រដ្ឋបាលស្រុកសាលាក្រៅ បើកកិច្ចប្រជុំសាមញ្ញលើកទី២៨ របស់ក្រុមប្រឹក្សាស្រុក អាណត្តិទី៤ ដើម្បីត្រួតពិនិត្យ និងពង្រឹងការងារអភិវឌ្ឍន៍មូលដ្ឋាន

រដ្ឋបាលស្រុកសាលាក្រៅ បានរៀបចំកិច្ចប្រជុំសាមញ្ញលើកទី២៨ របស់ក្រុមប្រឹក្សាស្រុក អាណត្តិទី៤ នៅសាលប្រជុំរដ្ឋបាលស្រុកសាលាក្រៅ នាព្រឹកថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ ក្រោមអធិបតីភាព លោក សួន ហ៊ឹម ប្រធានក្រុមប្រឹក្សាស្រុក និង លោក សៀ សុខុម អភិបាល នៃគណៈអភិបាលស្រុកសាលាក្រៅ ដើម្បីពិនិត្យ ពិភាក្សា និងវាយតម្លៃលើវឌ្ឍនភាពការងារ ព្រមទាំងលើកទិសដៅអនុវត្តបន្តសម្រាប់បម្រើផលប្រយោជន៍ប្រជាពលរដ្ឋ។