#នាឱកាសបុណ្យភ្ជុំបិណ្ឌ បិណ្ឌ១០ បាននាំយកចង្ហាន់ និងភេសជ្ជៈ ប្រគេនព្រះសង្ឃ ចំនួន ៤ វត្ត សូមអនុមោទនាបុណ្យ

កំពង់ស្ពឺ៖ ថ្ងៃទី៦ ខែតុលា ឆ្នាំ២០២៦ ឯកឧត្តម យឹម សុខុម ប្រធានក្រុមប្រឹក្សាខេត្ត និងឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ ‎អមដំណើរ ឯកឧត្តម សំ រិទ្ធី រដ្ឋលេខាធិការក្រសួងមុខងារសាធារណៈ តំណាងដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ អញ្ជើញក្នុងពិធីកាន់បិណ្ឌ និងរាប់បាត្រ (វេនទី១០) នៅវត្តស្រះសម្តេចព្រះសង្ឃរាជ ជួន ណាត ស្ថិតក្នុងស្រុកគងពិសី ខេត្តកំពង់ស្ពឺ។ ពិធីនេះក៏មានការអញ្ជើញចូលរួមយ៉ាងច្រើនកុះករពីសំណាក់ ឯកឧត្តម លោកជំទាវ លោក លោកស្រី ប្រធានមន្ទីរអង្គភាពជុំវិញខេត្ត អាជ្ញាធរដែនដី និងបងប្អូនពុទ្ធបរិស័ទយ៉ាងច្រើនកុះករ។

រដ្ឋបាលឃុំស្រង់ បំភ្លឺទីតាំងកាប់ជ្រូកមួយកន្លែង ស្ថិតភូមិស្រែមាន់ ឃុំស្រង់ ស្រុកគងពិសី ខេត្តកំពង់ស្ពឺ មានព័ត៌មានថា យកជ្រូក ឈឺ និងងាប់ យកមកលក់ចែកចាយយ៉ាងស្ងប់ស្ងាត់ ។

កំពង់ស្ពឺ៖ នាព្រឹកថ្ងៃទី០៦ ខែតុលា ឆ្នាំ២០២៦ មន្ទីរព័ត៌មានខេត្តកំពង់ស្ពឺ បានដឹកនាំមន្ត្រីរាជការ និងមន្ត្រីក្រោមឱវាទ ព្រមទាំងតំណាងស្ថាប័ន មន្ទីរ អង្គភាព និងអាជ្ញាធរមូលដ្ឋាន ចូលរួមកាន់បិណ្ឌវេនទី១០ នៅពុទ្ធសីមាវត្តអង្គសុវណ្ណរាម ហៅវត្តមុំខាងត្បូង សង្កាត់ស្វាយក្រវ៉ាន់ ក្រុងច្បារមន។

ខេត្តកំពង់ស្ពឺ÷ ព្រឹកថ្ងៃទី៤ ខែតុលា ឆ្នាំ២០២៦ ឯកឧត្តម រិន វីរ: សមាជិកគណ:កម្មាធិការកណ្តាល អនុប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ និងជាប្រធានក្រុមការងារគណបក្សចុះមូលដ្ឋានឃុំត្រពាំងគង និងក្រុមការងារបានអញ្ជើញទៅកាន់បិណ្ឌវេនទី៨ នៅវត្តត្រពាំងគង ដោយបានប្រគេនព្រះសង្ឃដល់វត្តចំនួន៣ គឺវត្តត្រពាំងគង វត្តរលាំងកំពូល និងវត្តក្តីល្វា ក្នុងឃុំត្រពាំងគង ដោយ១វត្តទទួលបាន អង្ករ៥០គីឡូ មី១កេស ទឹកផ្លែឈើ១កេស ទឹកត្រី២យួរ ទឹកស៉ីអ៉ីវ២យួរ ត្រីខ១យួរ ទឹកសុទ្ធ១កេស ប្រេងឆា១ពីដុង សាប៊ូលាងចាន១ពីដុង ស្ករអំបិលប៊ីចេងខ្ទឹមសរ១កញ្ចប់ និងថវិកា៤២ម៉ីនរៀល។

កំពង់ស្ពឺ÷ ថ្ងៃអាទិត្យ ទី ០៤ ខែតុលា ឆ្នាំ២០២៦​ ក្រុមការងារចុះមូលដ្ឋានឃុំបសេដ្ឋ និងគណអចិន្ត្រៃបក្សឃុំបសេដ្ឋ បាននាំយកទេយ្យទាន​ និង បច្ច័យ របស់លោកជំទាវ បណ្ឌិត ដាំ ដារីនី អនុប្រធានទី១ ចុះមូលដ្ឋានស្រុកបសេដ្ឋ និងជាប្រធានក្រុមការងារថ្នាក់កណ្តាលចុះមូលដ្ឋានឃុំបសេដ្ឋ  ប្រគេនព្រះសង្ឃចំនួន ៥វត្ត នៅ​ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ។ សរុបជាថវិការចំនួន 2000000 រៀល។