ពិធីជួបសំណេះសំណាល សួរសុខទុក្ខ និងស្តាប់ពីសុខទុក្ខរបស់គ្រួសារកងទ័ពដែលរស់នៅក្នុងឃុំដំណាក់រាំង ចំនួន ៣៥គ្រួសារ

កំពង់ស្ពឺ÷ នៅព្រឹកថ្ងៃសៅរ៍ ៨កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែកញ្ញា ឆ្នាំ២០២៦ ក្រុមការងារចុះមូលដ្ឋានឃុំដំណាក់រាំង បានរៀបចំពិធីជួបសំណេះសំណាល សួរសុខទុក្ខ និងស្តាប់ពីសុខទុក្ខរបស់គ្រួសារកងទ័ពដែលរស់នៅក្នុងឃុំដំណាក់រាំង ចំនួន ៣៥គ្រួសារ នៅវត្តបញ្ញាមហាព្រហ្ម ស្ថិតនៅភូមិដំណាក់រាំង ឃុំដំណាក់រាំង ស្រុកសាមគ្គីមុនីជ័យ ដែលប្រព្រឹត្តទៅក្រោមអធិបតីភាពឯកឧត្តម បណ្ឌិត អ៊ុក កោសា ទីប្រឹក្សាសម្តេចអគ្គមហាសេនាបតីតេជោ ហ៊ុន សែន និងជាប្រធានក្រុមការងារចុះមូលដ្ឋានស្រុកសាមគ្គីមុនីជ័យ និង ព្រះគ្រូវរណញ្ញាណ អ៊ុំ ផេង ព្រះអនុគណស្រុកសាមគ្គីមុនីជ័យ ព្រមទាំងមានការចូលរួមពីក្រុមការងារ អាជ្ញាធរមូលដ្ឋាន និងក្រុមគ្រួសារកងទ័ពជាច្រើនកុះករ។