កំពង់ស្ពឺ÷ ថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦ (August 4, 2026) ក្រុមការងារចុះភូមិទៅសួរសុខទុក្ខកុមារា កុមារីដែលមានជម្ងឺគ្រុនឈាម -កុមារី ឈ្មោះ វិចិត្រ ខេមា មានអាយុ៤ឆ្នាំ នៅភូមិទំនប់បាក់ ( មានជំងឺគ្រុនឈាម ) ថវិកាឯកឧត្តម ប្រធាន ឈួរ សុបញ្ញា ១០០,០០០រៀល លោក សុិន ទិត្យផល្គុន ប្រធានមណ្ឌលភូមិ ថវិកា៥០.០០០រៀល លោកបាន បូរី ៦០.០០០រៀល លោក ហេង សំអាត ៦០,០០០រៀល (ប្រភពគណបក្សប្រជាជនកម្ពុជា ស្រុកសាមគ្គីមុន្នីជ័យ)

កំពង់ស្ពឺ÷ ថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦(August 4, 2026) ក្រុមការងារចុះភូមិទៅសួរសុខទុក្ខកុមារា កុមារីដែលមានជម្ងឺគ្រុនឈាម -កុមារ ឈ្មោះ ហ៊ាន រតនៈ អាយុ៨ឆ្នាំ នៅភូមិត្រពាំងរុន ( មានជំងឺគ្រុនឈាម ) ថវិកាឯកឧត្តមប្រធាន ឈួរ សុបញ្ញា ១០០,០០០រៀល -លោក សុិន ទិត្យផល្គុន ប្រធានមណ្ឌលភូមិ ថវិកា៥០,០០០រៀល -លោក បាន បូរី បានឧបត្ថម្ភថវិកា ១០,០០០រៀល លោក ហេង សំអាត បានឧបត្ថម្ភថវិកាចំនួន២០,០០០រៀល ឲ្យក្រុមគ្រួសារ ដើម្បីទុកព្យាបាលជំងឺដ៏កាចសាហាវនេះផងដែរ។

កំពង់ស្ពឺ÷ ថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែ សីហា ឆ្នាំ២០២៦ -ឯកឧត្តម ថេង បញ្ញាធន់ ប្រធានក្រុមការងារគណបក្សចុះមូលដ្ឋានឃុំព្រៃញាតិ រួមជាមួយឯកឧត្តម ប៉ូច សុវណ្ណឌី អនុប្រធានក្រុមការងារគណបក្សចុះមូលដ្ឋានឃុំ ដែលមានការចូលរួមពីថ្នាក់ដឹកនាំឃុំ ភូមិ បានអញ្ជើញនាំយកសម្ភារៈ និងថវិការួមគ្នា អង្ករ ៥០គីឡូក្រាម ទឹកត្រី ១យួរ ទឹកស៊ីអ៊ីវ ១យួរ ទឹកសុទ្ធ ១កេស និងថវិកាចំនួន ៧៩០,០០០រៀល ចូលរួមរំលែកទុក្ខបុណ្យសពឈ្មោះ សៀង សំ នាង មេភូមិ ដូង ដែលបានទទួលមរណភាពដោយរោគាពាធ,នៅភូមិដូង ឃុំព្រៃញាតិ ស្រុកគងពិសី ខេត្តកំពង់ស្ពឺ។ -លោក អៀម វី សមាជិកក្រុមប្រឹក្សាឃុំ តំណាងលោក អ៊ុ ចាំ មេឃុំស្ដុក រួមជាមួយក្រុមការងារឃុំ បាននាំយកសម្ភារៈ អង្ករ ២៥ គីឡូក្រាម មី ១កេស ទឹកត្រី ១យួរ ទឹកស៊ីអ៊ីវ ១យួរ ប្រេងឆា ១ដប ប៊ីចេង ១កញ្ចប់ និងថវិកាចំនួន ១៥០,០០០រៀល ចូលរួមរំលែកទុក្ខបុណ្យសពឈ្មោះ សុត នី ភេទស្រី អាយុ ៤៤ឆ្នាំ ទទួលមរណភាពដោយរោគាពាធ នៅភូមិដូង ឃុំស្តុក ស្រុកគងពិសី ខេត្តកំពង់ស្ពឺ។(ប្រភពគណបក្សប្រជាជនកម្ពុជាស្រុកគងពិសី)

កំពង់ស្ពឺ÷ ថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ លោក តូច ប៉ូលីវ៉ា ប្រធានក្រុមការងារចុះមូលដ្ឋានឃុំរលាំងចក ស្រុកសំរោងទង បានជួបសំណេះសំណាលលើកទឹកជាមួយសិស្សានុសិស្ស រស់នៅក្នុងឃុំរលាំងចក ដែលជាបេក្ខជនត្រៀមប្រឡងសញ្ញាបត្រមធ្យមសិក្សាទុតិភូមិ(បាក់ឌុប)ចំនួន ៦០នាក់ ដែលនឹងប្រព្រឹត្តទៅនាថ្ងៃទី១០-១១ ខែសីហា ឆ្នាំ២០២៦ ខាងមុខនេះ និងនាំយកអាវ ថវិកាឧបត្ថម្ភក្នុងម្នាក់អាវ ១ ថវិកា ៤មុឺនរៀល នៅស្នាក់ការគណបក្សឃុំរលាំងចក ។ ក្នុងឱកាសនោះ លោក ក៏បានពាំនាំនូវការផ្តាំផ្ញើសាកសួរសុខទុក្ខពីសំណាក់ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ ប្រធានក្រុមការងារចុះមូលដ្ឋានខេត្តកំពង់ស្ពឺ និងជាប្រធានសហភាពសហព័ន្ធយុវជនកម្ពុជា ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការគណបក្សប្រជាជនកម្ពុជា ខេត្តកំពង់ស្ពឺ និងលោកជំទាវ ខេង សំវ៉ាដា ប្រធានក្រុមការងារចុះមូលដ្ឋានស្រុកសំរោងទង ជូនដល់ក្មួយៗ និងអង្គពិធីផងដែរ ។

កំពង់ស្ពឺ÷ ក្រុមការងារគណបក្សចុះមូលដ្ឋានស្រុកគងពិសី: សម្រាប់ថ្ងៃអាទិត្យ ៤រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែ សីហា ឆ្នាំ២០២៦ -ឯកឧត្តម សាំង វណ្ណៈ ប្រធានក្រុមការងារគណបក្សចុះមូលដ្ឋានឃុំព្រះនិព្វាន្ត បានអញ្ជើញជាអធិបតីក្នុងកិច្ចប្រជុំជីវភាពគណបក្ស និងត្រៀមផែនការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ ដែលមានការអញ្ជើញចូលរួមពីឯកឧត្តម លោកជំទាវ លោក លោកស្រី អនុប្រធាន សមាជិកក្រុមការងារគណបក្សចុះមូលដ្ឋានឃុំ គណៈអចិន្ត្រៃយ៍បក្សឃុំ នៅស្នាក់ការគណបក្សឃុំព្រះនិព្វាន្ត។

ខេត្តកំពង់ស្ពឺ៖ ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ឯកឧត្តម ឈួរ សុបញ្ញា សមាជិកយុវជនគណបក្សថ្នាក់កណ្តាល និងជាប្រធានក្រុមការងារគណបក្សចុះមូលដ្ឋានឃុំដំណាក់រាំង បានអញ្ជើញចូលរួមកិច្ចប្រជុំបូកសរុបលទ្ធផលការងារគណបក្សប្រចាំខែកក្កដា និងលើកទិសដៅការងារប្រចាំខែសីហា ឆ្នាំ២០២៦ ដែលបានប្រព្រឹត្តទៅនៅមន្ទីរគណបក្សស្រុកសាមគ្គីមុនីជ័យ ក្រោមអធិបតីភាព ឯកឧត្តមបណ្ឌិត អ៊ុក កោសា សមាជិកគណៈកម្មាធិការកណ្តាលគណបក្សប្រជាជនកម្ពុជា អនុប្រធានក្រុមការងារគណបក្សចុះជួយខេត្តកំពង់ស្ពឺ និងជាប្រធានក្រុមការងារគណបក្សចុះមូលដ្ឋានស្រុកសាមគ្គីមុនីជ័យ ដោយមានការចូលរួមពីថ្នាក់ដឹកនាំ និងសមាជិកក្រុមការងារគណបក្សគ្រប់លំដាប់ថ្នាក់។