បញ្ហាបង្គោលព្រំដែនត្រូវពិនិត្យលើមូលដ្ឋានសន្ធិសញ្ញា ផែនទី និងកំណត់ហេតុបច្ចេកទេសដែលពាក់ព័ន្ធ។ ការបកស្រាយរបស់ អ៊ុំ សំអាន ត្រូវតែអាចផ្ទៀងផ្ទាត់ជាមួយឯកសារដើម, តើ អ៊ុំ សំអាន មានឯកសារគ្រប់គ្រាន់ឬទេ?

ខេត្តកំពង់ស្ពឺ៖ រដ្ឋបាលខេត្តកំពង់ស្ពឺបានរៀបចំកិច្ចប្រជុំពិនិត្យ និងពិភាក្សាលើសំណើសុំដី១កន្លែង សម្រាប់សាងសង់អគារសិក្សាថ្មី ១ខ្នង មាន ៥បន្ទប់ ដែលជាអំណោយជំនួយរបស់ក្រុមហ៊ុន ខនស៍ ខេធី ស៊ីមែន (ភ្នំពេញ) ឯ.ក ស្ថិតនៅភូមិមនោរម្យ ឃុំហោងសំណំ ស្រុកឱរ៉ាល់ ខេត្តកំពង់ស្ពឺ។ កិច្ចប្រជុំនេះប្រព្រឹត្តទៅក្រោមការដឹកនាំរបស់លោក ជេត ដុំ នាយករងរដ្ឋបាលសាលាខេត្ត កាលពីថ្ងៃសុក្រ ៥កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែតុលា ឆ្នាំ២០២៦ នៅសាលប្រជុំគិរីរម្យ (ជាន់ផ្ទាល់ដី) អគាររដ្ឋបាលខេត្ត។

កំពង់ស្ពឺ៖ នៅថ្ងៃទី១៦ ខែតុលា ឆ្នាំ២០២៦ វេលាម៉ោង ០៩ និង ២៨នាទី មានករណីគ្រោះអគ្គិភ័យដ៏គួរឱ្យតក់ស្លុតមួយបានកើតឡើង ដោយបានឆាបឆេះផ្ទះប្រជាពលរដ្ឋមួយខ្នងស្ថិតនៅភូមិរលួស ឃុំអូរ ស្រុកភ្នំស្រួច ខេត្តកំពង់ស្ពឺ បណ្តាលឱ្យខូចខាតទ្រព្យសម្បត្តិ និងសម្ភារៈប្រើប្រាស់ក្នុងផ្ទះយ៉ាងច្រើនសន្ធឹកសន្ធាប់ ប៉ុន្តែសំណាងល្អដែលហេតុការណ៍នេះមិនបានបង្កគ្រោះថ្នាក់ដល់អាយុជីវិតមនុស្ស ឬសត្វឡើយ។

ខេត្តកំពង់ស្ពឺ៖ ថ្ងៃសុក្រ ៥កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែតុលា ឆ្នាំ២០២៦ ក្រុមការងារសាខាកាកបាទក្រហមស្រុកសាមគ្គីមុនីជ័យ ក្រោមការដឹកនាំផ្ទាល់ពីសំណាក់ លោកស្រី ហ៊ូ ចាន់ធឿន អភិបាលរងស្រុក និងលោកស្រី ឆឹម ឆវី សមាជិកក្រុមប្រឹក្សាស្រុក រួមជាមួយអាជ្ញាធរមូលដ្ឋាន ក្រុមប្រឹក្សាឃុំ និងមេភូមិ បានចុះសំណេះសំណាល និងនាំយកអំណោយមនុស្សធម៌ទៅសួរសុខទុក្ខគ្រួសារក្រីក្រ និងគ្រួសារមានជំងឺមហារីកចំនួន ៤គ្រួសារ ស្ថិតនៅភូមិអង្គតាឯក។

-លោក ហន ពិសិដ្ឋ អភិបាល នៃគណៈអភិបាលស្រុក បានអញ្ជើញចូលរួមអមដំណើរឯកឧត្តម ងួន វាសនា អភិបាលរង នៃគណៈអភិបាលខេត្ត ដោយមានការអញ្ជើញចូលរួមពីលោក ញ៉ាញ់ ជាបហ៊ង ប្រធានមន្ទីរធនធានទឹក និងឧតុនិយមខេត្តកំពង់ស្ពឺ អភិបាលរងស្រុក នាយករដ្ឋបាលស្រុក និងក្រុមការងារ បានអញ្ជើញចុះពិនិត្យស្ពានឆ្លងប្រឡាយមេរលាំងជ្រៃខាងត្បូង នៅចំណុចភូមិសាស្ត្រឃុំស្នំក្រពើ និងឃុំព្រៃវិហារ ស្រុកគងពិសី ខេត្តកំពង់ស្ពឺ។

កំពង់ស្ពឺ÷ ថ្ងៃព្រហស្បតិ៍ ៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៥ ខែតុលា ឆ្នាំ២០២៦ -ឯកឧត្តម លី ណាវុឌ្ឍ អនុប្រធានក្រុមការងារចុះមូលដ្ឋាន ស្រុកគងពិសី និងជាប្រធានក្រុមការងារចុះមូលដ្ឋាន ឃុំស្នំក្រពើ បានដឹកនាំ ក្រុមការងារថ្នាក់កណ្តាល ថ្នាក់ភូមិ-ឃុំ នាំយកសារលិខិតរំលែកទុក្ខ និងបច្ច័យបុណ្យសពជូនដល់ក្រុមគ្រួសារ លោកស្រី ប្រាក់ ស្រីនាង គ្រូបង្រៀននៅ សាលាបឋមសិក្សាស្វាយទាប នៃស្រុកគងពិសី បានទទួលមរណភាព កាលពីថ្ងៃសុក្រ ១៣រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៩ ខែតុលា ឆ្នាំ២០២៦ វេលាម៉ោង ១២:៣០នាទីថ្ងៃត្រង់ ក្នុងជន្មាយុ ៣១ឆ្នាំ ដោយរោគាពាធ។