កិច្ចប្រជុំជំរុញការងារពិនិត្យបញ្ជីឈ្មោះ និងបោះឆ្នោត ព្រមទាំងត្រៀមអបអរសាទរទិវាគ្រូបង្រៀន
(កំពង់ស្ពឺ)៖ នាព្រឹកថ្ងៃទី១៥ ខែតុលា ឆ្នាំ២០២៦ ទីស្នាក់ការគណៈកម្មាធិការគណបក្សឃុំមនោរម្យ បានបើកកិច្ចប្រជុំក្រោមអធិបតីភាព លោក ឡាយ កង ប្រធានគណៈកម្មាធិការគណបក្សស្រុក និងឯកឧត្តម សន ស៊ីថន ប្រធានក្រុមការងារគណបក្សថ្នាក់កណ្តាលចុះមូលដ្ឋានឃុំមនោរម្យ ដោយមានការចូលរួមពីក្រុមការងារថ្នាក់កណ្តាល ថ្នាក់ស្រុក និងថ្នាក់ឃុំ-ភូមិ សរុបចំនួន ៤៦នាក់ (ស្រី ១០នាក់)។ កិច្ចប្រជុំនេះផ្ដោតលើការងារសំខាន់ៗចំនួនបី៖ • ការពង្រឹងការងារចុះមូលដ្ឋាន៖ ជំរុញក្រុមការងារគណបក្សចុះមូលដ្ឋានភូមិទាំង១០ ឱ្យបន្តយកចិត្តទុកដាក់លើការងារពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦។ • ការប្រកាសសេចក្តីសម្រេច៖ រៀបចំប្រកាសសេចក្តីសម្រេចស្តីពីការកែសម្រួល បំពេញបន្ថែម និងតែងតាំងគណៈកម្មាធិការសាខាគណបក្សក្នុងករណីពិសេសចំណុះគណៈកម្មាធិការគណបក្សឃុំ។ • ការត្រៀមរៀបចំពិធីសំណេះសំណាល៖ ត្រៀមរៀបចំពិធីអបអរសាទរទិវាគ្រូបង្រៀន ៥ តុលា។
