រសៀល​ថ្ងៃ​អង្គារ​ ១០រោច​ ខែភទ្របទ​ ឆ្នាំមមី​ អដ្ឋ​ស័ក​ ព.ស.២៥៧០​ ត្រូវ​នឹង​ថ្ងៃ​ទី​៦​ ខែ​តុលា​ ឆ្នាំ​២០២៦​ លោក​ ស្រ៊ុន​ ស្រ៊ន់​ ប្រធានគណៈកម្មាធិសហភាពសហព័ន្ធយុវជនកម្ពុជា​ ខេត្តកំពង់ស្ពឺ​ បានអញ្ជេីញជាអធិបតីភាពក្នុងកម្មវិធីបើកវគ្គបណ្តុះបណ្តាល​ ស្តីពីនីតិវិធីសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦ និងក្រមសីលធម៌សម្រាប់អ្នកសង្កេតការណ៍​ ។​ ដោយមានការចូលរួមពីសំណាក់​ លោក​ លោកស្រីប្រធាន​ ស.ស.យ.ក.ក្រុង​ ស្រុកទាំង៩​ និងសមាជិក​ សមាជិកា​ សរុប១៧៦​ នាក់​ ៕ #រួមគ្នាដេីម្បីកំពង់ស្ពឺ #សសយកខេត្តកំពង់ស្ពឺ #UYFC #តេឡេក្រាម 🙏 https://t.me/UYFCKSP

កំពង់ស្ពឺ៖ រសៀលថ្ងៃទី៦ ខែតុលា ឆ្នាំ២០២៦ នៅសាលប្រជុំ កង ហ៊ាង ជាន់ទី១ សាលាខេត្តកំពង់ស្ពឺ បានរៀបចំកិច្ចប្រជុំពិនិត្យវឌ្ឍនភាពនៃការអនុវត្តការងារកំណែទម្រង់វិមជ្ឈការ និងវិសហមជ្ឈការ ព្រមទាំងការអនុវត្តការងារផែនការយុទ្ធសាស្ត្រអភិវឌ្ឍន៍ខេត្ត ដំណាក់កាលទី២ (ផ.អ.៥ ទី២) ប្រចាំខែកញ្ញា ឆ្នាំ២០២៦។ កិច្ចប្រជុំដ៏មានសារៈសំខាន់នេះ ត្រូវបានប្រារព្ធឡើងក្រោមអធិបតីភាពរបស់ លោក ងួន ឡាញ់ នាយករងរដ្ឋបាលសាលាខេត្តកំពង់ស្ពឺ។

ឯកឧត្តម ឈួរ សុបញ្ញា ប្រធានសមាគមសីលធម៌អន្តរជំនានបានលើកឡើងពីការពិភាក្សាវែកញែកតាមបណ្តាញសង្គមពាក់ព័ន្ធទៅនឹងបញ្ហាពិធីបោះបាយបិណ្ឌអំឡុងបុណ្យកាន់បិណ្ឌ និងភ្ជុំបិណ្ឌថា នៅក្នុងរដូវកាលនៃពិធីបុណ្យកាន់បិណ្ឌ និងភ្ជុំបិណ្ឌជារៀងរាល់ឆ្នាំ សង្គមយើងតែងតែមានការទាស់ទែង និងពិភាក្សាគ្នាយ៉ាងក្តៅគគុកលើប្រធានបទ «ការបោះបាយបិណ្ឌ»។ ម្ខាងទាមទារឱ្យលុបបំបាត់ចោលទាំងស្រុងដោយអាងលើធម៌វិន័យព្រះពុទ្ធសាសនា ឯម្ខាងទៀតខិតខំពុះពារការពារប្រពៃណីដូនតា។

សាខា កក្រក ខេត្តកំពង់ស្ពឺ÷ នៅព្រឹកថ្ងៃទី ៦ ខែតុលា ឆ្នាំ២០២៦ លោកស្រី មាស ចន្នី នាយិកាសាខា និងមន្ត្រីសាខាចំនួន ៣រូប បានចូលរួមវគ្គបំប៉នស្តីពីប្រព័ន្ធគ្រប់គ្រង ទិន្នន័យយុវជន និងអ្នកស្ម័គ្រចិត្ត ដែលរៀបចំដោយកាកបាទក្រហមកម្ពុជា ក្រោមអធិបតីភាព លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា ជូនមន្ដ្រីក្រុមប្រតិបត្តិសាខាកាកបាទក្រហមកម្ពុជា ២៥ រាជធានីខេត្ត សរុប ៦០នាក់ (ស្រី ១៩នាក់) វគ្គនេះមានរយៈពេល ២ថ្ងៃ គឺថ្ងៃទី៦-៧ ខែតុលា ឆ្នាំ២០២៦ នៅសាលប្រជុំជាន់ទី៣ ទីស្នាក់ការកណ្ដាលកាកបាទក្រហមកម្ពុជា។

#នាឱកាសបុណ្យភ្ជុំបិណ្ឌ បិណ្ឌ១០ បាននាំយកចង្ហាន់ និងភេសជ្ជៈ ប្រគេនព្រះសង្ឃ ចំនួន ៤ វត្ត សូមអនុមោទនាបុណ្យ

កំពង់ស្ពឺ៖ ថ្ងៃទី៦ ខែតុលា ឆ្នាំ២០២៦ ឯកឧត្តម យឹម សុខុម ប្រធានក្រុមប្រឹក្សាខេត្ត និងឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ ‎អមដំណើរ ឯកឧត្តម សំ រិទ្ធី រដ្ឋលេខាធិការក្រសួងមុខងារសាធារណៈ តំណាងដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ អញ្ជើញក្នុងពិធីកាន់បិណ្ឌ និងរាប់បាត្រ (វេនទី១០) នៅវត្តស្រះសម្តេចព្រះសង្ឃរាជ ជួន ណាត ស្ថិតក្នុងស្រុកគងពិសី ខេត្តកំពង់ស្ពឺ។ ពិធីនេះក៏មានការអញ្ជើញចូលរួមយ៉ាងច្រើនកុះករពីសំណាក់ ឯកឧត្តម លោកជំទាវ លោក លោកស្រី ប្រធានមន្ទីរអង្គភាពជុំវិញខេត្ត អាជ្ញាធរដែនដី និងបងប្អូនពុទ្ធបរិស័ទយ៉ាងច្រើនកុះករ។