កំពង់ស្ពឺ÷ ថ្ងៃអាទិត្យ ទី ០៤ ខែតុលា ឆ្នាំ២០២៦ ក្រុមការងារចុះមូលដ្ឋានឃុំបសេដ្ឋ និងគណអចិន្ត្រៃបក្សឃុំបសេដ្ឋ បាននាំយកទេយ្យទាន និង បច្ច័យ របស់លោកជំទាវ បណ្ឌិត ដាំ ដារីនី អនុប្រធានទី១ ចុះមូលដ្ឋានស្រុកបសេដ្ឋ និងជាប្រធានក្រុមការងារថ្នាក់កណ្តាលចុះមូលដ្ឋានឃុំបសេដ្ឋ ប្រគេនព្រះសង្ឃចំនួន ៥វត្ត នៅឃុំបសេដ្ឋ ស្រុកបសេដ្ឋ ខេត្តកំពង់ស្ពឺ។ សរុបជាថវិការចំនួន 2000000 រៀល។
កំពង់ស្ពឺ÷ រសៀល ថ្ងៃអាទិត្យ ១៥កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០៤ ខែតុលា ឆ្នាំ២០២៦ លោក ហន ពិសិដ្ឋ លោក ម៉ែន ពុំ អនុប្រធានគណបក្សស្រុក អមដំណើរ ឯកឧត្តម អៀង ម៉ូលី សមាជិកគណៈកម្មាធិការកណ្តាល អនុប្រធានទី១ ក្រុមការងារគណបក្សចុះមូលដ្ឋានខេត្ត តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី សមាជិកគណៈអចិន្ត្រៃយ៍គណៈកម្មាធិការកណ្តាល ប្រធានក្រុមការងារគណបក្សចុះមូលដ្ឋានខេត្ត បានអញ្ជើញជាអធិបតី សំណេះសំណាលជាមួយក្រុមការងារចុះមូលដ្ឋានភូមិ នៅភូមិស្វាយ ឃុំពេជ្រមុនី និង ឃុំព្រៃញាតិ ស្រុកគងពិសី ខេត្តកំពង់ស្ពឺ។
កំពង់ស្ពឺ÷ នៅថ្ងៃទី០៤ ខែតុលា ឆ្នាំ២០២៦ ក្រោមកិច្ចចង្អុលការដឹកនាំរបស់លោក ហុង ចាន់សុខា ប្រធានក្រុមការងារគណបក្សចុះមូលដ្ឋានឃុំប្រាំបីមុម និង ឃុំរុងរឿង បានដំណើរការប្រជុំក្រុមការ គណបក្សចុះមូលដ្ឋានភូមិទាំង១០ ទៅតាមទីកន្លែង និងរបៀបវារៈដែលយើងបានគ្រោងទុក ស្ថិតក្នុងបរិយាកាស ស្និទ្ធស្នាល និងរីករាយក្រៃលែង ក្នុងពិធីនោះក៍មានការជួយឧបត្ថម្ភគាំទ្រជាអាហារសម្រន់ ទឺកសុទ្ធ ថវិកា សម្ភារៈកំដរដៃទៅតាមលទ្ធភាពជាក់ស្ដែងទៅតាមក្រុមនិមួយៗផងដែរ។
ខេត្តកំពង់ស្ពឺ÷ ព្រឹកថ្ងៃទី៤ ខែតុលា ឆ្នាំ២០២៦ ឯកឧត្តម រិន វីរ: សមាជិកគណ:កម្មាធិការកណ្តាល អនុប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ និងជាប្រធានក្រុមការងារគណបក្សចុះមូលដ្ឋានឃុំត្រពាំងគង បានអញ្ជើញសំណេះសំណាល អបអរសាទរទិវាគ្រូបង្រៀន ៥ តុលា ២០២៦ ក្រោមប្រធានបទ “គ្រូបង្រៀនជាដសរស្តម្ភនៃគរុកោសល្យទំនើប ដើម្បីកសាងធនធានមនុស្សសតវត្សរ៍ទី២១” ស្ថិតនៅស្នាក់ការគណបក្សឃុំត្រពាំងគង។
នៅថ្ងៃទី៣ ខែតុលា ឆ្នាំ២០២៦នេះ ទិវាគ្រូបង្រៀន៥ តុលា ក្រោមប្រធានបទ «គ្រូបង្រៀន ជាសសរស្តម្ភនៃគរុកោសល្យទំនើប ដើម្បីកសាងធនធានមនុស្សសតវត្សរ៍ទី២១»ត្រូវបានរៀបចំប្រារព្វធ្វើឡើងនៅឃុំភក្ដី ស្រុកបសេដ្ឋ ខេត្តកំពង់ស្ពឺ ក្រោមអធិបតីភាព ឯកឧត្តមបណ្ឌិត ហេង សុខគង់ សមាជិកគណៈកម្មាធិការកណ្ដាគណបក្សប្រជាជនកម្ពុជា និងជាអនុប្រធានទី២ ក្រុមការងារចុះមូលដ្ឋានស្រុកបសេដ្ឋ ខេត្តកំពង់ស្ពឺ អមដំណើរដោយ ឯកឧត្តមវេជ្ជៈបណ្ឌិត ស្រូយ អាដុល្លា អនុប្រធានក្រុមការងារចុះមូលដ្ឋានស្រុកបសេដ្ឋ និងជាប្រធានក្រុមការងារចុះមូលដ្ឋានឃុំកាត់ភ្លុក និងដោយ ឯកឧត្តម លី ចាន់សុភក្ដី អនុប្រធានក្រុមការងារចុះមូលដ្ឋានស្រុកបសេដ្ឋ និងជាប្រធានក្រុមការងារចុះមូលដ្ឋានឃុំភក្ដី ព្រមទាំងឯកឧត្តម លោក លោកស្រីក្រុមការងារចុះមូលដ្ឋានឃុំទាំង២ និងគណៈអចិន្ត្រៃយ៍គណបក្សស្រុក គណៈអចិន្ត្រៃយ៍គណបក្សឃុំទាំង២ ជាមួយនិងការចូលរួមអបអរសាទរក្នុងពិធីនោះ ក៍មានការចូលរួមពី លោកគ្រូ អ្នកគ្រូ អញ្ជើញមកពីឃុំកាត់ភ្លុក និងឃុំភក្ដីប្រមាណជាង១០០នាក់ផងដែរ។
