មន្ទីរពេទ្យខេត្តកំពង់ស្ពឺ បានទទួលស្វាគមន៍ការអញ្ជើញចុះពង្រឹងគុណភាពសេវាមន្ទីរពេទ្យ របស់ឯកឧត្តមសាស្រ្តាចារ្យ ថុង សុខហ៊ាន រដ្ឋលេខាធិការ ក្រសួងសុខាភិបាល
កំពង់ស្ពឺ÷ ថ្ងៃសុក្រ ៥កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែតុលា ឆ្នាំ២០២៦ ឯកឧត្តមសាស្រ្តាចារ្យ ថុង សុខហ៊ាន រដ្ឋលេខាធិការក្រសួងសុខាភិបាល និងសហការី បានអញ្ជើញចុះពង្រឹងគុណភាពសេវាមន្ទីរពេទ្យបង្អែកខេត្ត និងតាមផែនការចុះអភិបាលគាំទ្រមន្ទីរពេទ្យបង្អែកខេត្ត។ ឆ្លៀតក្នុងឱកាសនោះឯកឧត្តមសាស្រ្តាចារ្យ បានចូលរួមប្រជុំរបាយការណ៍ពេលព្រឹកជាមួយលោកវេជ្ជបណ្ឌិត ឡុង វិសិដ្ឋ ប្រធានមន្ទីរពេទ្យខេត្ត ថ្នាក់ដឹកនាំមន្ទីរពេទ្យ លោក លោកស្រីជាវេជ្ជបណ្ឌិត និងមន្រ្តីបុគ្គលិកនៃមន្ទីរពេទ្យ ជាពិសេសឯកឧត្តមសាស្ត្រាចារ្យបានផ្តល់អនុសាសន៍ជាច្រើនដើម្បីពង្រឹងបច្ចេកទេសឱ្យកាន់តែល្អប្រសើរឡើង។ ក្រោយពីប្រជុំរួច ឯកឧត្តមសាស្រ្តាចារ្យ ក៏បន្តចុះត្រួតពិនិត្យបច្ចេកទេសនៃការព្យាបាលរបស់គ្រូពេទ្យ តាមផ្នែកនិមួយៗផងដែរ។
