តារាងប្រៀបធៀបសង្ខេបរវាងច្បាប់ផ្លូវថ្នល់ចាស់ និងវិសោធនកម្មច្បាប់ផ្លូវថ្នល់ថ្មី លើការកម្រិតកំណត់ទម្ងន់អតិបរមាតាមប្រភេទយានយន្ត។ កម្រិតទម្ងន់អនុញ្ញាតតាមច្បាប់ចាស់ និងច្បាប់ថ្មី មិនមានភាពខុសគ្នា​ និងបន្ថយចំនួនតោននោះទេ ផ្ទុយទៅវិញច្បាប់ថ្មីបានដំឡើងកម្រិតអនុញ្ញាតឱ្យដឹកជញ្ជូនបានច្រើនទៅតាមប្រភេទយានយន្តមួយចំនួន ដែលជាការសម្របសម្រួលសម្រាប់អ្នកដឹកជញ្ជូន និងធានាបាននូវប្រសិទ្ធភាពនៃការអនុវត្ត និងកាត់បន្ថយការខូចខាតផ្លូវថ្នល់។ សូមបងប្អូនប្រជាពលរដ្ឋ ជាពិសេសអ្នកដឹកជញ្ជូន ស្វែងយល់ និងចូលរួមអនុវត្តច្បាប់ថ្មីនេះ ដើម្បីផលប្រយោជន៍រួម។

(កំពង់ស្ពឺ)៖​ នៅថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស. ២​៥៧០ត្រូវនឹង ថ្ងៃទី២៥ ខែតុលា ឆ្នាំ​២​០២៦​ សមត្ថកិច្ច​ទទួល​បាន​ព័ត៌មា​ន​ស្ដីពី​ករណីប៉ុនប៉ងឃាតកម្ម នៅតំបន់សេដ្ឋកិច្ចពិសេស​ "​គុនតៃខ​ន​ស្ត្រាក់​សិន​ "​ ក្នុងភូមិឈើនាងខ្ពស់ ឃុំតាំងស្យា ស្រុកភ្នំស្រួច ខេត្តកំពង់ស្ពឺ ជនសង្ស័យមិនស្គាល់អត្តសញ្ញា​ណ រីឯ​ជ​នរងគ្រោះមានឈ្មោះ​ ឆោម ឌីណា ភេទប្រុស អាយុ​៣​១ឆ្នាំ រស់នៅភូមិទន្លេកន្ទិល ឃុំសំរោងទង ស្រុកសំ​រោងទង ខេត្តកំពង់ស្ពឺ រងរបួសក្បាលធ្ងន់ធ្ងរ បានបញ្ជូ​នទៅ​សង្គ្រោះនៅមន្ទីរពេទ្យព្រះកេតុមាលា អតីតមន្ទីរពេទ្យ​១៧​៩ ភ្នំពេញ។

កំពង់ស្ពឺ៖ដោយអនុវត្តតាមបទបញ្ជាយ៉ាងម៉ឺងម៉ាត់និងមានការចង្អុលបង្ហាញពីលោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កម្លាំងជំនាញកងរាជអាវុធហត្ថខេត្តកំពង់ស្ពឺ បានធ្វើការបង្ក្រាបនិងឃាត់ខ្លួនក្រុមក្មេងទំនើងដែលតែងតែធ្វើសកម្មភាពបង្ហោះម៉ូតូតាមទីសាធារណៈដែលជាហេតុបង្កអោយមានភ័យខ្លាចដល់ប្រជាពលរដ្ឋរស់នៅជុំវិញ បង្កភាពអណាធិបតេយ្យ ខូចសណ្តាប់ធ្នាប់សង្គម ជាបន្តបន្ទាប់យកមកអប់រំណែនាំនិងដកហូតយកម៉ូតូមករក្សាទុករយៈពេល០៣ខែ នៅទីបញ្ជាការកងរាជអាវុធហត្ថខេត្តកំពង់ស្ពឺជាបន្តបន្ទាប់នាពេលកន្លងមក។

កំពង់ស្ពឺ៖ក្រោម​ការចង្អុល​បង្ហាញ​និង​បទបញ្ជា​យ៉ាង​ម៉ឺងម៉ាត់​របស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ ព្រមទាំង​មានការសម្របសម្រួលនីតិវិធីពី​ឯកឧត្ដម​ព្រះ​រាជអាជ្ញា​អមសាលាដំបូងខេត្តកំពង់ស្ពឺ​ កាលពីវេលាម៉ោង១៥:៤៥នាទី ថ្ងៃទី២១ ខែតុលា ឆ្នាំ២០២៦ កម្លាំងមូលដ្ឋានកងរាជអាវុធហត្ថស្រុកសំរោងទង​ ដឹកនាំដោយលោកវរសេនីយ៍ត្រី បេ ចំរើន មេបញ្ជាការ មូល​ដ្ឋានកងរាជអាវុធហត្ថស្រុកសំរោងទង បានធ្វើការបង្ក្រាបនិងឃាត់ខ្លួនជនសង្ស័យ១នាក់ ពាក់ព័ន្ធករណីគ្រឿងញៀន។

កំពង់ស្ពឺ៖ នៅថ្ងៃសៅរ៍ ១៣កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែតុលា ឆ្នាំ២០២៦ឯកឧត្តមបណ្ឌិត អ៊ុក កោសា ប្រធានក្រុមការងារចុះជួយស្រុកសាមគ្គីមុន្នីជ័យ ឯកឧត្តម ឈួរ សុបញ្ញា ប្រធានក្រុមការងារគណបក្សចុះមូលដ្ឋានឃុំដំណាក់រាំង សហការជាមួយគណៈកម្មាធិការគណបក្សឃុំដំណាក់រាំង បានរៀបចំកម្មវិធីសំណេះសំណាលជាមួយប្រជាការពារភូមិ ស្ថិតក្នុងឃុំដំណាក់រាំង ស្រុកសាមគ្គីមុនីជ័យ ខេត្ដកំពង់ស្ពឺ។

នារសៀលថ្ងៃសៅរ៍ ១៣កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែតុលា ឆ្នាំ២០២៦ឯកឧត្តម ឈួរ សុបញ្ញា សមាជិកយុវជនគណបក្សថ្នាក់កណ្តាល និងជាប្រធានក្រុមការងារចុះមូលដ្ឋានឃុំដំណាក់រាំ បានដឹកនាំក្រុមការងារចុះសួរសុខទុក្ខ និងនាំយកថវិកាមួយចំនួនទៅឧបត្ថម្ភជូនលោកពលបាលឯក ហ៊ឹម មេសា ជាកងទ័ព ដែលមានជំងឺដុះសាច់ក្នុងខួរក្បាលនិងកំពុងបន្តសម្រាកព្យាបាលនៅគេហដ្ឋាន ស្ថិតក្នុងភូមិពោធិ៍ ឃុំដំណាក់រាំង។