ថ្ងៃសុក្រ ៤រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែតុលា ឆ្នាំ២០២៦ លោកវេជ្ជបណ្ឌិត ហ៊ុយ រិទ្ធី ប្រធានផ្នែកជំងឺទូទៅ បានដឹកនាំកិច្ចប្រជុំក្នុងផ្នែក ដើម្បីពង្រឹងគុណភាពសេវាថែទាំព្យាបាល និងសុវត្ថិភាពអ្នកជំងឺ ក្នុងគោលបំណងលើកកម្ពស់ប្រសិទ្ធភាព គុណភាព និងសុវត្ថិភាពនៃការផ្តល់សេវាជូនអ្នកជំងឺ។
ស្ទឹងត្រែង៖ ប្រជាពលរដ្ឋសរុបចំនួន ១១ គ្រួសារ ដែលអញ្ជើញមកពីតាមបណ្តាក្រុង-ស្រុកទាំង ៥ នៃខេត្តកំពង់ស្ពឺ បានធ្វើដំណើរមកដល់ទីតាំងដីសម្បទានសង្គមកិច្ច (គម្រោងទី១) ដែលស្ថិតនៅក្នុងឃុំស្តៅ ស្រុកសេសាន ខេត្តស្ទឹងត្រែង នាថ្ងៃទី២៩ ខែតុលា ឆ្នាំ២០២៦ នេះ ដើម្បីចូលរួមក្នុង «កម្មវិធីផ្តល់ដី ការពារព្រៃ រួមគ្នាអភិវឌ្ឍដោយចីរភាព»។
ខេត្តកំពង់ស្ពឺ៖ នាថ្ងៃទី៣០ ខែតុលា ឆ្នាំ២០២៦ ស្ថាប័នពាក់ព័ន្ធបានបើកកិច្ចប្រជុំត្រៀមរៀបចំផែនការការពារសន្តិសុខ សណ្តាប់ធ្នាប់ និងសុវត្ថិភាព ក្រោមអធិបតីភាព ឯកឧត្តម លី ស៊ុន ប្រធានក្រុមការងារចុះជួយក្រុងឧដុង្គម៉ែជ័យ និង ឯកឧត្តម ឡេង ផល្លី តំណាងក្រុមគ្រូពេទ្យ ហ៊ុន ម៉ានី ដើម្បីធានាដល់ដំណើរការនៃកម្មវិធីចុះមូលដ្ឋានដ៏មានសារៈសំខាន់របស់ ឯកឧត្តម ឧបនាយករដ្ឋមន្ត្រី ហ៊ុន ម៉ានី។
ខេត្តកំពង់ស្ពឺ៖ នៅរសៀលថ្ងៃព្រហស្បតិ៍ ៣រោច ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៩ ខែតុលា ឆ្នាំ២០២៦ នៅមន្ទីរគណបក្សប្រជាជនកម្ពុជាខេត្តកំពង់ស្ពឺ បានរៀបចំកិច្ចប្រជុំដ៏មានសារៈសំខាន់មួយ ដើម្បីត្រួតពិនិត្យការផ្គូរផ្គងជំហានទី២ និងកំណត់ផែនការសកម្មភាពរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ នាឆ្នាំ២០២៧ ខាងមុខ។ កិច្ចប្រជុំនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម សត្យា វុធ អនុប្រធានក្រុមការងារគណបក្សចុះជួយខេត្តកំពង់ស្ពឺ និង ឯកឧត្តម អ៉ិន ឃុន សមាជិកគណៈកម្មាធិការកណ្តាល និងជាអនុប្រធានគណៈកម្មាធិការគណបក្សខេត្តកំពង់ស្ពឺ។ កិច្ចប្រជុំដែលប្រព្រឹត្តទៅនៅសាលប្រជុំតូចនៃមន្ទីរគណបក្សខេត្ត ក៏មានការអញ្ជើញចូលរួមពីសំណាក់ ឯកឧត្តមអនុប្រធានមន្ទីរគណបក្សខេត្ត, ប្រធាន-អនុប្រធានគណៈកម្មាធិការគណបក្សក្រុង-ស្រុកទាំង ៩ ព្រមទាំងថ្នាក់ដឹកនាំមូលដ្ឋានជាច្រើនរូបទៀត។
ការចូលរួមក្នុងវេទិកានេះ គឺជាឱកាសដ៏សំខាន់សម្រាប់គណៈប្រតិភូកម្ពុជាក្នុងការផ្លាស់ប្តូរទស្សនៈ បទពិសោធន៍ និងចំណេះដឹងជាមួយតំណាងស្ថាប័នព្រះពុទ្ធសាសនាអន្តរជាតិ ពាក់ព័ន្ធនឹងការវិវត្តនៃបច្ចេកវិទ្យាឌីជីថល និងបញ្ញាសិប្បនិម្មិត ព្រមទាំងការស្វែងយល់ពីលទ្ធភាពនៃការប្រើប្រាស់បច្ចេកវិទ្យាទាំងនេះក្នុងការសិក្សា ការស្រាវជ្រាវ និងការផ្សព្វផ្សាយព្រះធម៌ឱ្យកាន់តែទូលំទូលាយ ស្របតាមការរីកចម្រើននៃសង្គមសម័យទំនើប និងរក្សាបាននូវតម្លៃសីលធម៌ និងគោលធម៌ព្រះពុទ្ធសាសនា។ ជាមួយគ្នានេះ ការចូលរួមរបស់គណៈប្រតិភូកម្ពុជាក៏ជាការរួមចំណែកក្នុងការលើកកម្ពស់តួនាទីព្រះពុទ្ធសាសនាកម្ពុជាលើឆាកអន្តរជាតិ ពង្រឹងចំណងមិត្តភាព សាមគ្គីភាព និងកិច្ចសហប្រតិបត្តិការជាមួយស្ថាប័នព្រះពុទ្ធសាសនានៃបណ្តាប្រទេសនានា ព្រមទាំងជំរុញការយោគយល់គ្នាទៅវិញទៅមក និងការរួមចំណែករបស់ព្រះពុទ្ធសាសនាក្នុងការកសាងសន្តិភាព សីលធម៌ និងសុខដុមរមនាក្នុងសង្គម។
