កំពង់ស្ពឺ÷ ថ្ងៃទី៧ ខែតុលា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន សមាជិកគណៈអចិន្រ្តៃយ៍ គណៈកម្មាធិការគណបក្សខេត្តកំពង់ស្ពឺ ប្រធានក្រុមការងារគណបក្សចុះមូលដ្ឋានឃុំអមលាំង និងជាប្រធានគណៈកម្មការគ្រប់គ្រងសមាជិក ខ២៦.២ អញ្ជើញចុះសួរសុខទុក្ខគ្រួសារមានជីវភាពខ្វះខាត់ចំនួន ២គ្រួសារ៖
នៅព្រឹក ថ្ងៃពុធ ១១ រោច ខែភទ្របទ ឆ្នាំមមី អដ្ឋស័ក ពស ២៥៧០ ត្រូវនឹងថ្ងៃទី០៧ ខែតុលា ឆ្នាំ២០២៦ ឯកឧត្ដមបណ្ឌិត អ៊ុក កោសា សមាជិកគណៈកម្មាធិការកណ្ដាល អនុប្រធានក្រុមការងាគណបក្សចុះមូលដ្ឋាន ខេត្តកំពង់ស្ពឺ និងជាប្រធានក្រុមការងារគណបក្ស ចុះមូលដ្ឋាន ស្រុកសាមគ្គីមុនីជ័យ បានអញ្ជើញជាគណៈអធិបតី តំណាងដ៏ខ្ពង់ខ្ពស់ ឯកឧត្ដម ហ៊ុន ម៉ានី ប្រធានក្រុមការងារចុះជួយមូលដ្ឋានខេត្តកំពង់ស្ពឺ។
កំពង់ស្ពឺ÷ ថ្ងៃពុធ ១១រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែតុលា ឆ្នាំ២០២៦ លោកបណ្ឌិត តូច ប៉ូលីវ៉ា ប្រធានក្រុមការងារចុះមូលដ្ឋានឃុំរលាំងចក ស្រុកសំរោងទង បានអញ្ជើញនាំយកនូវសម្ភារៈ គ្រឿងឧបភោគ បរិភោគ និងថវិកា របស់ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានក្រុមការងារចុះមូលដ្ឋានខេត្តកំពង់ស្ពឺ ជូនដល់ក្រុមគ្រួសារកងទ័ពដែលកំពុងឈរជើងនៅតាមបន្ទាត់ព្រំដែន ។
(កំពង់ស្ពឺ)៖ ថ្ងៃទី៧ ខែតុលា ឆ្នាំ២០២៦ ឯកឧត្តម ឈៀង សិលា សមាជិកក្រុមប្រឹក្សាខេត្ត និងលោក ងួន វាសនា អភិបាលរង នៃគណៈអភិបាលខេត្ត អញ្ជើញជាអធិបតីក្នុង ពិធីបើកសម្ពោធ «យុទ្ធនាការផលិតផលជាតិ Made in Cambodia" ដើម្បីជំរុញ គាំទ្រ សហគ្រាសធុនតូច និងមធ្យម SMEs សិប្បកម្ម និងកែច្នៃក្នុងស្រុកមានឱកាសបង្ហាញសក្តានុពលផលិតផលរបស់ខ្លួនបញ្ជ្រាបចូលក្នុងទីផ្សារ ពិធីនេះមានការអញ្ជើញចូលរួមពី លោកប្រធានមន្ទីរពាណិជ្ជកម្មខេត្តកំពង់ស្ពឺ លោក លោកស្រីប្រធានមន្ទីរពាក់ព័ន្ធ កងកម្លាំងប្រដាប់អាវុធ ម្ចាស់ផ្សារទំនើប ម៉ាត មីនីម៉ាត និងសិប្បកម្មផលិត និងកែច្នៃក្នុងស្រុកសហគ្រាសធុនមីក្រូ តូចនិងមធ្យម ជាច្រើនកុះករ។ ពិធីដែរប្រារព្ធធ្វើ នៅបរិវេណសួនសម្តេច ព្រះសង្ឃរាជ ជួន ណាត។
សំណួរទី ១៖ តើការជំរុញយន្តការ JBC មានសារៈសំខាន់ដូចម្តេច ចំពោះការដោះស្រាយបញ្ហាព្រំដែន? ចម្លើយ៖ JBC គឺជាយន្តការទ្វេភាគីដែលកម្ពុជា និងថៃបានឯកភាពគ្នាប្រើប្រាស់ ដើម្បីបន្តការងារពាក់ព័ន្ធនឹងការ វាស់វែង កំណត់ និងខណ្ឌសីមាព្រំដែនគោក។ ដូច្នេះ ការជំរុញឱ្យ JBC ដំណើរការឡើងវិញ និងបន្តការងាររបស់ខ្លួន គឺជាមធ្យោបាយសំខាន់មួយ ដើម្បីឱ្យភាគីទាំងពីរអាចពិភាក្សាបញ្ហាព្រំដែនតាមក្របខណ្ឌផ្លូវការ និងតាមនីតិវិធីដែលបាន ព្រមព្រៀងគ្នា។ ជាពិសេស វាជួយជៀសវាងសកម្មភាពឯកតោភាគីដែលអាចបង្កភាពតានតឹង និងធ្វើឱ្យបញ្ហាព្រំដែន កាន់តែស្មុគស្មាញ។
