(កំពង់ស្ពឺ)៖ កំលាំងនគរបាលស្រុកភ្នំស្រួច ធ្វើការស្រាវជ្រាវមុខសញ្ញាគ្រឿងញៀន នៅថ្ងៃទី១៧ ខែតុលា ឆ្នាំ២០២៦ នៅចំណុចភូមិក្រាំងភ្នៅ ឃុំអូរ ឃាត់មុខសញ្ញបាន ១នាក់ឈ្មោះ ស៊ូ រដ្ឋា ហៅ(ស្រួច) ភេទប្រុស អាយុ៣៦ឆ្នាំ រស់នៅភូមិក្រាំងតាតន់ ឃុំអូរ ស្រុកភ្នំស្រួច ដកហូតវត្ថុតាងម្សៅក្រាមពណ៌សថ្លាចំនួន៣កញ្ចប់តូច(សង្ស័យជាគ្រឿងញៀន) តាមចម្លើយឈ្មោះស្រួច ថាថ្នាំនេះឈ្មោះ ជិន ណុប ជាអ្នកផ្ដល់និងលក់អោយខ្លួន។
នាពេលព្រឹក ថ្ងៃទី១៨ ខែតុលា ឆ្នាំ២០២៦ នៅស្នាក់ការគណបក្សឃុំ ឃុំមនោរម្យ បានរៀបចំពិធីជួបសំណេះសំណាល សាកសួរទុក្ខធុរៈ ស្វែងយល់ពីស្ថានភាពជីវភាព សំណូមពរ និងពង្រឹងស្មារតីសាមគ្គីភាពជាមួយបងប្អូនជនបង្គោលកម្មការិនីតាមភូមិក្នុងឃុំមនោរម្យ។ សមាសភាពចូលរួម (សរុប៖ 40នាក់ - ស្រី៖ 22 នាក់)។ ក្រោម អធិបតីភាព លោក ចឹក បូរិន ប្រធានមន្ទីរការងារខេត្តកំពង់ស្ពឺ និងជាសមាជិកគណៈអចិន្ត្រៃយ៍គណបក្សខេត្តកំពង់ស្ពឺ។
កំពង់ស្ពឺ÷ ថ្ងៃអាទិត្យ ៧កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែតុលា ឆ្នាំ២០២៦ ឯកឧត្តម បណ្ឌិត អ៊ុក កោសា អនុប្រធានក្រុមការងារចុះជួយមូលដ្ឋានខេត្តកំពង់ស្ពឺ ជាប្រធានក្រុមការងាររាជរដ្ឋាភិបាលចុះជួយស្រុកសាមគ្គីមុនីជ័យ និងឯកឧត្តមឈូ សុបញ្ញា អនុប្រធានក្រុមការងារចុះជួយស្រុកសាមគ្គីមុនីជ័យនិងជាប្រធានក្រុមការងារចុះជួយឃុំដំណាក់រាំង មានកិត្តិយសបានអញ្ជើញចូលរួមក្នុងពិធី អប់រំសមាធិរបស់កុមារ នៃមណ្ឌលកុមារកំព្រាព្រៃជុំ ដែលប្រារព្ធធ្វើឡើងនៅក្នុងវត្តព្រៃជុំ ឃុំយុទ្ធមគ្គីស្រុកសាមគ្គីមុនីជ័យខេត្តកំពង់ស្ពឺ។
កំពង់ស្ពឺ÷ ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី១៧ ខែតុលា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី១៨ ខែតុលា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ៧.៦១ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។
(កំពង់ស្ពឺ)៖ ហេតុការណ៍គ្រោះថ្នាក់ចរាចរណ៍រថយន្តបេីករេចង្កូតបុកតូបលក់កាហ្វេ អ្នកលក់ទំនិញ លេីអែមដីចិញ្ចេីមផ្លូវជាតិលេខ៤ នៅថ្ងៃទី១៨ ខែតុលា ឆ្នាំ២០២៦ ចន្លោះគីឡូម៉ែត្រ (៦៥-៦៦)ស្ថិតនៅចំណុចភូមិផ្សារត្រពាំងក្រឡឹង ឃុំគីរីវន្ត ស្រុកភ្នំស្រួច ខេត្តកំពង់ស្ពឺ។
