ខេត្តកំពង់ស្ពឺ៖ នៅទីស្នាក់ការគណបក្សស្រុកថ្ពង នាថ្ងៃទី៣ ខែតុលា ឆ្នាំ២០២៦ ឯកឧត្តម ភោគសុវណ្ណារិទ្ធរដ្ឋលេខាធិការ ក្រសួងឧស្សាហកម្មវិទ្យាសាស្ត្រ បច្ចេកវិទ្យានវានុវត្តន៍ ប្រធានស្តីទីក្រុមការងារគណបក្សចុះមូលដ្ឋានស្រុកថ្ពង បានអញ្ជើញជាអធិបតីដ៏ខ្ពង់ខ្ពស់ក្នុង កិច្ចប្រជុំបូកសរុបលទ្ធផលការងារបក្សប្រចាំខែកញ្ញា និងលើកទិសដៅបន្តសម្រាប់ខែតុលា ឆ្នាំ២០២៦។

ខេត្តកំពង់ស្ពឺ៖ នាព្រឹកថ្ងៃសៅរ៍ ៧រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែតុលា ឆ្នាំ២០២៦ បានចូលរួមកិច្ចប្រជុំផ្សព្វផ្សាយវឌ្ឍនភាពការងារ ៩ខែ ដើមឆ្នាំ២០២៦ របស់ក្រុមការងារសិក្សាស្រាវជ្រាវ និងចិញ្ចឹមចលនាខេត្តកំពង់ស្ពឺ ក្រោមអធិបតីភាពដ៏ខ្ពង់ខ្ពស់របស់ លោកជំទាវបណ្ឌិត ដាំ ដារីនី និង ឯកឧត្តម អ៊ិន ឃុន ព្រមទាំងថ្នាក់ដឹកនាំ និងសមាជិក សមាជិកាក្រុមការងារជាង ២០០នាក់។ ក្នុងឱកាសនេះ ក្រុមការងារបាន ប្រកាសសមាសភាពថ្នាក់ដឹកនាំ និងសមាជិក សមាជិកាបន្ថែមប្រមាណ ៩០នាក់ ក្នុង ៣មុខសញ្ញា រួមមាន៖ វិស័យអប់រំ វិស័យសុខាភិបាល និងនិវត្តជន-អតីតយុទ្ធជន។

រសៀលថ្ងៃសៅរ៍ ៧រោច ខែភទ្របទ ឆ្នាំមមី អដ្ឋស័ក ព.ស.២៥៧០ មន្ទីរគណបក្សខេត្ត,ថ្ងៃទី០៣ ខែតុលា ឆ្នាំ២០២៦ ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការគណបក្សខេត្ត និងជាប្រធានយុវជនគណបក្សខេត្ត អញ្ជើញជាគណៈអធិបតីដ៏ខ្ពង់ខ្ពស់ ក្នុងពិធីប្រកាសសេចក្តីសម្រេច ស្តីពីការកែសម្រួលបំពេញបន្ថែម និងតែងតាំងសមាសភាពយុវជនគណបក្សខេត្តកំពង់ស្ពឺ ដោយមានការអញ្ជើញចូលរួមពីសំណាក់ ឯកឧត្តមអនុប្រធានគណៈកម្មាធិការគណបក្សខេត្ត ឯកឧត្តម លោកជំទាវ លោក លោកស្រី សមាជិកគណៈអចិន្ត្រៃយ៍គណៈកម្មាធិការគណបក្សខេត្ត ឯកឧត្តម លោកជំទាវ ឧកញ៉ា លោក លោកស្រី អនុប្រធាន និងលោក លោកស្រី សមាជិក សមាជិកាយុវជនគណបក្សខេត្ត សរុបចំនួន ១៥០នាក់ នៅសាលប្រជុំធំនៃមន្ទីរគណបក្សខេត្ត។

កំពង់ស្ពឺ÷ នាព្រឹកថ្ងៃអាទិត្យ ១រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកញ្ញា ឆ្នាំ២០២៦ លោកជំទាវ សៅ សុគន្ធារី ប្រធានក្រុមការងារ​ចុះមូលដ្ឋានឃុំអង្គពពេល និង ឯកឧត្តម វន សុវណ្ណារី លោក ម៉ែន ពុំ និង លោក ប៉ែន ហេង ប្រធានគណបក្សឃុំអង្គពពេល អញ្ជើញអមដំណើរ ឯកឧត្តម អៀង ម៉ូលី សមាជិកគណៈកម្មាធិការកណ្តាល និងជាអនុប្រធានទី១ ក្រុមការងារគណបក្សចុះមូលដ្ឋានខេត្ត តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី សមាជិកគណៈអចិន្ត្រៃយ៍គណៈកម្មាធិការកណ្តាល ប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ បានអញ្ជើញជាអធិបតី ក្នុងពិធីសំណេះសំណាលជាមួយក្រុមការងារចុះមូលដ្ឋានភូមិ នៅភូមិស្វាយទាប ឃុំអង្គពពេល ស្រុកគងពិសី ខេត្តកំពង់ស្ពឺ។

កំពង់ស្ពឺ៖ នៅថ្ងៃសៅរ៍ ១៥កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៦ ខែកញ្ញា ឆ្នាំ២០២៦ ក្រុមការងារបានចុះសំណេះសំណាល សួរសុខទុក្ខ និងចែកជូនបណ្ណសមាជិកគណបក្សដល់បងប្អូនប្រជាពលរដ្ឋនៅភូមិអូរ ប្រកបដោយបរិយាកាសស្និទ្ធស្នាល និងភាពកក់ក្តៅ។

កំពង់ស្ពឺ៖ នៅព្រឹកថ្ងៃអាទិត្យ ទី២៧ ខែកញ្ញា ឆ្នាំ២០២៦ គណបក្សឃុំភ្នំតូច បានរៀបចំកម្មវិធីសំណេះសំណាលជាមួយបងប្អូនជនបង្គោលកម្មករ កម្មការនី ដើម្បីពង្រឹងកិច្ចសហការ ការយល់ដឹង និងជំរុញការគាំទ្រលើកកម្ពស់ជីវភាពក៏ដូចជាសុខុមាលភាពរបស់បងប្អូនកម្មករនិយោជិតនៅមូលដ្ឋាន។ កម្មវិធីដ៏មានអត្ថន័យនេះ ត្រូវបានប្រារព្ធឡើងក្នុងបរិយាកាសស្និទ្ធស្នាល រវាងថ្នាក់ដឹកនាំ និងបងប្អូនជនបង្គោលកម្មករ កម្មការនី ដោយបានឆ្លុះបញ្ចាំងពីការយកចិត្តទុកដាក់ខ្ពស់ពីសំណាក់គណបក្សចំពោះសុខទុក្ខ និងជីវភាពរស់នៅរបស់បងប្អូនប្រជាពលរដ្ឋ ជាពិសេសកម្លាំងពលកម្មផ្ទាល់ក្នុងវិស័យការងារ។