស្ស លោកគ្រូ អ្នកគ្រូ និងអាណាព្យាបាលសិស្សដែលបានចូលរួម។ ជាមួយគ្នានេះ ក៏មានការប្រគល់បណ្ណសរសើរ និងរង្វាន់លើកទឹកចិត្តជូនដល់សិស្សពូកែ (ចាប់ពីលេខ១ ដល់លេខ៥) គ្រប់កម្រិតថ្នាក់នៃបឋមសិក្សា។

មន្ទីរអប់រំយុវជន និងកីឡាខេត្ត បានរៀបចំប្រារព្ធខួបលើកទី២៧ នៃទិវាអន្តរជាតិ សម្រាប់យុវជន ១២ សីហា ឆ្នាំ២០២៦

ឯកឧត្តមបណ្ឌិត អភិបាលខេត្ត អញ្ជើញបើកហឹបវិញ្ញាសាប្រឡងបាក់ឌុប សម័យប្រឡង ១០ សីហា ២០២៦ នៅមណ្ឌលវិទ្យាល័យកំពង់ស្ពឺ

កំពង់ស្ពឺ÷ បេក្ខភាពប្រឡងសរុបចំនួន ៦,០៨៨ នាក់ (ស្រី ៣,៨៤៩ នាក់)។ -ថ្នាក់វិទ្យាសាស្ត្រ៖ សរុប ៩៦៦ នាក់ (ស្រី ៦១៦ នាក់) ថ្នាក់វិទ្យាសាស្ត្រសង្គម៖ សរុប ៥,១២២ នាក់ (ស្រី ៣,៤២១ នាក់) -បេក្ខជនចំណេះដឹងទូទៅ៖ ៦,០២៥ នាក់ (ស្រី ៣,៨០៥ នាក់) -បេក្ខជនបំពេញវិជ្ជា៖ ៦៣ នាក់ (ស្រី ៤៤ នាក់)

កំពង់ស្ពឺ៖ កាលពីរសៀលថ្ងៃទី១១ ខែសីហា ឆ្នាំ២០២៦ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) បានអញ្ជើញជាអធិបតីក្នុងព្រឹត្តិការណ៍ប្រកួតបាល់ទាត់មិត្តភាព និងសប្បុរសធម៌ «បាល់ទាត់ភ្ជាប់បេះដូង ជួយបងប្អូនភៀសសឹកនៅភូមិរង់ចាំ» នៅកីឡដ្ឋានខេត្តកំពង់ស្ពឺ ដោយមានការចូលរួមពី ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ ថ្នាក់ដឹកនាំ មន្ត្រីរាជការ និងប្រជាពលរដ្ឋយ៉ាងច្រើនកុះករ។ ​ការប្រកួតរវាង «ក្រុមបាល់ទាត់រួមគ្នាដើម្បីកំពង់ស្ពឺ» និង «ក្រុមបាល់ទាត់ ស.ស.យ.ក. អលស្តារ» បានបញ្ចប់ទៅដោយលទ្ធផល ១ ទល់នឹង ៣ (ស.ស.យ.ក. អលស្តារ ឈ្នះ)។

កំពង់ស្ពឺ៖ ថ្ងៃទី១១ ខែសីហា ឆ្នាំ២០២៦---ឯកឧត្តម សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃក្រសួងសាធារណការ និងដឹកជញ្ជូន រួមជាមួយ លោក ស្រ៊ុន ស្រ៊ន់ អភិបាលរង នៃគណៈអភិបាលខេត្តកំពង់ស្ពឺ បានអញ្ជើញជាអធិបតីភាពក្នុងកិច្ចប្រជុំផ្សព្វផ្សាយ «ច្បាប់ស្តីពីវិសោធនកម្មច្បាប់ស្តីពីផ្លូវថ្នល់ និងលិខិតបទដ្ឋានគតិយុត្តពាក់ព័ន្ធ» កិច្ចប្រជុំនេះបានប្រព្រឹត្តទៅនៅសាលប្រជុំធំ «វ៉ី សំណាង» (ជាន់ទី២) នៃអគាររដ្ឋបាលខេត្តកំពង់ស្ពឺ ដោយមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ជាអភិបាលរងរាជធានី-ខេត្តទាំង៩ រួមមាន៖ រាជធានីភ្នំពេញ ខេត្តកណ្តាល កំពង់ស្ពឺ តាកែវ កំពង់ឆ្នាំង ព្រះសីហនុ កោះកុង កំពត និងកែប ព្រមទាំងថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ មន្ទីរ-អង្គភាពជំនាញ អភិបាលក្រុង-ស្រុក និងម្ចាស់អាជីវកម្មដ្ឋានធំៗ (ការដ្ឋានថ្ម ដេប៉ូខ្សាច់-ក្រួស រណ្តៅដី រោងចក្រផលិតអង្ករ និងចំណីសត្វ) ជាច្រើនរូប។

និស្សិតសាកលវិទ្យាល័យកម្ពុជា-កូរ៉េ ធ្វើសកម្មភាពស្ម័គ្រចិត្តអប់រំអនាម័យ សុខភាព និងបរិស្ថានសម្រាប់សិស្សានុសិស្ស នៅសាលាបឋមសិក្សាសន្តិភាព ក្នុងខេត្តកំពង់ស្ពឺ ______________________ 🔗 📱 JOIN មន្ទីរព័ត៌មានខេត្តកំពង់ស្ពឺ 📱 Facebook 📱Tik Tok 📱Youtube 📱Instagram 📱 X(Twitter)