ខេត្តកំពង់ស្ពឺ៖ នាព្រឹកថ្ងៃសុក្រ ៤រោច ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣០ ខែតុលា ឆ្នាំ២០២៦ លោកស្រី សេង សំរុង អភិបាលរងស្រុក និងជាអនុប្រធានគណៈកម្មាធិការអនុសាខាកាកបាទក្រហមកម្ពុជាស្រុកថ្ពង បានដឹកនាំក្រុមការងារស្ត្រី រួមជាមួយអាជ្ញាធរមូលដ្ឋាន ក្រុមប្រឹក្សាឃុំទ័ពមាន និងឃុំអមលាំង ចុះសួរសុខទុក្ខ និងនាំយកសម្ភារៈមនុស្សធម៌ចែកជូនដល់គ្រួសារដែលមានជីវភាពខ្វះខាតជាក់ស្តែងចំនួន ១២គ្រួសារ នៅក្នុងមូលដ្ឋានស្រុកថ្ពង។
ខេត្តកំពង់ស្ពឺ៖ នាថ្ងៃទី៣០ ខែតុលា ឆ្នាំ២០២៦ លោក ហន ភក្តី អភិបាលរង នៃគណៈអភិបាលខេត្តកំពង់ស្ពឺ បានអញ្ជើញដឹកនាំកិច្ចប្រជុំរៀបចំផែនការត្រៀមរៀបចំពិធីប្រណាំងទូកថ្នាក់ខេត្ត ឆ្នាំ២០២៦ និងព្រឹត្តិការណ៍ «បុណ្យភ្នំ» ក្នុងតំបន់ឧទ្យានជាតិព្រះសុរាម្រិត-កុសុមៈ «គីរីរម្យ» ដើម្បីទាក់ទាញភ្ញៀវទេសចរ និងអបអរសាទរពិធីបុណ្យប្រពៃណីជាតិ។
ខេត្តកំពង់ស្ពឺ៖ យោងតាមកិច្ចខិតខំប្រឹងប្រែងអភិវឌ្ឍន៍សោភ័ណភាព និងសណ្តាប់ធ្នាប់អនាម័យក្នុងទីប្រជុំជន ឱ្យកាន់តែមានរបៀបរៀបរយ និងស្រស់ស្អាត នាពេលថ្មីៗនេះ គម្រោងរៀបចំសួនច្បារ និងការ៉ូឡាថ្មី ដែលស្ថិតនៅអមសងខាងផ្លូវជាតិលេខ៤ ត្រង់បរិវេណមុខមន្ទីរពេទ្យបង្អែកខេត្តកំពង់ស្ពឺ និងមណ្ឌលសុខភាពរការទេព បានសម្រេចការសាងសង់ និងក្រាលការ៉ូឡា រួមទាំងការដាំសួនស្មៅរួចរាល់ជាស្ថាពរហើយ។
ស្ទឹងត្រែង៖ ប្រជាពលរដ្ឋសរុបចំនួន ១១ គ្រួសារ ដែលអញ្ជើញមកពីតាមបណ្តាក្រុង-ស្រុកទាំង ៥ នៃខេត្តកំពង់ស្ពឺ បានធ្វើដំណើរមកដល់ទីតាំងដីសម្បទានសង្គមកិច្ច (គម្រោងទី១) ដែលស្ថិតនៅក្នុងឃុំស្តៅ ស្រុកសេសាន ខេត្តស្ទឹងត្រែង នាថ្ងៃទី២៩ ខែតុលា ឆ្នាំ២០២៦ នេះ ដើម្បីចូលរួមក្នុង «កម្មវិធីផ្តល់ដី ការពារព្រៃ រួមគ្នាអភិវឌ្ឍដោយចីរភាព»។
ខេត្តកំពង់ស្ពឺ៖ នាថ្ងៃទី៣០ ខែតុលា ឆ្នាំ២០២៦ ស្ថាប័នពាក់ព័ន្ធបានបើកកិច្ចប្រជុំត្រៀមរៀបចំផែនការការពារសន្តិសុខ សណ្តាប់ធ្នាប់ និងសុវត្ថិភាព ក្រោមអធិបតីភាព ឯកឧត្តម លី ស៊ុន ប្រធានក្រុមការងារចុះជួយក្រុងឧដុង្គម៉ែជ័យ និង ឯកឧត្តម ឡេង ផល្លី តំណាងក្រុមគ្រូពេទ្យ ហ៊ុន ម៉ានី ដើម្បីធានាដល់ដំណើរការនៃកម្មវិធីចុះមូលដ្ឋានដ៏មានសារៈសំខាន់របស់ ឯកឧត្តម ឧបនាយករដ្ឋមន្ត្រី ហ៊ុន ម៉ានី។
