កំពង់ស្ពឺ÷ ថ្ងៃសៅរ៍ ៥រោច ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែតុលា ឆ្នាំ២០២៦ លោក ខៀវ ស៊ីផា សមាជិកក្រុមប្រឹក្សាឃុំ និងជាតំណាងលោកមេឃុំព្រះនិព្វាន្ត រួមជាមួយមេភូមិ បាននាំយកថវិកាចំនួន ៤០០,០០០រៀល ទៅចូលរួមរំលែកទុក្ខ និងសម្តែងការសោកស្តាយជាមួយគ្រួសារសពប្រជាពលរដ្ឋឈ្មោះ សេក ញ៉ឹង ភេទស្រី អាយុ ៩១ឆ្នាំ ដែលបានទទួលមរណភាពដោយជរាពាធ នៅភូមិលៀក ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ។

កំពង់ស្ពឺ÷ ថ្ងៃសៅរ៍ ៥រោច ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែតុលា ឆ្នាំ២០២៦ លោកបណ្ឌិត ហ៊ួ វណ្ណៈ អនុប្រធានក្រុមការងារចុះមូលដ្ឋានឃុំស្នំក្រពើ និងជាតំណាងឯកឧត្តម លី ណាវុឌ្ឍ ប្រធានក្រុមការងារចុះមូលដ្ឋានឃុំស្នំក្រពើ បានដឹកនាំក្រុមការងារចុះមូលដ្ឋានថ្នាក់កណ្តាល និងថ្នាក់ភូមិ-ឃុំ ចូលរួមក្នុងពិធីបុណ្យកឋិនទានសាមគ្គី នៅវត្តអង្គលំទង ឃុំស្នំក្រពើ ស្រុកគងពិសី ខេត្តកំពង់ស្ពឺ ព្រមទាំងបានចូលរួមបច្ច័យចំនួន ៥០០,០០០រៀល សម្រាប់កសាងនិងទ្រទ្រង់វត្តអារាមផងដែរ។

ខេត្តកំពង់ស្ពឺ៖ រសៀលថ្ងៃទី៣១ ខែតុលា ឆ្នាំ២០២៦ ភ្នាក់ងារ និងសកម្មជនគាំទ្រគណបក្សភ្លើងទៀនចំនួន ២២រូប មកពីឃុំក្រាំងចេក ស្រុកសាមគ្គីមុនីជ័យ ខេត្តកំពង់ស្ពឺ បានសម្រេចចិត្តប្រកាសជាផ្លូវការនូវការផ្ដាច់ខ្លួន និងឈប់គាំទ្រគណបក្សប្រឆាំងចាប់ពីពេលនេះតទៅ។

ខេត្តកំពង់ស្ពឺ៖ នាព្រឹកថ្ងៃទី៣១ ខែតុលា ឆ្នាំ២០២៦ឯកឧត្តម ហ៊ុន ម៉ានី សមាជិកគណៈអចិន្ត្រៃយ៍គណៈកម្មាធិការកណ្តាល ប្រធានក្រុមការងារគណបក្សចុះមូលដ្ឋានខេត្ត បានដឹកនាំកិច្ចប្រជុំលទ្ធផលការងារប្រចាំខែតុលា និងលើកទិសដៅកាងារខែវិច្ឆកា ឆ្នាំ២០២៦ នៅមន្ទីរគណបក្សខេត្តកំពង់ស្ពឺ។ កិច្ចប្រជុំនេះមានការចូលរួមពីឯកឧត្តម លោកជំទាវលោក លោកស្រី សមាជិកគណៈកម្មាធិការកណ្តាល សមាជិកគណៈកម្មាធិការគណបក្សខេត្ត ប្រធានក្រុមការងារគណបក្សចុះមូលដ្ឋានក្រុង ស្រុក សរុបប្រមាណ ៤៥០នាក់ នៅសាលប្រជុំធំនៃមន្ទីរគណបក្សខេត្តកំពង់ស្ពឺ។

ខេត្តកំពង់ស្ពឺ៖ ព្រឹកថ្ងៃសៅរ៍ ៥រោច ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែតុលា ឆ្នាំ២០២៦ នៅសាលប្រជុំធំនៃមន្ទីរគណបក្សខេត្ត បានរៀបចំកិច្ចប្រជុំបូកសរុបលទ្ធផលការងារគណបក្សប្រចាំខែតុលា និងកំណត់ទិសដៅការងារបន្តសម្រាប់ខែវិច្ឆិកា ឆ្នាំ២០២៦។

ខេត្តកំពង់ស្ពឺ៖ នៅរសៀលថ្ងៃព្រហស្បតិ៍ ៣រោច ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៩ ខែតុលា ឆ្នាំ២០២៦ នៅមន្ទីរគណបក្សប្រជាជនកម្ពុជាខេត្តកំពង់ស្ពឺ បានរៀបចំកិច្ចប្រជុំដ៏មានសារៈសំខាន់មួយ ដើម្បីត្រួតពិនិត្យការផ្គូរផ្គងជំហានទី២ និងកំណត់ផែនការសកម្មភាពរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ នាឆ្នាំ២០២៧ ខាងមុខ។ កិច្ចប្រជុំនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម សត្យា វុធ អនុប្រធានក្រុមការងារគណបក្សចុះជួយខេត្តកំពង់ស្ពឺ និង ឯកឧត្តម អ៉ិន ឃុន សមាជិកគណៈកម្មាធិការកណ្តាល និងជាអនុប្រធានគណៈកម្មាធិការគណបក្សខេត្តកំពង់ស្ពឺ។ កិច្ចប្រជុំដែលប្រព្រឹត្តទៅនៅសាលប្រជុំតូចនៃមន្ទីរគណបក្សខេត្ត ក៏មានការអញ្ជើញចូលរួមពីសំណាក់ ឯកឧត្តមអនុប្រធានមន្ទីរគណបក្សខេត្ត, ប្រធាន-អនុប្រធានគណៈកម្មាធិការគណបក្សក្រុង-ស្រុកទាំង ៩ ព្រមទាំងថ្នាក់ដឹកនាំមូលដ្ឋានជាច្រើនរូបទៀត។