កំពង់ស្ពឺ÷ នាថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ លោកស្រី ប៊ូ បុប្ផា ប្រធានក្រុមការងារគណបក្សចុះមូលដ្ឋានភូមិពេជ្រមុនី រួមជាមួយក្រុមការងារ និងសមាជិកអចិន្ត្រៃយ៍បក្សឃុំ បានជួបពិភាក្សាការងារជាមួយថ្នាក់ដឹកនាំភូមិ និងសមាជិកគណបក្សក្នុងភូមិពេជ្រមុនី ឃុំពេជ្រមុនី ស្រុកគងពិសី ខេត្តកំពង់ស្ពឺ ដោយមានអ្នកចូលរួម ១៧នាក់ (ស្រី ៦នាក់)។ កិច្ចប្រជុំនេះរៀបចំឡើងដើម្បីពង្រីកសមាជិកបក្ស ជំរុញការងារពិនិត្យបញ្ជីឈ្មោះ និងចុះឈ្មោះបោះឆ្នោត ជំរុញប្រជាពលរដ្ឋគ្រប់អាយុទៅធ្វើអត្តសញ្ញាណប័ណ្ណសញ្ជាតិខ្មែរ និងផ្សព្វផ្សាយផែនការការងារត្រៀមការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧។

កំពង់ស្ពឺ÷ នាថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ លោក ហេង ស៊ីណា អនុប្រធានក្រុមការងារគណបក្សចុះមូលដ្ឋានឃុំព្រៃញាតិ និងជាអនុប្រធានក្រុមការងារចុះភូមិព្រៃជរ រួមជាមួយក្រុមការងារយុវជនគណបក្សស្រុក-ឃុំ បានចុះជួបប្រជុំសំណេះសំណាលជាមួយសាខាបក្សភូមិព្រៃជរ ឃុំព្រៃញាតិ ស្រុកគងពិសី។ កិច្ចប្រជុំនេះធ្វើឡើងដើម្បីជំរុញការងារពិនិត្យបញ្ជីឈ្មោះ និងចុះឈ្មោះបោះឆ្នោត ជំរុញប្រជាពលរដ្ឋគ្រប់អាយុទៅធ្វើអត្តសញ្ញាណប័ណ្ណសញ្ជាតិខ្មែរ ព្រមទាំងផ្សព្វផ្សាយផែនការការងារត្រៀមការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧។

កំពង់ស្ពឺ÷ នាថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ ឯកឧត្តម ជួន វន ប្រធានក្រុមការងារគណបក្សចុះមូលដ្ឋានស្រុកគងពិសី បានអញ្ជើញជាអធិបតីក្នុងកិច្ចប្រជុំពិភាក្សាលើបញ្ជីឈ្មោះបេក្ខភាពឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ និងការងារចាំបាច់សំខាន់ៗមួយចំនួនទៀត។ កិច្ចប្រជុំនេះបានប្រព្រឹត្តទៅនៅសាលប្រជុំស្នាក់ការគណបក្សស្រុកគងពិសី ខេត្តកំពង់ស្ពឺ ដោយមានការចូលរួមពីឯកឧត្តម លោកជំទាវ លោក លោកស្រី ជាប្រធានក្រុមការងារគណបក្សចុះមូលដ្ឋានឃុំទាំង១៣ លោក ហន ពិសិដ្ឋ ប្រធានគណៈកម្មាធិការគណបក្សស្រុក ព្រមទាំងសមាជិកអចិន្ត្រៃយ៍គណបក្សស្រុកយ៉ាងច្រើនកុះករ។

ខេត្តកំពង់ស្ពឺ៖ នាព្រឹកថ្ងៃសៅរ៍ ទី២៤ ខែតុលា ឆ្នាំ២០២៦ ក្រុមការងារចុះមូលដ្ឋានឃុំភក្ដី ស្រុកបសេដ្ឋ ក្រោមការដឹកនាំរបស់លោក ហេង សំអ៊ន អនុប្រធានក្រុមការងារ និងជាតំណាង ឯកឧត្តម លី ចាន់សុភក្ដី ប្រធានក្រុមការងារចុះមូលដ្ឋានឃុំភក្ដី រួមជាមួយក្រុមគ្រូពេទ្យគណបក្សប្រជាជនកម្ពុជាឃុំភក្ដី គណៈអចិន្ត្រៃយ៍គណបក្សឃុំ និងសាខាបក្សភូមិ សរុបចំនួន ១៥នាក់ បានចុះបំពេញសកម្មភាពមនុស្សធម៌ និងប្រជុំពង្រឹងការងារបក្សនៅភូមិច្រកព្រាល។

ខេត្តកំពង់ស្ពឺ៖ នាព្រឹកថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ ឯកឧត្តម ឈួរ សុបញ្ញា រដ្ឋលេខាធិការក្រសួងធម្មការ និងសាសនា និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំដំណាក់រាំង បានរៀបចំកម្មវិធីសំណេះសំណាលជាមួយប្រធានភូមិ និងប្រជាការពារភូមិ ក្នុងឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ ក្រោមអធិបតីភាពឯកឧត្តម អ៊ុក កោសា ប្រធានក្រុមការងារចុះមូលដ្ឋានស្រុកសាមគ្គីមុនីជ័យ ដោយមានការចូលរួមពីប្រធានភូមិ និងប្រជាការពារភូមិ សរុបប្រមាណ ១៣០រូប។

ខេត្តកំពង់ស្ពឺ៖ ថ្ងៃសៅរ៍ ១៣កើត ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៤ ខែតុលា ឆ្នាំ២០២៦ នៅស្នាក់ការគណៈបក្សឃុំត្រពាំងគង ស្រុកសំរោងទង បានរៀបចំកិច្ចប្រជុំបូកសរុបលទ្ធផល និងទិសដៅការងារ ក្រោមអធិបតីភាព លោកជំទាវ ខេង សំវ៉ាដា សមាជិកគណៈកម្មាធិការកណ្ដាលគណបក្សប្រជាជនកម្ពុជា អ្នកតំណាងរាស្រ្ដមណ្ឌលខេត្តកំពង់ស្ពឺ អនុប្រធានគណៈកម្មការទី៧ នៃរដ្ឋសភា និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកសំរោងទង។